|
أنا ومــــلــكــــتي :(: *Click*
السلام عليكم يارب تكونون بخير وعافيه ندخل عالموضوع:d باذن الله ملكتي قرررررريب وينقصني معلومات كثيرة وش اجهز ووش اسوي مع خطيبتي وحكي كثير المهم ابي رايكم في بعض الامور واريد مساعدتكم الله لايحرمني منكم:) انا الان بشتري لها هديه جوال ياايفون او جلكسي اس 2 محتار بينهم>>ساعدوني فيها:22: اذا اخذت احد الجوالين آخذ ابيض والا اسود وش اللي يناسب البنت >>>برضوا ساعدوني وخصوصاً البنات رأيكم يهمني :d طبعاً هذي الهديه هل ازيد عليها شي او كفايه ؟ ووش اللي يكون حلو مع الهديه ؟ أ أ أ أ أ:rolleyes: خطيبتي شفتها وقت النظره الشرعيه وكانت المده دقيقه او اقل واني الان ناسي شكلها هههههه:16: واللي ابيه ان وقت الملكه راح اجلس معها يمكن 20 دقيقه تزيد او تنقص المشكله ان البنت خجوووله وماتتكلم من كثر ماسمعت عنها وانا بصراحه ودي اطول بالجلسه معها يعني بعد كيفك وش اخبارك. وش اسولف لها؟؟ ودي افتح سالفه معها عشان اطول معها ولو 20 دقيقه رضيييييت :23: امممممم وش اقلها كلمات حلوة امدحها ولها وقعه وأثر في النفس ؟ كثرت عليكم ملاحظه هامه انا انسان ماقد تعرفت على بنت وماعندي علاقات آبد يعني ماني عاااااااارف شي في هذي الامور ولا اعرف اتكلم مع بنات ابدأ الا اخواتي وعماتي وخالاتي :17: بانتظاركم آخر سؤال ابي اجابه كافيه عنه :d اسال الله ان يسعدكم وان يجعلكم من اهل الفردوس الاعلى من الجنه وان يرضى عنكم ويرزقكم ماتتمنون |
اقتباس:
قولهآ الله يجزآك خيير الله يعطيك العآفيه مشكورة يآ(اسمهآ) تسسلمين يآ (اسمها) >> لما تنطق اسمهآ راح تتأثر كثيييير (= إذا قالت شيء اعجبك قول اووه مــآ شاء الله عليك بسسسس هآذا الكلآم الحلو اللي تقوله ولآتزيد والباقي تكلم فيه عن نفسك وظيفتك حياتك طموحاتك + واسألهآ شوية اسئلة الله يوفقك (= |
اقتباس:
اكيد راح احفظ اللي ذكرتيه بصراحه كلمات حلووووة وجميله مشكورة على المداخله تمنيت انك اخترتي لون للجوال :d الله يرضى عنك ويحقق مبتغاك . |
الجوآل ابيض طبعـــآ أنيـــــق والآيفون او الجلكسي اثنينهم حلوين
حاول تعرف وش جوالها عشان ماتجيب زيه >> احس انك مرة فرحآن ههههههههههههههه الله يتمم لك بخير |
بالنسبة لجوالها مثل ماقالت سمآ حاول تأكد من جوالها قبل ثم قرر
واللون أنا عن نفسي أفضل الأسود الناس أذواق :::: وبالنسبة وش تجيب مع الجوال اكتب لها عبارات حلوة ومرتبة في كرت مع عطر مغلفة بطريقة حلوة ::: واما الكلام هي بتكون خجولة لانه اول لقاء وحتى انت يمكن بتضيع علومك لكن اسألها عن الحال الدراسة وكلام حلو اختي سمآ ماقصرت ::: اسأل الله ان يتمم فرحتك على خير وبارك الله لكما وبارك عليكما :::: |
اقتباس:
جوالها اعرفه مو من هالجوالين :22: بصراحه فرحان حبتين :) اللهم آمين اشكرك على حرصك ومداخلتك الجميله الله يرزقك ماتتمنين يآرب. |
اقتباس:
فكرت و فكرت و وضعت نفسي مكانها و في مادا كنت انتظر من زوج المستقبل ان يقوله لي في اول لقاء بيني و بينه و وجدت اني ساكون وقتها بحاجة الى كلام يطمنني و يحسسني بالامان لاني فعلا وقتها ساكون في قمة القلق و الخوف و التطلع لمعرفة ما ستكون عليه شخصية من ساكمل معه حياتي. و مع دلك فكل فتاة و تختلف عن الاخرى لدلك ادعي الله ان ييسر امرك في دلك اليوم و ان يحلل العقدة من لسانك :27: بالتوفيق اخي الكريم :17:و سادعو لكما . |
