لماذا يهرب الأزواج إلى الانترنت
 

السلام عليكم ورحمة الله تعالى وبركاته

موضوع جداً جميل ، ولغة الحوار فيه دسمة جداً ، سأتناولها من إحدى الزوايا تاركاً الزوايا الأخرى لباقي الأخوان والاخوات هنا

أنا أعتقد أن عدم لجوء الزوج إلى زوجتة يدل إلى أنها لاتمتلك المقومات المطلوبة لمشروع " الفضفضة " والمصارحة وكشف كل مايلوج بالصدر ، إما انها لاتفهمة أو أنها لاتستطيع التخفيف عنة ، او يتوقع أنها لاتستطيع حل مشكلتة ، أو يخشى بأنها سوف تلومة ، أو تقوم بفضحة على الأقل عند أهلها ، وهذا كله يدل بأنها بعيدة كل البعد عن زوجها وهو مايثبت فشلها ك زوجة وشريكة عمر .

كل التقدير .

اعتقد ان الارضية المشتركة بين ثقافتي الزوج والزوجة لها النصيب الاكبر في احداث التلاقي او عكسه
والعلاقة بين مساحة تلك الارضية المشتركة علاقة عكسية مع الهروب نحو النت او المقاهي والاصحاب
وهي علاقة طردية مع قوة الانجذاب نحو الطرف الاخر..

وهنا تدخل عوامل الاندماج بين الاثنين لتكوين مسار حياتهما لدرجة الامتزاج او الانفصال الجزئي( النت، الاصحاب)
او الانفصال الكلي ( الطلاق)..

فالاهتمامات المشتركة ومشاركة الزوجة لزوجها في اهتماماته تزيد من جاذبيتها والعكس صحيح
ومشاركة الرجل اهتمامات زوجته تجعله اغلى انسان بنظرها وتحبه اكثر..
يزيد من ذلك درجة الانصات والاهتمام بالمحتوى من عدمه ويدعمه التذكر بكتاب او مقالة عن نفس الاهتمام


موضوعك جداً مهم ومفيد ويعيد صياغة مفهوم العلاقة بين الزوجين من عدة زوايا... اشكرك



وفقكم الله

انا اشوف الزوج اللي يهرب للانترنت
يعتبر ضعيف شخصيه
يفتقد لغة الحوار
غير قادر على حل مشاكله
غير متفهم لطبيعة المراه
يفتقد لثقافة الحياه الزوجيه

اشوفه رجل ينقصه الكثييير

موضوع جميل ومفيد جدا سلمت يداك جوهرة العطاء....



مع كلام مشكلتي زوجتي كلام منطقي جدا واعتقد انو هذا السبب الرئيسي لهروب الزوج

جوهرة العطاء بختلف معاك في هالنقطه ،،

والآختلاف في الرآي لايفسد في الود القضيه ..

أنا بعدين اذا تزوجت ماراح تكون عندي مشكله اذا آنشغل في النت آو خرج مع زملاءه..

لان بالفتره هذي بآخذ راحتي آكثر ..

ويكون معاي فرصه لهوايتي اللي هي القراءه والآطلاع ،،

يكون معاي فرصه آعيد من ترتيب لوكي بشكل أحلى ..

آجهز لنا مثلا عصير فرش أو ايس كريم من صنع يدي ..

آو كيكه حلوووه نسهر عليها ..

التفت للبيت شووي وآشوف وش ناقص وش اللي يحتاج شغل ..

آكلم صديقااتي قريباتي اللي من زمان عنهن ..



يعني آشوف خروجه آو آنشغاله فيه محاسن ...

ولا آنا غلطااانه ..؟؟

اذا غلطانه افيدوني ..

ومشكــــوره ياذوق على الموضوع الرااائع ..

كــــلآآم سسلييم
لو سمحت ممكن تشرح لي طريقة التخفيف عنه؟
أتقن جيدا التخفيف على البنــآت..بالإستمـــآع وعدم المقآطعه ثم طرح الحلول لهن
هل يختلف الحــآل عند الرجل؟

يآحبي لك ويآجعلك تعرسين قبل مــآ عرس ^_^
طيب إذا أخذتي وآحد دآيم برآآ ولا ارربع وعشرين سسآعة عالنت وش بتسوين؟
ولآ أخذتي واحد بيتوتي مــآينشغل إلا بك وش بتسوين؟؟

ياناسو ياناسووو على اللي تدعي لي ..:d:d..

