|
مدري هي غيره او سوء ظن
السلام عليكم ورحمة الله وبركاته
انا عندي مشكله ومو عارفه هل الغلط مني او من زوجي ومن كثر ماني كحنارة قلت اكتب لكم وانتم احكمو بانفسكم عن نفسي انا انسانه حساسه ودقيقه ورقيقه واي شيء يصدر من زوجي اـاثر بشكل فضيع لاني احبه موت وتعبت جدا تمر علي مواقف اصعب اسيطر على نفسي انا شايفه بالاونة الاخيره ان زوجي اذا شاف حرمه مايغض البصر ويطيل النظر مره كنا بمحل الا هذيك الحرمه اغراااااء بمعنى الكلمة فاتنه جدا مع انها متلثمه لكنها مره تفتن المهم يوم جينا نحاسب قال اطلعي انتي والعيال انا بحاسب واجيكم وطلعت علشان ماسبب زحمه واناظر فيه من بعيد وهو عينه على هالحرمه يناظر فيها مع انها كانت بعيده شوي عنه المهم انقهرت وانجرحت بصراحه وماحبيت افتح مواضيع بزعم اني ماابغى مشاكل وعدى الموضوع وانا اقول يمكن انا شكاكه وهو مو قصده وامس رحت بيت صديقتي وباب الشارع حقهم اذا انفتح تشوفون اللي جوا وكل مره اروح لها يوقف بفم الباب والحرمه لو بتستقبلني او تودعني بيشوفها علطول وكم مره صارت هالحركه وامس انا جات الحرمه وراي على اساس بتودعني وهو بفم الباب كالعاده وانا متأكده انه شافها لان شفته وانا خارجه يطالع بالباب ومااقدرت اسكت يوم ركبت قلت له ليش واقف هنا قدم او اخر اي حرمه تمر بتشوفها وقفتك غلط قال حلوه ذي قلت ايوه كلامي صح والا لا وسكت ماعلق يوم جينا للبيت انا اصلا شلت بنفسي وهو جالس بجنبي ويمسك شعري ويقول ترى بشد الشوشه قلت له ليه تقول شوشه ماتعرف تتنقى الالفاظ هذا جزاي متكشخه لك شوف صلعتك اول قال انتي ناويتها زعل قلت ايوه لما تتنقى الفاظك ذيك الساعه ماراح ازعل بدل ماتقعد تتغزل تقعد تتريق والا فيفي عبده بنظرك عجوز ودلوعه وانا ماانت شايفني ابد تخيلو اغيير بنفسي وكل الناس يلاحظون الا هو مو معي بالمود عاد هو يبني قلت يمكن مشغول مع البناء ومو مدقق بس حركاته تقهر عيونه على غيري وانا ولاشيء ماكني اتسنع له والبارح صارت ليلتنا فلللي نايمين متنكدين واخرتها يقول اصلا انتي ماعندك ثقه بنفسك احسه يقول كذا علشان يبرر لنفسه ويخليني في دوامه مع حالي حتى لما تكون فيه استراحه يدخل على حريم اخوانه وماامداهم يتغطون يستهبل يعني مدري وش السالفه تكفون رايكم يهمني من الغلطان |
حياك الله ياحبيبي يالله ..
