|
أغرب صفه في زوجـك/تك مع التعليق على العضو اللي قبلك
يـا صبـاح الخيــر على أجمل منتدى في قوقل كلــه ..
وجمعــــه مباركه على الجميـــع .. // // // في الموضوع هذا نبي نريـح شووي عن المشاكل .. ,والله يحـل كل من بحيـاته مشكلـه .. سهله كانت ام صعبـه .. بس القصـد من الموضوع نعطي أنفسنـا شوووية فضفضـــه حليــوووة .. .. ,, طبعـا أي شخص يدخل الحياة الزوجيـه يتشارك فيها مع شخص لــم يسبق له العيش معه من قبل ويمكــن يكون مو من نفس المنطقـه اللي عاش فيهـا .. وطبيعـي يكـون فيه نوع من التضاد في التفكيـر .. في الأسلوب بالتعامل .. صـــح كلامي ؟؟؟ .. .. ســؤالي .. وش أغرب صفـــه شفتيها بزوجك.... أو بزوجتـك ؟؟؟ وكيــف تعاملت مع هالصفـه بالتقبل أم الرفـض ؟؟ واللـي يرد يعلـق على العضو اللي قبلـــه .. .. ودمتـــم بسعــادة وسكينـــه ..::d |
السلام عليكم ورحمة الله تعالى وبركاته
الصفات الغريبة في زوجتي كثيرة ، منها مايتضاد مع شخصيتي ، كأن تتناقش معي بصوت عالي ، وهذه طبيعة فيها فأهلها كذلك لايتناقشون إلا بصوت عالي ، وانا من رواد الهدوء ، والهدوء القاسي أيضاً : في إحدى المرات وأنا اقرأ أحد الكتب ومنسجم مع القراءة والهدوء أتت من ورائي ولم أحس بها ف نادتني بأسمي بصوت عالي ، فأرتبكت وخفت وقلت " بسم الله الرحمن الرحيم " ، ف ضحكت على نفسي كثيراً ، والمصيبة أنها شاركتني الضحك . وأيضاً لاتعرف أن تتحدث أمام الجمع ، فإن حدثها أحد وبدأت تتكلم وبدأ الجميع ينصتون لها ، تحذف الموضوع لي لأكملة أنا ، ودائماً ( توهقني ) معها . سأكتفي بهذين الموقفين ، والمواقف كثر . كل الشكر لكِ على هذه الإستراحة . |
هههههههه
اخي المتفائل بالله .. كنت ممن يتكلموا بصوت مرتفع ولنفس سبب زوجتك . تعرضت لكذا موقف بأني أتكلم بطريقتي اللي تعودت عليها ويقابلوني متحدثي الجلسة بصوت هادئ فلاحظت الفرق .. تخيل انت :) هم هدوء وانا أصارخ ثم هدوء ثم صراخ هههههههههه الى أن انتبهت الى اني أعمل لنفسي صداع وصرت أحاول أقصر من صوتي .. أحيانا افلح وأحيانا أنسى ثم ارجع اتذكر . الله يثبتنا . استغرب أكثر ما استغرب صفة بزوجي أو طبع أنه يبالغ برواية الحدث أو يتجاهل بعض الأحداث والتفاصيل بما يناسب هواه فيخرج المستمع بالنتيجة التي تحلو لزوجي .. حتى مع الطبيب .. يظل يعيد عليه ويحور بالسؤال يهول ببعض الأعراض ويخفي بعض الأمور الاخرى الى أن ينطق الطبيب بالتشخيص المناسب لهوى زوجي وإن لم يفلح تركه وذهب لطبيب اخر . اخجل ان أقول له بأن هذا يعتبر كذب فأنا أحسبه أتقى مني وهو أكبر بالعمر ... وهو زوجي . |
صراحة الصفة اللي استغربتها بزوجي الاقتصاد واكرام النعمة لكن في البداية كنت اشوفها بخل وحرص زايد
