|
ارشدوني خذو بيدي
بسم الله الرحمن الرحيم
السلام عليكم ورحمه الله وبركاته : اولاً اشكر القائمين على هذا المنتدى ثانياً ببداء في مشكلتي ربما تكون مشلكه من ناحيتي وتشوفونها مو مشكله كل اللي ابيه تنورون لي طريقي وتدلوني للطريق الصحيح انا متزوجه واحب زوجي وحياتنا لاتخلوا من المشاكل ربما بشكل يومي تقريباً ومع ذلك احس اني احبه واحس هو مايحبني كثير احس يحبني شوي او عادي يمكن حياتي مافيها خصووصيه ابداً اي شي يسويه او اي شي يشتريه اي شي يجيبه للبيت ينزل تحت لأهله ويقولهم سوينا وحطينا وجبنا ونمنا الساعه الفلانيه وبنروح المكان الفلاني يعني اذا شاف ابوه وامه قال كل شي تكلمت معاه بهدوء عن هالشي انه يضايقني ومو كل شي يقوله لهم وانه مايرضيه اقول لهلي شي ومن هالكلام قال انتي انسانه غريبه وش فيها الحمد الله والشكر عادي امي وابوي مافيها شي بعدين انا ماقول اشياء خاصه اقول اشياء الناس تشوفها الشي الثاني اذا جينا نسافر ومخططين من قبل يروح يقول لهله طبعاً اهله عادي عندهم جهز الشنطه واركب قبل نمشي بدقيقه هالشي يضايقني وين ماروح بيروحون ابوه خاصه مسويلي قلق اي مكان بطلع يجي وين وين وين الولد يجاوب وعادي عندهم العائله كامله من اوول ماتزوجت وانا مبينه له ان هالشي يضايقني يعني يجي اخوه يدق الشباك حقت السياره على وين طيب تراه بزر بالمتوسط قول مشوار مالك دخل ليه تسال يقول الصدق بنروح المكان الفلاني بنطلع نتمشى يعني بروح عمره مع زوجي اخوه عمره تقريبا 19 والثاني 18 وش يبون مجهزين الاغراض وبيروحون معنا بطلع اتمشى مع زوجي اشوف اخوه الصغير يرتز عند الباب وين بروح معكم فيهم طبع بايخ مافيه استئذان يلبسون الجزمه ويركبون وزوجي عادي ولاكأن شي صاير طيب انا اتضايق مابي ماحب بطلع معاك انت ليه هالناس يعني ياناس ياعالم يركب اخوه اللي بالثانوي معي ورى بالله اي زوج يرضاها على حرمته تركب جنب اخوانه اللي بالثانوي وامه قدام طيب بلاه هالمشوار من ناحيه المشاوير الخاصه مايهمني قد مايهمني السفر احياناً ابكي من القهر الساعه 11 تدق امه وينكم تاخرتوا طيب مو انا بيتي فوق وانتو تحت مالي دخل فيكم رحتوا جيتوا خلاص نرجع بالوقت اللي نبي بعدين قبل تسكر تقول مابي شي بس اشوف وينكم يبرر لامه خافت عشان احنا تاخرنا يرجعني البيت طيب انت مو بزر مقدر انا على كذا نفسيتي تعبت معاه الشي الثالث اعتمادهم كلياً عليه اي شي يصير تعال سو حط طيب البيت مليان شباب مايقدرون يسوون شي والله العظيم حتى سيارتهم تعال ودها الورشه خربانه طيب هو اكبر منهم صح بس هم بعد كبار في سن زواج بس لا لازم كلش هو اللي يسويه ابوه مسبب لي ازمه مايدق الباب ويدخل وانا لابسه يعني فساتين بناطيل تنانير قصيره قدام زوجي صرت اقفل بابي رغم ان ابو زوجي في الاربعينات يعني فاهم هالاشياء بس عادي عنده وربي مايشوفني شي يدخل يكلم زوجي ويطلع حتى مايسلم ولا شي لو ما اجي واسلم عليه وربي ولاكأني موجوده اي مشوار يبون يطلعون له يدقون امش معنا يلزمون على زوجي طيب انا مابي بكيفي زوجي يغصبني اطلع وربي احيانا ارووح معهم ودموعي على خدي يغصبني اروح معهم بر او اي مكان طالعين له الشي الربع والأكثر شي مضايقني ومتعب نفسيتي ومكثر مشاكلي