مـاأخفيـك ضحـــكت من قلبي على كلمتك له (( صلعتك )) .. بس تبين الصــدق ..أنتي جـدا حســـاسه .. وزوجك صدق لمـا قال ماعندك ثقه في نفسك وش فيها اذا قال ترا بشد شوشتك يعني انا شايفه انه قالهـا من باب المزح ترا مو طول الوقت الحـال بينكم بيصير مدح وتغزل مـره كـذا ومـره كـذا .. .. وبالنسبـه لشكك في تطلعه للحـريم .. ادعي في سجودك ان الله يحفظ سمعه وبصره لكي للأبد .وبأذن الله بيتغير في هالناحيـه .. وموووفقه يارب غاليتي .. |
من رايي تصارحينه وتقولين له عن اللي مضايقك بوجهه،،قوليله انت تحب مناظر الحريم وهذي مو من شيم الرجال،،خاول تغير من نفسك ،،وقوليله عشان تخوفينه انو البنات يتريقون عليك ويقولون لك ابو عيون زايغه كلهم ملاحظين وانت بنظرهم شخص مشفوح وانا اتفشل من هالشي احب زوجي يكون رزه وعاقل ،،ومن سوالف الحريم مايحتاج اعلمك
|
حياك الله
هو فعلا قال انا امزح لكن انا فاصله يمزح بوقت اكون متوترة فيه بعدين الناس اخر الليل يتغزلون مو يمزحون ويعلقون وبالنسبة للثقه بالعكس كل الناس يقولون انتي ثقتك بنفسك عاليه وان كانها انهزت فهو السبب |
تهاني هلا بك اختي انا مره فتحت معه موضوع بغى يطلقني يقول انتي تجرحين كرامتي وانا انسان عندي مباديء ومتربي لكن انتي تغارين من حريم اخواني والموقف اللي صار زمان ان طليقة اخوه داخله معه بالمطبخ بالاستراحه والمطبخ جدا ضيق وهو يسوي اكل على الارض وهي لازقه فيه تغسل على المجلى اقسم بالله يوم قام انه مابينهم الا شعره ويقول انا ماناظرت فيها قلت له ليش ماطردتها من المطبخ خايف على مشاعرها وانا بالطقاق ؟؟؟
|
على فكره زوجي مو صغير عمره 53 وانا 32
|
فعلا أعانكِ الله إن كانت "عينه زاايغــة" ولو إنه ما من صغــر سنه ..!! يمكن بنظراته يريد أن يثير غيرتك .. هكذا هم بعض الرجال .. ليس بيدي سوى الدعاء لك أخيتي في هذا اليوم الكــريم .. زيدي من إيمانك وكرري دوما الاستغفــار .. |
مآفي رجآل عينو مآتزيغ
مــآعدا الذين يخآفون الله في كل حركآتهم وسكناتهم الحل الوحيد هنــآ الدعــآء .. مو أنتي اللي بيمنعه من النظر للنسآء بمراقبتك له الله هو القآدر على حفظ قلبه وبصره..اتجهي إليه بالمنآسبة عزيزتي حساسيتك مآراح تجيب لك خير و إنتي اول وحده رآح يتعب منهآ إذا بتددقي على كلمة وعلى كل نظرة وعلى كل حركة كيف بتعيشي!! كل اللي حوليك بيتعبوا من تدقيقك الزآيد في الأخير راح تلقين نفسك وحيده في فن أسمه فن التطنيش تعلميه (= |
أنا مثلك حساسة جدااااا وأتضايق لمن يطالع ع اي انثى متبرجة بس لقيت أفضل حل التطنيش زي ماذكرت الاخت سما والله يفقعوا أم المرارة لكن كنت اتكلم وكان يرد علي بردين الاول: انت ايش فيك مو واثقة من نفسك والثاني: انا أطالع فيها عشان احرق لها وأبين لها انها غلطانه بتبرجها هم كذا الرجال مع احترامي لكل رجل يغض بصره بجد افرح لمن اشوف رجل ماشي في اي مكان وهو غاض بصره عليك بالصبر والدعاااااااءء فقط لا غير دمتي بوددد |
السلام عليكم ورحمة الله تعالى وبركاته
