|
وش رايكم بتصرف طليقي
السلام عليكم ورحمة الله وبركاته اسعدالله اوقاتكم في كل خير وش رايكم بتصرف طليقي ارسلت رساله له لاني لا اعلم ماسبب طلاقي قلت فيها هل احترامي وتقديري لك هوسبب طلاقي لكن ثقتي بربي تكفيني ان مع العسريسرا انا ماارسلت لك الزم نفسي عليك لا والله ثم ارسل رساله لي قال فيها هل استطيع مكالمتك ثم كلمني بصوت مرتفع يقول لي تزوجي انسيني لاتفكرين فيني واذا تزوجتي قولي مااحب زوجي الاول ابداوش تبغين فيني و انا ادعي لك ان ربي يوفقك انا قابلته بصمت لم ارد عليه ثم قلت له تحسبني طايحه لك الدنياء ماوقفت عليك وانا الان متضايقه اقول في خاطري ليه يدق علي ويقول هذا الكلام واللي يردعلي الله يجزاه الجنه ويرزقه السعاده في الدنياء والاخره
|
اين الردود اسعدكم ربي
|
الله يعوضك باللي أحسن منه ما يستاهل تفكري ليه طلقني ؟ وليه كلمني كذا؟ هو يهينك وانت تفكري فيه أرحمي نفسك . وعيشي مستقبلك حافظي على كرامتك وأنت خلقك الله لطاعته وليس لطاعة هذا الرجل انسيه ما يستاهل دقيقه من وقتك امسحي رقمه وغيري رقم موبايلك الله يعوضك باللي يقدرك ويستاهلك ويصونك |
يبدو لي ان طريقته في الكلام هروب من الجواب
ويريد ان يشعر نفسه انك تريدين ان يرجعك لذلك ردك جميل جدا وسيزعجه كثيرا ولو قال احد ليش تردين عليه اقول بالعكس النقاش لابد منه واللي بنفسه شي يطلعه يكفي انك شعرتي بدنائته وان مثله ماينفع معه الطيب الله يعوضك خيرا منه ,,,, |
الله يعوضك باللي أحسن منه
ما يستاهل تفكري ليه طلقني ؟ وليه كلمني كذا؟ هو يهينك وانت تفكري فيه أرحمي نفسك . وعيشي مستقبلك حافظي على كرامتك وأنت خلقك الله لطاعته وليس لطاعة هذا الرجل انسيه ما يستاهل دقيقه من وقتك امسحي رقمه وغيري رقم موبايلك الله يعوضك باللي يقدرك ويستاهلك ويصونك مشكوره يااختي لعيون نوف والله يرزقك ماتتمنين |
اخيتي
هولاء الرجال اشبه باللغز الصعب حله! وتأكدي ان الله لايختار لنا الا كل خير. اسأل الله لك العوض |
يبدو لي ان طريقته في الكلام هروب من الجواب
ويريد ان يشعر نفسه انك تريدين ان يرجعك لذلك ردك جميل جدا وسيزعجه كثيرا ولو قال احد ليش تردين عليه اقول بالعكس النقاش لابد منه واللي بنفسه شي يطلعه يكفي انك شعرتي بدنائته وان مثله ماينفع معه الطيب الله يعوضك خيرا منه, الله يجزاك خير اخوي وسددالله خطاك ريحتني الله يسعدك بردك واالله اني من المعجبين في حكمتك |
وعليكم السلام
تصرف غريب بس يمكن يكون مسوي شي يسيء لك او خانك في يوم من الأيام ووجد انه ما يستاهل زوجه مثلك الله اعلم |
الله يعوضك خير حبيبتي..
