|
صديق زوجي واتصاله بزوجي .....
السلام عليكم
اسعد الله اوقاتكم اتمنى ان تكونوا جميعا بخير واعذروني لطول غيابي لظروف صحية حبيت افضفض لكم فأنتم سريّ ومستودع سريّ انا متضايقة اليوم والليلة بالذات لان صديق زوجي المذكور تعرفونه هو من يسافر معه ويشرب معه المهم اتصل اليوم على زوجي وقال راح اجي عندك في بيتك غدآ واتعشى عندك وزوجي فرحان فيه يقول جهزي المكان ورتبي بيزورني فلان غدآ وانا بصراحه اكرهه واحقد عليه وزوجي لاحظ علي اني ما ابغاه يزورنا احس القولون عندي اشتغل من سمعت سيرته استغفر الله واتوب اليه |
توضأي وصلي ركعتين اطلبي من الله أن يدفع عنكِ شر هذا الرجل ورددي اللهم من أرداني وأراد زوجي بسوء فأشغله بنفسه واجعل كيده في نحره واجعل تدبيره تدميره يا أرحم الراحمين والزمي الاستغفار فمن لزم الاستغفار جل الله له من كل همٍ فرجاً ومن كل ضيقٍ مخرجاً ومن كل بلاءٍ عافية ورزقه من حيث لا يحتسب اللهم اكفنيه بما شئت وأنت السميع العليم أسأل الله العظيم أن يدبركِ بأحسن التدابير ويصلح الحال |
أقولك حطي بصحن صاحب زوجك ذا سم الفيران ههههههههه فكة >> امزح وياك اضحكي يلا
ادعي ربك حبيبتي إنه يبعد شره عنكم (اللهم اكفنيه بما شئت) ردديها دايما ورددي اللهم دبرني فإني لاأحسن التدبير لو تمت هذي الصحبة رح يرجع زوجك للفيلم الأولي لإنه الأساس هو الصحبة الصالحة ربي يفرج همك |
ياهلا ومسهلا بدلوعتنا وحياك الله يا أخية وين الناس ماعاد صرتي تنشافي
لك وحشة فقدناك وأفتقدنا طلتك ياشيخة وسلامتك وماتشوفي شر وأجر وعافية إن شاء الله وكيف صحتك الحين إن شاء الله أحسن يارب بالنسبة لصاحب زوجك هاذا الله يعينك وينصرك عليه يارب ويجعل كيده في نحره وزوجك هاذا ماتاب للحين من صحبة هالأشكال طيب إذا قدرتي تاخذي موقف من من هاذي الزيارة وتنصحي زوجك بعدم قبولك باستقبال صاحبه في بيتك يكون افضل واحسن شوفي المرأة تجامل في أي شئ مع زوجها لاكن الشئ اللي يخرب عليك زوجك وينكد عليك حياتك هنا لاتسمحين بهاذا الشئ يصير وحاولي قدر المستطاع إنك تبعدين زوجك عن هاذا الفاسق دائما الصديق السيئ يجلب معاه ذكريات الماضي ويحنن قلب صديقه لخرابيط الماضي ويحيها في نفسه حتى لو أبتدت تموت او تتلاشى من ذاكرته أنتي خليك قوية وفي مثل هالأمور لا تجاملين زوجك فيها وضحي لزوجك عدم رغبتك بزيارة صديقه له بعذر إن اخلاقه سيئه وماتبغينه يدخل بيتك وخذي موقف حازم وقوي لاتكونين ضعيفة وماتقدري تتخذي قرار في مثل هالأمور والمفروض إنك قد أشترطي على زوجك عدم دخول صديقه لبييتك من زمان من يوم المشاكل السابقة لأن كل ماقلت إتصالاته وزيارته لزوجك كل ماقل شره وبلاويه عنكم معليش يادلوعة أنا لو مكانك بعد الألم والجراح إللي صارت لي بسبب هاذا الصديق والله ما أخليه يدخل بيتي ولا يطبه والأكل جعله بسم الهاري والله مايذوقه ولو صار وجاء للبيت غصب عني أخليه هو يقوم بواجب ضيافته يطبخ وينفخ هو بكيفه ضيفه صديقه وهو حر يسوي له إللي يبغاه حتى مرة ثانية ينحرج وماعاد يستقبله في البيت ويكون له درس ماينساه أنتي بس أتخذي موقف وبقوة وارفضي زيارة صديقه لبيتك وإذا شفتيه عاند واستقبله لاتعطينه حتى كوب موية حتى يحس إن ماله قبول في بيتكم ويستحي على دمه وماعاد يجيكم زيارة بالذات إذا كانت هاذي أول زيارة يزور زوجك بعد هاذيك المشاكل إذا تم إستقباله بشكل غير مرغوب فيه رايح يحس ويبطل زيارات هاذا إذا كان عنده دم ويستحي على نفسه . |