خررجت من مجتمع مبذر جدا وتوقعت الاقتصاد فقط اشوفه في المسلسلات والقصص كنت استغرب انه يسأل بكم ويناقش بالسعر ...و لما يبقى شي من الاكل يشيله وكنت اقول بنفسي يالله وش هالبخل ... لكن بعدين استوعبت انه اقتصاد وتقدير للنعمة وتعلمت منه واستفدت منه كثيرر واتبعت نفس السياسة الان ... |
اقتباس:
أضحك الله سنـك يالمتفائل على هذا الموقف .. .. شـاكرة ومقدرة مرورك العطـر .. ولا تحـرمنـا من باقي المواقف .. |
اقتباس:
هههههههه خاله بيتـا ..هذي أغرب صفه بصراحه .. طيــب غصــب تجي السالفه على هواك ,,, موو شرط .. بس يهوون التهويل بكل شـي .. الا التشخيص الطبي .. واذا أعطاه الدكتور علاج يجيب العيد فيه هههه بس عشان يجي التشخيص على مزاجه .. .. أســــعدني مرورك غاليــتي جدا .. |
]الصفه اللي تضايقني بزوجي انو دايم يحب يتغالظ علي ولما ازعل يجي يصالحني ويقول لي زعلك حلو ويجلس يضحك على منظري وقت الموقف.
بس بيني وبينكم اتبسط لما يجلس يضحك ويحاكي فيني ... يعني في البدايه اتضايق وبسرعه ينسيني الموضوع واقعد اضحك معاه .... |
اقتباس:
الصفـه اللي يملكـها زوجك توزن بالذهب ماشالله عليـه .. أحسـان النعمــه فضلــه كبير .. وتشـوفين جزاء الأحسـان في حيـاتك ..بالبركـه والسعادة بأذن الله .. .. شــاكره ومقدره مرورك العطــــر .. |
اقتباس:
لاتلــوموني اذا كثرت من زعلـها .. أنـا كذا ..أعشـق شكلها وقت الزعـل .. .. يعني خليـه ياخذ راحته بزعلك هههه .. .. والله يــدوم السعادة والمحـبه بينكم .. |
موضوع حلو خرجتينا من جو المشاكل والهموم انا بصراحه اغرب شي في زوجي انه اذا بعيطيني سالفه اوقصه او موضوع يمطها مط اليــــــــــــــــــن تسير فلم هندي والمشكله انه يحط فواصل صمت لدرجه اني انسى الموضوع وبعدين القاه يكمل وكثير نبهته لهذا الشي بس يقول انت تكبرين السالفه والان الحمدلله بعد سنوات من المعاناه صدقني لان كثير انتقده غيري وفجأه صارحني ان اصحابه انتقدوه قلت الحمدلله ظهر الحق ...... |
بى صراحه الصفه اللى تزعجنى وضحكنى لمن اكون زعلانه واناظر فيه اضحك ما ادرى ليه وهو نفس الشيئ يطالع فينى ويضحك كده يصالحنى يعنى مايتأسف لى ابدا بس يصالحنى بل الضحك وصفى تزعجنى فيه لمن يعصب يصارخ بى صوت عالى وانا اكره ذى الصوت ما ادرى كيف اعالجه
|
اقتباس:
تصــــدقين عندي وحدة من خواتي كذا اسلوبها يــا أن السالفه تنمط مــــــط معها لكـــــن بدووون فواصل الصمـــــت ههههه .. يالله حلــــوو أن اسلوبه تغير .. .... آسعــــدني حضورك العطر ... |
اقتباس:
الله يعطيكم العافيه ويسعدكم يارب |
اقتباس:
