|
كل ما انتهي من الصلاة يصورني شخص ما اعرفه
بسم الله الرحمن الرحيم
السلام عليكم ورحمة الله وبركاته اللهم صلي وسلم على نبينا محمد وعلى آله وأصحابه أجمعين عندي موضوع مؤرقني شوي اذا رحت اصلي في المسجد وانتهينا من الصلاة الاحظ شخص عمره تقريباً بين الـ 35 إلى الـ 40 يطلع الآيفون حقه ويصورني بطريقه غير مباشره بحيث اني ما ادري يعني يحطه على يمين او يسار او كأنه يلعب في جواله وهو يصورني ، طبعاً يصورني كل فتره ما ادري ليه ! تتوقعون ليه ودي اسأله بس متردد ومحتار وش رايكم انتم ؟ |
بسم الله عليك
اقول ربما معب باخلاقك ويصورك لترا الصوره اخته او ابنته ليخطبك قريبا صدقا لا امزح لان الا تعلم ان : اخطب لبنتك ولا تخطب لولدك كيف يصورك من الوجه او ماذا وهل تعرفه اقول لك أأمن طريقه هي ان تصلي قربه وتتحدث معه هكذا يخجل ان برفع التلفون ويصورك |
:* توجه له مباشرة وأسأله ربما عنده سبب مقنع :* |
تأكد أولا من أنه يصورك
|
اللهم اجعله خير وكرراللهم اكفنيه بما شئت اللهم من أراد بي سوءً ( أياً كان ) فأشغله بنفسه واجعل كيده في نحره واجعل تدبيره تدميره يا أرحم الراحمين واستودع الله نفسك ودينك وأمانتك وخواتيم أعمالك وتحصن بأذكار الصباح والمساء ودعاء الخروج فلا يزال عليك حافظاً من الله حتى ترجع |
اقتباس:
تسلمين يا خاله ام حسن اقتباس:
اخاف ينكر اقتباس:
اقتباس:
قررت اني ما اصلي في هالمسجد |
انا متأكد وصيت اخوي قبل الصلاة انه يروح يشوف الرجال وانا بجلس في مكاني اذا انه يوصورني او لا ووجدت انه يصورني
قررت اني ما اصلي في هالمسجد[/QUOTE] اكييييد في سبب يخليه يصورك او مثل ما قالت قرين يمكن معجب باخلاقك هو لازم تتكلم مع الرجال وتشوف |
والله غريبه ..
كم مره لآحظتو وهو يصورك ..!!؟ تحس انو الرجال عاقل وفاهم وواعي ولا عندك شك في ذلك ؟~,! |
اقتباس:
اكييييد في سبب يخليه يصورك او مثل ما قالت قرين يمكن معجب باخلاقك هو لازم تتكلم مع الرجال وتشوف[/QUOTE] ما اعتقد انه هذا المغزى اقتباس:
|
لا تستحي و اسأله مباشرة و ادعوا الله ان يكفيك شره بما شاء
لعله خير لكن لا تسكت له حماك الله |
لا ادري لكن قررت اني ما اصلي في هالمسجد
لكن اذا صليت بحاول أسأله انا لاحظته اكثر من خمس مرات يصورني |
غير المسجد وصلي بغيره
وراقب ربما لحقك الى المسجد الجديد بجد في ريبه بالموضوع طيب سألتو عن الرجل اخلاقه احد يعرفه عنده بنات او اخوات يبحث لهم عن زوج انتبه يركب لك الصور بالنت على اي مصيبه او مع بنات عراة كلو بالفوتوشوب يصير انتبه اذا ما تعرفو اخبر الشرطه احد يتنكر باللباس العادي ويجلس قريب منه وهيك يكون متلبس عليه شهود وياخذ منه التلفون |
غريب اطلب من اخوك انو يكون قربو شهود ليسو من الاصحاب تيشهدو في الشرطه معكم انو يصورك
|
الله يسلمك يا خاله ام حسن قلبك كبير
بس يا خاله ماتوصل للشرطه انا بحاول اسأله وبشوف وش يبغى مني |
غريب هو تعرفو او جديد على المنطقه
انتبه يكون عندك شهود على ففعله قببل ان تتلكم معه احسن ينكر هل سألت عنه من هو واين يسكن وما هي ظروفه انتبه من الفوتو شوب بجد اتكلم |