امممم ايفون او ايباد ابيض
وبالنسبة لسوالف والكلام شخبارك وشعلومك الف مبروك ان شاء الله تكون حياتنا حلوة علق على لبسها وشعرها مثلاً حلو شعرك اعجبني فستانك الله يوفقك ويسعدك |
اقتباس:
لكن ان شاء الله ماراح تضيع علومي آمين الله يوفقك واشكرك على المداخله اقتباس:
ياليت تعطيني كلمات حلوه تحسس بالأمان اضافه على اللي عندي قولي ولو كانت مكرره راح استفيد:d واكرر شكري لك. |
الف مبروك
اخوي فكرتاخذ دورة في الحياة الزوجية الزواج صبر تحمل مسؤوليه قدرة على حل المشاكل مهما كانت صعوبتها ماودي اكدر خاطرك بس الزواج فيه شي اهم من الهدايا ان نتعلم كيف نتعايش مع الشخص الجديد اللي هو شريك الحياة |
بالتوفيق اخي الكريم
|
الف الف الف مبروووووووووووووووووك الله يوفقك ويتمم لك ع خير
بالنسبه للون الجوال اشوف ابيض والناس اذواق والنوع اس2 وبانسبه للكلام الحلو امدحها وامدح لبسها وحاول تححسها بالامان والطمأنينه وخواتي ماقصروا يعطيهم العافيه وعقبالي يارب |
اممممم
شوف على اني احب اللون الاسود لكن اللي اشوفه اغلب الصبايا يفضلون اللون الابيض وايفون حلو وجيب معه عطر ودبدوب سلسال حلو وكشخه وحركتات كذا اما وش تقول صبر اعدل جلستي بعد كيفك وش اخبارك هو شوف انت بتكلج بتكلج وبتخبص واحتمال كبير تسكت لكن قول لها وش هالزين >> بتخربها لا لا امزح قول قول ايه يعني سوالف عاديه مثل اسألها عن نفسها وتكلم انت عن نفسك هي اكيد ما بتسألك بس ما عليه طب انت وتكلم وامدح ذوقها اي شي >>يوه والله مدري وش تقول >>طيب ورى الفلسفه >>لا تنفخين حسيت معي انفصام بالشخصيه والف الف الف الف مبروووووووووووووووك والله يسعدكم ويوفقكم ان شاء الله اكون افدتك بالهديه |
اهدي لها جوال جلكسي اس2 غلفة تغليه على شكل حلاوة وروح محلات شوكولاته وحلويات مثل باتشي واختار مجموعة حلويات وشوكلاته وضع الجوال في وسط الحلويات وغلفه معاها يصير هو كأنه حلاوه او شوكولاته حجمها كبير ويكون مميز وسطها اللي يشوفه يحسبه شوكلاته ولو تمر محلات الورود يضيط لك التغليفه زياده بورود يكون اجمل بيصير شكل الهديه يجنن وضع كرت سجل فيه عبارات ياليت يكون دفتر صغير على شكل قلب فيه اربع او خمس ورقات مثلا وسجل في كل ورقة عبارة مثلا الف مبروك ياملاكي ,, تمنيت ان اهديك كنوز الدنيا فهي لاتغلى عليك ولكن ساهديك قلب يعشقك للابد ,,, في الكلام الصراحه اممممممم الف مبروك يافلانه ربي يسعدك ماشاء الله عليك اليووم طالعه قمر في طلتك يا سلام حلاك غير البشر ,,, شفتك وضاع الكلام ضيعت حتى الغزل اعذريني والله جمالك ما خلى فيني عقل ,,,, يا عيني عالابتسامه تمشي وسهامك تصيب واللي يشوفك يقول يا بخت راعي النصيب يموت بك من يشوفك لو كان قلبه حجر ,,,,,,,,, هههههههه عزالله البنت بتموت من الحيااااااااااء بس لوقلتها وربي ماراح تنساها منك راح تفضل بعقلها هذه الكلمات حتى تموت الصراحه من رأي استغل هذه العشرين دقيقه لانها البدايه والبدايه دائماااااا غيرررررررررر والله غيررررر ترسم الفكرة الاولى والمبدائيه عن الشخص خليها تموت فيك من اول لقااااااء الصراحه لازم تكون جرئ وترى البدايه شويه صعبه بس ابدأ تكلم اسألها اسئله عاديه وبعدها تكلم عن نفسك قول لها اليوم انا اسعد انسان انا ابغى ابغى اطير وسابق العصافير من فرحي بك ماتوقعت في يوم من الايام باتزوج بنت بهذا الجمال والدلال ماشاء الله حتى لاتحسدها هههههههه ربي يهنيكم ويسعدكم وتكون كل ايامكم افراح ووناسه وسعاده وعقبالنا يارب |
