|
مشكله مع ام زوجي
مساء الخير /صباح الخير ....جميعا
انا عندي مشكله وحابه ان تنصحوني او تلقون لي حل.... انا متزوجه لي سنه مشكلتي مع ام زوجي عقب ماتزوجت بسبوع صارت تختارلي ملابس البسها في المناسباتها يعني مو من دالوبي لا تشتري من برا مع ان لبسي كلها حلوه وماركه وصارت كل فتره تشتري لي لين غيرت كل دولابي بالمره من كرمكم الله من جزم وفساتين وشنط وكل مارحنا عزيمه قالت ابيك تلبسين الفلاني مع جزمه الفلانيه صح كل اللي تجيبه لي غالي وعلى الموضه بس مو على ذوقي بس انا من حقي ابي البس اللي انا ابيه والي يناسبني وتجبرني البسه حاولت كم مره اقول لزوجي قال البسيه تبين تزعلين امي انا احترت ماادري وش اسوي لدرجه لي سنه ماشريت لي شي ابد ماخلتلي فرصه اني اشتري ادري طولت عليكم بس ابي منكم حل يرضي جميع الاطراف |
ههههههههه شر البلية مايضحك
اممم بالعكس ممكن يكون انها تحبك ومهتمة لأمرك وتعدك مثل بناتها بأمكانك انك تشكرينها على الملابس لكن مو ضروري تسمعين كلامها وتلبسين اللي تشترية لية وين شخصيتك انتي ؟ وبالتوفيق |
أنتي اشتري لها
واطلبي منها تلبسها !!!!!!!!!!!!!!!!! |
1- قوي شخصيتك وافرضي اختياراتك
2- ممكن تكونين من النوع اللي يلبس عاري ومجتمعهم متحفظ لذلك ماتبيك تلبسين هاللبس عشان ماتجيها وتجيك الانتقادات 3- اذا كان ذوقها راقي وذوقك بسيط , قد تكون محرجة من ذوقك خصوصاً امام اقاربها , لامانع انك تتعلمين من ذوقها , وتكتسبين منه و وابدئي افرضي اختياراتك الراقية شوي شوي |
تسلفيني ام زوجك
|
صنيع رائع من أم الزوج
قلة من تجدينهن مثلهـا من أمهات الأزواج النقطتين التي وضعهـا مستقبل غامض ضعيهـا في الحسبان فلذلكــ جميل ما تقدمه أم زوجكـ ما عليكــ سوى شراء ملابس وتهدينها إليها وسترين ردة الفعل بالتوفيق |
الله يخليها لك
في مثل يقول كل على ذوقك والبس على ذوق الناس يمكن فعلا ذوقك لا يتناسب مع مجتمعها بشكل أو بآخر لا تتحسسي ودام الملابس ماركات وذوق عادي البسيها اذا طلعتي معها واذا طلعتي لحالك أو مع زوجك البسي لبسك ! بالنسبة لي عادي دخلت مجتمع زوجي وصرت البس لبسين واحد مع اهله وخواته ووالدته ولبس آخر مختلف تماما مع أهلي وفي بيتي الله يديم عليكم المحبة :) |
من كثر ما سمعنا عن مشاكل الحماوات فماعدت ادخل هذه المواضيع لان المشاكل متشابهة
إلا مشكلتك..غريبة نوعاً ما وكما قالت الأخت ياجرح(تسلفيني حماتك؟)بعطيكي حماتي ما بتدخل بشي لدرجة انو هالشي بيقهرني ونفسي تحكيلي هالشي حلو او مش حلو بس سبحان الله ماحد راضي عن وضعه وامشي عالمثل القائل: اقتباس:
|
طيب عندك لك اقتراح ..