لا.. آنا آبيك انتي تتزوجين قبلـــي .. عشان آخذ من خبرتك << الدنيا مصالح هههه

وحراااااام عليك ماعطيتني حل وسط ..

يــا أني مأشووفه بالبيت ..

ولا مقابلني آربع وعشرين سااعه ..

سمآ خااافي ربك فيني ... تبغيني آنجــــــن هههه

عيوني تحكيني

كلنا كنا انقول جذي
نبي الزوج يطلع
عشان انرتب وانعدل وانتسنع
ونسوي العصير الفرش والكيك
والحركات والبركات
واخر شي تنامين عالكنبه
واسم النبي حارسو لسسسسه ماشرفش!!!

نصيحه يا عيوني تحكني
زوجك على ماتعوديه
لاتخلينه يطووول وهو براااا

هههههههههههههههـ يآلبآآك ياعيوني
أنآ تملكت خلآص بس مطولة شوي عالزواج وشكلك بتجيبين عيال وأنا باقي ماعرست خخخخ
يآهي عندي خبرة كآني وحدة متزوجة لها سبعين سنة هههههههههههههـ
مآخليت لآكتاب ولآدورة لها علاقة بالزواج إلا حضرتها عشان ابدأ على اسس قوية
ولليوم وبكــرة نجلس نتعلم ونستفيد من اللي حولنآ
واهـــم شيء تتقني فن حل المشكــلآت
وكيفية التعــآمل مع النــاس ومن ضمنهآ الزوج
>> أحيآنا اروح اتفلسف على امي شوي اقولها يآمــآمآ مايصير تقولين لابوي كذا في طريقة احسن
يآماما إذا ابوي معصب هدييه لآتخلينه يعصب اكثر
عاد تقولي وخري عني مآبقى إلا انتي تعلميني هههههههههههههههههههـ
بس سبحآن الله مع العشرة اكتشفت مفاتيح ابوي وعرفت له :d

بعدين في حلول لنوعين (=
إذا كــآن مشغول على طول
ممكن تشتركي إنتي وهو في ريــاضة معينة المشي مثلا أو تطلعون فوق بيتكم وتشوون عالفحم^_^" أو منآقشة كتاب مسوي ضجة في السآحة
وتصير عــآدة يوميه أو اسبوعية وإذا تبغي حل طويل المدى اشغليه يبني لكم عمارة:d
وإذا كــآن بيتوتي ومــآيخرج
ولآ ابسسط منهــآ اتفقي معــآه على يومين في الأسبوع تكون أيــآم الدلع حقتك تحددينها من العصر للمغرب مثلا
لآيطلبك في شيء ولا يسأل عنك ويخليك على راحتك ..عاد إنتي دلعي عمرك بخرابيطنا يالبنات
خلي شعارك دآئما وابدا مــآفي مشكلة إلا ولها حل (=

الله يرزقك الرجــل الصــالح اللي يسعدك
ويرزق بنــآت المسلمين

ناآااني خوفتينــــي يالدوووبه ههه

بقولك ،، آنا ماراح آخلي آبو الشباب يطول بسهرته ..لا ياقلبي

الين آخلص شغلي في البيت وآستلمـــه بمسجات تخليه يقول

حرااام كسرت خاطري خلاااص برجع للبيت ههه

هاااه وش رايك فيني كذا صـــح ؟؟؟

..
سمآ ..الله يوفقك ويتمم لك علي خير عاجلا غير آجلا ..

وبالنسبه للثقافه تعجبيني لاتخلين ولاكتاااب الا وتقرينه

عشااان نحجرهم بعدين ومايلعبوون علينا هههه

..