اولااااااااااا
اهلا باحلى دلوعه ان شاء الله انك بخير حبوبه جااااااااااااااااااااااااااااااا برجليه يا هلا ومرحبا بالضيف عليكي الاآتي سورة البقره النور يس الصافات الدخان الذاريات الجن الزلزله الكافرون الاخلاص والمعوذات على ماء وزيت اقري ومن ثم لا تنسي ان تبدي بالفاتحه والصلاة على النبي وتختمي فيهم اللهم صلي على سيدنا محمد اقول على ماء وزيت ايضا وااطبخي فيهم واشربيهم منهم ماء وشاء وووووو احرقيهم الاثنين يحترقو ويتوبو على ايديك هلا وبالضيف اللي طال انتظاره اعزميه كل يوم واسقيهم الاثنين معاااااااااااا يا سلااااااااااام جا برجليه ورددي طبعا اللهم اكفنيه بما شئت وانفخي على الاكل ومن طرف الباب كان بعيدا ووصل استقبيله احسن استقبال وانتي تعطي زوجك الاكل تكوني مع تقري وما ان يفتح الباب وتنفخي فوراااااااااااا جااااااااااااااا لقضاه عم تضحكو مستغربين صح شايفتكم قبلاتي دلوعه لاولادك قومي شدي حالك شفاكي الله لا تستسلمي للمرض |
الله عليك يأم حسن ضحكتيني من جد حسيت إن زوجها وصاحبه فيهم مس ودلوعة بترقيهم بالرقية الشرعية والله إنها فكرة حلوة يمكن شياطينهم تطير وماعاد ترجع وربنا يصلحهم ويهديهم بصراحة حل عين العقل يا أم حسن الله يسعدك يارب وينك عننا بهاذا الحل الجميل من زمان
تصدقين أنا زمان قبل ما اجيب عيال كان فيه واحد زميل لزوجي كان يمر عندنا البيت يزور زوجي وبالصدفه زوجي قال لي فلان زميلي مايصلي ولا يصوم وعليه بعض المعاصي من شرب دخان وسماع اغاني قلت له وليش يجي يزورنا وليش تصاحبه قال وش اسوي هو لازق فيه غصب قلت زين ليش ما تنصحه وتخوفه بالله قال قد سبق ونصحته وتعدل يومين ورجع لعادته طبعا قررنا انا وزوجي إنه يعزمه عندنا على العشاء ويتقهوى ومنها زوجي ينصحه ويعطيه بعض الكتب المطويات والأشرطه الدعوية طبعا جهزناها له وغلفناها بالإضافة لهدية عطر عود وسواك معاها وعزمه زوجي طبعا جاء وتعشى وتقهوى وتحلى وزوجي سولف معاه ونصحه بعض النصايح وأعطاه الهدية مع الكتيبات والأشرطة وراح من عندنا وحنا نمنا هاذيك اليلة ومع آذان الفجر زوجي رايح يصلي الفجر في المسجد ومر من عند سيارتنا إلا وهاذاك الكيس معلق في مراية سيارتنا ولم جاء زوجي يشوف وش داخل الكيس إلا وهيه المطويات الأشرطه إللي أعطاها زميلة خلاها زوجي وراح يصلي ورجع شالها وجاء بها لي أعطاني وقال لي عن السالفة والله إني عصبت وزادت عصبيتي لما زوجي قابله وجلس يستهزئ على زوجي ويتفلسف وكرهت تصرف هالإنسان وسبحان الله شاءت الأقدار وجاء عند زوجي للبيت مرة ثانية وجاء زوجي