|
إتهمت زوجي فهجرني وبردت علاقتنا
زوجي يرغب العلاقه الخاصه يومياً
اصبت بالاتهابات واوجاع مختلفه وتعبت شككت انه يتناول مواد منشطه ثم شككت انه يشاهد الافلام الاباحيه وهو شخص ملتزم يحبني واحبه وبيننا احترام وتقدير لكنه يقصر في اداء الصلاه وبعض الاوقات يحافظ على اداء الصلاه ونادر ما يقرا القران ربما يقرا القران في المسجد فقط واصدقاءه كلهم اشخاص محترمون لا يوجد بينهم احد منحرف وهو محافظ على عمله واخلاقه تمام مع الاخرين المشكله اني صارحته وقلت اني اشك فيك انك تاكل المواد المنشطه وتنظر للمواقع الاباحيه غضب وارتبك وتغير وجهه وحلف انه لا يشاهد الافلام ولا ياكل مواد منشطه ومن يومها صار ما يقربني وحسيت اني جرحته وان في خاطره علي ما الحل هل انا مخطئه؟؟؟؟ وسبب شكي انه في بدايه زواجنا صار عنده مشكله في الانتصاب وقال له الدكتور هذا ارتباك وصرف له علبه حبوب منشطه وقله استخدمها عند اللزوم ثانيا فتره من الفترات صار يجلس عند النت اوقات طويله ويتضايق اذا جلست بجانبه هذه مشكله اختكم وارجو الحل |
غلط كبير انج تتكلمين مع زوجك
بالامور اللي تخص قدرته الجنسيه!! لاتتكلمين فيها لامن قريب ولامن بعيد ولاحتى تلمحين لان هالشي ياثر بنفسية الرجل سلبيا وممكن يسبب له ازمه المفروض تمدحينه وتثنين عليه حتا لو كنتي شاكه انه ياخذ منشطات استغلي هذا الشي لصالحك واستمتعي معه وبلاش من التحقيق بهاذي الامور |
اقتباس:
وزوجك طبيعي وأكيد يحبك لأن الرجل ما يثيره إلا ما يحب ويمكن يكرر في نفس اليوم لو شاف منك شيء يعجبه وكونك تستشهدين بضعفه أول الزواج مو صحيح لأنه كثير يحصل كذا بسبب الارتباك والدكتور ما عطاه منشط بس عطاه حبوب تدعمه نفسيا الأمر سهل جداً حاولي تثيريه بكل قدراتك حسسيه بالاستمتاع أثناء العلاقة الحميمة كلمات إعجاب حتى لو كنت متصنعة شاركيه والإثارة أثناء العلاقة بسرررررررررررررعة قبل ما يدور غيرك وربي يوفقكم |
اقتباس:
عموماً حاولي تشوفي لك يوم مناسب لك وله وتسوي له حفله صغيره او تعزيمة على شى حلو وتستمحي منه ولا تخلي الشيطان يقرب منك ويشكك ، الامر بيدك الحين لاتضيعينها على نفسك والله يوفقك ويتمم عليكم ويسعدكم يارب |
شوفي اذا الجوانب النفسية للعلاقة بينكما مشبعة
فاعتقد انه لا يشوف ولا ياخذ حبوب.. اللي تستثيره الافلام الاباحية لا يمكن تستثيره زوجته لان الاستمتاع مع الزوجه تحركه النظرة واللمسة واللـ ..!! بعكس الافلام تماما وليس هناك اصلاً مقارنه. وطوبى لك وانتي تستثيرينه.. انتي في نعمه..!! افهمي انا بعطيك طريقة تتأكدين وانتي شوفي كيف مدى تطبيقها اللي يستخدمون الحبوب للتقوية الجنسية دائماً يسأل عن جودة قدرته الجنسية فان كان يسأل عن مدى رضاك عن مستوى المجهود في الجنس بشكل واضح ومكرر فاعلمي انه ياخذ حبوب للتقوية الجنسية.. حاولي تصلحين غلطك يا فاضلتي.. فليس اقوى واقسى على الرجل من امتهان كرامته بالذات في فراشه مع حبيبته يجب ان تجيدي التصرف والكلام.. وحسن اختيار الفاظك اعتذري لا تعوديه على بعد روحك عن روحه... ستندمين لو استمر الوضع لانه رح يعافك وتدخلين في صراع نفسي لاستعادة وضعك السابق واحمدي ربك على زوج بهذه المواصفات.. غيرك مالقى ربع صفاته..!! بادري الحين ونصيحة اخويه لا تتأخري واختاري وقت روقانه * |
التهابات لأنه يجامعك كل يوم ؟؟؟!!!!!!
