|
أشتري له هديه بسيطه وأعطيه إياها قبل ما يطلع او يوم الزواج
السلام عليكم
معليش موضوعي يمكن يكون للشباب أكثر شي حبيت آخذ رأيكم بشغله وهي أول شي دعواتكم لي بالتوفيق بإذن الله راح يتم عقد عقرآني يعني ملكه فقط طبعا بعد ما نكتب الكتاب زوجي راح يلبسني الشبكه(طقم ذهب) طيب وش رآيكم بعد ما نجلس مع بعض قبل ما يطلع أعطيه هديه يعني أشتري له هديه بسيطه وأعطيه إياها وش رآيكم مفكره أشتري له ساعه أو عطر وش رآيكم وإلا الهديه يوم الزواج وش رآيكم |
الأفضــــــــل بعد حفلة الملكة بأيام ..
وفقكِ الباري \// |
اشكرك على الرد
لكن هو في منطقه بعيده يعني ما اقدر ارسل له هديه وش رآيك أرسلها له بنفس اليوم او بيوم الزواج |
بعد حفلة الملكة بـ ايام ..
يكون افضل :) |
المفروض بهذي اللحظة تكونين مستحية وخجوله حتى ماتقدرين تطالعين بعيونه
بعد الملكة بأيام يكون افضل وبالتوفيق |
افضل بعد ايام من الحفلة لما يجي يزورك.
اما الحين راح تكوني مرتبكة وخجولة وماتقدري حتى ترفعي عيونك فيه. انا ما اهديت خطيبي الا بالزيارة التانية وكان حيطير من السعادة. الله يسعدكم ويالف بين قلوبكم. |
لا صعبه يلبسك الذهب وتهدينه
مره ما هي حلوه حتى لو كان بعيد .. إذا جاء زياره أهديه وإذا كان الزواج على طول أهديه بعد الزواج بكم يوم هو جايب الذهب على أساس انه الزوج ولازم يقدم للعروس لكن انتي تهدينه بمناسبة ايش انه جاي يتزوجك .. ترى بعض الناس يفهمونها بطريقة غير جيده الله يوفقكم ويتمم على خير |
اقتباس:
والله صدمتيني بردك تهدينه بمناسبة إيش!!!!!!!!!!! قويه والله لاتلوميني عانس على مشارف الأربعين!!!!!!!!!!!! دعواتك لي بالتوفيق استفدت من ردك كثير الله لايحرمني منك دعواتك لي بالتوفيق |
مشكورين جميعا على الرد
ما أظن يزورني لأن الزواج بعد الملكه بفتره لأنه بيسافر بعثه دعواتكم لي بالتوفيق |
بتروحين معاه إذا راح يدرس برا
|
هلا ذكريات
إلى الآن ما أدري يقول إذا خلصت أوراقك الخاصه بالسفر رح تسافرين وإذا ماخلصت بسافر وبعد شهر برجع آخذك معاي والله ما أدري لاتذكريني بالموضوع كل ماتذكرته أبكي!!!!!!!!!!! تو حسيت أني بفقد اهلي الله لايحرمني منهم إذا عندك لي نصائح خاصه بالسفر لاتحرمني منها انتظرك |
اقتباس:
|
لا يا قلبي لا فقد إن شاء الله ولاشيء
الله يخلي لك اهلك بصحه وعافيه بالعكس حلو تسافرين انتي واياه وتبدؤن تبنون حياتكم من الصفر وانتي تكونين معاه من البدايه إلا ادعي ان ربي ييسر الأمور وتخلص اوراقك وتسافرين معاه كل الي اقدر اقوله لك خليك حنونه جداً بتعاملك معاه وهو اكيد رجل وقدها بس تأكدي من داخله فاقد لأهله مثلك وأكثر حاولي تعوضينه حنان الام والأخت واللمه الحلوه اعينه على الدراسه وروقان البال أعطيه من نفسك قد ما تقدرين هيئي له جو الدراسه لا تتمللين وتجلسين فاضيه وتبكين انشغلي معاه ادرسي لغه إذا كان موافق وتعرفي على الجارات الأجنبيات وتعلمي منهم لغة وأهم ما عليك راحته ومراعاة الله فيه ترى هو متأمل فيك الكثير ويبغى يسعدك ابعدي عن النكد واني فاقده اهلي وهالسوالف خلاص كبرتي وانتي مسؤوله عن زوجك واسرتك هذا الي جاء ببالي الآن |
الله يوفقكم ويتمم على خير
|
:* :d الهدية بيكون معناها في هالتوقيت مو حلو كأنك تقولين له شكراً شكراً لأنك تزوجتني وماني عارفة كيف أشكرك:d :* لاتزعلين مني تبغين تهدينه أهديه بعد الملكة مثلاً بأسبوع أو عند سفره المهم بيوم الملكة لاااا :* |
نفس رأي ذكريات وغير هذا يا غاليتي لا تقولين عانس على مشارف الأربعين , لالالالالا احنا عندنا عروس نبغى تفاؤل ووناسة وفرح , خلاص الماضي راح وانت اليوم أحلى عروس يا قلبي ...:22: دللي نفسك وانبسطي والبسي لبس نعوم وشيك , والبسي الوان بناتية حلوة وخليه يدللك هو علشان تحسين انه شاريك , الهدية بعدين تهدينه اياها ان شاء الله بعد فترة , وبعد الملكة ان شاء الله اظهري فرحك بالرومانسية والدلال والغزل وهيك يعني ... يعني لا تقعدين تقولين له معاناتك وانك انتظرتيه وووو ... خلك عادي نفس كل البنات مبروك يالغالية والله يتمم لك فرحتك:) |
لاتهدينه يوم الملكة...
اما تهديه وهو مسافر (ترسليها بالبريد ... وما تكون غالية .. يعني عطر مغلف بشكل حلو يكفي) او استني لبعد الزواج .... والف الف مبروك ربي يسعدك و يهنيك و يجعلك ملكة قلبه قولي امييين :) |
^
^ نفس رأي أختي noora مش حلو ابد تهدينه يوم الملكة أجليها وماتدرين يمكن يجي فرصة وتقدرين تهدينه بعدها واذا ماحصل خليها بعد الزواج ::: الله يوفقك حبيبتي ويسعدك ويتمم فرحتك على خير |
اقتباس:
مشكوره ذكريات دعواتكم أسافر معاه أكيد إذا سافرت رح أكون له نعم الأم وماراح أوضح له أني فاقده اهلي كبرت عن هالأشياء دعواتكم لي |
:* نسيت أدعي لك بالتوفيق والهنا فرجعت ياقمر أدعي لك وخاصة اليوم جمعة وعسى دعائنا لكِ ولأنفسنا ولجميع المسلمين يوافق ساعة إجابة الله يوفقك ويتمم لك بخير ويفرح قلبك وتبشرينا بذريتك والله الله بنصائح ذكريات ضعيها بعين الإعتبار :* |
اقتباس:
ماراح أزعل يالغلا سيدة الموقف بالعكس تشرفت بردك مشكوره إن شاء الله ماراح أهديه يوم الملكه بإذن الله بعد الزواج بكم يوم دعواتك لي |
فاكهة الشتاء
اشرك على ردك وراح انسى الماضي وأبدأ صفحه جديده والله اني افكر وخايفه كل يوم اقول الله يتمم على خير وأتملك وأتزوج أعوذ بالله الشيطان يوسوس لي |
noora
زوجة عبدو المتفائله مشكورين على الرد دعواتكم لي بالتوفيق |
| الساعة الآن 04:21 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©