قال ضبطي القهوة عندي فلان قلت له بالله جاء قال والله صدق جالس بالمجلس ومعاه فلان وفلان ذولي الثانين أردى من الأول بكل شئ قلت لزوجي مافيه لا شاي لاقهوة وخلهم يطلعوا من بيتنا مايشرفنا مثل هالأشكال تدخل بيتنا قال زوجي والله عيب مستحي اقول لهم كذا ورفضت اسوي لهم شئ وجاء زوجي بيضبط شاي وقهوة أنا رفضت وقلت له لو تسويها رايح يصير شئ ماصار ولا استوى زوجي مسكين مسالم مايحب المشاكل ترك كل شئ وراح واعتذر منهم قال معليش ماضيفناكم الحرمة راحت تزور جيرانها قالوا خلاص جيب لنا موية نبغى نشرب عطشانين جاء يبغى يعطيهم موية من المطبخ حلفت عليه مايعطيهم قطرة موية ولا يشربون في بيتي شئ واقسم بالله يا ام حسن إنهم طلعوا من البيت ماشربوا حتى الموية عندنا راح قال لهم معليش الموية مخلصة برو ح اجيب موية من برى قالوا له لا لا خلاص حنا اصلا رايحين وطلعوا وصارت طلعتهم والله ما عاد احد منهم دق باب بيتنا أنا بصراحة كرهتهم وكرهت كل شئ يقوله زوجي عنهم حتى جواله والله مسكته ومسحت كل ارقامهم من عنده والحمدالله ربي فك زوجي من زمالتهم في العمل نقلوهم من عنده لمواقع ثانيه لأنهم فاسدين وبشكل كبير وأنا كنت خايفة زوجي يتأثر فيهم من إللي يقوله لي عنهم يعملوا المعاصي ويجاهروا بها ويتفاخروا فيها بينهم ويتكلموا في أعراض الناس فمن حقي إني أحافظ على زوجي وبيتي ومن حقي امنعه عن صحبتهم ومن حقي امنع زيارتهم لزوجي في البيت مانفع معاهم لانصح ولا شئ حتى النصيحة يستهزؤ ا فيها علشان كذا تصرفت هاذا التصرف حتى اولادي أسألهم عن اصحابهم وعن مدى التزامهم بالصلاة والقرآن وعن اخلاقهم وإذا شفت معهم صديق فيه شئ من الخلل انصحهم بالإبتعاد عنه حتى مايتأثروا بأخلاقه ويدوروا الرفقة الصالحة أفضل لهم واحسن واسلم و الصديق مثل حامل المسك ونافخ الكير مثل ماقال رسولنا الكريم عليه افضل الصلاة والسلام والصاحب ساحب مثل ماقالوا في الأمثال . |
بنت الحكمي لو اسقيتيهم ماء مقري كان اخذتي بهم ثواب
كانو انعدلو لان هكذا ناس لا تسمي بالله وقت تشرب والماء المقري عليه فلا يجب عليكي ان تسمي لتشربي فينفع معهم |
صباح الخير
الله يسعدكم لردودكم صاحيه بدري شايله همّ خاله قرين هههههه والله ضحكتيني الله يسعدك يارب ارقيهم بصراحه اكره صديقه كره العمى وافكر اروح لاهلي وقت زيارته لنا ويصطفلوا الاثنين لي عوده لردودكم |
ياحبيبتي بنت الحكمي وربي احبك في الله ردودك دائما حكيمه لك من اسمك نصيب
|
اقتباس:
جزاك الله خير ولاحرمك الاجر |
اقتباس:
روح المساء مشكوره حبيبتي لردك |
اقتباس:
كلامك عين العقل وزوجي لاحظ علي اني زعلانه ومتضايقه من سمعت انه بيزورنا ويعرف اني اكرهه واحقد عليه عشان كذا راح اسمع كلامك وماراح اقدم لهم اي شي بروح بيت اهلي قبل يجي يزورنا بصراحه مااتخيل نفسي اطبخ وانفخ لانسان احقد عليه او مره اشوف نفسي كذا |
اقتباس:
يارب تكون امورك تحسنت والله ضحكني ردك من قلب تبغي الصراحه مالي نفس اضيفه فكيف ارقيهم هههههه الله يسعدك ام حسن |