يا عزيزتي في كل مرة يجامعك فيها زوجك تستفيد صحتك كثيراً وأولها وأبسطها تأخر التجاعيد راجعي عند طبيبة مختصة أفضل وتوددي لزوجك وهذا لا يجوز أن تقطعي عليه متعته الوحيدة فالرجل لا يستطيع أن يصبر مثل المرأة وهو يفعل هذا معك ظناً منه أنه يسعدك بهذا الشكل أو إذا لم تستطيعي مجاراته زوجيه من تقدره وتهتم به أما أن تعولي هذه القوة على المنشطات أو الأفلام الإباحية وكأنه ليس برجل طبيعي فهذه مصيبة وكان الأفضل أن تفهمي وضعه اكثر وتتأكدي |
ياشيخة احمدي ربك اللي زي زوجك قله ترى الرجال هالزمن منتهين هههههههه
وإسالي الأطباء المتخصصين وراح يأكدون لك هالمعلومة عموماً شوفي حبيبتي بالنسبة للالتهابات مالها دخل بكثرة العملية الجنسية الالتهابات سببها قلة النظافة او ان احد منكم يصاب فيها وينقل العدوى للثاني والافلام وغيره توقد الشهوة صحيح لكن ليس لها علاقة بالقوة الجنسية والفحولة وكل الاسباب الاخرى التي ذكرتيها لا ينتج عنها قوة الرجل , توقد الشهوة فقط وبعضهم اذا اعتادت عينهم عليها والعياذ بالله لاتتحرك شهوتهم أخيرا بقي المنشطات هذي اللي ممكن تكون سبب في فحولة زوجك , لكن ما اعتقد انه ياكلها باستمرار لأنها مضرة اولاً وثانياً لأن زوجك مازال شاب لذلك المتوقع بعد هذا التحليل ان زوجك هكذا بالفطرة وان ماحصل في بداية زواجكم واستدعى استخدام ادوية هو امر عارض وتم تجاوزه ,وقد يكون نتيجة امور نفسية او غيره لي تعقيب على كلام الاخ مشكلتي زوجتي اللي يستخدمون الحبوب للتقوية الجنسية دائماً يسأل عن جودة قدرته الجنسية فان كان يسأل عن مدى رضاك عن مستوى المجهود في الجنس بشكل واضح ومكرر فاعلمي انه ياخذ حبوب للتقوية الجنسية.. ما اعتقد ان هالكلام صحيح 100% واخشى ان تأخذ به الاخت ويحصل مالا يحمد عقباه بعض الرجال والنساء لديهم شغف معرفة رأي الطرف الأخر فيهم والبعض يتمنى ان يكون مرضي تماماً للشريك ويحب ان يرى نفسه من خلال اراء الاخرين |
السلام عليكم ورحمة الله تعالى وبركاته
أختي في الله لن أزيد على كلام الأخت مستقبل غامض ، ولكن صدقيني نحن ك رجال إن كرهنا شيئاً من الصعب أن نعود لحبهِ مرهً أخرى ، حاولي قدر المستطاع أن تصلحي الموقف وهو في بدايتة ، أفضل من إصلاحة لاحقاً . كل التقدير . |
طيب مو مشكله اهم شي انتي مستفيده وخلاص.الحين وش استفدتي يوم انه قطعك؟؟؟.
