|
خطيبي عنده اخوات يخوفون آهل القيل والقآل
السلام عليكم ورحمةة الله وبركاته
عسآكم بخيررر ..!! دخولي هنـآ بحث من قوقل وشفت مآشآء الله نآس فآهمه ورزينه فـ الحلول وسجلت وهذآ بفضل ربي ..!! عندي مشكلة ومسببه لي قلق وربي وتخآوف كثيرر وآبغي الحل والشورى منكمـ : طبعآ آنآ مقدمة ع زوآج وآطلب الله التوفيق زوجي عنده اخوات هم سبب المخاوف لانهم بالمختصر الموفيد يخوفون آهل القيل والقآل وآنآ محب ذولي الاصناف وينقلون الكلام بين الناس واصحاب مشاكل يعني مسببين لي قلق والله بحكم اني راح اكون جارتهم مستقبلن وبين فتره وفتره اسمع انهم سو مشكله مع فلانه وقالو ع فلانه >> مآني متخيله كيف اعيش معهم وجارتهم ..!! وآصحآب اغاني وانا مو من اهل الاغاني والحمد الله بعض الناس كلمتهم وقالو لي لاتدخلينهم البيت واذا دخلو في السنة حسنةو تكلمو عندك سكتيهم وقولي ان انا مااحب الي يتكم في الغير وجوالك عن الاغاني سكريه لكــــــــن المشكلة !! آنهم آصحآب مشآكل راح يخربونهـآ معي وبقوووة ومن الاساس مو مقتنعه بكلامهم لان زوجي بياخذ فكره عني اني محب آخواته وآني محبهم وانا محب هذآ الشي ولا ابغي اقرب منه ..!! مثل مآ آنآ مآ آبغي احد يسوي في آخوآتي كذآ مآ آبغيهآ ع الغير بس والله احترت ويش اسوي .. ويش آقوول وكيف الحل؟؟؟؟؟؟ بغض النظر عن اخوهم (( الي هو زوجي )) الحمد الله ع آخلاقه آنسآن لا آزكيه ع الله بحكم آبوي وآخوآني والنآس عآمه تشهد له هذآ الشي عطوني حل والي يرضي عليكم دنيآ وآخرى ربي يجزآكم الجنةةةة |
الله يبارك لك بالزواج باذن الله ويسخر لك زوجك ويسعدك
غاليتي اول نصيحة اقدمها لك (لا ترخين اذنك للناس) بسماعك لهم عن اخبار شقيقات زوجك وتصديقها حتى قبل أن تعاشريهن فأنت قد حكمت عليهم مسبقا وهذا لا يجوز، سبحان الله قد تعاشرينهن وتجدين صفات كثيرة حلوة ومشتركة بينكن افتحي قلبك لهن وعامليهن بالمعروف وبالحسنى، مستحيل أن يقوموا بأذيتك اذا كنتي طيبه وحبوبه معهن غاليتي الزوج والرجل بشكل عام لا يحب كلام القيل والقال ولا يلتفت له بالعادة، اذا لا سمح الله صارت مشاكل وتناقلت الألسن عنك شيء وأنتي لم تردي عليه فلن يحاسبك ولن يلتفت له أساسا اهم شيء علاقتك فيه هو ومعاملتك الطيبة له خلك في حالك وفي بيتك، واصليهن وواصلي والدته وحثيه على الاهتمام بهن من وقت لآخر احرصي على جلب الهدايا البسيطة أو عزيمتهن في بيتك بدون مناسبه وحين تجتمعي بهن ويبدأن بالحديث عن شخص ما ارجوك اغلقي الموضوع بدبلوماسية ولطافه، لا تقولي لا أحب القيل والقال فها أنت سمحتي للناس بأن ينقلوا لك اخبارهن بالمقام الأول واظنك قادرة على اغلاق موضوع لا ترغبين بسماعه. أما بالنسبة للأغاني، فأنا مثلك حين أجتمع مع من يسمع الأغاني بكل أدب اطلب منهن أن يطفئنه بوجودي ولا اجد أي مانع ابدا منهن ولا تذمر، فالذي يسمع الأغاني مبتلى وانت عليك تحديد ما ترغبين به بكل ذوق ومحبه ولن تجدي إلا الخير ان شاء الله، ولربما يهدي على يديك الله سبحانه وتعالى أحداهن أو كلهن بالتمثل بك ولكن إياك والعصبية والتعامل الجاف معهن. ادخلي حياتك الزوجية بتفاؤل، ولا تسمحي لأحد بأن يحذرك من أي شيء بناء على تجربته الشخصية ، فقد تكون تجربتك انت مختلفة تماما وفقك الله ورعاك |
آمين يآآرب
اول نصيحة اقدمها لك (لا ترخين اذنك للناس) اقتباس:
آعرفهم معرفه وبعض الاشياء انآ آسمعهآ بنفسي وبآذني المشآكل مع النآس صحيح مآ آسمعها بنفسي بس الاخبار تتناقل والصراحة وبعض الاحيآن آقول ان هذآ مبآلغ وهذآ مبالغ بس بعضض الاشياء انا اشوفها واسمعهآ اقتباس:
صحيح خيةة انهم لن يآذوني آذآ مآ غلطة عليهم وآنآ محب المشآكل وهذآ الي آخآف منه آفتح قلبي وآنكب بعدين ..!! اقتباس:
بس يآخيةة من ناحية الاغآني بعض الاحيآن لمن يجو زيآره خفيفه وآقولهم عن شي لايجوز فعله حششآ بيهوشوني وبيآكلون وبكل بسآطة تقول لي((كل شي عندك حرآم حرآم آفففففف)) والله قوية فـ حقي من ناحية الهدايآ آخآف آعطيهم هدآيآ لان يروحون عند نآس ليسوو آهل ثقةة فـ الدين عشآن كذآ آخآف |
بالمختصر خليك رسميييييه معهم اشكال كذا راعين مشاكل
ما ينعطون وجه واذا سألك زوجك قولي انا طبعي كذا ما احب اختلط بالناس واستحي وووو ما يحتاج اطلع لك اعذار اكيد عارفه وخلي زياراتكم بين فتره وفتره لان اذا كل شوي انتي عندهم او العكس بتكثر المشاكل ولو تحاولين تبعدين عنهم احسن لك بعد ولا تبينين انك ضعيفه وتسكتين لا بيني ان شخصيتك قويه وتعاملي بحدود الرسميه وكوني اخلاق وطيبه بس مو لدرجة خذو راحتكم |
وعليكم السلام ورحمة الله وبركاااته
نورتِ المنتدى يا قمر وتهانينا لكما وموفقين إن شاء الله تخلصي من كل الإنطباعات التي أخذتيها من الناس و أبدأي حياتك معهم بقلب نقي لأنك ع قول ( بنت أب ) إذا رخيتِ أذنك لهم بتجلسين تتصيدين لهم أي غلطة مقصودة أو غير مقصودة و الله يؤلف بين قلوبكم و يجمعكم ع الخير |
حياكِ الله بيننا ,’~
يا اختي لا تحطي ببالك انهم حقين مشاكل خليكِ طبيعيه ورسمية معهم مو مهم اخووواات الزوج أهم شي الزوج نفسه الله يسعدكم ويووفقكم يارب =) |
الله يحيكم والنور نور آهله ..!!
الله يسعدكم ع الرد وآظهآر وجهة نظركم ربي يسسسعدكم يآرب ويوفقكم للخير مآ تج رسميه معي لان آنآ من النوع المزآح والضحوك كثير .! والرسمية تجيب لي الهم والغم وربي بس بحاول اطبقهآ ولو انهآ صعبه معهم هم نآس كنتي معهم طيبه آو رسمية آو قوية لا يبآلون لك ولا حتى يعبرون لك ..!! وآنآ رحت لهم ف السنة حسنة ويش ذنب عمي وعمتي ..!؟.؟ هو يدخلون ويجلسون وياكلون من غير اذن حد من غير ان يستاذنون من الشخصص وهذي صعبة ..!! كيف بيت يعتبرونه بيت آخوهم آبوهم له .؟.؟ بقولكم آقرب موقف .!؟ مره زآرونآ فـ عيد الفطر عادي يتكلمون ويضحكون ويسولفون ويمرحون ويسرحون >> هههههههه زوجة اخوي تسكن فـ الطآبق الثاني ماتعرفهم وهي من جماعة ثانية جات سلمت وجلسة قليل وطلعت لان ماتعرفهم من الاساس مايقربون لهآ و ماعمرهم جلسو مع بعض ولا يعرفونهآ غير بي الاسم والشكل فقط.! طلعوو بيتهآ دخلو غرفة النوم اخذو الاب توب تبعها آمروهآ آن تشغل الصور الي فـ الجهآز >> والله لو عايش معهم 20 سنه لهم الحق لو بنت جارهم معهم حق بنت عمهم معهم حق بس بنت ماشافوهآ من السنين غير مرتين وين التعآمل والادب والله صادقه فيمآ قلت يلا احكمو فـ الموقف وقسسم شايل همهم آكثر من هم الزوآج :( :( |
اقتباس:
جعل والدينه ف الفردوس آمين .. |
اجبري نفسسك تكوني رسميه ...وكوني قوييية عين لا تخلي شيئ في نفسسك لا تستحي شيئ ما عجبك قوليه في نفس الوقت ولا تخافي من احد هذول ماينعطون وجه ابدااااااااا...بس علاقتك فيهم لا تأثر ع علاقتك مع الام والاب كوني زي العسل مع امه وابوه اما اخواته فخليك حريصه حبتين...