اقتباس:
كنت مجرد ما يجيب زوجي طاريهم اعصب عليه ويسكت والله ياأم حسن إنك لاتهدي من تشاء ولاكن الله يهدي من يشاء سبحان الله الإنسان المبتلى مبتلى الله لايجعلنا من الشامتين والله يهديهم ويصلحهم ويردهم لطريق الحق والصواب الحين هم الثلاثة ذولي أعمارهم أصغر واحد فيهم شارف على 43 سنة وهما لا زوجه ولابيت وحتى اهاليهم مايسافروا لهم وهما مقتدرين ماديا رواتبهم كبيرة ووظايفهم مرموقة لاكنهم ما استقروا في حياتهم ومستأجرين لهم شقة وجالسين مع بعض عزابية وسفرات وسهرات كل وقتهم واحد منهم تارك امه ارملة لها عشر سنوات ماتشوفه يقول زوجي والله إنها كانت تتصل عليه في العمل وتبكي وهو مايكلمها يقول لأصحابه قولوا لها نايم او مو موجود الحين قال زوجي والله إنا ترجيناه حنا زملائه ومدير العمل اعطاه إجازه مفتوحة علشان يسافر يشوف أمه لاكنه اخذ الإجازة وقضاها نوم وسهر ولا سافر لأمه بالرغم من إتصالاتها المتكررة عليه وتترجى اصحابه بإقناعه بالسفر لها علشان تبغى تشوفه لاكن كل هاذا بدون فايدة مانفع معاه شئ نسأل الله الهداية لكل عاق وكل عاصي يارب . |
بنت الحكمي يالطيييف معقولة فيه ناس زي كذا ؟
بس تصرفك عجبني من جد و ليت دلوعة تعملي نفس الشي و لا تجاملي احد على حساب نفسك |
يآشين النشبة مآلج إلآ تشيلين عفشج وتروحين بيت أبوج حسيت باللي تحسين فيه لآني مجربه |
السلام عليكم ورحمة الله وبركاته
اختي الكريمة، لا يكلف الله نفساً إلا وسعها إذهبي لزيارة اي من أهلك ولا تقومي بتحضير أي شيء دعي زوجك يدبّر امره بنفسه ولكن قبل ان تخرجي قولي لزوجك بهدوء: أتمنى ان تكون آخر زيارة منه لنا، لا أريد ان اراه مرة أخرى في بيتي. بالتوفيق ان شاء الله |
ربي يفرج همك
|
دلوعة ... أثار استغرابي جزئية وردت بأحد الردود وكأني فهمت بأنك انتِ من تمنع نفسها عن زوجك .. هل هذا صحيح ؟؟؟
اسمحيلي بالسؤال مع انه فيه تدخل ما أرضاه على نفسي عادة لكن شجعني أنك تعتبرينا اهلك هنا وأشعر بأنك كأختي الصغرى أو ابنتي .. اسألك كما أسأل ابنتي |
بسيطة السآلفة هآذي مآيبي لهآ طلعة من البيت ولآشيء
يبغآلهــآ شوية كيد نســآ (; |
اقتباس:
لكن مافهمت سؤالك غاليتي بيتا وضحي اكثر واكيد انتوا اكثر من اهلي اسألي ماشئتي ياغاليه انتظرك |
اقتباس:
أخاف تكون رجعته لصديقه سببها يأسه من رجوع حياتكم لطبيعتها أرجو من ربي أن يجد زوجك في بيتكم ملجأه ومكان راحته الوحيد ويبعد عنه رفقاء السوء ووسوسة الانس والشيطان |
اقتباس:
بصراحه حاولت ورجعت مثل اول لكن كل ماصارت بيننا العلاقة ترجع لي الالتهابات واتعب فصار عندي ردة فعل نفسية وكرهنا جميعا العلاقة الجسدية لهذا السبب .. بالنسبه لصديقة هو من اتصل وهو من يبحث عن زوجي .. الله يكفينا شره يارب |
علاج الالتهابات يحتاج أن الزوج والزوجة يأخذوا كورس المضاد بنفس الوقت .. تمنع العلاقة ويتم أخذ كورس أو أكثر على حسب درجة الالتهاب من الطرفين لأنه معدي واذا واحد منكم تعافى والثاني ظل عنده التهاب بيرجع ينتقل مع أول لقاء .