لا انا ما اعرفه كنت اصلي في المسجد من سنين
ما لاحظت انه من جماعة المسجد الا من سنه وزياده ما سألت عنه احد بس وش مصلحته يصورني ؟ مااتوقع عشان تركيب ولعب بالفوتوشوب انا ما ادري وش سالفته المهم اني بصراحه قلبي قارصني وما ادري وش اسوي |
اللهم صلي وسلم على نبينا محمد ))
حبيت أنبهك لقولك اللهم صلي على محمد هذا خطأ في حق الله سبحانه وتعالى لأن الياء في صلي تأنيث تعالى الله والصحيح قول اللهم صل ( مع الشدة والكسرة على حرف اللام ) على محمد ومن رأيي إنك تسألة إذا صورك مرة ثانية عن سبب تصويره لك! |
ياخي قل لي وين المسجد اللي تصلي فيه وانا بجي واسأله
حاسك تستحي منه |
والله ياغريب احسن حل تاخذ واحد من اخوانك و تروح
تساله وتريح راسك ولا تتركه الا بسبب مقنع والله شغله غريبه يصورك كذا من دون معرفه غريبه الموهم لا تتركه ابدا |
الله يكفيك شره ......
|
اقتباس:
مالعمل لو صادفت اخر يصورك ؟؟؟ هذا من التعدي وسوء الادب ومن حقك السؤال مباشرة . .ولن يستطيع الانكار ابدا وهناك شهود... ولا اعتقد ان الامر مخيف.. |
لا يا غريب ، لاتترك المسجد الذي تصلي به من سنين
بل يجب ان تذهب اليه بعد انتهاء الصلاة وتسلم عليه وتسأله سبب تصويره لك قد ينكر ، لاتهتم واخبره انك جعلت من يراقبه وتأكدت من هذا الأمر ، قد يخبرك الآن عن السبب .. وقد يظل ينكر ، اذا استمر في الإنكار ، فحذره بأن لايكرر التصوير مرة اخرى ، وبعدها قم واتركه . انتَ الآن هجمت عليه ، وهي بالأساس الخطوة الدفاعية الأمثل في صالحك . ولا اعتقد انه سيكرر هذه الحركات معك مرة اخرى بعد حركتك الماضية . حفظك الله . |
توجه له وانت وامام المسجد وكم شخص معك من المهم ان يكون معك شهود على ما يدور بينكم
وليس فقط من اخوتك الله اعلم بالنوايا لكن يظهر لي انه شخص وسيط ويبغى يتأكد انك الشخص المعني ماذا يريد منك او من الشخص المقصود الله اعلم.. ممكن يكون مباحث الاحتمالات كثيره |
المفروض في نفس الوقت سألته
عن السبب وقله يوريك الصورة الاخيرة للتأكيد |
فـعلا تصـرفه غريــب ,,,
وش هدفــه من التصوير ؟؟؟ الأفضـل ماتترك المسجـد عشـانه واذا تكررت منه حركة التصوير ضــروري تسـأله ؟؟ |
يمكن مشبه عليك شخصيه معروفة أومشهورة ، يعني يظنك ممثل ولا شي :d
إن كنت تخشى سؤاله فاتخذ طريقة فكاهية وقل له مثلآ : ( ياأخي أنا شعرت إني شخصية جدآ مهمة وأنا أتمنى ذلك ،، فهل ستضع صوري على مغلف مجلة مثلآ ؟؟ أو إعلان لشيء معين ؟؟ والله سأكون سعيد عندها إذا فعلت ذلك، وإن أردت سؤعطيك صور أجمل من هذه التي إلتقطها ) أو قل : ( إنت مشبه علي مثلآ ؟؟ ولا عاجبك شكلي ؟؟ ولا شالسالفة؟؟؟؟!!!!!) :d |
جزاكم الله خير
أكيد بيجي يوم وأسأله |
غريب والله ،،،
وماازيد مثل ماقالوا لك الاخوه والاخوات والله يحميك اخوي من كل سوء . |
تصرف غريب صراحه
وصار عندي فضول اعرف شو السبب ..؟ |
الغريب يا غريب ;) أنك متردد ومحتار وتبدو كالخائف من نتيجة المواجهة!!!!!
