|
ألتهاب الكبدي الوبائي (ب)، وأثره على الزواج .....؟ عااااااااجل
بسم الله الرحمن الرحيم
كما هو معلوم لدى البعض اني ولله الحمد خاطب وتمت النظره وتم الاتفاق على أغلب الامور، ما لدي لأطرحه هنا أني عندما ذهبت اليوم لأستلم النتيجه جلس الدكتور يسألني عن عمليات قمت بها أو أمراض أصابتني ، وتمت الاجابه عن كل شي وقال انت سليم ما في الأمر أن البنت مصابه بمرض ألتهاب الكبدي الوبائي (ب) ايش رأيكـ أنت كرجل أو رأيكـ أنتي كإمراءه .... وأتمنى ردود إيجابيه تخدمني لأني في حيرة م أمري .... تحياتي |
التهـاب الكبد الوبائي (ب) ..
هنـاك أشخاص تسـتطيع أجسامهم طردة والتخلص منه . وأشـخاص للأسـف يتطور ألأمر معهم .. .. تحدث مع والدها عن النتيجه التي صارحك بها الدكتور وبأيصال الخبر لهـا .. قـد تكـون لاتعلم هي الأخـرى بمـا تحملـه .. .. ونصيحتـي أطلب تأجيل الزواج حتى تتعالج وبأذن الله ربي يكتب لهـا الشفاء .. . . مـوفق يارب .. |
اسئل الدكتور هو اخبر بالاشياء هذي
|
ولد خالي عنده هالمرض واعتقد والله اعلم ان زوجته اخذت تطعيمات
والحين هو عايش بخيرر مافيه شي وعنده ولدين وبنت الله يحفظهم له لكن يظل الدكتور اعرف منا بهالاشياء بالتوفيق اخوي |
تأخذ لها علاج
وانت اتوكل على الله وتزوج وهي تستمر على العلاج للتخلص من هذا المرض الله يوفقك وييسر امرك. |
هذا المرض ليس له علاج شافي عند الاصابة حتى اليوم... فيه علاجات تقلل من حدته والفايرس المسبب لالتهاب الكبد الوبائي ب ( الأكثر انتشارا في السعودية حوالي 23% (ان ماخانتي الرام الي بمخي )من الشعب مصاب واغلبهم لايعلم) ينتقل عن طريق الدم والجنس ومشاركة الأمواس والإبر وللجنين من مه اثناء الولادة والوشم وادوات الاسنان الغير معقمة وبالنسبة للحريم و خاصة في مجتمعاتنتا اتوقع ان الغالبية يجيهم من محلات الكوافيير بسبب
مشاركة الادوات الحادة فالحريم يحبون يصنفرون الاظفر ويحكون الجلد الزائد عشان يطلع شكله فخم والكوافيرة الي قليلة خبرة بالطب تقوم ترش على الاداة بالكولونيا وتولع فيه نار لكم ثانية والوحدة تحس انه تعقم (وهو نفس مايفعله الحلاق مع الرجال ) ..علميا ... تعقيمه بالمستشفى باستخدام جهاز اسمه الاوتوكليف (مثل القدر الكاتم) وحرارته تصل الى 85 درجة مئوية لوقت لايقل عن 15 دقيقة عشان تقتل الفايرس.. خطورة المرض تكمن ان المصابين المزمنين فيه ينتهي بهم المطاف بنسبة عالية الى تليف الكبد و سرطان الكبد + اصبابتهم بالتهاب الكبد الوبائي د والي مايجي الا مع الوبائي ب ويسبب التليف. بالنسبة لغير المصاب ... الوقاية بالتطعيم فعالة الى 90 بالمية تقريبا. -معلومة لست متأكد منهاا : الظاهر اذا كان احد الطرفين مصاب بالوبائي ب فالمأذون مايكتب عقد النكاح .. اما الوبائي ج فيكتب النكاح والمعذرة ان اخطيت بالمعلومة لكني عزوبي لهالحين .. والله يكتب لكم الخير والفايدة. |