والله من أعز صديقاتي وهي توها بالشهر السادس من زواجها..راحت زيارة لأهلها.. ورفض يجي ياخذها وثاني يوم أرسل لها رسالة إنه طلقها.. تخيلي وهي حامل وخارجة من بيته وهي مبسوطة ولا بينهم مشاكل.. وإلى يومك هذا ما تدري ليش طلقها!!ولدها اللي كانت حامل فيه الآن عمره 11 سنه فلا تتعبين نفسك بالسؤال ربك أدرى بهم وراح تشوفين نصرك قريباً بإذن الله.. |
بطلت ادخل هالمنتدى من المثاليه الزايده من بعض الاعضاء وتحيز للنساء ضد الرجال حتى من بعض الرجال ( سبحان الله صرنا لغز الحين !! )
خيتي انتي سويتي له شي متكلمه من وراه تكلمتي بشي شين عنه قدام احد ؟؟ |
والله ياخوي طليقي ماشاف مني الا كل خير والله هو العالم وهو الحسيب
|
اقتباس:
اغلب الزوجات يظنن اذا تحدثت عن زوجها انها تفضفض ولا تدري ان ما قالته سيسبقها قبل دخولها بيتها و أول شخص يعلم بما قالت في مجلسها ذلك هو زوجها فلا تظنين انك تفضفضين بل تقربين ساعة خراب بيتك او طلاقك وبعدها لا تقولي لا اعلم مالسبب لطلاقي ولا تقولي افتراء ( مافي دخان من دون نار) تــــــــــــــــــــحياتي |
الغالية كاردلين
لا تحزنين انا مثلج طليقي طلقني ، وانا طيبة معاه لعلمج انا طلبت منه يتزوج وفعلا تزوج وكنت أنا أوديه عند زوجته الثانية وآجيبه من عندها ومع هذا طلقني وطلقها ويقولون إنها ماتت الله يرحمها إن شاء الله اختي لا تفكرين فيه ، والله يعوضج بأحسن منه إن شاء الله |
الله يعوضك خير منة
شوفي حبيتي انا بعد تطلقت بدون ذنب وحتى عند امي وخواتي ماجبت طارية الا بالخير ولا اذكر اني زعلتة بشي ويوم شفتة ناوي طلاقي وانا عندة في بيتة سالته ليش ماتبيني مارد علي سالتة اذا يبغى وحدة ثانية او انة ماحبني لشكلي او لاسلوبي وبرضوا مارد سالتة اذا كنت مقصرة بشي مارد ببس كان فية خجل وانا اسالة وترجيتة يقول لي سبب طلاقي حتى قلتلة اعتبرني اختك وانصحني ودلني على عيوبي عشان حتى لوطلقتني وكتب الله لي زواج ثاني مااكرر اخطائي برضوا مارد والى يومنا هاذا مااعرف ليش تطلقت وهو الله يستر علية تزوج بعدي 3مرات وطلقهم واللي يحط الحق علينا ويقول شوفوا شمسويات يتقي الله والله نبي الستر بس في رجال غريبي الاطوار حتى هم انفسهم مايعرفوا وش يبغوا |
[QUOTE=دراما بنوراما;2750274]نعم هذا سبب طلاق من لا تعرف لما طلقها زوجها
اغلب الزوجات يظنن اذا تحدثت عن زوجها انها تفضفض ولا تدري ان ما قالته سيسبقها قبل دخولها بيتها و أول شخص يعلم بما قالت في مجلسها ذلك هو زوجها فلا تظنين انك تفضفضين بل تقربين ساعة خراب بيتك او طلاقك وبعدها لا تقولي لا اعلم مالسبب لطلاقي ولا تقولي افتراء ( مافي دخان من دون نار)] سبحان الله استوقفني كلامك؟!!!!!!! نفس الحكايه صارت معاي بس هو اللي راح فضفض على قولك عني وعن باقي زوجاته وعلى باله انه ماراح يجي يوم ويبان المستور كذب وخداع وتزييف وحتى بالعلاقه الخاصه تحدث بشيئ لايرضي الله ولا خلقه!1 ارحموا النساء ,واقسم بالله ثلاثة ارباع اسباب الطلاق كلها من الرجال. |
اقتباس:
واخفى زواجه عني ذو الخمس سنوات؟ وغيرها من البلاوي اسالك بالله وقتها وش اسوي؟؟؟ هل طلقته انا ام هو من طلقني؟؟!!!!!!!!!!!!!!! سبحان الله يالرجال ؟!!!! |
المفروض انك تعرفين سبب طلاقك.. هذا اذا كان طليقك انسان سوي حتى المتهم لا يحاكم بجرم لم يفعله او يعرفه لان هذا اسمه تجني.. اما من ناحية الرجال فاسمحوا لي تفكير الرجل منطقي وبه شوية عاطفة ويوزن الامور قبل فعلها ومحاولات الاصلاح معروفة عن الرجال طبعا ليس الكل منهم كذلك ولكن الاكثرية وفي الاخير كلن ياخذ نصيبه |
أعجبتني جراءتك وصراحتك وثقتك في نفسك
ولم يعجبني خذلان زوجك وطريقته في الهروب وضعف دواخله وتحسره وأسبابه التي لم يذكرها وأظنها واهية.. .. عوضك الله خيراً منه |
:* الشخص إلي يبيعك هذا بيعيه ولاتفكرين فيه لأن إلي يطلق بدون سبب هذا مايخاف الله وإلي مايخاف الله هذا خافي منه لأن الحياة معه غير آمنه ولايستاهل أصلاً يكون له زوجة وابناء أبغاك تشكرين ربي إلي فكك منه :* وتذكري بعض الرجال جبناء وأسهل حل لهم لعدم مواجهة مشاكلهم هو الطلاق للهروب من مسؤولية الزواج وزوجك كلامه الأخير لكِ دليل على أنه حاس أنه ظلمك وخايف من حوبتك ويبغى يكفر عن ذنبه تجاهك فمسوي خايف عليك تضلي معلقة فيه وماتتزوجين غيره أو ماتتوفقين مع غيرة لإنشغالك به :* |
لعله خيرة اترك التفكير فيه ويوم الحساب فيه الحساب عند رب حكيم
وفقك الله لمافيه خيرك لك |
قرأت بعض الردود وكان البعض يحمّل الزوجه المسؤوليه وانّها السبب في هذا الفعل!!