|
بصراحه صار عندي فضول حدي
كل شوي ادخل اشوف المستجدات صح كلام اختي مهره احسك متردد بقوه ليش ..؟! |
وش تنتظر!!!!!!!!!!!
يا أخي لايصورك ترى الناس هالأيام تخاف منها يصورك لا سمح الله يمكن يسوي شي ترى الناس هالأيام شاطره بالشر كلمه بأقرب وقت وأترك عنك الخوف |
لا انا ما خفت واخاف من ايش؟
بس مدري في شي يقولي لا تسأله واترك المسجد انا الحين ما اصلي معهم بس اذا قدر الله وصليت هناك راح اسأله |
ليش تترك المسجد !! مسوي شئ غلط ...
خله يصور الين يشبع من كشرتك .. يا خوفي يكون ( الاف بي اي ) ويلحقك لو تروح للقطب الشمالي المتجمد .. لكن تصوير وفي المسجد .. لا حول ولا قوة ألا بالله .. الله يحفظك لعينٍ ترجيك |
استفت قلبك ولو أفتاك الناس
مادمت تميل الى عدم المواجهة فأنا معك وأرى أن لا تواجه حتى تقتنع تماما بالفكرة .. المواجهة تحتاج دليل + قناعة بالمواجهة موفق أخي |
بحب الفت انتباهك أنه في رجال نفوسهم مريضه كن حذر
|
غريب..حفظك المولى من كل سوء..
هل لك توجهات وأنشطة معينة؟؟ هذي حركات المباحث معروفين سبحان الله.. للأسف كان عندنا جار الله لا يبلانا..وفجأة ربى لحيته وصار يصلي ويحضر في المحاضرات والمخيمات..أيام الأزمة.. وبعدها مسكوا شباب من نفس اللي كانوا معه..والله ماسوو أي شي ولا لهم توجهات مريبة..بعضهم إلى الآن ما قالوا له ليه مسجون لهم عشر سنين.. طبعاً هو بعدها بشهر حلق اللحية ورجع لحاله..الله يرده للصواب.. فيمكن صاحبك من هالنوع..وحاب يجمع عنك معلومات.. الله يحفظك بحفظه ورعايته ويكفيك شر كل ذي شر.. |
أخوي غريب :
يمكن الرجال أحول أو أعور ويقرأ القرآن من الجوال ويضطر لإمالة الجوال ليرى الصفحه ووافقت شك عندك وبدأ يتراكم ليشكل قضية من لا قضية. ولماذا يصورك كل يوم؟ ألا يكتفي بصورة أو صورتين؟ ولماذا بالمسجد؟ هل راهنه أحد على تصويرك أو على صلاتك؟ أخي الكريم ترى في هذا الموضوع الفضول في المتابعة والنتيجة؟؟؟؟ لم تكلمه وأنتم رجال؟ لا موانع بينكم؟. أخي الكريم محتاجين عقلك وعلمك لأمور أكبر وترى البنات والأخوات المحتاجات كيف يحترقون في ما يكتبون. مع صادق تقديري واحترامي لشخصك الكريم وجهودك المباركة بالمنتدى والبقية الكريمة من العضوات والأعضاء والإدارة والمراقبة والإشراف. |
شكراً لكم على الردود
ويُغلق الموضوع رغبةً مني |
| الساعة الآن 09:23 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©