ليش ماتنزلون السوق مع بعض .. يعني مثلا تقول لها وش رايك ياخالتي تروحين معاي السوق بشتري لي ملابس وذذوقك حلوو .. وهناك لابد يكون لك راي بس بتلطف .. وممكن فعلا تحبك وتحب تفتخر فيك قدام الناس .. وان كان فيه تحكم لكن النيه طيبه .. والامر نسبي فيه من يتقبل وفيه لا .. الله ييسر امرك يارب .. |
اخت شموخي لو مالبسته كذا بيزعل زوجي وحاولت ابين ان كل وحده وذوقها قال البسيه
معليش |
مستقبل غامض مجتمعي ومجتمعها نلبس نفس الشي بس هم شوي زياده تعري بس هي تحب تفرض شخصيتها للكل
|
يحليلها حبوبه ذي
خليها تشتري مصيرها تمل في النهاية وإذا جابتلك شي مو شرط يشوفه زوجك عشان لا يمتحنك ويقول البسيه وروحي السوق عادي واشتري اللي ناقصك بدون تبريرات قولي لزوجك ودي أروح السوق ناقصني شوية أغراض ومو لازم تفصليله قوليله هناك بتعرف وش بشتري وبتشوف كل شي وما أظن يا عزيزتي كل خرجاتك مع أم زوجك أكيد تخرجين انت وزوجك لوحدكم ولا روحتك عند أهلك أو أحد من أقاربك أو صديقاتك إلبسيلهم من دولابك ومشي حالك |
لا ماعليه وشوعادي ويمكن ذوقها حلو الخ
مب مشكله امه ع عيني وراسي ذوقها حلو مب حلو مب مشكلتنا لكن تلبسني غصب عني لا معليه شوية خصوصيه واحترام امهاتنا وهم امهاتنا اللي واجب نطيعهم نتحايل عليهم واحيانا هم يطفشون من يباسة روسنا لا ي حبيبتي انتي غلطانه سكتي مره مرتين ع حسابك لين خليتيها تتعود ع شي انتي ماتحبينه يعني معليه بنات اذا ام الزوج يهمها اللبس اكثر من مشاعر مرة ولدها واخلاقها خلاص تروح تنقي لها وحده ذوق باللبس ولاتجلس تلبس بنت الناس وتزعل هي وولدهامب من الذوق ابدا هالشي يصير ولافيه احترام لها ابدا واسنغرب يعني كيف الزوج مايحس يرضى ابوك يروح يشتري له ويقول البس انت زوج بنتي لاانا ضد وبقوه والحل انك تصارحين زوجك اذا تنحرجين من امه مع ان الافضل الكلام بينك وبين امه عادي وضحي لها ان ذوقك حلو واشكرك ع اللي سويتيه لكن انا ابي البس ع ذوقي واللي يريحني واذا تنحرجين مره انك تتكلمين معها كلمي زوجك قولي ابي البس ع ذوقي ومب من المنطق والاحترام والذوق انك تقول لاتزعلين امي عشان ملابس وخليه يحطك مكانه وماتوقع يرضاها ع نفسه بالتوفيق |
صارحيها بكل ادب وذوق قوليلها انا مبسوطة من ترفاتك وتعاملك معي بس والله نفسي اشتري والبس بنفسي مع اني ما حاقدر اوصل لذوقك بس خليني اعتمد على نفسي علشان اتعلم ولانك طيبة وتحبيني عارفة انك راح توافقي
بس بصراحة شخصيتك المفروض تثبتيها مو تمشي على كيف الناس انا مكانك حتى لو كان زوجي يلبسني على كيفه وذوقه ما ارضى ترى شوية شوية تلاقي نفسك ماعندك اي كلمة او احد يعبرك لانهم راح يتحكمون عليكي في تصرفاتك |
- ماودي أقول إن القوي يحتاج قوي وإلا يتمادى
<-- قلتيها وخلاص :d لكن من منطلق من له حيله فليحتال إذا كانت فيه مناسبة مهمة .. قبل المناسبة قولي أوه معليه ياجوزي العزيز خرب سحاب الفستان .. أو قولي أوف تصدق ياقوزي العزيز الفستان ضربتة الشمس "طبعا تكونين واضعه عليه كلوركس" :d .. أو مثلا أختي أخذت الفستان للخياط وأتصل عليها جوالها مقفل طبعا تكونين مرتبة مع أختك :d حاولي بعد يطلع لعشرات المشاوير مثل الفستان واسع ممكن توديه للخياط الفستان غالي ممكن توديه للمغسلة وعطيه إيحاء أنه لو أنت مشتريه الفستان كان ما طلع مشاوير كثيرة وهيك :d |