لي عوده الان لجميع الردود :)
|
اقتباس:
ماشاء الله تعليق جميل وراح اعلق على لبسها وكل شيئ :d جزاك الله خير يابنت اطيب انسان اسال الله ان يبارك فيك وان يرزقك ماتتمنينه وان يسعدك في حياتك اقتباس:
آخذ دورة عندكم هون بالمنتدى:d والله يقوينا على تحمل المسؤوليه وامور الزواج سُعدت جدأ بالمداخله جزاك لله خير وحقق مبتغاك اقتباس:
اقتباس:
امممممممم حلو حلو مداخله قمييييييييله اسال الله ان يرزقك الزوج الصالح وان يجعل حياتك معه حياه هنيه مليئه بالحب والطاعات . اقتباس:
الله يبارك فيك يااختي ردك جميل وطريف وحلو وكل شيئ:22: بالنسبه للدبدوب والله اني آستحي آخذه >>ماتعودت واهم شي عدلتي جلستك :) افدتيني بما اٌريد الله يسعدك ويحقق امانيك ويرضى عنك وفقك الله وزادك رفعه . اقتباس:
اكيييييييييد والله يالمتفائل بالنسبه للتغليفه بسويها واضبطها وادلعها وذكرتني بها الله يجزاك الجنه والعبارات بكتبها ان شاء الله ولو تضيف لي من عندك كم عبارة بصراحه مانسنتغني عنك واكيد بحط رقمي في الورقه هههههههه والشعر الغزل ياويلي اعجبني انا وانا مااحب الشعر فكيف هي عاد البنات يحبون الكلام الحلو بآخذ نفسسسسس واقول الشعرهذا ^ قدامها ,, خلها تموت من الحياء بس يبقى بذاكرتها اهم شيئ ^_^ الله يجزاك الجنه يالمتفائل ويسعدك ربي اينما كنت ويرزقك بالزوجه اللي تحبك طول عمرها وتعاونك على الخير يارب اسعدني مداخلتك كثيييييييييييير |
ماشاء الله عدد المشاهدات كثير والردود قليل
وينكم يااخوان احتاج ردود كثيرة وكلام غير موجود في الردود السابقه لعلي استفيد منها بانتظاركم الله يسعدكم |
اممممم بقولك اهم شي الثقل
الثقل زين وانا اخوك ومبرووووك والله يتمم لك على خير وانصحك تسوي مثل ماقالت لك الصابره ادخل دوره حقت الزواج ترا تفيدك وفيه دوره على الجوال يرسلون لك رسائل ابحث عنها في النت او اسأل الاعضاء انا قالت لي عنها سما الضاهر والله مااذكر بس سجلت الخبله فيها ولانفع :) |
جيب لها ايفون احلى
ويكون اسود عادي اجلس معها على راحتك وقول كل الي بقلبك الله يتمم لكم على خير والله يوفقكم |
اقتباس:
اححححح احم احم اكيد الثفل زين >> الله يستر من يوم الملكه الله يبارك فيك يالغااااااااااااااالي وبصراحه انا اقرأ كثير في مجال الحياة الزوجيه واستفدت ومواصل واشوف اني ماني بحاجه للدورات بالنسبه لآخر سطر كتبته مافهمته |
نشرح لك السطر الاخير ومالوه
اقولك فيه دوره بالجوال تسجل فيها ترسل رمز وياخذون منك 12 ريال ويرسلون لك رسايل عن الزواج ووش تسوي انا سجلت زوجتي "الخبله " ومانفع لانه كان موضوعي شائك شوي فهمت ياقلبي |
اقتباس:
|
شوف الايفون الابيض فور عكس ثري
