|
شوفوا لي حل ؟؟ مع زوجي الطماع
السلام عليكم ورحمته وبركاته
اسعد الله اوقاتكم بكل خير بما ان النفسيه عندي مو تمام بدخل بالموضوع دوغري يعني على طول ياناس انا اشوف نفسي غبيه ومااعرف اتحاور مع زوجي وارد عليه برد محترم يخليه يسكت ويحترمني الاغلبيه عارف زوجي متزوج علي يحاول بأبسط شي مايقصر وهو تقريبا مقصر منشان ظروفه وزواجه الغبي اللي بدون حسابات علي زوجي يعطيني مصروف شهري 500 ريال لكل شي ومايعطيني مصروف لعيالي يقول اكسيهم بس بالمناسبات مثل رمضان والعيد وبس وانا اللي جالسه اعوضهم من هنا وهناك اشاياء كثيره متعطله بالبيت وهو كل شويي يصبرني ويقول الشهر الجاي اصلحها مع الراتب راح شهر وجاء شهر وهو مثل ماهو الي يقهرني احسه يصرف فلوسه على الفاضي العاب تمشيات بمزاجه وبيتي مايهتم اللحين جايني حافز يقول اعطيني منها كل شهر 500 ريال وساعديني منشان اسدد قرض سيارتي وجاني جهاز ايفون هديه من اخوي ويقولي اعطيني اياه ولا بحقد عليك طوول عمري يقول انتي جوالك مافيه شي وانا جوالي قديييم وحالته حاله قولولي وشلون اتصرف معاه مشكلتي مابي اخسره مع اني خسرته خلاص بس مااعرف ارده شي فيني يمنعني ؟؟؟ انا ضايعه وافكاري مو مرتبه بس تعبت مع زوجي اللعاب الميال :29: |
طالما انو تلفونك القديم يقول ما يشكي من شي
اعطيه القديم واحتفظي انتي بهدية اخوكي قولي له : الهديه لا تنهداااااااااااااا يا دي الفلوس اللي تخرب النفوس وتجيب المشاكل بين الازواج الله يعين شدي احزمي يصرخ انما يرضى ويوافق ويتعود مع الايام ويقولو انو بعض الازواج م طمااااااااعين |
أما اعطيني و إلا بحقد عليك طول العمر عفوا منك ذا رد بزران
لا تعطيه و لا تعطيه من حافز احتياجات الأطفال ما تخلص و ما يكفي بس العيد و رمضان تحججي و لا تعطيه , لا تردي بقوة من يجيك حافز قولي صرفته في لبس للأولاد و لبعض التصليحات للشقة ووالخ و فعلا اصرفيها و طالبيه بنفقة تكفيك ,و اعلى مافي خيله يركبه ايش بيسوي يعني بيتزوج عليك مثلا!! ,,, |
المسداني يالغالية الرجل متزوج عليها مرة ثانية حسب مافهمت من كلامها
يعني مابقى شئ يهددها فيه بصراحة ياشين الرجال إللي تمتحن حريمها على فلوسها والأخت طعن قلبي سوي مثل ماقالت لك المسداني كلامها عين العقل لأن اتوقع حافز نزل من هاذا الشهر فحاولي إنك تتخذين موقف حازم من البداية وإلا ترى طول السنة هاذي بتعيشي بنكد علشان الفلوس إللي بتجيك يمكن لو انتي برضى منك ونفسك تساعدينه وتعطينه 500 ريال كمساعدة منك علشان ظروفه لاكن تعطينه 500 ريال وتساعدينه بأقساط السيارة وش عاد بقى لك ولعيالك وبكذا بيجلس لك على الطالعة و النازلة كل شهر لاكن من البداية اتخذي موقف وسكتيه من الحين وبيته وعياله هو ملزوم بمصاريفهم أنتي مالك شغل فيهم ولو شفتي الوضع تأزم الله يعينك خلي فلوسك لوقت حاجتك ولو أضطريتي وصرفتيها بنفسك على بيتك وعيالك أحسن من ما تعطينه ويلعب فيها أنتي وعيالك أولى فيها خليه هو رجل ويدبر نفسه . |
الاخوات ما قصروا واعطوكي أعذار كافية تردي فيها على زوجك . الهدية لا تهدى ..أخوي يزعل
اشتريت للأولاد .. صلحت .. عملت .. راحوا الفلوس . بح :) لكن كل خوفي ما ترديه بالرغم من توفر الأعذار لأنك تقولي ما تقدري ترديه وما تبي تخسريه فأقولك انه هذا حق أولادك وحرام عليك تفرطي فيه .. لو انه زوج مهتم بحاجات أولاده وما عنده كان ما قلنا شي لكن يصرف فلوسه هنا وهناك ويقول لك اصرفي عليهم ب 500 ريال ؟؟؟؟؟؟؟؟؟ أتمنى عليك أن تحطي ببالك بوقت نقاشكم ووقت ما يكلمك بالفلوس انه راح ياخذهم يصرفهم على زوجته الثانية ... رايح ياخذ فلوسك يصرفهم معها بطلعات وتمشيات وانتِ حرة .. تعطيها أو لأ الله يهديه ويصلح حاله ويصبر قلبك يا رب |
السلام عليكم ورحمة الله وبركاته...