يجول في خاطري عدة اراء للموضوع ومنها
1- السبب ام الزوج نفسها ("عقدة نفسية ومعتقدات خاطئة اثرت على تصرفات ام الزوج ") اعتقد ان طريقك للتاثير على ام زوجك هو زوجك بس ضروري تكونوا متفاهمين وانتي تكلمية انك ما بدك تخالفي امة علشان انتي بتحبية وبتخافي علية وحلمك ان امة تكون راضية عنة .... انا اقصد ان زوجك بيكون اكثر انفتاحا من امة لذلك بتدرسوا انتي وياة اسباب السلوك الغير طبيعي من امة ولو عرفتوا السبب بتعالجوة ...... فممكن الموضوع يكون مرتبط بتجربة نفسية لام زوجك ... واذا عرف السبب بطل العجب .... فمن رايي تبحثي عن السبب ... ممكن يكون السبب قديم لتجربه عاشتها مع بنتها او مع اي بنت قريبة وكانت بتحبها ... او انها حصلت لها تجارب مو حلوة مع اللبس .... 2- السبب من الزوج وامة يعني الاثنين عايزينك تلبسي الي بدهم والحل عن طريق الزوج لانة الاقرب لك في كل الحالات لذلك املكي قلبة وتحاولي في البداية اقناعة هو بس بطرق رومنسية وهادئة وبعدين انتي وياة تقنعوا امة 3- السبب منك انتي يعني انتي بشي معين او سلوك معين اجبرتي ام زوجك على انها تدخل في لبسك واشيائك وحل الموضوع انك تراجعين نفسك وتراجعي سلوكياتك .....لانة يا جماعة اكثر شيء يقتل الناس ويخليهم يمارسون نفس الشيء بدون وعي هو الادراك اللاواعي ...يعني بنسوي اشياء بدون ما نركز وش بنعمل لاننا تعودنا على ذلك....... تحياتي |
طبعا للاعضاء اتمنى ان تعذروني لاي اخطاء لانها اول مشاركة لي بالمنتدى ....
|
هالامهات نشبة وكل الي تسويه ترى عشان ترضي نفسها قدام الناس مو على شانك انتي اهم شي ترضي غرورها الي في داخلها ولا تخلي احد يتكلم عليها يعني تبي تمشيك على كيفها الله يعينك عليها بس وقفيها عند حدها ولا تطيعين شورها وللاسف رجلك مزودها ياخي وش دخل امك في زوجتك انت الي متزوج ولا امك سبحان الله بس مايخرب الحريم الا الامهات |
الله يكون في عونك اطلعي من عندها ترتاحين
|
احمدي ربك على ام زوجك والله انها طيبة وانتي مسويتها مشكلة الله يهديك بس
|
والله انتي محظوظه
انا عندي حماه تقصر العمر بأسلوب كلامها القوي والحاد . زوجي يقول لي هذا طبعها كذا ايش رأيك نتبادل |
ههههههههههههه الله يكون بعونج صراحه عصبتني حماتج
تشتري لج مو مشكله بس الطلعه الفلانيه البسي هذا ولي بعدها هذا صراحه ينرفز !!!!!! كيفي انا البس لي اشوفه يناسبني مو لانها هي اشترته بعد تتحكم متى البسه والله عاد هذا نشبه حاولي معاها مره ومرتين وعشر باسلوب وبهدوء وان شاء الله ربي يلين قلبها وتخليج ف حالج |
انا برأي حماتك ذوق والله حبيتها يارب تصير حماتي مثلها انا ام خطيبي تدخل في اختيار الاثاث وتفاصيل العرس انا والله ما اتكلم بخليها على راحتها لان يهمني يكون كل شي حلو وفخم وهي ذوقها حلو بريح راسي وبخلي كل شي عليها وعلى ولدها وبهتم في نفسي |
| الساعة الآن 05:19 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©