|
ما رأيكم باشتراط مؤخر الصداق في عقد النكاح ؟
السلام عليكم ورحمة الله وبركاته ما رأيكم باشتراط مؤخر الصداق في عقد النكاح ؟ أنا خبرتكم إن ملكة أختي قربت وتناقشنا بخصوص الشروط مع الوالد المهم أنا في ملكتي اشترطت شروط عادية دراسة ووظيفة فقط ( أنا تزوجت منذ حوالي 12 سنة ) بس أحس هذه الأيام الشروط صارت غير كافية والدنيا تغيرت المهم من ضمن الكلام جاء موضوع المؤخر ورفض الوالد كتابته يقول ما له داعي يشوف إنه عيب أنا قلت له اسأل الشيخ اللي بيملك لها عن حكمه ترى ناس كثير تشترطه الفترة الأخيرة ولو كان جائز اشترطه في العقد أختي شروطها عادية دراسة ووظيفة لو رغبت يعني مثل شروطي قلت له اشترط السكن المستقل قال هو قال لي سكنها مستقل قلت مو مشكلة جزاه الله خير بس هذا ما يمنع إنك تسجله بالمختصر المفيد الوالد ما يبغى شروط غير الدراسة الجامعية والوظيفة :29: أختي عندها شروط ثانية بس ما أظن الوالد بيوافق لها كل ما قلنا شئ قال عيب في حقي ما راح أشترطه :30: وش تشورون علينا هل هذه الشروط كافية ؟؟؟؟؟؟؟ هل ترون أن اشتراط المؤخر عيب في حقنا ؟؟؟؟؟؟؟ هل تشترطون مهر معين ؟؟؟؟؟؟؟؟؟ حنا من عاداتنا ما نشترط مهر معين بس المعروف عندنا 50 أو 45 ألف إذا كان الزوج من الأهل والقرايب بس بعض قرايبنا لو تزوجوا من غيرنا فوق 50 ألف واللي خطب أختي ما يقرب لنا بس ترى حتى لو ما يقرب لنا تقريباً ما نطلب أكثر ( أتكلم عن والدي ) يعني حالها من حالي بيكون 50 ألف مثلي أفيدونا أفادكم الله |
إيه شرط ضروري مع أني إلي عندنا مثلكم ماعندنا شروط وظيفه ودراسه
لكن من الشروط الضروريه مؤخر الصداق وزياد مايتزوج عليها صدقيني ماينفع إلا كذا الله يوفقها |
اقتباس:
مشكورة على مداخلتكِ طيب كم نشترط في المؤخر ؟؟؟؟؟؟ يعني مثل المهر 50 ألف وإلا 100 ألف ( أختي خيالها واسع ) تفكر الوالد بيطاوعها :26: سمعت عن شرط عدم الزواج عليها بس أنا نصحت أختي ما تشترطه تعرفين بعض الرجال لو يبغى يتزوج من وراء زوجته بيتزوج يعني الشرط تبله وتشرب مويته وراح يعتبر الشرط مثل لوية الذراع ومو كل الأزواج يقدر هذا الشرط ويحترمه وبعدين تقدر الزوجة بالعشرة الطيبة راح تنسيه شئ اسمه أتزوج عليها خصوصاً إذا صار يحبها يعني هذا الشرط أقدر أحققه بالمعاملة الراقية معه ( طبعاً في حالات شاذة من الرجال ما يبين معها ) بعدين الزوجة ما تضمن إنها تخلف له ذرية كل شئ بيد الله سبحانه ويمكن تستغل هذا الشرط وتمنعه من حقه في الذرية ( مجرد رأي ) |
- بالنسبة للسگن آلمستقل گان شرط أساسي بآلنسبة لي ،
مع اني سآگنة بمنطقة ثانية عن أهلي وأهله فطبيعي راح أسگن وحدي بس شرطي انه يگون سگن مستقل بأي مدينة ننتقل لها لأنو گان فيه احتمال نرجع لمدينة أهلنا حتى أهلي بالبداية اعترضو عالشرط لگن بعد ماتزوجت زوجي قال بصراحه لو ما اشترطتي گانت فگرة اني اسگن مع أهلي واردة جدآ ، فيا عزيزتي خليها تشرط الي تبي هذا من حقها دام انه شرطها بحدود الدين ليش لا ، أما مؤخر آلصداق احنا مانشترطه ، الله يوفقها ويوفق الجميع . |
أفتكر خطيب أختي بعد ما ملك عليها
