|
اذا تقدم لك شخص مقطوع من شجره هل تقبلي فيه
السلام عليكم ورحمة الله وبركاته اذا تقدم لك انسان شاب قبيلي جامعي موظف وظيفه جدا جميله يصلي محترم خلوق الكل يمدح في اخلاقه بس العيب الوحيد فيه ان والدته ماتت وعمره 7 سنوات وليس لديه لا اخ ولا اخت ولا خال ولا خاله فقط ابوه وعم خارج السعوديه وكثير تم رفضه من العوائل لان ليس له اقارب الا هذا الاب فهل تقبلي فيه كزوج ملاحظه قبيلته معروفه في سعوديه بس اقارب ليس لديه يقول انه مايعرف الا والده الذي رباه فقط |
ايه ارضى فيه
وليه لا ما يعيبه احسسسسسسسسسسسسن افضل شي يكون لك لوحدك انت فقط ما شايفه المنتدى ملئ بالمشاكل من بيت الاحمى والاقارب اقول هكذا يكون لك ولاهلك ورح يكونو امو وابوه واخوتك يعوضوه عن الحرمان اللي عاش فيه بالتوفيق انا عن نفسي اقبل ولا اترددد |
اقتباس:
حيا الله خاله قرين نور الموضوع بس للاسف في مجتمعنا يكثر الكلام |
انتي اللي رح تستقري وتكوني سعيده معه
وليس المجتمع وان تزوجتي شخص يعرفه الجميع وذو حسب ونسب واكتشفتي سوء خلقه فهل سينفعك المجتمع انظري لمستقبلك رضا الناس غايه مستحيله ولو تتزوجي اوباما رح يطلعو فيه عيوب الدنيه ويقولو شوفو مين تزوجت استخيري وانظري للشخص انه عصامي بنى نفسه بنفسه ولم يتكل على ورث او اواواواواواواو |
ظل آنثى الله يهديك..
ويـــــن العيب اللي فيه ...؟؟؟ بس عشان ماعنده قرايب .. مو لازم .. وموشرط في الزواج وجود آهل،، وبعديــــن هو وش ذنبه باللي هو فيــه .. حرااااااام يكسر بخاطره بحاجه ماله حول فيها ولا قووه... آستخيـــري ياقلبي... والله يكتب لك اللي فيه الخير وشيلــــي من بالك فكرة ان ماله اهل ... بصراحة بالمره كســـــر خاطري .. |
اخخخخخخخخذه واخمه بعد وتجين العافيه والله مو ذنبه انه ماله اهل والا عيب اللي ماله قرابه بالعكس اخلي اهلي هم اهله وقرابته وناسه والحمدلله
|
انا مااشوف عيب .. العيب معناه شئ تخجل منه امام الناس ..
فان كان ليس له قرائب فمالعيب في ذلك ..؟ ولو كنت مكانك لقبلت ولكن لابد ان اسمع وجهة نظر والدي وخواتي .. فنظرة الرجل تختلف عن نظرة المراه ... موفقه .. |
يابنت احسن لك وش تبين باهله وقرايبه
ان ما علوك ما نفعوك وبعدين هذا ماهو عيب بلعكس ميزه واهم شي دينه واخلاقه والاستخاااره |
وين المشكله أن ماله أهل وشلون فى مجتمعنا يكثر الكلام ؟ شنو بيقولون مثلا !
حبيبتي اذا الولد صالح وراعي صلاة وعنده وضيفه توكلى على الله وتزوجي وأنتي صيري كل أهله وناسه |
كل كلاكم ياخواتي على عيني وراسي وتعجبني ارائكم
لكن كله في الهواء لانكم الان تقولون شي لكن ساعه الجد اللي يتحكم بمصيركم في مثل هذه الامور ابائكم :29: والوحده فيكم لو نطقت واصرت قالو عليها قليله ادب " بالذات لو كانت صغيره سن " ومو هذا الواقع اللي ساير في بيوتنا الله يعيننا |
نعم أوافق وخذي برأي أهلك وتناقشوا حول المسألة |
استخيري يالغلآ وفوضي امرك لله.....