اكثر من الذي حدث منه لن يصير (زواج وتزوج عليك) لا تعطيه ولا حتى فلس واحد وألزميه بمصاريف الأولاد كاملة. كوني حريصة على إدخار مالك لنفسك ولأولادك فمثله لا يؤتمن. دعيه يدبر اموره وديونه بعيداّ عن مالك. بالتوفيق ان شاء الله... |
الصراحة 2000ماتكفي الااحتياجاتك وابناءك واذا احتاج بيتك لشئ
والباقي افتحي حساب لك في البنك وخليهم للزمن ولايعرف انك فتحي حساب او لك فلوس في البنك |
بالله عليكي
يقا فيها احترام فكري بنفسك حبوبة وطالبي يزيادة مصروفك لانه واضح انه زوجك اناني وما يفكر الا بنفسه قال بحقد عليكي قال رجال اخر زمن |
عزيزتي.. اسمحيلي اقولك الرجال مهما كان طيب فما يملى عينه التراب .. ومهما كنتي له خاتم في يده وجا يوم ورفضتي تعطينه شي بيخليك ماتسوين شي ويطلع فيك عذاريب الدنيا ..اسأليني خبره 15 سنه.. زوجي عسل ومافيه منو بس زعل بسيط مني يقلبها ويقول اشياء ماتتوقعينها حتى لو بسيطه.. فانصيحتي ماتعطينه شي هاال2000 يلله تكفيك انتي وعيالك.. بعدين متزوج عليك بعد وبتصرفين عليه .. والله شين وقوي عين اسمحيلي<<<<من جد منقهره.. والله ماكتبت لك هذا لاني حاسه بمعاناتك ومار بها.. تقبلي مروري.. |
يعني النفقه ومصروفك من زوجك ال500 بيتكنسل!!!!
وانتي اللي بتعطينه مصروف ونفقه !!؟ بيصير زواجك مسيااااار بهذا الشرط ،، والتنازل من قبلك ،، واتوقع انه سيكون افضع من ذلك وهو تبادل ادوار،، واي حياة فيها خلاف لامر الله ،، وسننه في خلقه .. فلن يكون الفلاح حليفهاا.. كوني قويه ،، والتزمي بحقوق نفسك قبل حقوق غيرك ،، وليكن رضا الله هو همك وطاعته .. |
طيب انتي وين تحطي فلوسك..