كتبت رد طويل وانمسح
يااخي لاتخاف اعرف كثير تزوجوا وهم حاملين فايروس بي وفي فرق اذا كان حامل فقط للمرض وهنا يكون الفايروس خامل ولايضر سوا انك ستاخذ تطعيمات ثلاثة الاولى في اول شهر والثانية الشهر الثلني والثالثة بعد ستة شهور وهيا عليها فقط ان تسوي كل ستة شهور تحليل انزيمات الكبد فقط اعرف وحدة والان متزوجة حاملة للفيروس اي انه خامل وزوجها فقط اخذ تطعيمات وهيا راحت عند افضل دكاترة وقالوا لها نفس الكلام ولمن تحمل اول ماتولد وقبل ماترضع ولدها يعطوا البيبي تطعيمة وانتهى الموضوع واعرف اثنين رجال طلعوا حاملين للمرض والان متزوجين ومافي اي شئ من اللي انقال من تليف وغيره الا اذا ظهرت اعراض انه اصبح نشط من اسهال الله يكرمك واستفراغ وسد الشهية واصفرار واعرف واحد من قرايبي كان بين الحياة والموت لانه كان عنده نشط واستخدم ابر واستمر على شرب حليب الابل مع بولها الى ان اصبح عنده خامل والان هو مملك ماشاء الله واعرف مستشار اسري قالي انه حامل الفايروس له اربعين سنة وعنده احفاد ولا اثر هذا الشئ في حياته لكن التليف والسرطان يجي اذا كان نشط والواحد اهمله الى ان تتاكل الكبد وصلى الله وبارك على سيدنا محمد |
اختي : عيوني تحكيني
بصراحه من ناحية تأجيل للزواج ما فيه مشكله وبصراحه ارجو ان الدكتور يكون طرحه او طريقة شرحه للمرض تكون سليمه ولا يخوفها و من ناحية أبو البنت فأنا انتظر رده لانه راح هو والبنت اليوم للمستشفي ... وانتظر جوابهم ؟؟ أميرة مكه : الدكتور اللي دخلت عليه كان طيب ويحاول يفهمني بعض الأشباء عن المرض وانه ما يدري الا الطبيب المختص ويدرس الحاله كويس اختي : برد ودفا اخوي : طالب زواج جزاكم الله خيراً اخوي : أريدها سمينه شكراً لگ على توضيح كثير من الامور وجزاگ الله خير الجزاء اختي : أنيسة الروح جزاگ الله خير على طرحك المتميز والجميل لا عدمناگ ولا اخفيگ سراً انني ما زلت متمسك بها اكثر الله يكتب اللي فيه الخير اكتب لكم حقيقة وانا ابكي لمصابها وكأنني من أصبت بهذا الداء شفاها الله وجميع مرضى المسلمين ، ولا أكتمكم سراً انني صدمت عندما رد سألني احد الموضفين بالقسم فقال لي : هل بينك وبين البنت أي صلة قرابه ، قلت لا ، قال ( وبالحرف الواحد ) ما لقيت الا هي ؟؟؟ إنا لله وانا إليه راجعون |
ولا أكتمكم سراً انني صدمت عندما رد سألني احد الموضفين بالقسم فقال لي : هل بينك وبين البنت أي صلة قرابه ، قلت لا ، قال ( وبالحرف الواحد ) ما لقيت الا هي ؟؟؟
وقاحه وقلة ادب ليه المرض من الله وهذا بيجيه يوم لا يخاف صديقتي سليمه وزوجها حامل الفيروس والحمدالله مع التطعيمات والادويه عندها 2 بنات وايضا وجدت وحده مزوجه ومعاها الفيروس وزوجها سليم معها 3 اطفال المهم انسان يدرس الحاله وطرق الوقايه مدام مو الفيروس الخطير c استغرب من الناس الي تتشمت ولا يقول لا تتزوجها ليه العريس ضامن عمره انه مراح تجيه بعد زواج هذا الفيروس محد ضامن عمره واذا البنت اخلاق وطيبه واهلها طيبين ليش ما تتزوجها المرض مو عيب العيب في بعض العقول مثل الموظف الي قابلته |