والله انتي اللي تكسرين الخاطر خففي شوي من هالنظرة التفاؤلية
انتي وين والزواج وين ترا مو كله كذا
فيه اشياء كثييير ترفع الضغط وتنرفز
وفيه اشيااا تحوم الكبد وتسد نفسك عن انك تنفذين شي من هالافكار الوردية
ياليت ربي يوم خلقني عطاني شي من قسوة الرجل وعناده :(
بعض الرجال ما ينفع معهم الدلع واللين وان صبرتي عليه
جااك جلطة ،
والله انا اشوف انها توفيق من ربي اولا وآخرا
ولا نتعب نفسنا ولا شي ..
نخطط ونحلم ومن زود الغباء نتثقف عن هالانسان وش يبي
وشلون نتعامل معه وهو سلمه الله يعطي اذونه لعيال الاستراحه
ولا نصايح الأولين اللي اغلبهم جهلا .
لا وزادو عليها بلعانة هالجيل
يالله حسن الخاتمة بس الواحد كبده حامت من ذا الدنيا
:(

انا أعتقد من وجهة نظري الشخصية أنه أحيانا
تمر الحياة الزوجية بفترة ملل وروتين قاتل
نوعاً ما بسبب جلوس الزوجين مع بعض وإعادة نفس
القضايا او الحكايا ولايجددون في المواضيع المطروحة
بينهم.. سواء وقت الأكل أو أثناء الجلسات المعتادة
بينهم بطرح مشاكل الأولاد أو أهلك سووا
او جيراننا او المقارنات البايخة اللي تصير
فلانة زوجها جاب وانته ماتجيب.. فتخلي زوجها
يكره القعده معاها أو يتحاشاه بالجلوس على الانترنت
أو الهروب خارج البيت ليجد متنفس مع أصحابه
بالحديث عن الأشياء المحببة لقلبه..
فلو فهمت الزوجة كيفية تحبيب الزوج بالجلوس
معها بأن تتحدث معه عن الأمور المحببة لقلبه
سواء كرة القدم أو الشعر أو السياسة أو..
ولو تكلمت بجملة فقط مما هو ينجذب له من هوايات
فستكون فتحت على نفسها باب لن ينسد من الكلام
.. وراح تطرح موضوع هنا "ألحقوني زوجي
بالع راديو.."
المشكلة فقط في نوع الأحاديث المطروحة بينهم
وفي توفير المكان والجو المناسب لهكذا جلسات..
ولا تلومين الأزواج فقط فالزوجات أحيانا يتهربون من جلوس
أزواجهم بالنت أو الأيفون..
تقبلي تحياتي

الفردوس غايتي ..
ياليتني جنبك وأنتي تكتبين لي و أعطيك قرصـه وش قوووها على يدك

عشـات تتوبيـن بعد كذا وماتعطيني معلومات تعقــد <<< قووويه ههه امزح ياعمري ..

شوفي يافردوس ..النظره التفاؤليه مستحيـل ألغيها أو أخففها لأن هذي وصية الرسول صلى الله عليه وسلم ..

ثانيـا ..أكيد الحياة الزوجيـه ماراح تكون كلهـا حب في حب ..

طبيعي راح يتخللهـا شي من المنغصـات وأتوقع الشي هذا راح يكون في البدايه

أليـن أفهمـه ويفهمنـي وبعدين نقدر كيف ندير حياتنا بتفاهم أكثـر ..

وان حدث لاسمح الله بعض من المشاكل ..

فـ المشاكل أحيان يكون فيها حلاوه

وكـل طرف منهم يعرف قدره عند الطرف الآخر ..

لأن بعد المشكله يكون فيها شووية تباعد وبعد كذا كل واحد يحن لثاني ..
..

جوهـرة العطاء ..
أدري ودك تجين اللحين وتعطيني كم طرااااق ههه

من كثر قرقرتي في صفحتـك ,,

معليش ياقلبي سامحينـي وهذي ورده مني لك

يالله خوووذي الورده ليش أطالعين فيني وأنتي زعلانه ههه

فـديت والله أنتي وموضوعك القيــم جدا ..

ام محمد بارك الله فيك وشكرا لمرورك
عيوني تحكيني اهلا بك ولكن الجلوس على النت له حدود
اي لا تكون على حساب اسرته او يكون جلوسه زي الادمان

سما -الفردوس غايتي
اشكركم على مداخلتكم واسعدني مروركم وطرحكم