كان يقول لها أبوك شديد وما ينلعب معه شرط عليه الدراسة وسكن شرعي والمهر اتفقوا عليه ... وعطاه محاضره حلوه في حسن التعامل معها ونفس الشي أختي الثانية وكان خطيبها يقولها ماعندي إلا ابتسم وأهز راسي بالإيجاب اني موافق على شروطك وإن كلامك يا عمو أحلى كلام يقولها أبوك يروع وأكلم نفسي وأقول إنا لله هذي لو ازعلها وش يفكني من أبوها وكلهم الإثنين اتفقوا على إن الموضوع زاد في نفسهم وإن قيمتهن زادت وإن هالأب عنده جواهر ثمينة مو بنات بيزوجهن والسلام.. والسكن الشرعي مهم أما المؤخر ما تاخذه إلا في حالة الطلاق الله يكفينا والمسلمين الشر وش بيفيدها بعدين؟؟ إلا إن كان تقدم سوء الظن في حياتها من الآن وانه ممكن يلعب بذيله ما أدري عنها إذا عندكم شك فيه من الحين تخارجوا أحسن.. |
مؤخر الصداق ما احب هذه الفكره :28:بس شو رايك في ضرورة اشتراط دراسة الماجستير والدكتوره واشتراط العمل والوظيفة هل ضروري او لا خاصه انه في فترة الخطوبة مؤيد ولا يمانع بل يشجع بس ربما يتغير بعد الزواج |
وعليكم السلام اتكلم عن نفسي شروط عمي كانت الدراسه والوضيفه حسب رغبتها
اما اخوي خطب وقالو يبغون موخر فللاسف ماتم شي بسبب الموخر فاشوف ان الواحد يتفاول خير يعني باذن الله راح يعيشون بسعاده راااي الشخصي انا لو طلبو مني موخر اشك في وضعهم كانه تجاره مو زواج وحياه مررررررررررره مو داخله راسي فكره الموخر :d اخير اتمنى لها ولكل مقبل على الزواج التوفيق والسعاده دمتم بخير |
اقتباس:
أشكر مداخلتكِ المؤخر حنا ما نشترطه وما نؤيده يعني نتفائل خير لكن سمعنا كثير يشترطه عشان كذا سألت حبيت أشوف الآراء شروطنا هي الدراسة والوظيفة فقط |
اقتباس:
أشكر مداخلتكِ أنا بكلامي ما قصدت سوء الظن أو شك بشئ فقط أستفسر عن الشروط هم ناس والنعم منهم تشرفنا بمصاهرتهم والله يديم المحبة بيننا بس سؤالي بسبب كثير سمعت اشترطوه فقلت أسمع آراء حوله |
اقتباس:
فعلاً عرض الخاطب علينا أنه يوافق على اكمالها الماجستير لو أرادت أهم شئ عند أختي تدرس الجامعة ولو حصل تكمل بعده خير على خير واشترطت الدراسة والوظيفة فقط |
اقتباس:
تم الاتفاق على الشروط ( الدراسة والوظيفة لو رغبت ) وتم الاتفاق أن السكن مستقل مع ما يحتاجه ذلك من التزامات أبشركم وصل المهر أمس أكثر من 50 ألف من دون ما نطلب يعني أكيد سألوا عن مقدار مهور بناتنا وأعطونا أكثر من لو كان الخاطب من الأهل والقرايب لم يتم التطرق للمؤخر إطلاقاً أهم شئ نشتري الرجال وهم بالفعل والنعم فيهم وبيض الله وجوههم والله يتمم على خير |
ي حبيبتي خلينا نكون واقعيين
من وجهة نظري ماهي حلوه نحط الطلاق بالحسبان ونششرط المؤخر ،، غير كذا والله لو يهتوي الطلاق الرجل وفيه مؤخر ماوده يدفعه والله ليسود عيشتها لين تطلب الخلع ويكون بدون مؤخر،، انا وماقول خليك مثلي لا بس باتكلم عن قناعتي اشترطت مهر وسكن مستقل طبعا المهر شي ضروري نحدده ونجهز به السكن المستقل ماهو لحاله يتقيد به لاحتى اهله فيكون حاط بباله السكن مستقل والشرط هذا من اهلي لو صار خلل فيه راح يتدخلون الاهل ،، اما الوظيفه اخواتي اشرطي وظيفه والادراسه ،، وش الفايده اشرطهم اسم انه شرط ولو ماهو مقتنع والله راح يجنني ويستقعد لي ع الرايحه والجايه ،، يعني مافكرت اشترط هالشرط انا اقنعه بيقتنع وبيكون من طيب نفس بدون شروط والا ولازم انا اشترطت وتشين النفوس ،، غير كذا اختي مشترطه وظيفه ولاتوظفت زوجها يقولها تتوظفين واطلع ومالقاك واولادنا وين نحطهم الخ من الكلام ماجبرها هو بس مايدها وقالها كلام يقنعها ،، القرار لك اكيد وهذا مجرد راي بالتوفيق * |
الواضح ان ردي جاي متاخر وماله داعي خخخ
بس تركته للفائده :) |
أستفدت منك يادلوعه جاوبتي على سؤالي
الله يجزاك خير |
| الساعة الآن 09:04 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©