ترى م هذـآ مو عيب بالعكس دام اخلآق ودين واهم شئ في الرجال انه يخآف الله فيكِ.... والله يسهل امرك .... وان ششآء الله نسمع اخبآر حلوه... لفآئف الورد لِ/ سموكِ... |
ليش تسوي مشكله بدون وجود مشكله
لوانا مكانك اقبل فيه مو العيب اللي فيه اهم شي دينه و اخلاقه ورجل والنعم لو كل واحد ينظر نفس نظرتك كان كل المقطوعين من شجره ما تزوجوا |
نعم اوفق .. واكون لة الاهل والاقارب والعم والعمة والخال والخالة والجد والجدة والجيران و و و و :25:تبغيني اكمل ؟
وش علاقة الزواج بوجود اهلة او عدمها ؟ بيعيشون معي ولا بيصرفون هم علي.؟ استخيري والله يوفقك لو فية خير بغض النظر معاة اهل او مقطوع :21: |
اقتباس:
لاتعمم نظرتك ... في زواجي السابق كان الخيار بيدي بشكل كامل .. نعم ابدؤا ارائهم ولكن قالوا لي الخيار لك .. وبنفس المنوال خطوباتي السابقه ... وسأبوح لك بسر .. لم يكن والدي موافق بشكل كامل على طليقي ... ليس كعيوب شخصيه .. لكن كنظره لامور اخرى .. واعتبرت ذلك من باب اختلاف وجههات النظر .. والان تمنيت انه لم يترك لي الخيار او على الاقل يظهر لي اعتراضه بالتالي سيحز بخاطري ان اتزوج ووالدي غير راض ٍ .. بالنهايه هكذا كان نصيبي اسال الله ان يعوضني خيرا ً .. |
وينه هذا ماشاء الله لاتفوتيه
وش لك بالقرايب عقارب ااذا اصل وفصل وماله قرايب عز الطلب |
اقتباس:
ولى وانتهى زمان الغصب والاكراة عالزواج الا ماندر تقدم لي شخص وقتها اهلي لمحو لي اني راح اتعب لكن ماقالو اكثر من كذا .. كان الراي الاول والاخير لي وان كان كتب الله لي نصيب معة ووافقت كنت وجدت تبريكات اهلي وعائلتي .. ويمكن لو صغيرة هالايام ماتسكت ترى تغير الزمن:24: الصغيرة الان الي لسانها شبرين وتقولك ابغي او رافضة يعني الخجل موجود وكلمة ياقليلة الادب موجودة لكن حياتها ماتخلي احد يجبرها علي شي ....... |
عزيزتي أسالو عنه كويس والله يقدم لك الا فيه الخير يارب
دمتي بوود =) |
اقتباس:
إنسان قدرهـ في الحياة ماله اقارب و إذا قصدك لقيط ومالقيط تقولين له قبيلة و عريقة عندنا شو بدك أكثر ! اقتباس:
أستخيري يا قلبي و الله يكتب لك الخيرة المباركة |
شكرا على الردود اولا ثانيا الله يسعدك ويفرج هم كل من رد لا ليس بلقيط لان ابوه عايش وابن قبايل معروفه بس اقصد وقت العقد وين اهله وين اهله وقيل وقال بس ما همني اهم شئ انه يخاف الله وهذا نصيبه في دنيا و ربي يقدم الي فيه الخير وانشاء الله بالاستخاره ربي بيسهل الموضوع اذا فيه نصيب محد رايح يرده عني وربي كريم والله والمستعان |
لااقبل به حتى يكون لاولادي اقارب ولااتعرض لسؤالهم في المستقبل بان ليس لديهم اعمام وبيت جد
|
الله يســهل أمرك ياظل أنثى ..
والخيــرة فيمـا يختـاره الله لكـــي وليس البشـر .. تأكدي أن تيسرت امورك له بعد الأستخاره .. فهـو الزوج المقدر لكي .. واللي فيه الخيره بدينـك ودنيـاك ,, ويـارب نسمع خبر زواجـك قريب .. |
آخذه و لا أتردد على قولة ماما قرين
وش تبين بأهله ؟!! توكلي على الله بس و خليك أنت أهله و كل ناسه |
:* أولاً: من الخطأ أن يصنف اليُتم وإنعدام الأقرباء بالعيب فالعيب شيء يقدح في الشخص ويسيء إليه وكون الشخص تيتم بسن مبكرة وليس له أقرباء ووحيد فهذا لايعيبه بل يرغب فيه لاحتواءه وتعويضه ومساعدته في تكوين أسرة كبيرة تعوضه حرمانه :* وهذا الخاطب يعتبر فُرصة جيدة إذا أخلاقه ممتازه ودينه خذيه وكوني أنتِ أهله وعشيرته :* |
ايوه اقبل ليش لا اهم شي دينه واخلاق
انا كنت اتمنى واحد كدا ماتلاقي مين يشاكلك >>> متعقده من المشاكل لاكن صار العكس الحمدلله |
استخيري واقدمي
وكوني له قبيله بكاملها هذا شاب لقطة اذا هو مستقيم ومتدين فالاقارب يضعون حدوداً لتصرفات الشخص ولكن اذا كان بهذه الاخلاق فلم لا |
وين المشكلة؟
يمن احسن الله يوفقك |
ايوا اقبلي بدون تردد .. اش بيفيدونك اهله ..؟؟؟
انتي كوني له الام والاخت:o |
اه وليش لا ازا انسان متدين وكويس ليش لا برضى فيه اصلا احسن حاجة دايما بتمنى انه الي بدو يتقدملي ما يكون اله الا اقارب عقدو هيك اريح واخف من كتر المشاكل الي بسمع فيها...وبالاول والاخير صلي استخارة الله يوفقك يارب
|
ياشيخه من يحصل لوه على قولتهم لقطه ومايتفوت وبالعكس اذا اخذتيه اذا ربك راد بتصيرين له انتي كل شي مافيه احد يناشبك او يغثك الله يوفقك يارب وييسرلك جميع امورك .
|
عز الطلب ياحلوة
مايبيلها تفكير بتصيرين امه + ابوه + اخوانه بتصيرين عالمه وكل يء بحياته الشور شورك والراي رايك ولا احد يتدخل بحياتك ولا تقولين نبي عزوه وخرابيط وهياط فاضي الاقارب مايجي منهم الا المرض والمشاكل اذا ماتبينه حوليه علينا عندي عروس تصلحله |
وليش الرفض
كله مميزات ماشاءالله |
بالعكس احسن
اهل الزوج مامنهم الا المشاكل |
يحلم الرجل بامرأة كاملة
وتحلم المرأة برجل كامل ولا يعلمان ان الله خلقهما ليكمل كل منهما الآخر |
| الساعة الآن 07:03 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©