الله يكتب لكم اللي فيه الخير ويجمع مابينكم على خير
ماعليك من كلام الموظف الله حسيبه يعني يمكن تتزوج انسانة سليمة وبعدين تمرض مرض شديد ومزمن لاقدر الله هل الحل هو التخلي عنها في هذه الحالة ؟ الله يشفي جميع المرضى والاخوان افادوك اكثر بخصوص الفيروس وان شاء الله يكون خامل |
اخي لاتسمع لكلام احد
هذه قريبتي اللي اعرفها اول ماجاها الخبر انهارت لانها ماكانت عارفة عن المرض ولكن في نفس اليوم دق والد الخطيب قال انا كلمت كذا دكتور والبنت سليمة مافيها شئ لكن الفايروس فقط في الدم وولدي ياخذ بس تطعيمات وقال احنا شارينكم ماتتصور قد ايش كانت سعادة البنت وفي امور الزواج كل شئ صار بسهالة وقالوا انه الخطيب ورجال وسيد الرجال مو من امر بسيط قرر يتركها وامر ممكن التعامل معاه والان والله انها ماشاء الله لاقوة الا بالله تحب زوجها وتحاول تسعده وتفديه بكل شئ ماشاء الله تبارك الله وتقول انت اشتريتني في وقت انه غيرك كان ممكن يتركني تكفى يااخي تكفى اذا عجبك خلقها ودينها ومقتنع بها تماما فلا تكسر بخاطرها لانها سليمة لايوجد بها شئ وانت خذ تطعيمات وعيش حياتك طبيعي تقبل مروري |
أختي : ظل أنثي
ان كان قصده الشماته فأسل الله ان يهديه وان يغفر له ، وكلامه لم يؤثر بي ولله الحمد بل زادني ثقة بالله ورضى بقضاءه وقدره ،، جزاك الله خير الجزاء اختي : نيوتيلا جزيت خير الجزاء على ردك وعلى دعواتگ ،، وهو فعلاً خامل |
أختي : أنيسة الروح
فعلاً لا ادري كيف ستسقبل الخبر وكيف سيكون نزوله عليها ، أسأل الله ان يربط على قلبها ويشفيها ، وانا بصراحه تمسكت بها واريدها لكن يلزم من الجلوس مع الطبيب ومعرفة اثره وسلبياته وما يلزم من أخذ ادويه او لقاحات ، *وكذلك هل من الممكن تأثيره علي الشخص الاخر كل ذلك في علم ، ونسمع للاطباء وما يقولون.... اسأل الله ان يعطيك ما تتمنين ويجزاك خير الجزاء في الدنيا والآخره ... ______________________ ومن المستجدات *والتي لم اذكرها انني اعلم بالمرض و هم لا يعلمون أني اعلم به وكان هذا خطأ من الدكتور،غير مستقصد وكذلگ سوف يعيدون لها التحليل مرة اخرى من فوائد الاستغفار : قال تعالى ( وقلت استغفروا ربكم انه كان غفارا () يرسل السماء عليكم مدررا () ويمددكم بأموال وبنين (). ويجعل لكم جنات ويجعل لكم انهارا ) |
اخي لا تعطي اذنك لا لصاحب و لا لقريب لان اغلب المجتمع جااااهل بموضوع الامراض و طريقة انتقالها
الخ الخ .. الافضل تقعد مع طبيبها و تشوف هل هي حاملة فقط و اساله ما اردت من الاسئلة . شخصيا .. صديقة لي متزوجة من رجل فيه فايروس بي خامل (يعني زوجها حامل مرض و لا يوجد لديه اي اعراض ذهبت للطبيب و سالته و استقسرت ايضا عن الحمل و عن االاطفال اعتقد كل مافعلته هو اخذ تطعيم معين لها قبل الزواج .. و لا اتذكر اذا كانت قد اخذت اخر بعد الحمل ام لا المهم انهم بسعادة و صحة و منجبين طفلين اصحاااء |