حاولي حبيبتي لأجلك ولأجل زوجك والعائله كلها .. تأثيرك على زوجك يكون مضاعف لما تكون علاقتكم طبيعية .. ما راح يهون عليه زعلك صحيح انه صديقه هو اللي يبحث عنه لكن زوجك تحمس وكان فرحان لرجعته .. وللا أنا غلطانة .. ان شاء الله أكون غلطانة . |
بيتا
عالجنا سوا كذا مره الطبيبة تعطيني علاج وتقول لزوجي انت خذ مع زوجتك نفس العلاج وناخذه بس الالتهابات ترجع ليه ما ادري والله تعبت انا وكرهته ماتتصورين ما اشعر تجاهه بأي رغبه وهو كذلك |
غاليتي دلوعة الله يعينك ويبعد عنك كل شر وسيلة ممكنةلكن حبيبتي ما عليك من الماضي لا تخليه يأثر على مستقبلك الحياة ما زالت أمامك انسي جروحك أو تناسيها وحاولي أن تعيشي اللحظة وما تجدينه من الاتهابات قد تحصل لبعض الأزواج وتعالج بإذن الله لكن لا تخلي نفسيتك السيئة تأثر عليك عليك بالقرآن والذكر والدعاء ليذهب الله عنك ما تجدين من ضيق أما ما يخص صديق زوجك عليك بأن تأخدي موقفا حازما ولا تتركي له أي منفذ ليجدد الصداقة مع زوجك وبأية ((صديق السوء ليس له أية رحابة ولا قبول)) أعانك الله وخفف عنك مصابك وعوضك خيرا عن مصيبتك |
اقتباس:
لكن العقل يقول غير كذا .. ما تقدروا وانتو بهذا العمر أن تعيشوا اخوان بهذي الطريقة ... مو طبيعي ... ممكن تظلوا لمدة معينة الى أن تتشافوا جسديا ونفسيا .. يمكن تستمر هالمدة سنة أو اكثر لكن بالنهاية ترجعوا لبعض أو لا سمح الله تتطور أمور ثانية .. مشاكل .. ما ادري شنو بالضبط لكن الغلط يجر الغلط والوضع الغير طبيعي أكيد نتيجته بتكون شيء غير مقبول . موضوع العلاج لازم يصلح .. كيف يعني ترجع الاتهابات لو كان العلاج صح ؟؟ لازم الطبيب يتابعكم وانتم تتابعوا معاه الى أن تتأكدوا انه الالتهاب راح .. فرصة أنكم بعيدين عن بعض حتى نمشي على العلاج . واذا ما فكرنا لبعيد ورتبنا لليوم اللي ترجع فيه حياتكم طبيعية فخلينا حاليا نعالج الالتهاب ضروري عشان صحتكم اللي أعرفه انه الطبيب يكرر العلاج أو يرفع نوع المضاد لنوع أقوى الى أن يعمل فحص لكم الاثنين للالتهابات وتكون النتيجة سليمة 100 % ... بعد الشفاء تخلصي من كل الملابس الداخلية واشتري جديد .. واعتني بأكلكم حتى ترفعي المناعة ... وقتها المفروض ما ترجع .. زوجك يحتاج شخص قريب منه وقريب لقلبه ومريح مثل ما انتِ تحتاجي هذا الشخص بالضبط .. لا تخليه يدور هذا الشخص بعيد عنك .. قربي منه .. اسمعيله .. احتويه بدون ملامة ولا عتاب .. صحيح انه طبعه يتمرد عليك ويعمل اللي يخطر بباله لكن هذا لأنه المجتمع أعطاه حرية مو لأنه شخصيته أقوى .. انتِ أقوى منه وشخصيتك أقوى .. هو يهابك ويبعد عنك من خوفه منك <<متأكدة انك بتضحكي هنا لكن صدقيني هذا اللي صاير اسمعي منه .. واسمعيله بهدوء ومو شرط تجاوبي .. يكفي انك تسمعيه ايام واسابيع الى أن تفهميه . وقتها تقدري انتِ كمان تشكي له .. ما لكم الا بعض يا دلوعة مودي |
| الساعة الآن 05:35 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©