|
مشكلتي و رسائل sms مع زوجي
اخواني واخواتي سلامىالله عليكم وبعد
حبيت اعرض الموضوع دا لانه بصراحه انا باعاني مشكله في اسلوبي في التعامل مع اي موقف سئ يعدي علي مع زوجي اعند حصول اي مشكله بيننا ف هو يعمل واجد من امرين يايعصب يا يطلع من البيت وانا يا ابكي يا ارسل رسايل بعد مايطلع وبصراحه دي الحركه بتسبب زياده في المشكلة بدل من حلها ابغى اعرف كيف اتركها حاولت كثير بدونىفايده زوجي متضايق منها وخايفه اخسره بسبب هذا الشي ممكن تكتبي يا اختي تجاربك مع شريك حياتك في مثل هذه المواقف ماذا تفعلين؟ هل تسكتين ؟ هل تعطيه ظهرك وترحلين؟ ام تجلسين وتلتزمي الصمت حتى ينتهي ؟ ام تجادلين حتى يمل ويخرج ؟ ام تذرفي دموعا حتى ينتهي النقاش؟ وان خرج وتركك مقهورة على مادار بينكما هل تجلسين بهدوء؟ القرأن يهدئ النفس ويطرد الشياطين ام تلجأين الى اسلوب اخر حتى تريحي به نفسك المظلومه؟ انا ان خرج احاول اهدا واقرا المعوذات واستعفر ربي لكن الشيطان همه الوحيد ان يفرق بين المرء وزوجه فتلاقوني افتح جوالي وارسل رسايل بعض الاحيان في المشكله وبعضها الاخر جارحه بعض الاحيان يرد علي ولعض الاحيان يتركني دون رد هذه احسها مشكله فيا وابغى اتخلص منها ممكن نفتح مناقشه لعل وعسى نستفيد |
لمآ تصير مشكلة وتختلفوا في الرأي ..كيف اسلوبك معه(اثناء فترة الانقاش)؟
|
نتناقش عادي في بداية النقاش يكون الجو عادي بس بعض الاحيان ياخخد منحى جدي ويصر على رايه وتلاقيه يعصب وانا اسكت بعض الاحيان اروح غرفه ثانية واتركه وخلاص ينتهي كل شي لكن ان خرج وجلست لحالي تلاقيني افتكر ومارديت عليه وقتها ما فاجلس اكتب رسايل لاني
ما اواجهه في اغبب الاحيان |
الله يصلح بينكم ان شاء الله وجميع المتزوجين
اذا زعلتي معه خذي جوالك وحطيه بعيد عنك حتى تهدين عشان ماترسلين خذيها نصيحه مني رسايل العتاب تزيد المشاكل مو بين الزوجين وبس حتى بين الاخوان والاصدقاء اسلم طريقه انك تحاولين تمسكين اعصابك حتى يخلص زوجك من كلامه وبعدين تروحين وتحاولين تهدين خذي نفس يعني شهيق وزفير واستغفري واذكري الله راجعي الي صار وبعدين لماتحسين زوجك هدأ اجلسي معه وتناقشوا بهدوء وحاولي مايطول النقاش لان الرجال بشكل عام يحبون الاختصار مو مثلنا يالحريم نحب الهذره ههههههه وهالكلام اقوله لنفسي قبل لا اكتبه لك عسى الله يصخركم لبعض وجميع المتزوجين بالتوفيق |
انا اذا حبيت امنع نفسي من شئ ونففففففسي اسويه احلف واقول والله العظيم ماني ساوتها ..مثلا دخول النت من الجوال كانت تعملي مشكلة مع زوجي لانه كذا مرة منعني من استعمال النت بالجوال لاسباب معينه وبعد كل وعد ارجع للحركة وترجع المشكلة الى ان حلفت وقلت: الله يغضب علي اذا دخلت النت بالجوال ومن ساعتها ما دخلت ..شهوووور
|
اقترح تغيير اسلوبك في كتابة الرسائل
من العتاب السلبي للعتاب المحبب كل زوج فيه نزعة جميلة نحو زوجته حتى في ساعات الغضب لا ينساها ولكن كثير من الزوجات يهرسن تلك النزعه مثل هرس البطاطس انتي لا تهرسي علاقتك مع زوجك حولي اسلوب كتابتك نحو الايجابية او اقلها اوقفي بعث المشاكل من جديد لان الساعات التالية للمشكلة حساسة جداً وزوجك بخروجه يكون اقفل على المواجهة التي ولدت تلك المشكلة .. وانتي حتى وهو بعيد عنك تثيرينه..!! معقول..!! حولي اسلوب كتابة رسايلك عشان تجذبينه مو تنفرينه منك وفقكم الله وسدد بالخير خطاكم |
مرحبـــا ،، حبي نادر ..