مع زوجي هو المصروف مايعطيني مصروف بدايه الزواج كان اوكي الحين نهائياً مايعطيني يقول تبين شي اجيبه لك اشتريه لك طيب انا ابي فلوس بيدي اروح لهلي وارجع مايعطيني ريال واذا خلص شحن جوالي كأنه يعاقبني ياخذ اربع خمس ايام مايشحن بحجه اني خلصته بسرعه طيب انت تشحن بعشره وانا ماعندي ثابت بالبيت رافض يركب بحجه ان مالي حاجه فيه ابي اكلم امي اشوف اخبار اهلي عشره وربي تخلص بيوم واحيانا ً ابخل وتقعد ثلاث ايام اي شي اطلبه مستحيل يجيبه بيومه لازم اخذ على الطلب اسبوعين ثلاثه اهله يطلبون ساعه الطلب متوفر وربي ما ابالغ يخرب شي عندي بالبيت مايسويه السخانه من دخل الشتاء خربانه المويه دافيه ماتجي حاره ابدا شوي وتبرد اذا تروشت مافكر يزينها اهله خربت غساله اليدين وربي جاب عامل ومارضى يخليه يرقى يسوي السخانه يقول بعدين بعدين مره ثانيه انا مابديت الاحظ انه يوفر طلبات اهله بسرعه الا متأخر وربي كرهتهم وكرهت العيشه معهم وكرهت حياتي بسبته وسبب تفرقته اي شي ابيه يقول امي ماسوت ياخني انا مو جارة امك انا زوجتك طيب اي شي يبونه ساعه ساعتين يجيبه لازم يطلع روحي عشان ينفذ الطلب اذا رحنا السوق امه تشتري يدفع الفاتوره انا قليل اشتري واذا شريت وربي يمن فيها شهر قدام اذا سافرنا يمن فيها لسفره الثانيه ان سفرتك انا عطيتك اقوله حق وواجب وانا زوجتك ان ماسفرتني من تسفر اي شي اقوله مايرضى يسويه لي او بطلع عزيمه ورفض يروح تحت بالصدفه امه تبي هالشي او بتروح العزيمه يلا البسي بنروح خلاص غيرت رايي وربي مره اقوله بصلي التراويح برمضان قال لا مافي مو لازم اول الايام تصلين بالمسجد قلت براحتك بس بكره بروح قال طيب نزل على الدرج شاف امه طالعه وربي قدامي رجع قال يلا امشي امي بتروح قلت لا مابي هونت قعدت اصيح انقهر اي شي ماتسويه امه مايبيني اسويه اذا سوت هالشي يخليني اسويه وينا فيه نظام بزران طلباتي قليل يوفرها واذا ناقشته قال انتي ناكره جميل وجاحده طيب وين الجحود انا اطلبك وترفض يقول عشان رفضت هالطلب خليتيني ماجيب شي اذا تهاوشنا مايرضنا نتناقش بالموضوع يجي يقول اسف ويبوسني وبس اقوله طيب بنتناقش عشان ماتكثر المشاكل وتخف المشاكل شوي علينا يقول بعدين مالي خلق الحين واحيانا يجي يناقش يطلع فيني عيوب الدنيا ويقوم ويطلع مايخليني ابرر او اصحح له الاشياء اللي شافها غلط مثل ماذكرت عيوبه بذكر حسناته عشان تشوفون مشكلتي وين فيني ولا فيه يمكن فيني الخلل طيب لدرجه مو طبيعيه بس عندي شخص ثاني الناس حوليه تحبه بجنون حنون يحب اهله ومايقدر يستغني عنهم لدرجه انه رافض يطلعنا في بيت رغم اني في ملحق فوق اهله صغير مره لدرجه اني كارهة الحياه فيه ومافي امل نطلع بيت لحالي ابداً امه انسانه طيبه مره معي ماشفت منها شي ابد بس الله يهديها تخلي بزرانه يجونا اذا حست ان احنا صاحين من النوم والا قاعدين واذا طلبوا شي ماتقول روحوا لأبوكم تقول روح لخالد اللي هو زوجي لدرجه احيانا يصرف عليهم كل الراتب وربي ثلاجتي فاضيه وبيتي فاضي ويقولي كذابه انا اجيب واذا قلت خف على اهلك بالمصاريف لاتعطيهم كل المصروف يقول وش دخلك اللي لك بجيبه ولا شفت اللي لي مايجيبه يطلع روحي يعني نص الشهر مطفرين وبيتي فاضي واحتياجتي