ولنفرض انّها باحت بجميع اسراره وتكلمت عليه امام الخلق جميعا هل الحل هو الطلااق وتشتيت شمل الأسره.. في النص القرآني جعل العلااج على مراحل وأخرها هو الطلااق بعد ان يحكم حكمين من اهلهما.. امّا ان يكون الطلااق هي الورقه الوحيده في جميع المشاكل اعتقد انّه حلّ الضعيف... تحياتي لك.. |
اختي الكريمه كاردلين عليكم السلام ورحمة الله وبركاته انا قريت موضوعك وبعض ردود الاعضاء الله يهديهم انتي اول شي سويتيه (الرساله)هو الصحيح انك بتعرفي سبب طلاقك وهذا حق من حقوقك انتي تاكدي انه مافيه شي بينكم مثل السحر او مس او اي شي من الحسد وغيره وحاولي تبحثي عن حل لزوجك (الطلاق مو سهل) عن طريق المشايخ لا تاخذك العزه بالاثم وتكبر راسك وتندمي اذا فيه مجال للرجوع انتي حاولي يمكن الرجال يتكلم مو من عقله لا تخليه يتمادى بالغلط وه مو حاس بحاله لا تندمي على تصرفاتك اذا عرفتي ان فيه شي وانتي تخليتي عنه وانتي المسؤوله الاوله والاخيره عن شريك حياتك اتمنى بس تتاكدي من سبب طلاقك لو مثل ما قال بعض الاعضاء يتخبى من خيانته لك ؟؟؟ هل هذا سبب مقنع ؟؟اي خيانه تخلي الرجل يتخلى عن زوجته ؟؟الله يرزقك يحقق مبتغاك عاجلاً لا اجل |
اشكركم جميعا وجزاكم الله خيرا
|
اقتباس:
والله اني ارسلت له رساله بعدالمكالمه بيننا قلت له هذا الكلام مو منك هذا الكلام من شخص جاهل عديم التصرف قمت في استشارته انت اكيد والله اعلم ولا ردعلي والان العده انتهت ربي يعوضني خيرا منه |
الله يعوضك خيررً منه وان يرزقه خيراً
|
اقتباس:
|
قد ينعم الله بالبلوا و ان عظمت ....
ويبتلي الله بعض القوم بالنعمي ... وصيتي لكي و لغيرك "ان اللهم اجرني في مصيبتي و اخلفني خير منها" :) في ناس تحسب ان الصوت العالي حجة ... و قوة موقف وفي ناس زي ما انقال قبل يبى يقنع ذاته و عقله الباطن بامور من خياله فقط و لكن ما نقول غير " انما يوف الصابرون اجرهم بغير حساب" |
يا أختي الفاضلة -احذفي رقمه من الجوال و حاولي أن تغيري رقم هاتفك - وادعي له بالتوفيق بالدنيا والآخرة .. صدقيني الدعاء له لا عليه ،له مفعول عجيب على النفس - ادعي الله أن يعوضك خير - لا تحاولي البحث عن سبب الطلاق.. لأنك سترهقين نفسك و تفنين وقتك في أمور منتهيه. |
مشكلته :: عنده سبب والسبب الي عنده راح يحرمك حلم الامومه ...
هو يدري انك تحبينه بس ما يبي يحرمك الله يوفقك اختي ... |
أختي آفتحي صفحة جديدة ودعي عنك ليش ومدري إيش عيشي حياتك آلبسي وآفرحي وآدرسي أو آشتغلي أو تطوعي ساعدي من يحتاج لك وآدخلي في دورة معلوميات خياطة طبخ على حسب ميولك الفراغ يجعلنا نرتكب سخافات ونذل أنفسنا للأشخاص باعونا
اشغلي نفسك بما يفيد ورزقك سيأي لحد عندك موفقة |
أظن أن عملته كبيرة وهو مستكثرك على نفسه وحاس بتأنيب الضمير والله أعلم
|
| الساعة الآن 06:12 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©