|
زوجي والخيانه
اشكر كل القائمين ع المنتدى والاعضاء
عندي سؤال وابي حد حكيم يرد علي لاني تعببببببببببببببببببببببببببببت وربي تعبت كيف اتعامل مع زوج خائن وبعد ماصارحته قالي انا كذا اوصخ خلق ربي عساني ادخل وحده في غرفة نومي مالك شغل تبين ولا تطلقي؟؟ والله ضااااايعه هذا مالي الا سنه من تزوجت : ( |
لا حول ولا قوة الا بالله ..
عندك اطفال ؟!! هل لاحظتي شيئ منه قبل الزواج أي فترة الخطوبة ؟!! كيف اكتشفتي خيانته لكِ ؟!! |
لو انا مكاننك اذا كدا اولها ينعرف تاليها اتطلق لو لي شهر معاه
ايش دي العيشه بدال ما يقول غلطان يقل ادبو >>>>> عصبت هدا رأي وبالاخير استخيري وربي يقدم اللي فيه الخير |
لا ماعندي اطفال
ومالاحظت الا بعد الزواج ب4 شهور تقريبا |
طيب انتبهي الان من موضوع الحمل أجليييه ,’~
والاعضاء باذن الله تعالى راح يساعدوكي حبيبتي ,’~ الله يهديه ويلين قلبو عليكي يارب |
آصعب من المعصيه ... الجهر بها ..
غاليتي ... آستخيري الله في آمرك .. وسيختار الله لكي الخيره .. آما في البقاء ام الرحيل عنه .. .. |
لاحول ولاقوة الا بالله
لو تأجلين الاطفال سنه ثانيه مع الاستخاره والدعاء لعل الله يهديه |
لا حول ولا قوة الا بالله
وإذا قيل له إتق الله أخذته العزة بالإثم اختي الكريمة اذا زوجك يسافر برا كثير انتبهي لنفسك 400 حالة ايدز للنساء نقلوها لهم ازواجهم حبيت فقط انبه وادعي لك بأن الله يهديه للصراط المستقيم |
مهو بصاحي زوجك هذا..!!
ابد مو صاحي.. لا يكون قال لك هالكلام وهو مأجر السطوح( سكران او محشش) تري بعضهم يعطبها وينخبز بالكلام ولاهو بداري وش قال.. ويمكن قال هذا الكلام لمجرد الكلام وده ينقز بلوفك ويطلع براسك نخل تري في بعض الازواج يقول كلام ما يثمنه من زود الفداغة ويحوس الدنيا والا لو جا وقت الصدق تلاقينه دجاجة الزوج لو كان يخون بجد مايوصل انه يقول كلام مثل السيد زوجك اذا انتي متأكدة انه قال كلامه هذا وهو بكامل قواه العقلية وما كان وده يستفزك ويغيضك بالكلام فاتوقع انه انسان همجي ولا يصلح زوج.. هذا ذكر وليس رجل لان الرجل ان لم يتصف بالمروءة فليس برجل بل هو ذكر هذا حله انك توقفي حكاية الحمل لان هذا الانسان لا يؤمن جانبه وبعدين تصارحينه في وقت يكون فيها رايق اذا ماستجاب لك.. خلي واحد من اهله يتدخل بس بشكل لبق ولازم يكون عندك دليل واضح وحجة قوية |
هذا ما يصلح زوج واذا قلتي احاول اني اصلحة راح تتعبين هذا معتز بمعصيته وما عنده وازع ديني سبحان الله
انتبهي تحملين منه وانا مكانك ما اقعد معاه اشتري راحتك وشبابك هذا ماتقدري تأمنيه على بناته في المستقبل |
مشكلتي زوجتي ..
الأخت تقول بعــد ماصـارحتـه .. يعني أتوقع شافت شي يدل على الخيانه .. .. مالي سمااا .. ألـــزمي الأستخـــــارة .. |
الله يهديه حبيبتي . بس انتي موضوعك محلول ( تبين ولا تطلقي) ؟؟
بما انك ما عندك اطفال احسن تتطلقي وتريحي بالك |
حبيبتي .. الله يفرج همك ويصلح زوجك شوفي نصيحتي لك في امور من الافضل للمرأة ان تلتزم الصمت وتحل المشكلة وفي امور السكوت عنها مصيبه مثل الخيانات والزنا والضرب وشرب الخمر وغيرها ... ما اعرف اذا زوجك فعلا يخون ولا يستفزك بهذا الكلام .... بس خليك جادة وحازمه وابعدي عن الدموع والصراخ وقولي له : شوف يا ولد الناس انا لما اخترتك اخترتك لاخلاقك ورجولتك وسمعتك وانته خذيتني من بيت اهلي معززه ومكرمة ... والاحترام عندي يأتي قبل الحب .. يا انك تترك تصرفاتك وخياناتك وتقدر نعمة الزواج اللي الكثير محروم منها ... او تتفاهم مع اهلي لاني بكل بساطة بتربيتي واخلاقي استاهل الافضل وما استاهل الخيانات وعدم الاحترام منك ... ارجوك حبيبتي خليك قوية وحازمه بليز بدون دموع .. خليه يحس انك قويه وما ترضين المضرة لنفسك ... بنفس الوقت خليه يشوف التزامك وهدوئك .. احرصي على اعمال الخير والتزمي بالعبادات والدعاء وبإذن الله بيتأثر بك وبيصطلح حاله ... اعرف كثير من صديقاتي طبقوا هذه النصيحه والحمد لله تعدلت حياتهم ... وخليه بطريقة مباشرة او غير مباشرة يشاركك في اعمال الخير ... ادعي لنفسك وله في قيام الليل ... لما يطلع من البيت قولي : اللهم اني استودعك قلب زوجي وبصره ونفسه وسمعه يامن لا تضيع ودائعك .. ربي يسعدك ويهنيك ويهدي زوجك ويحنن قلبه حبوبه |
كلامك عين العقل لمني بشوق ...