ماجبتها وربي كل مابغوا شي دفع رغم ان حالة ابوه المادية وامه واخوانه كويسه وهو انسان راتبه مو مره والله لو يصرفه صح لكان يكفينا كل الشهر بس مو مقتنع بأي شي اقوله خطأ هو واهله الصح انا مافهم عنده انا غبيه ومالي كلمه اصلاً ولايحترمني ابداً اذا جيت اتقهوى عند اهله يجي يطرحني بالارض ويسوي نفسه يمزح معي وينادي اخوانه الصغار يضربوني ازعل واروح فوق واهاوش وتصير مشكله ولا عليه انتي ماتعرفين المزح اي مزح بالله وين هيبتي واحترامي قدام اهلك اذا قلت شي وشاف امه يمه تبي كذا ويتريق ويضحك يعني بصراحه بدا يكرهني فيه وفيه اشياء مابي ادقق عليها بتعب بس هذي الاشياء اللي تقهرني وتبكيني احيانا ابي منكم تساعدوني صعب اتكلم مع اهلي بيقولون اصبري وبيطيح من عينهم مابي هالشي ولكم مني كل الشكر والتقدير والاحترام |
حبيبتي تعوذي من ابليس ولا تخلين الشيطان يلعب بأعصابك
من كلامك عن زوجك ربي يحفظه لك . شكله ماشاء الله عليه بار بأهله . ولا يبغى يرفض لهم اي طلب وهم متعلقين فيه عشان كيذا اي شيء يبغونه يطلبونه منه وانتي فهميه انكم متزوجين ولما بتطلعون ويا بعض ماياخذ كل العائله انتي وهو بس يعني امه وابوه واخوانه يجلسون بالبيت مالهم لزمه . وذولا الي بالثانوي سلامات وش عندهم راكبين معك متصيغرين اعمارهم مثلا ,, انا كبير استحي لا اركب مع زوجت اخوي . اهم شيء تعالي زوجك بأسلوب . ولا تنرفزينه واذا بغيتي منه اي شيء . لاتقولينه بوقت واحد كل شيء بوقته حلو واحمدي ربك ان اهله كويسه معاملتهم لك . بس كل مافي الموضوع انه مثل مايخاف عليك يخاف علا اهله برضو . ولايبغى ينقصهم اي شيء !! واخوانه الصغار تحمليهم وخليهم مثل اولادك بس لايفلونها وكل يوم وهم عندك . والله يوفقك ويحقق كل امانيك وطلباتك يًارب ويجعل زوجك قرة عين لك |
حبيبتي والله العظيم ان كل شي تقولي صار معايه هذي حياه طبيعيه بعض الرجال يسويها مع حريمهم انا امرضت نفسي من كثر التفكيير والهم واني اقول في اشياء تضايقني لا كن لاحياةةة لمن تنادي زوجك راح يخفف من حاله مع العشره لا تزنين لانه بيعند وهو باقي ماتعود ان هذي حياه خاصه عادي يعيش حياته زي اول مصيره يتعود بتدريج وانتي راح تتاقلمين بالعربي كبر ر ر ر ر ر ي المخده وارتاحلي
|
اختى مافيها شي دايم الشي ذا يصير وبعدين وش فيها ذولا عمامك يعني ماهم اغراب عشان نقول معك حق
ياكرهي للحريم اللي تسوي من الحبة قبة استغفر الله واتوب الية |
والله احس ضغطي يرتفع وانا اقرا اعوذ بالله.. الله يعينك والله حزنت عليكي
من تصرفات زوجك احس ان عمره 25 او اقل الظاهر مرررة مرتبط باهله ومو مستوعب انه اتزوج ومسؤول عن زوجة وهذي الزوجة لها حقوق وواجبات يعني ماعنده ثقافة عن الحياه الزوجيه والخصوصيه المفروض تحصل ووضع حدود للاخرين بس بادب ..والله مادري اش اقولك بس الله يعينك اذا ماققدرتي تغيري زوجك حاولي تتعايشي مع الوضع ولا تتعبي نفسك بالهم والنرفزة والضغط والسكري .. |
اقتباس:
|
اقتباس:
من الأحترام ان الواحد يصير له خصوصيات اتمنى يصير قلبي بارد من هالناحيه لأنها اتعبتني حيل جزاك الله خير ياقلبي |
اقتباس:
لأن اللي عايش غير عن اللي يشوف او تنحكى له لأنه بعيد عن الصوره يكون الحل انسب عنده واذا هم عمامي ومو اغراب ومسويه من الحبه قبه يعني لما زوجك يهمشك وماياخذ برايك وبالاول وبالاخير اهله اي شي تبغيه اهلي اي شي تطلبيه اهلي اي شي تجيبيه يساويك فيهم لو عشتي مكاني ماقلتي اسوي من الحبه قبه لما زوجك يصحى من النوم وتكوني صاحيه قبله بساعتين تنتظري حضرته يصحى ويقوم مايغسل وجهه مباشره ينزل لأهله يدور بالبيت يتفقد احوال الرعيه ويرجع بعد ربع ساعه ويقعد على التلفزيون ولاكأنك موجود سالفه بالموت تطلع منه واذا نزلتي معاه عند امه تشوفي السوالف من كل وادي تجي قصص من كثرها مايسكت ليه متزوج ليه فاتح بيت ليه يخسر اذا هو مهمشك حتى رايك ماياخذ فيه و اي شي تقولينه غلط حتى لوكان صح واذا قلتي شي يجيك يقول انا بداخلي اقتنعت بكلامك بس مابي اسويه لأنك قايلته مابيك تقولين مشى كلمتي اي حياه هذي اسرارنا عند اهله خصوصياتنا عند اهله قبل يشتري شي يروح لأهله اهله قالوا ماله داعي ماله لزمه ماتشوفين هذا الشي لأنه اقتنع ان ماله داعي تظطرين تجيبينه من فلوسك بس عناد ومن قهر بداخلك واسوي من الحبه قبه حبيبتي لما تجربي تعرفي الهم كيف ... اشكر لك تواجدك |
اقتباس:
جن جنونه قال وش قصدك انا ما افهم انتي اللي يبيلك ثقافه مع اني وربي ما اقصر معاه بكل شي من ناحية نفسي ومن ناحية بيتي جزاك الله الف خير ماقصرتي ياقلبي |
يا أختي الله يعينك هذا زوجك وانت أعرف بحالك وحاله..ولكن أختي جربي ما أقوله لك ربما فيه الحل إن شاء الله أولاً انا مقدر ما تشعرين به من قهر وهم وربي يزيله عنك قريب ..أقولك ما دام زوجك متعلق بأهله كثيير أيش رأيك تشاركيننه الإهتمام بأهله وخاصة أمه حتى يثقك بك وبعدين يتحسن أمرك تدريجيا ..يعني لو تشتري انت هدية لأمه ..وأكثري من الثناء والمدح لأهله ولا تحسينه بأنكِ تتضايقي من إهتمامه لأهله لا بل العكس وإذا كنت جالسه انت وإياه قولي له نريد أن نذهب ونجلس مع امك كذا جلسه مع بعض وكأن الأمر طبيعي وبهذة التصرفات والحيلة ربي ينجح الأمر ..يبي منك قليل صبر وذكاء في التعامل وما هي إلا أيام وربي يصلح بينكم ..عليك أيضا بالدعاء والإستغفار وتذكري إن مشكلتك أهون بكثيير من مشاكل البعض ...أسال الله لك التوفيق وحياة سعيدة |
والله انا ايضا رأيى مثل الاخ المتفائل...وانا كنت عايزه اضيف شىء اخر والله انا حاسه بيكى واعلم ان ماتقوليه مؤلم
نعم فيه ناس عندهم مشاكل اكبر واكثر ربنا يعافينا بس ايضا هذه بالنسبه لنا مشاكل تجيب القهر المهم ما اردت قوله لكى وياريت تحاولى تجاهدى نفسك وتفعلى هذا وانك لا تشعريه باءنك زعلانه من تصرفات اهله ولو فى شىء قهرك منه لا تخبريه فى نفس اللحظه ممكن فى وقت يكون فيه مزاجه حلو وتخبريه بهدوووء وعلى طول تكونى هاديه معه ورقيقه جدا واشعريه بضعفك الشديد وانه هو الوحيد اللى ليكى فى الدنيا وهو اهم شىء ودائما ما تتزينى له وان جلس امام التليفزيون وكاءنك غير موجوده بالرغم من تزينك له انتى كما تقولون هاوشيه وتدلعى عليه تذكرى انك انثى وعندك من الوسائل والاسلحه الانثويه ما تجعله يحبك حبا ولكن لا تستعجلى وخلى عندك صبر على هذا فهو زوجك ويستحق منك التضحيه للحفاظ عليه وتذكرى ان اهله هو يعيش معهم طول عمره اما انتى فليس بالوقت الطويل اعتذر على الاطاله ولكن هذه النصائح من دكتوره فى العلاقات الزوجيه وقلت اقولهالك لتستفيدى ووالله عن تجربه....ربنا يصلح حال زوجك ويجعلك قرة عينه |