ثري كان راااايق بشكل جمييل مرره وحبيناه كثير لكن فور الابيض منه للاسف كنه وصخ طالع ع بيج فرايي انك تاخذ فور اسود او جالكسي تو ابيض << جميل لونه مافكرت تاخذ لها بي بي موديله 9900 وسعره 2600 تقريبا ويمكن اكثر شوي لان اغلب البنات يفضلون البي بي ع الايفون والجالكسي ،، التغليف يكون رايق وحلو وماله داعي الزحمه شوكلاته وورد مع الهديه يعني اتوقع انت واهلك بتروحون فياخذون معهم شوكلاته وتورته والاشياء هذي وانت بس تاخذ الجوال بتغليفه رايقه وحلوه ومعاه كرت الف مبروك ملكتنا ،، او اي عباره تعجبك لكن ع طول تكتب بالكرت احبك واموت فيك الخ بتحسها كذبه ابريل مامدانا خخ ،، والهديه قلت لك لحالها وبدون شوكلاته وورد وتعليقه الخ لانك لاحق ع الهدايا فمن البدايه تهديها وباتزان وكل مره تفاجاها بهديه افضل من انك تندفع بهديه وتكلفك مره وحده وبعدين ماتهديها ،، طبعا اتوقع فيه شبكه فخلاص الشبكه اللي بتقدمونها لها + هديتك الجوال+ اهلك اذا كانو بيروحون ياخذون معهم شوكلاته وتورته كافي كذا ،، اذا اهلك مب رايحين مب مشكله تاخذ معك سلة شوكلاته ،، بخصوص وش تقولها اول شي مبروك الملكه الله يوفقنا ويسعدنا ،، كيفك وش اخبارك ي فلانه كيف الدراسه ،، وش هالزين ذوقك حلو باللبس ،، من رايي ماتقول احبك ولاشي لا كل كلامك اما كيفك وش اخبارك او مدح بشكلها ،، لان بصراحه احبك من اول لقاء او اول مكالمه تشككنا بالمشاعر ونقول بانفسنا بلاكذب .. الله يوفقكم ويتمم لكم ع خير |
اقتباس:
وهلي بيمشون معي ان شاء الله بصراحه استفدت كثير من مداخلتك الله يجزاك الجنه ونعيمها ويرزقك مااتتمنين ويرضى عنك. |
بسم الله ماشاء الله
الفرحة تنط من بين حرووفك .. صرت اقرا و انا مبسووطة مادري ليش :) ربي يجعلها الزوجة الصالحة لك الودود الولود الي تسعدك و تهنيك وتفرح قلبك ياارب العالمين ويجعلك الزوج الصالح لها التقي النقي الي يسعدها و يهنيها و يفرح قلبها ويكفيكم شر الحسد و العين و يحميكم لبعض ياارب العالمين نرجع للاسئلة ايفون ابيض حلو .. و التغليف يكون مرتب و حلو السوالف.. تكون عاامة ..اخبارها و علومها و اهلها و دراستها مع مدح بسيط لشكلها و فستانها و تقول لها لاتنسي المعوذات اقرايها الحين ..اخاف عليك من عيون الناس لاتزود الكلام كثير عشان ماتلخبط و ترجع تعميها بدل ماتكحلها لكن بقولك شي حلو تسويه طالما و انه التوتر و الحياء بيكون سيد الموقف ايش رايك تكتب الشعر اللي كتبه المتفاءل الله يسعده و ضف عليهم كلام من عندك .. عن فرحتك فيها و تحقق حلمك فيها و انها ان شاء الله تكون الزوجة الصالحة لك تبنوا حياتكم سوى و تكونو على الحلوة و المرة و تشاركوا بعض افراحكم و احزانكم انها بتكون لك الزوجةو الحبيبة و الصديقة و انت بتكون لها نفس الشي ومن هالكلام (تكتبو على روااقة في ورقة بخط مرتب جميل و تحطه بضرف و تعطيه لها مع الجوال منها توصل لها ماتريد بشكل مرتب بدون توتر ومنها تقراه هي بروااقة بعدين ومنها تبقى ذكرى لبعديين ولا تنسى تقرا المعوذات قبل ما تدخل ... والف مبروووك |
اقتباس:
اي والله ومن بعد ردك هاذا فرحت اكثر واكثر الله يسعدك ويجزاك الجنه على دعواتك الطيبه الله يرزقك ماتتمنينه اخاف اقول الشعر ويحصل لها شيئ والله خايف لان البنت خجووووووله جداً جداً وسمعت انها من الخجل تبكي فااااخاااااف اعميها هههههه الله يستر الف شكر للرد الراااااائع. |
| الساعة الآن 06:32 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©