يفتقد الكثير من الرجال في مجتمعنا العربي شيء أسمه القناعة ، ولا أدري ما الذي يوجد في النساء الأخريات ولايوجد في زوجاتهم ، فإن كانوا يحبون التبرج والسفور فمن باب أولى أن يجعلوا زوجاتهم يتبرجن لهم في بيوتهم ، وليس من حقهم لا من بعيد ولا من قريب النظر إلى أخريات ، ليس فقط لأنه متزوج بل لأن الإسلام أمر بغض البصر . قولي له يا أختي من يطرق أبواب الناس يُطرق بابه ، فهل ترضى بأن يأتي رجلُ وينظر إلي كما تنظر أنت للنساء وبنفس النية ؟؟ هذا ليس سوء ظن ولا غرور ، هذا حقك . كل الإحترام . |
تبين نصيحتي طنشي
وان فتح معاج الموضوع قوليله ربي لك الحمد انك ما خليتني ريال عشان ما اجمع آثام تخيلي انا زوجي يقولي باروح الممشى البنات وايد ولبسهم حلو اقوله جهنم تبي ملأها عليك بالعافية بس انتي خلك واثقة من نفسك ومهما سوى طنشي التغافل سلوك جميل ومريح وحطي في بالج اذا طالع ان راح ياخذ سيئات ونصحيه من هالباب قوليله ان أخاف عليك من عذاب الله ما ابيك تتعذب عشان جم نظرة تقتدر تغض بصرك عنها ولا تحنين او تزنين كلمتين ورد غطاهم وبس ربي يفرج لج |
حريم اخوانك مايتغطون عن زوجك؟؟؟ انت عايشة وين بالسعودية ولا برا؟؟؟
|
شكرا لكم جميعا على مروركم الطيب انا قلت لنفسي من اول العلاج الوحيد هو التطنيش لكن ارجع اثير مشاكل مااقدر اتحمل
وعرضت الموضوع على صاحبتي قالت انتي غلطانه يمكن مو قصده وقالت ليش صديقتك اللي رحتي لها جات تمشي وراك وهي عارفه ان بابها يكشف يمكن تكون هي نيتها مو سليمه بعد !!!!!!!!!!!!! المهم الحين زوجي زعلااااااااااااااااان للاخر طبعا مركبني الغلط وزمان ياعيني على زمان كان يقول انتي عندك ثقه بنفسك وعندك شموخ والحين يقول ماعندك ثقه بنفسك يعني اللي ماعنده احساس هو الواثق بنظره او مدري وشو هو مايبيني اغاااااار ابد يعني اي موضوع يخص الغيره يقلبه علي وتصير مشكله كبيرة والله اني تعبت جدا وبنفس الوقت اقول يمكن انا شكاكه وكل هالكلام مافيه منه خاصة انه الكل يمدح فيه وباخلاقه وماعنده اي سوابق وعلاقات محرمه |
ويقول ترى بشد الشوشه قلت له ليه تقول شوشه ماتعرف تتنقى الالفاظ هذا جزاي متكشخه لك شوف صلعتك اول
ههههههههههههههه اعذريني مت من الضحك على هالكلام عموماً انتي لستي غيوره ولا سيئة الظن وماقلتيه يغضب اي امرأة وهناك حديث نبوي لا اذكره بالضبط اظن انه حديث قدسي يناقش موضوع الوقوف في وجه البيبان واما غض البصر فالكل يعرف حرمه اطلاق البصر ولكن يبدو بأن زوجك من النوع الذي يستجيب للضغط والتهديد ان شاء الله ستتمكنين من حل المشكلة بسهولة |
سلام عليكم
والله حتى انا بعد ضحكت من قلبي عليك وعلى اسلوبك المفروض يضحك مو يزعل ويخليها فرايحي بس انتي حاولي تساعديه |
اقتباس:
الله يعينك على مابلاك زوجك عينه زاااايغة هو من اول كدا ولا اتغير قريب ؟؟ |
شعورك شعور اي وحدة تغير على وجها وما سالتيه الا لانك تحبينه وتغارين عليه زوجك غلطان من ساسه لراسه المفروض يغض بصره مو يطلقها للرايحة والجايه
|
| الساعة الآن 02:23 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©