.هذا اذا كان يستخدم منشطات ماعليك منه..لان يمكن زوجك محتاجها فعلا...ولايبيك تدرين .اما الافلام الاباحيه ..كان المفروض تتاكدين قبل لاتتهمينه طالما انتي فقط شاكه فيه ...عندك مجال انك تتاكدين ومافي اسهل من انك تراقبين زوجك. واساسا من غير ماتراقبينه الله بيكشفه لك عن طريق الصدفه عاجلا ام اجلا.. |
اعتذري منه وكرري العتذار
لان بصراحه اخطيتي عليه |
الصراحة صعب جدا الموضوع الحساس
والرجل اصعب شئ عليه احد يكلمه في عدم قدرته في هالامور لانها تحطمه تماما وقد سمعت انه كلما كثر جماع الزوج دليل حب وشهوته لزوجته اعتذري منه اعنذار ملموس واعتقد انك فهمت |
حاولي تصححي غلطتك
عجبني رد الأخ مشكلتي زوجتي والاخ قلبي شفاف |
الله يصلحك أتهمتيه بدون دليل
وزوجك أنسان صالح أستبعد انه يتصفح مواقع أباحيه ولو فرضنا جدلآ صدق توقعك بأنه ياكل حبوب لتقويته جنسيآ ما فيها شي خليه ياكل لاهي حرام ومتوفره بكل صيدليه تداركي الوضع وأشبعي زوجك جنسيآ لا يروح يتزوج عليك |
لا أضيف شي على كلام الأخوه
الله يفرج همك ويصلح حالك |
عادي بالنسبه للعلاقه الخاصه البعض اكثرمن مرة في اليوم
انت غلطت عليه وجرحتيه بكلماتك حولي الاعتذار وان تبين ان ذلك الشي متعه لك وللالتهابات استخدمي غسول وراجعي الطبيبة اللي يستخدمون الحبوب للتقوية الجنسية دائماً يسأل عن جودة قدرته الجنسية فان كان يسأل عن مدى رضاك عن مستوى المجهود في الجنس بشكل واضح ومكرر كلامك اخي غير صحيح لن بعض الرجال يحب ان يسمع مديح زوجته بقدرته الجنسية |
تقولي ملتزم .. ثم تقولي مقصر في أداء الصلاة .. ثم نادرا مايقرأ القرآن ... كيف حكمتي عليه بالإلتزام. الأمر الآخر .. يجلس عند النت ... لماذا يتضايق اذا جلستِ جانبه .. ؟؟؟؟ ربما طريقتكِ في الحديث معه لم تكن بالصورة المطلوبه .... تحتاجين لجلسة هادئه ومناقشة في هذا الموضوع مرة أخرى معه .. |
اقول لي من امس اقرا العنوان ولا ادخل وافكر
اقول جربي هذه فعلتها امس والله المستعان اان كان نائم اقري قربه آية الكرسي من غير ما يشعر وانفخي عليه وبادري انتي ومن ثم وقت تنتهو عاتبيه قولي له : اشتقت لك اين انت ,ابحث عنك ,.فقدتك يمكن يكون كلامك صح ويمكن لا انما الكلام خرج منك وانتهينا والاعتذار ما رح يجيب نتيجه الزوج تعتذري منه في الفراش ان كان بالنهار حاولتي ورفض انما ما تبادري قبل ان تقري آية الكرسي وتصلي على النبي وتنفخي له ومن ثم اقتححميه وهو يغسل يديه ولو يديك متسخه واهمسي اشتقت لك معلش يديك متسخه من الاكل تغسلي وتنظفي بعد ما تنتهو او ضعي يديك معه يغسل لك يديكي اقتربي الزوجي ما يهديه الا الجسد اسبوع تبادري انتي ومن ثم يرجع لعادته ما تخافي ينسى ما تقولي اخجل خاله اللي يخجل عيوني ما يتزوج هو حلالك وانتي حلاله وفي الغرفه انتي وهو فقط اللهم احشر جميع الزوجات والازواج في زوايا البيت ههههههههههههه يا ويل اللي يحذف ردي كثرو المشرفات هاليومان انا ماما ما حد يحذف ردودي |