|
اللي قالك"
((لاتدخلينهم البيت واذا دخلو في السنة حسنةو تكلمو عندك سكتيهم)) اسمحيلي ماعنده اسلوب ليش ما يدخلون بيتك الا سنه؟؟!! لا يالغاليه يدخلون البيت ومو مره بالسنه مثل ماقالو لك غلط كذا , استقبلي و زوريهم وسولفي معهم لكن حطي في بالك انكم تتكلمون عن اشياء ما لها علاقه بالناس وكلما طلعو عن الموضوع وتكلمن في اعراض الناس غيري السالفه بطريقه ذكيه وقولي ما نبي الناس تاخذ حسناتنا بيستحن منك ومع الوقت بيتأثرن فيك والاغاني اذا سمعتيها تصدي عنها بشكل انهم ينتبهون ان هذا الشي مضايقك بيستحون على دمهم وبيردون والا يحطون على الصامت لاتحطين في بالك ان العالم كله لازم يصير مثلك ويراعيك بتتعبين على الفاضي لكن افرضي احترامك عليهم باسلوب جميل ولطيف وتذكري الايه ((وَلَوْ كُنْتَ فَظًّا غَلِيظَ الْقَلْبِ لانْفَضُّوا مِنْ حَوْلِكَ )) و المؤمن الذي يخالط الناس ويصبر على أذاهم خير من الذي لا يخالط الناس ولا يصبر على أذاهم وأخرجه الترمذي من حديث صحابي |
آممممممم ..
اممممم الزواج كلو مشششششاكل هفففف بس كرهنا الزوآآآآآآآآآآآج ..
|
شكرآ لكم جميعآ
والله مخي تشتت والله يعين يارب |
من بدايتها خلي علاقتك فيهم رسميه من بعيد لبعيد
وبالتوفيق |
والله ياختي اغلب الناس كذا تعالي في مجتمع المدرسات والله ماتطلع وحده من الباب الا اللي في الغرفه مستلمينها وهم قبل شوي يضحكون معها تتوقعين كيف بتعيشين مع مجتمع زي هذا انا اقولك انه الناس الكويسه نادره في هذا الوقت وانتي خليك قوية في الحق من غير تهويل ولا تهوين لا تكبرينها ولا تصغرينها اعطي الامور حجمها الحرام حرام ونقطه عالسطر لان الله سبحانه وتعالى اولى اولوياتك هذا الشي اللي راح ينفعك ويسهل لك دربك اصلا ثاني شي اذا شفتي منهم شي مايعجبك بدون مايضرك حاولي تكونين سبب في التغيير وسبب في هدايتهم يمكن انهم ناس في جهل او في غفله او ماعندهم قدوة حسنه قريبه عليهم |
حبيبتي اول شي ربي يوفقك بحياتك ويسخر لك اخواته واهله كلهم لكن ياقلبي اللي قال لك لاتدخليهم بيتك غلطان بالعكس دخليهم واستقبليهم احسن استقبال لكن خليك رسميه معاهم لاتمزحي ولاتتكلمي في خصوصياتك او اهلك قدامهم واذا هم غلطوا عليك اول مره ثاني مره سوي نفسك ماسمعتي واذا تكرر اكثر من مره مالك الا زوجك وحبيبك روحي وقولي له بدون مشاكل اللي في خاطرك والله لو فضفضتي بدون حتى ماتسوي لهم شي بترتاحي وبعدها قولي له انا ساكته عشان خاطرك وقلت لك عشان لو قالو كذا ثاني برد عليهم لكن بكل أدب واحترام عشانهم اخواتك واذا تكرر منهم ردي وبيني لهم انه مايندعس لك على طرف بأدب ولاتتجادلي لو تجادلوا معاكي كوني احسن منهم واترفعي عن هذي الامور لله اولا ثم لزوجك وخاطره وربي يوفقك وييسر امرك |
عزيزتي الغاليه
انتي ستتزوجين بزوج اخلاقه من الذهب فماذا ترديدن من شقيقاته غداً سيتزوجن وسيذهبن بيت ازواجهم وسينشغلن في يحياتهن وانتي تمسكي بزوجك ولاتدعي احد يتدخل في حياتك معه خذي واعطي معهن بالحدود لاتتجاوزي حدودك ولاتدعين يتجاوزن حدودهم اضحي معهن ولكن انتبهي لكل ماستقولينه وتذكري انه سوف ينتقل غداً بانك من قلت .. فحاولي ان تسيطري على اي موقف حين تجتمعين معن .. والاهم من ذالك ابتعدي عنهن وابقي بزوايتك ولاتحتكين معن الا في الحدود حتى لو كنتي جافه معهن .. |
من جد صح هالفئه تخوف,,وخوفك في محله
بسسس نصيحه,,خلي علاقتك فيهم سطحيه لاتتعمقين معهم,,ولاتقولين لهم شي عن حياتك وأهلك وخصوصياتك,, وخلي كلامك وتصرفاتك مدروسه عشان مايقدرون يتصيدون عليك شي.. وانا ترى ماأقصد تقطعيهم نهائي,,لا أجلسي معهم عادي بس خلي لعلاقتك فيهم حدود.. وعلى قولتك زوجك كويس تحملي عشانه.. |
| الساعة الآن 08:06 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©