برأيي مـــاتزعج الصفه هذي لآنها تخفف من التوتر اللي بينكم ... وحلووه بصراحه الروح اللي بينكم تخليكم من أبتسامه ينتهي كل شي .. الله لا يغير عليكم ويزيد المحبه بقلوبكم ،، ..... ومن ناحية الصوت المرتفع ...معاك حق صفة مــــزعجه ... بس صدقيني بحلمك معاه وصبرك وقت الزعل،، وبعد مايخلص من صراخه و تهدأ نفســـه ... تناقشي معاه بعتاب المحب ، وفهميه أن بالهدوووووء تنحل آصعب المشاكل .. .. مـــــووووفقه يارب ،، |
من الغرابه اللي فيني وفزوجي عجزت اكتبها
الحمدلله على كل شي (نتردد فأغلب امورنا حتى لو كان تحديد موعد الغدا او روحتنا لأهلنا) لدرجة ناخذ ساعه ساعتين ويروح النهار كله وحنا مارسينا على بر عاد يانبطل ولا نتمم الموضوع متأخرين ترى الوضع متأزم لدرجة الزعل يالله السلامه بس |
الغرآبة اللي تصير معآنا
لمآ أفكر في شيء .. القآه يقول السالفة إللي كنت افكر فيها ! يمه $: |
اقتباس:
.. التردد موجود بس مايكون الى لدرجة تجهيز الغداء .. .. الله يصلح حالكم فعلا صفه غريبه .. ،، أسعدني مرورك .. بس لايكون تردتي في الرد على موضوعي << امزح هههه .. |
اقتباس:
ماشالله توافق في التفكير ..هههه حيااااك غاليتي ... ،وشااااكره مرورك .. |
سمآ تراني مثلك انا وياه نفكر بنفس الأشياء حتى لو هو بعيد عني وفكرت فيه يتصل على طول والعكس سبحان الله، لو نويت اسوي شيء ولا ودي يعرف عنه يتصل على طول يحقق معي انتي وين وش تسوين << يروع
اما اغرب صفة بزوجي هي حبه الكبير لقصص ما قبل النوم ههههههه قبل لا ينام لازم احكيله قصه ولا يهم مدى سخافتها ، اهم شيء انها تكون ممله وطويله علشان يرقد على صوتي وانا احكيها، وياما ألفت على راسه قصص وخلطت سندريلا على الاقزام السبعة على ليلى والذئب من كثر نعاسي ابي اخلص بس الين اسمع صوت شخيره وارقد :) :) :) |
أغرب صفة بأخواني
<-- فاهمة الموضوع غلط :d واحد إذا عصب مني يسوق السيارة بسرعة جنونية :d أخوي الثاني .. إذا ركبت معه في السيارة فك الشماغ قلت له مرة ليه تفك .. أتركه على رأسك :d .. قام سوى فيه حركة .. صار زي الجبل على رأسه.. وبعدها رجع لوضعه .. مباشرة يفك أول ما أركب. مرة قالي إذا شفتي سيارة تدق لمبتها تبغى تلف يمين وفجأة لف يسار أعرفي إن معه أخته توصف له :d أخوي الثالث .. إذا سولفت معه .. لا أراديا يقلد سواليف البنات يعني مثلا يقول "يهبل" ، "أحس" ، "أنجنيت" وهو دفش مرة .. بس مادري وش فيه يقلب :d |
السؤال صعب شوي لا اعرف كيف أدور على صفة غريبة ، لكن رح أحاول افكر في شيء مزعج وغريب وشيء جميل وغريب