خبي فلوسك عنه .. في بنك وخلي الكرت عندك و بكل شهر غيري الرقم السري فهميه انو الراجل عيب ياخد فلس واحد من فلوس مرته حكمي عقلك دوما واتركي قلبك جانبا. |
مشكووورين كلكم اتفقوا على نفس الكلام
بجد ضيعني كم ارفض ويرجع يطلب ويقولي انا لما كنتي تحتاجيني ماكنت اقصر واللحين امر بظروف وهو والله كداب وشلون اكوون قووويه مو عارفه وشلون اتصرف وياه وشلون اطالب بحقوق عيالي هو مايفهم ولايهتم همه بس انهم ياكلوا ويشربوا بكدا هم على قولته بنعمه احترت اشكيه لامه اشكيه لاهلي مابي اكبر مشاكلي وياه ودي لو مررره بس احل مشاكلي واخد حقي واكون قوويه ويضرب لي الف حساب كل مااطبه يصلح شي بالبيت يماطل معاي ياناس عمري راح في التنكيد ضاع شبابي وياه ويعلم الله ان جلوسي عندو منشان اوادي الاثنين اللي متعلقين فيه ولو جات علي انا تطلقت منو من زمان وهو مررره عنيد مايقنعه شي مغرور وراسه يااابس ,,, مدري ليه اخاف ازعلوا بجد اني مريضه بعد اللي سواه فيني مابي ازعله مابي اخسره اكثر لاني اناشد الجو الاسري لي ولعيالي مدرررررررررررررري ؟؟؟ |
الله يعينك اختي
حنا ابتلينا باشباه الرجال ,حسبي الله على من شجعهم علينا اقولك انا مثلك زوجي ياخذ راتبي الله لايبارك في كل قرش ياخذه مني باسلوب الضغط النفسي تدرين وش سويت كذبت عليه وسجلت في جمعية وهميه وكل ما طلعت لمكان اخذت مبلغ وشلته في دولابي والذهب ناويه اخليه عند اهلي واقول نسيته وش اسوي زوجي لئيم ياخذ مني ويعطي اهله وشباب الاستراحه راح تعبي علشانه وهو ما يستاهل ولو كان يستاهل كان ما اخذ منه اصلا لكن من فرعنك يا فرعون حنا فرعناهم علينا وهم نيتهم باطلهمن البداية اقترح عليك تقولي له انا تدينت من اخوي ودام حافزجاء بدفع منه لان راتبك يا زوجي ما يغطي وكل مره تتسوقين لاتقولي عن المبلغ الحقيقي اذا شريت بالف قولي شريت بالفين هذا حلالك لاتتهاونين انتي استكثرتيه على نفسك فهو اسكثر عليك في اسوء الاحوال وش بيسوي لك بالحيلةوبكيد النساء تسوين كل شي |
اقتباس:
أقولك فلوس لاتعطيه يسدد قرضه بنفسه سيارتك ولاسيارته ؟؟ والله لو من طيب نفس تعطيه قلنا فيها ومافيها اما يطلب ؟؟ وهو بالأصل عاطيك نفس المبلغ مصروف ؟؟ والجوال لاتعطيه الهدية لاتهدى يعني حضرته جاي سلبطة وحاط عينه على فلوسك وأغراضك إذا تبين أعطيه جوالك القديم بما إنه قال جوالك مافيه شي قال إيش بيحقد عليك خليه يحقد هو الخسران الحمدلله على نعمة العقل الله يفرج همك بس |
مشكووورين حبيباتي ماقصرتم
خلاااااص قرررت ادخل بجمعيه واحاول اصرفها ومااعطيه منها شي من كثر ما ينتقدني بموضوع الماده شككني بنفسي وخلاني افكر اعطيه من كثر كلامه جات افكار ببالي انو من حقه اعطيه لخبطني حسبي الله وكفى... |
لاااااااا تعطينه
فلوسه رايحه على اللعب مثل ماقلتي ومايصرف على عياله الا بالمناسبات ويبيج تسددين قسط سيارته ويبي ايفونج مايبي ملابسج بعد!!!! وفوق هذا كله متزوج عليج خليه على قولته يحقد عليج طول عمره!!! ازواج اخر زمن!! |
بكل بساطة قولي له مايغلى عليك ياعمري
بس الهديه ماتهدى وبس |
:* أنتِ من صدقك...؟!! متزوج عليكِ وبعد للحين تفكرين تعطينه من حافز..؟!! أقول تعالي هنا يبغالك دورة تدريبية في فن تقدير الذات هذا ياقلبو زوجك المصون إذا مد يده لكِ وما أستحى على رجولته وهو مقصر معك ومع عيالك قوليها بوجهه أنا حرمتك وإلا أنت إلي حرمتي وبكد عليك..؟!! وإذا مر ر ره ماتقدرين تقولينها عطيه طناش كبر رأسه وكأنك ماتسمعين وخزيه بذيك النظرة إلي تخليه ينتفض ومع الأيام بيستحي هذا إذا بوجهه حياء :* |
قولي له