بس ما اعتقد انو في احد يقول كلام مثل هذا علشان يغيظ بس . ولا شو رايك |
لا حول ولا قوة الإ بالله العلي العظيم
جبر الله مصابك وأعانك على ذلك,,,,, لا تعليق ولست من اهل المشورة حتى اشير لك ولكن اسأل الله أن يكشف غمك ويفرج همك آمين لو تعرضين مشكلتك في قسم ( ساعدني لتعرضين مشكلتك على شخص محدد )) وفقك الله ويسر أمرك للخير,,, |
حبيبتى ربى كرمك انك ماعندك منو اطفال استخيرى بس الطلاق احسن لك تقعدى فى بيت اهلك معززه مكرمه لايجيبلك مرض او شئ ربى يعينك ويهديه ان شاءالله
|
اقتباس:
|
السلام عليكم ورحمة الله تعالى وبركاته
لو كنت مكانك ، وخيانتة فعلاً واضحة ويقر بها ، أقول له بكل نفس طيبة طلقني الله سبحانه وتعالى لايحب الخائنين ، ف من باب أولى أننا لانحبهم ولا نعاشرهم أيضاً تطلقي منة ، والعوض على الله سبحانه وتعالى . كم اكرة الخيانة والخيائنين !! |
اقتباس:
المصارحه .. تعني وجود أمور دلت لها على خيانته .. .. وردت فعلـه تخييرهـا .. أمـا رضاها بوضعه المؤسـف ,,ام الطلاق .. ..وهذا التخييـر .. يدل على شخصيـه غير متـزنه..غير اعيـه لمعنى الحياة الزوجيه .. .. |
طيب اختي اكتبي لنا مميزاته وعيوبه
عشان نعرف نعطيك الحل المناسب مع ان الموضوع باين مع عنوانه الله يعوضك خير يارب |
لا حول ولا قوة الا بالله
|
لاحول ولا قوة الا بالله الله يهديه ويصلحه
هو يصلي ولا لا؟ ان الصلاة تنهى عن الفحشاء والمنكر http://www.youtube.com/watch?v=mquZa...1_ljxpdq1ADrqX |
اقتباس:
كلام بس ما يطبقه .. وانا نصيحتي للاخت كانت في كل الحالات .. اذا كان يخونها او كان مجرد كلام .. |
حسبي الله ونعم الوكيل فية وكل اللي على شاكلتة
ربي اكرمه بالحلال ويروح يدور الحرام الحمدلله الذي عافنا مما ابتلاه بة فعلا مصبية اعانك الله يااختي نصيحة اطلبي الطلاق لانة ليس بكفؤ هذا وانتي لسى عروس اجل لو لكم كم سنة وش بيسوي حسبي الله فوق شينة قواة عينة استغفر الله يارب |
اختي اذا تقدري تصبري اصبري اذا ما تقدري حاولي تروحي لبيت اهلك وخلي ابوك يكلمه
واجلي فكرة الانجاب الله يفرج همك اختي |
ربي يكون في عونك اصعب شي انك تكتشفي خيانة زوجك شعور قاتل و انا جربته نصيحة نصيحة لا تحملي منه انا ولدي هو سبب قيدي مع رجل خائن....اعرف ان الطلاق صعب و خصوصا في مجتمعاتنا الشرقية و اللوم دايم علي الحرمة...بصراحة صعب اقولك اطلقي و الاصعب اقولي اقعدي مع خائن استخيري الله و اكثري الدعاء و الاستغفار قدرنا نكونوا زوجات لازواج خائنين لعل هذا ابتلاء من الله ولنا أجرنا في الاخرة
ربي يستر عليك و يفرج همك يا أختي |
جزاكم الله خيييير الجزاء
وجعله في موازين حياتكم من ناحية الايجابيات والسلبيات اللي فيه سلبياته اكثر ومن ناحيه صلاته للاسف غير محافظ وكلام اختي لمني بشوق صحيح هو مقصده يستفزني بالحكي لاكن في نفس الوقت عادي عنده ذا الامر بالخفاء مااضمنه وموضوع الطلاق اجد فيه صعوووبه جدا من ناحية المجتمع لاني قبلها انفصلت من غير دخول ومن ناحية رجوعي لبيت اهلي احس بتخبط وخوف ماادري ليه بيت زوجي مو قادره اتعايش فيه وبيت اهلي مو متخيله ارجع له مطلقه رحمتك ياااااارب بس توكلت على الله ورحت بيت اهلي وقلتله مااقدر اعيش مع شخص مستهتر ويشوف المعصيه امر هين قالي انا كذا تحمليني قلتله وانا مااصلح لك دور لك ع وحده تتحمل اللي تسويه وتصبر بكره ورانا عيال ودقه بدقه مافيني حيل اشوف فيهم اللي تسويه انت |
لاحول ولاقوة الا بالله يا اختي ريحي نفسك دا بايعها والله مأعيش مع واحد كذا لو اعطوني ذهب بالصراحه دي يقولك ادجل احد في غرفة النوم هذا مو صاحي ولا عنده احساس ولا تقدير لكي ولا احترم وقفتك قدامه
لاتضيعي عمرك معاه في اللي احسن منه واصحك تخلللللفي انتبهي |
| الساعة الآن 08:45 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©