الله يستر بس لايكرهك ويعرس عليك
|
اقتباس:
اه بس عليك على ردودك أحد يقوى يحذفها ههههههههههههههه اللهم آآآمييين هاذي الدعوات ولا بلاش :22: خليك على كلامها وبتشوفين اذا ما رجع لك حصان اقتباس:
هذا كلام تقوله لوحده متضايقه ؟؟ فوق ما انها عارفه خطاها ما يصلح يااخوي مهما غلطت وسوت ماتنصح بالطريقة ذي ماعندك شي تقوله اطلع منتب ملزوم ترد .... معليك منه . ترى اللي قلتيه انقال قبل كذا و مشكله بسيطة وتنحل ان شالله بس انتي شوفي مدخل زوجك لكل رجال مفتاح تراضينه به ودام زعله من الفراش رضاه هين ان شالله الله يفرج همك يا رب |
اقتباس:
نسيت أقول لك إن الالتهابات ماهي من كثر الجماع والسبب غالباً يكون من الزوج ضعي في دورة المياه صابون سائل ديتول وقولي له إن الدكتورة تقول يغسل عضوه بالصابون السائل قبل ما يجي فراش النوم بعض الرجال يحتاج بسبب بعض الإفرازات بس مو تقولين الحين اصبري حتى تعود المياه لمجاريها |
الله يهدينا إحنا الحريم لساننا مفلوت الله يهديك يارب ويصلح لك حالك للاحسن براأيي تحاولي اسعد به وتمتعيه وترحيبي له هدية وسوي حفله زغيرونه بينك وبينه وحاولي تعتذري بدون ماتقربي جنسيا خليه يبدأ لأكن اغريه
|
يااختي مالك الا تعتذري من زوجك وتجلسي جنبه وتحاولي تغريه لو طنشك عادي حاولي مره وثنين وبيرجع ان شاء الله مثل اول واحسن والله يهديك ويفرحك بزوجك يارب
|
تسرعتي في اتهامه هداك الله
كان اولى ان تعاتبيه عتاب محب وليس اتهام صريح اعتذري منه وكوني جادة في ذلك وعديه بعدم التكرار خلي يكون مقابل اعتذارك شيء ملموس لكن بعد فترة بسيطة |
نعمه من نعم الله على الانسان ان يكون هناك من يقف بجانبه ويحس بمشاعره
جعل الله كلامكم في ميزان حسناتكم اخواني وفي ميزان من اسس هذا المنتدى وتستحقون ان اشكركم فرد فرد وابشركم بكت امامه واعتذرت منه والحمد لله وعادت المياه الى مجاريها وان شاء الله ما يكون بخاطره شي وينسى الجرح |
الله يسعدكم يارب ومبروك الصلح
|
الحمدلله اختي طمنتينا الله يطمنك ويسعدك مع زوجك يارب
اختي انتبهي لنفسك ولاتجرحي زوجك ابدا والله يهنيك مع زوجك يارب |
اختي بااااادري بالعتذار
ما اعتقد ان هالكلام صحيح 100% واخشى ان تأخذ به الاخت ويحصل مالا يحمد عقباه بعض الرجال والنساء لديهم شغف معرفة رأي الطرف الأخر فيهم والبعض يتمنى ان يكون مرضي تماماً للشريك ويحب ان يرى نفسه من خلال اراء الاخرين مع اخي مستقبل غامض الرجل يهمه ارضاء رغبة شريكة حياته |
| الساعة الآن 07:30 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©