يمكن لو كان ما عندك غيري عطيتك عيوني مو بس فلوسي بس بما إنك تمسكت بحقك بالزواج الثاني فأنا بتمسك بحقي بالنفقه الكامله خاصة إنك انسان مو مضمون وخليه يتحسف على اليوم الي فكر فيه يطلب منك |
والله يااختي نصيحه مني فلوسك حقت حافز دسيها ولايدري زوجك عنها قولي مانزلي شي وخلي اخوكي يفتحلك حساب وخبي فيه الفلوس حتى لودور في حسابك ماراح يلاقي شي وحسابك الثاني خلي بطاقته في مكان مايعرفه
والله يهدي زوجك ويرزقك من فضله يارب |
انتبهي تعطينه ريال واحد
عيالك ونفسك احق منه اذا هو مقصر بمصروفكم فرب العالمين ارسلك حافز يعوضك فيه فمن باب اولى ماترمين الفلوس له يصرفهم على غيرك حتى جوالك خير المفروض يشتري لك مب يطلب ولا بعد متزوج عجب |
اقتباس:
... عارفة يا اختي بنت الحكمي انه متزوج عليها و فوق هذا مقصر يعني لو صممت على رايها اش بتخسر فهو اريدي متزوج عليها و مقصر بالنفقة فايش اللي اسوأ من كذا,, الله يعينك و يربط على قلبك |
اياك أن تعطيه
اجماع 100% في موضوعك :d ونصيحتي لك يالغالية ابدئي غيري شخصيتك واخرجي من القوقعة التي قوقعتي نفسك فيها ابحثي عن ذاتك لتعرفي كيف تتصرفي زوجك استنزفك قبل زواجه وبعد زواجه بسوء تصرفاته فرج الله همك |
احتفظي بفلوسك لنفسك ولعيالك ولاتعطيه ولاهلله
لانه اصلا مومحتاج موعنده راتب وهو رجل يقدر يدبر نفسه؟! ودام مايقدر على الصرف ماكان تزوج مره ثانيه اصلا! انا عانيت مثلك ولكن مع الاختلاف في الطريقه ماكان يطلبني بصيغه مباشره وحبيت اساعده واوقف بجانبه وقلت يكفي ماشافه في حياته طبعا من قصص الظلم اللي كان يحكيها لي عن والده وعدم اهتمامه فيه بعكس اخوه وطبعا انا مو ظفه اعطيت واعطيت ومازلت للان اعطي بحكم انه خلاني غرقانه بالدين عشان يسكن هو ببيت ملك وغيره وغيره واقسم بالله حتى زجاجة العطر حرمت نفسي منها عشان لاازيده واثقل عليه وفي الاخير القاه متزوج قبلي وهي على ذمته خمس سنوات ويوم كشفته طلقني وبعد طلاقي راح تزوج بوحده ثانيه ومالقيت الا الملام من الاهل والاصحاب والله اشباه الرجال ماينعطون وجه ويبي لهم عين قويه ولااحد يرحمهم والطيب مايعيش معاهم |
ناني واالصاابره وورده بين شوك وام ساره ودكريات لاتغيب ولكل من شارك اجمعتوا كلكم اني مااعطيه وانا فعلن مااراح اعطيه بس كنت ابغى تحفيز
وطريقه بالتعامل يحسب لي فيها الف حساااب ومايتماددى بهضم حقوقي انا وعيالي من غير ماادخل اهلي لان زوجي ماينفع معاه الا الفضايح وانا مليت منها عزيزتي سيده قلتي يبغالك دوره في تقدير الدات وشلون اقدر داتي؟؟ عزيزتي المسداني قولتي مو خسرانه شي وانا فعلن مو خسرانه كثر اللي خسرت والظاهر هالادمي من كثر مايجيني منو صرت اخاف من لا شي عزيزتي فاكهة الشتاء قولتي زوجك قوقعك وكلامك بمحله ابغى اخرج من دي القوقعه وشلون وهو حارمني من زيارة صحباتي وانا عالمي ضيق ومحدود احس الامور عندي معقده بوجوده بحيااتي؟؟ ومفتقره للأسلوب وللحوار الصيحيح معاه مو عارفه وشلون اتصرف ؟؟ ام ناايف تألمت من وضعك وان شاء الله مايضيع الله حقك لاتخافي بأدن لله ربي يعوضك.. لكل من شاارك الف شكر والف تحيه دمتوا بحب |
أهم نقطة أن تكوني هادية خلال أي نقاش .. كوني حازمة ومتأكدة من قرارك ورأيك بدون رفع صوت أو انفعال ..
ما عندك صديقات وعلاقات اجتماعية .. ابدئي بتشكيل علاقات وصداقات . اذا عندك الوقت والامكانية قومي بنشاطات ترفيهية وتطويرية . اي شيء تحبيه . شاركي اولادك بنشاط أسبوعي .. طلعة أو تمشية .. أو بزيارة للأهل |
| الساعة الآن 03:34 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©