ماعرف والله
الي فيه الخير بيصير |
اخي هل تريد ان احلف لك بالله
انت تقول خامل هيا ماراح تاخذ اي دواء ابدا انت اللي راح تاخذ تطعيمات قبل الزواج ومافي اي دواء يشيله لها واسال الطبيب حتى تتاكد الله يوفقك |
المرض ماهو خطير زي مالناس تقوله
اللي يجهلونه يصعبونه ويخافون منه ويخافون يرتبطون باحد مثل كذا انا عندنا بعايلتنا كثير التهاب كبد بي مثل اللي بخطيبتك وكلهم تزوجو ماشاء الله وجابو اولاد سليمين ومافيهم الاالعافيه خطيبتك تقريبا مب اكيد شبه مالها علاج لكن الحمدلله كثير عندنا زي ماقلت بي وماشيه امورهم تمام بس انهم يحرصون ع غذاءهم وانت لك تطعيمات ثلاث جرعات بخصوص عقد النكاح اللي يقول مايملك لكم لان فيها التهاب كبد ماهو صحيح انت توافق وتوقع بالمستشفى انك موافق ويطلعون لك شهادة الفحص وتتملك ومايكون الزواج الا بعد ماتتم جرعاتك كلها توكل ع الله وربي يسهل لك امورك بس نصيحه لاحد يدري من اهلك وقرايبكم والله ليبهذلونك بالكلام مالقيت الاهذي وبيجيك اطفال مشوهين ومسكين متزوج مريضه ،، الله يوفقك ويتمم لكم ع خير |
قريبتي فيها التهاب بي من الاكل غير المعقم جيدا ويبدوا ان من قام بطهيه حامل للمرض
تزوجت وعندها طفله ماشاءالله زوجها اخذ تطعيمات لمدة 6 شهور ثم تم الزواج ولله الحمد |
الله يشفيها .. ويكتب لكم الخير حيثما كان
انا مااحب اقرأ عن الامراض عشان ما اوسوس لكن عندي ام زوجي حامله للفايروس هذا .. الاحظ انها حريصه جدا على الاشياء اللي تستخدمها مايستخدمها احد بعدها.. مثل الملاعق الصحون والكاسات .. اول ماتخلص منهم تغسلهم .. غير كذا اذا قربت لأحد بتسلم عليه تكتم نفسها ... ليش تسوي كذا ؟؟؟ والله مدري .. بس بغيت اقولك اللي اشوفه من شخص مصاب بهالمرض .. موفقين |
ختي تويتر
الموضوع اسهل من كذا لانه فايروس بي اذا كان خامل لاينتقل عن طريق اللعاب ولا عن طريق التنفس ولا عن طريق اي شئ غير الدم اي مثل اذا نزل دم على الشخص الحامل للفايروس والشخص الاخر فيه جرح يحرص الا يلمس الدم هذا الجرح او فرشات الاسنان يعني لكل واحد فرشة خاصة فقط لالالالالالالالالالالالالالالالالالالالالالالالالا لالالالالاغير لانه الفايروس الخامل لاينتقل الا عن طريق الدم فقط وعن طريق العلاقة الحميمية وهذا الشئ كثير من الاطباء قالوا لاينتقل بهذه الطريقة بس الافضل ان ياخذ التطعيمات \\\ ماادري ليش في ناس تكبر الموضوع وهو صغير مرررررررررة الحامل للمرض (الفايروس خامل ) ليش مثل المصاب ( الفايروس نشط) والله يوفقكم |
مشكورة اخت انيسه على التوضيح..
|
| الساعة الآن 04:21 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©