آنا موو متزوجه <<< برا بــرااا لا لا بجد بقولك رآيي يمكن يفيدك حتى لو كان من وحده غير متزوجه ترا عندنا تفكير آحسن منكم يالمتزوجااات <<< لا اللحين بيسحبووني بالونش هههه ،،، شوفي انـــا برآيي اذا صار بينكم نقاش حاااد جدا وطلع من البيت زعلان .. وش تسوووين ... على طوول خوذي ركعتين واطلبي الله بسجودك اللهم هد النفووس بننا وكرريها ثلاث مرااات ... وبعد كذا خوذي لك شآااور خفيف وآلبسي آحلا لبس عندك .. وبعد ماتخلصين ترتيب نفسك آجلسي خوذي نفس عميييييييق وكرريها عشر مرات .. وتذكري مواقفه الحلوووه معاك .. على طول بتحسين براحه وبشووق له .. وبكذا نقولك آمسكي جوالك وآرسلي له مسج فيه عتااااب المحب .. وتختمينهااا بكلمه حلوه منك .. ووووبس هاه وش رأيك بكلامي ... آنفع انصح لي أحــد ههه ،،، موووفقه يارب والله يبعد عنكم المشاكل .. |
اقفلي جوالك على طووووووول او بدل ما ترسلي رسائل عتاب تقهر الواحد رسلي رسائل عتاب المحبين وهذا انسب حل لمشكلتك حبيبتي
ربنا يبعد عنكم الشيطان ولكم التوفيق |
انت ترسلي له لأنك مو فاهمة سبب خروجه من البيت .
هو خرج حتى يعطي نفسه فرصة يفكر صح وحتى ما يقول كلام يندم عليه بعدين .. هل من المعقول انك تلحقيه بالمسجات تكملي النقاش والعتاب وتجبريه يقول لك كلام قاسي؟؟؟؟؟؟؟ |
انا والله عارفه انه غلط بس ابغى حل ابغى اغير الطريقه دي وابغى اقرأ نصائح الاخوات
|
اقتباس:
مشورتك صحيحة وواقعية وسهلة التطبيق.. وأنا شخصياً استفدت منها.. حبي نادر.. الله يصلح حاللك ويسخركم لبعضكم.. |
غاليتي ما رأيكـ تبحثي في النت أو أنت تسجلي في المفكرة في الجوال الآن وتجمعي رسائل عتاب المحبين تروق لك وعندما لا تملكين إلا أنكـ ترسلين تجدينها قريبة منكـ ليس عليكـ إلا النسخ و اللصق أسأل اللهـ لكـ التوفيق في الدارين ،،، |
حبيبتى احسن شيء انك اول ماتحسين انو النقاش صار حاد بيناتكم حاولى اشغلى نفسك باى شيء رتبى البيت سوى اى شيء المهم تروحى من قداموبعدين اول مايروق تعالى بأسلوب حلو حبيى كذاااااااااا الى
اخره وهو حيسمعلك بس حاولى ماتتناقشى معاه فى نفس الوقت عشان مايروح ويخليكى بين نارين ماتكونى قلتى اللتبى لاتردى عليه خليى لمن يروووووووووووووق ويهدى ربى يسعدك ان شاءالله |
اقتباس:
:22: معاكي ياغدوية |
رسايل عتب المحبين ولا تكثرين وحده بس تكفي ومو كل مره خليك بعض المرات غامضه لا ترسلين شي ابد
بيرجع البيت بيطالع بملامحك بنظرات مسترقه وانتي كوني طبيعيه ولا كانه صار شي واذا فتح موضوع الزعل معاك جاوبي بكل اختصار قولي مثلا انا كان قصدي كذا وكذا فقط واسكتي وبنفس اللحظه سوي حالك مشغوله بشي وبالنسبه لموضوع كيف تسيطرين على نفسك وتمنعيها من كثرة الرسايل انا اقول بتقدرين توقفينها بالكامل ان اردتي ذلك فقط عندنا تحبين نفسك وتعتبرين زوجك جزء صغير من عالمك وليس كل عالمك ردي لك من واقع تجاربي مع زوجي ليس اجتهاد رأي ارتحت كثييييير لما جعلته جزء من حياتي وليس الكل |
مشكورين راح اتبع نصايحكم باذن الله.
|
استبدلي الرسايل بالاستغفار ،،استغفري الله من خروجه زعلان من البيت حتى يرجع وبعدها ادعي لي..وخلي عنك الجوال والsms
|
اكبر غلط ترسلين رسايل وقت الازمة
اذا صارت مشكلة قومي توضي واستغفري لين تهدأ الجوال لاتقربينه ابدا ........... ودائما قولي في نفسك رسايلي تنزل من قدري عنده فليه اارسلهااا وللا تخلين زوجك اكبر همك في الحياة بالتالي لاصار زعل ونقاش ماراح تتضايقين كثيرر اجعلي هدفك رضا الله عز وجل .... وقومي بحقوقك كاملة ولاتجعليه محور اهتمامك تتعبين بقوة |
شوفي انا عن نفسي بالاول احاول اشرحله المشكله لكن اذا هو مرررة معصب التزم الصمت واسمع له باهتمام وشويتين خوف اكثر لين ماينتهي من مخاصمته انا زوجي يقفل الغرفه ويجلس لحاله ياويلك اذا قربتي وانتى زوجي يختصرها ويخرج مع ان زوجي احيانا يسويهاا في هذي الفترى اقل شي نصف ساعه او ساعه واحيانا اذا بليل اخليه لين ينام واحيانا تطول ايام مرررة ما اكلمه لانه ماحيتقبل اي شي لين يهدا وبتلاحظي ذلك من ملامحه ابتسامه منه يعنى انه خلاص نسي عندها يااماا اشرحله وابكي او ازعل وهذا كان بالاول او اضحك وانسى وخلاص ومن قلبي انسى او ازعل منه كمان كم يون فاول دورة بالزعل ولهدي اخذ دوري كم يوم وهذي اللي اسويها بالفترة الاخيرة شكلها من اثار الحمل ينرفزني صاير
|
مشكورين راح اجرب المكتوب وارد لكم بالنتايج
|
| الساعة الآن 11:44 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©