صفة مزعجة : يتداخل عليه طريقة الحديث معي ومع المرضى ؛ فحين أشكو له من الم ومعاناة ، يسألني كيف ممكن أساعدك ؟ وكيف بدات معك الحالة ؟ احكيلي كيف شكل الألم ؟ ويفاجأني بكم الأسئلة وانا فقط اكون اشكو له ليخفف عني معنويا وهو يعاملني كمريضة ويبدأ بتشخيص الحالة ووصف الدواء ما يثير غضبي ويجعلني انهي المكالمة . وعلى نفس الشاكلة يعاملني احيانا كطفلة ،شربت الدوا ؟ ليش ما شربت الدوا ؟ ويبدأ يصرخ ويوبخني كأني بنته ! طبعا هالحالة تأتيه احيانا مؤ دائماً ، يمكن تختلط عليه الامور ويحكي بطريقة الاب المؤدب بدل الزوج الشريك وصفة جميلة فيه ، رقة قلبه وكيف دموعه تنزل لمشهد تلفزيوني مؤثر او قصة مؤثرة احكيها له او عظة يسمعها او يقراها يبدو شكله رومانسي وعاطفي بشكل جميل و دموعه الرقيقة تنساب ، وايضا مسامحته وتطنيشه للمشاكل فأحيانا آتي لاعتذر منه فاجده يسالني لماذا نحن اختلفنا ؟ أنا نسيت سبب المشكلة !!! وينسى المشاكل بسرعة ولا يحمل بقلبه على احد أبدا . |
اقتباس:
ههههههههههههههههههههه اجل يقلب المود بناتي واكيد اذا كلم هندي يقلب هندي واذا كلم مصري يقلب مصري هههه انا من بعض غرائب زوجي الحبيب ؟؟؟ اكرر بعض لانه فديته نادر بزمان قل فيه النواااااااااادر ياجعلي فداه <<<<<<<<قلبتها غزل المهم زوجي لما يشوف الغدا او العشا او حتى الفطور محطوط عالسفره يناظره ويقول شكل الملح ناقص؟؟ شكل الاكل ماصخ ؟؟ماصخ= مافيه ملح ولا بهارات ولا طعم ؟؟ شكل الاكل مافيه بهارات ؟؟؟ بس لما يذوقه يبتسم ويقول لاطعمه حلووو؟؟؟ بالاول كنت اتحمس واطق ذيك الحلوف اما الحين اسكت وانتظر لما يذوقه واقول جعله عوااااافي وابد سلامتكم وشكرا ياعسل عالموضوع المعسل الملزلز زيك |
اقتباس:
وربي فطسسسسست ضحك ..هههههههه أمـا لازم تحكيـن له قصـه قبل لاينــااااام هههه يمدحـون قصة سبايدر مان ههههه الله يسـعدك يابنت أبي كثر ماضحكت .. |
اقتباس:
مع انك خشيتي عرض بس نسيت خشتك العرض من سواليفك انتي واخوانك بــس رهيييييبه سالفة اللي توصف لأخوووها رهييييبه .. حياااك الله يالخلـوقه .. أسعـدني مرورك الا موتني ضحك ههه.. |
اقتباس:
ليش يالدوووبه تطفشين من أسئلتـه هههه وبعـدين هذي جزاتـه يبي يشخص مرضك هههه .. الله لايحـرمكم من بعض ويزيـد المحبه بينكم .. |
اقتباس:
صـدق صـدق صفـه عجييييبه طيبب ياأخونـا أنتظر أليـن تذووقه ههههههه لـو أنا مكانك أقول خلاص مالح الأكل لا تحط يدك فيه << قلبتها زعل ههه ... وياناس ياهوووووه ياللي قلبتها غزل >>>> عيييب ياحووورمه ههه امزح .. .. الله يسـعدك ياتوفي وفيصل ويسخر قلوبكم لبعض أكثر وأكثر .. |
الصفه اللي اكرها بزوجي المبالغه بالكلام يعني يقولي سالفه كلها بهارات وفيها شوي إسرائيليات
ودايم يحرجني عند اهله الاقيه قايل عني كلام ماسويته ولافعلته ثم يسألوني وانفي الكلام اللي قاله عاد حسبوني اخبي عنهم ومابي اخبرهم زي مثلا صدق سويتي كيكه وطلعت عجينة ولا صدق الكبسة أحرقت وانا اساسا ماطبخت اليوم خخخخخخخ |
| الساعة الآن 08:31 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©