حبيبتي اسمعي تبغين تبردين على قلبك اول شي اعتبري اللي قاعد يصير امر عادي وانتي اللي قاعده تتعقدين ومحد درى عنك ثاني شي معى العشره زوجك راح يميل لبيته وعياله وينشغل ويكون ماعنده وقت يحكي لاهله يادوب يزورهم ويشوفهم ويلبى طلباتكم واغراض البيت ويصلح هذا وعمل وعيال وملاهي كلها راح تغيره وينشغل والله انا كنت ما اتحرك في بيتي الا وهو متصل على اخته ومعطيها تقارير مفصله واللحين يقعد فتره شهر يادوب يكلمها علشان يسلم عليها يقولك اسالك مجرب ولا تسال طبيب
|
حبيبتي اسمعي تبغين تبردين على قلبك اول شي اعتبري اللي قاعد يصير امر عادي وانتي اللي قاعده تتعقدين ومحد درى عنك ثاني شي معى العشره زوجك راح يميل لبيته وعياله وينشغل ويكون ماعنده وقت يحكي لاهله يادوب يزورهم ويشوفهم ويلبى طلباتكم واغراض البيت ويصلح هذا وعمل وعيال وملاهي كلها راح تغيره وينشغل والله انا كنت ما اتحرك في بيتي الا وهو متصل على اخته ومعطيها تقارير مفصله واللحين يقعد فتره شهر يادوب يكلمها علشان يسلم عليها يقولك اسالك مجرب ولا تسال طبيب
|
اقتباس:
بس بسبته كرهت اي جمعه مع اهله يعني اخذها عاده يعني سويته او ماسويته هو قاموسه مكون من نفسي ابوي امي اخواني بيتهم اخر اهتمامه واخر تفكير فيه انا انا ما ادري وش بداخله ولا ابي اظلمه بس مالي الا الظاهر يعني يقول بشتري بيت لهلي انا فرحت يعني فيه خير بس وش قال نسكن انا وياك بغرفه معهم بنفس البيت ليه اشتري بيتين بالله وش ارد عليه هذا مايفهم ان امي بتزورني واخواني كفايه الحين مايزوروني لأن الدرج يمر من وسط بيتهم كيف يدخلو اخواني علي يمرون من عند امه واخواته بالعربي انسان مايفهم الله يرده لي رداً جميلا جزاك الله الجنه |
اقتباس:
يجي يشوفني كاشخه ولابسه والغداء جاهز والبيت مرتب ومنظف يقول ماشاء الله وش هالزين بس هالكلمه دايم يرددها اول مايدخل واذا جيت اقوله انا اسوي عشانك كذا وكذا يعني حسسني با اهتمامك وسو عشاني لو البسيط يقول حق وواجب اذا ماسويته من بيسويه ليه مايفهم انه له حقوق وان عليه واجبات اللي يفهم ان له حقوق وبس اشكر لك تواجدك جزاك الله الف خير ماقصرتي يا اختي |
اقتباس:
بسسسس زوجي الكبير وتحته 5 اولاد و3 بنات يعني في كل شي الاعتماد عليه وانا شفت حاجه غريبه يمونون عليه اخوانه الصغار يعني يفتحون البوك وياخذون فلوس عادي عندهم بس احنا مانتعامل مع اخواني كذا يعني احس زوجي من ناحية اهله ضعيف شخصيه وقلت له حاول تشد مع اخوانك الصغار يعني اللي يضربك واللي يدفك واللي مسوي فيها قال ماتدرين من داخلهم يحترموني قلت انا مالي دخل بس اهم شي قدامي مابي صورتك كذا ياليت تخلون ميانتكم لما اروح بيتي لأن بكره بيجيك عيال مابي يشوفون ابوهم بهالصوره الله يوفقك يالغاليه ماقصرتي على ردك وربي ريحني كثير |
الله يعينك وأسال الله لك التوفيق
|
مشكلتك ليس مع اهلة
مشكلتك انه قليل الاهتمام فيك نصيحة قيمة وعن تجربة انتي حديثة زواج ومن الطبيعي انه لم ينفصل من اهلة بعد متعلق فيهم لانه عاش معهم اكثر ما عاش معك واي مقارنة بينك وبينهم ستكونين انتي الخسرررررررررررررانه بدون شك طيب نجي للحل اولا انا اقر انة يجب ان يبر بوالدية ولا يرفض لهم طلب نهائيا ولو على حساب نفسة وايضا اخوانة يجب ان يعاملهم بعطف وحنان حتى ولو كانو ذو 5 سنوات فما بالك بـ 16 سنه الحل 1_ بيني انك مهتمة في اهلة مثله واهتمي فيهم كان تعملي حلى قهوه وتنزلي تتقهوي معاهم................. 2_ اتفقي معه يوم واحد في الاسبوع للخروج سويا من دون اهلة وهذا تدريجيا الى ان يشعر انكم لكم حياتكم الخاصة المستقلة 3_ في الوقت المخصص لك حاولي ان يكون اليوم مميز اما بلعبة او مسابقه على حسب اهتمامات زوجك تجنبي منازعته كثيرا في اهلة فوالله سيصل مع الوقت الى قناعة انك تكرهين اهلة وسيبدا من النفور ومن ثم لا يقبل اي شيء منك |
حبيبتى لوقدرتو تسكننون بعيد من اهله احسن لك يمكن متعلق فى اهله زياده عن اللزوم وخلى عندك شخصيه يعنى لو ماتبى تروحى معاهم لاتروحين ولاتزنى عليه طنشى شويه بعض الرجال لوتزنى عليهم مايسوى الشئ اللى تبيه يمكن من الرجال اللى تمدحينه بعدين يسويلك اللى تيى حاولى معاه شوفى زوجك اى نوع من الرجال كل رجال عنده مدخل
وربى يصبرك |
اختي الحل الوحيد قدامك
اعتبري اهله هم اهلك. انتي لو اهلك ساكنين تحت ،، تخيلي بالله ؟!! اكيد راح تفلينها معهم صح؟ وسالفة شرينا كذا واكلنا كذا و و. بالله ماتقوليها لاهلك ؟؟ تاقلمي مع الوضع ، وساعدي زوجك على بره لاهله والنتيجه بر ابناءك به مافي مانع تحطي خطوط حمراء. مثل مايركب اخوك جنبي. وانا ما توقعت انك ترضاها لي والله يوووفقك |
واحمدي ربك انهم طيبين معك
اعرف وحده نفس وضعك لكن الزياده ان خواته ملوسنات وحشريات وقليلات ادب واذا قالت لهن كلمه وحده دخلت في دوامة مشاكل وقيل وقال. وصلت لتهديدهن لها انهن يزوجن اخوهم !! |
اقتباس:
وان شاء الله تتغير حياتي للإفضل جزاك الله الف خير واشكرك لك تواجدك |
اقتباس:
امين يارب وياك |
اقتباس:
وعندي شخصيه بس احيانا يطلق اني اروح طبيعي اروح يعني صعبه اعاند على شي تافه والزنه بحاول اخف منها مع اني ما اذكر اني ازن بالعكس اطلبه با اسلوب حلو امين يارب الله يجزاك خير مشكوره على مرورك ياعسل |
اقتباس:
جزاك الله الف خير ماقصرتي ياقلبي |
اقتباس:
واذا قليلات ادب اقل ادبي ماعندي مشكله بس على حسب زوجي اذا ضامنه بيوقف معي والله بوقفهم عند حدهم بس اذا مافيه امل يعطيني وجه والله وش ابي فيه لا اخلاق فيه ولا في خواته اساساً الشي الغلط عندنا وعند اغلب الناس ان الواحد يتزوج يعيش جنب او فوق او تحت او مع اهله هذي بحد ذاته مشكله انت جايب حرمه من بيئتها وتربيتها واخلاقها لبيئه اهلك واخلاقهم وتربيتهم وعادتهم يعني تبون تفرضون شي على انسانه تعدت سن المراهقه تبونها تغير من كل شي على حساب تتأقلم مع اهلك وان ماعجبتكم ولا تأقلمت معكم سبيتوها وطلعتوا فيها مليون عيب والله اني اقول لامي وخواتي مانبي شي اذا بيتزوجون خواتي الشرط الوحيد اشرطوا لها بيت مستقل بعيد عن اهله وربي اكثر المشاكل يامن الحرمه يا من اهل الزوج الواحد وش له بعوار الراس جزاك الله الف خير اختي ماقصرتي يالغلا |
| الساعة الآن 01:45 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©