|
كيف اتعامل مع خطيبي؟
بليز ابغي مساعده منكم لانه تفكيري تشتت اذا تقدرون ردولي واكون مشكوره انا ماعرف شي جديده بالمنتدى بس اشوف الناس تقول رجل الرجال قلت مثلهم اكيد انه حكيم
السلام عليكم اول شي انا مشاركة هنا عشان زوجي الغالي<<تكذب مو غالي انا لي اربعه شهور مملكه واكلم خطيبي تلفون اول شي انا انصدمت بشكله وقلت يلاه يابنت مو مشكله يمكن اخلاق احسن مو مهم الشكل بصراحه هو مو مره بشع عادي المهم ماعلي من شكله اكتشفت انه مايعرف يتكلم او مايبغا يتكلم معي لانه ماشافني الا وقت الملكه طيب مو مشكله المهم انا عجبته موت بالملكه << لاتقول مغروره هو قال مالي شغل هع ماصدقت رجال يمدحهها المهم تصورا انه شخصيته مره تافه مايعرف يتكلم يجلس ساكت مايرد الا على سوالي بس وين مايتكلم مافي رومنسيه الا حده احبك وياقمر واموت فيك تصورا مره قولتله انا احبك << قتله كذا بس عشان ابي اعلقه فيه ولا انا عادي مو مره احبه المهم رد قال انا اكثر قتله لا انا اكثر ابي اتتدلع قال عادي اووف انقهرت طيب ادور المموضويع احسه حسحسني تافه ومره ققرت ماكلمه قتله مانبي نكلم بعص قال مو على كيفك ابسمع صوتك ونا اقول بقلبي طيب تكلم ولما يكلم اصحابه صوته كله يتغير للاحسن وربي طفشت منه وكول ماقرب و وقت زوجنا احس نفسي ببكي لانه انسان مايحب الفرفشه يمكن لانه فرق بيني وبينه عشره سنيني تكفوووووون ساعدونييافرحتي بديت اكرهه كيف اتعامل معاه |
طيب اكتبي حبوبه وان شاء الله المستشار باقرب فرصه يرد عليكي
انما يجب ان تكتبي |
حاول معاه بشويش حتى تخرجه من القوقعة لهو فيها حتى تنسجمو مرة بدلع النساء مرة اعمل نفسك مخصماه كل مرة حيلة حتى يتأقلم مع الجو، والله المعين ووفقكم و ألف بين قلوبكم.
|
من خلال كلامك هنا
هو يحبك ولكن خااااام يعني قصدي اول امرأه تمر عليه في حياته وهو غير متعود على الغزل فهنيئا لك به وعلميه كيف يحبك ويتغزل فييكي مازال وقت قلتي له احبك فقال اان اكثر فهذا يعني يحبك ووقت يكون صامت يعني خجول لسه اول مره يتعامل مع فتاة ولو كان مملك عليها وانتي سعيده به جداااااا ولكن خجله يقتلك اصبري عليه شويه ومن ثم ارسلي له مثلا ايميل فيه عدة مسجات غزل وقولي له اختتر لي واحده منهم تحس انها منك لي وان قال الكل فافرحي هو تلميذك حاليا فعلميه كيف يحبك ويتشوق لك هنيئا لك بهذا التلميذ افضل مليون مره ما يكون متخرج جاهز اكملي |
ايوه انا حاسه كذا من كلامه واغلب الناس تقولي ماله سوابق ومعاكاسات وكذا بس حتى لما اتكلم معاها يحاول يتهرب بسرعه يسكر المكالمه يعني كيف اخذ واعطي واعلمه وهو يتهرب مني يعني يقول انا عند اصحابي انا مشغول انا بنام انصدم ليش يسوي كذا
|
ابنتي الكريمة :
أدخلي عالم الزواج بنظرة أبعد من هذه فإذا رضيتي خلقه ودينه فالباقي يمكن تعديله كما ذكرت لك الأخوات وأنظري هل يناسب أن تكملي بقية عمرك معه أولا فإن كان نعم فاجتهدي بكل ما يقربكما من بعضكما ولا تستسلمي لوساوس الشيطان من الآن فهدفه الأول التفريق بينكما ويساعده في ذلك من يستجيب منكما له أخبريه أنك لستِ واحد منأصحابه وأنك بحاجه لكلامه الحلو العاطفي ويعجبك تدليله له واحتفاؤه بك.وأدخلي المواقع المختصة واجمعي كل ما يعينك على فهم نفسك وزوجك في كل المجالات. أسأل الله لكما القبول والتوفيق ولجميع المسلمين. |
يسلمووو اخوي انا احس انه قد المسؤوليه يعني انا اهتم فيه حتى لو طنشني
|
أختي الكريمة ألاحظ لدى بعض البنات في هذا الوقت متطلبات كثيرة ودقيقة، وهذا من حقهن أن يتطلبن مايردن، لكن لابد أن يدركن أنهن لن يجدن أنسان كامل، هل كون الخطيب غير رومانسي أو بالأصح لا يعرف كيف يعبر عن رومانسيته أنه غير كفؤ أو غير مناسب!؟، لابد لنا من التفهم ومعرفة شخصيات الآخرين المختلفة عنا، ولا أرى أن ذلك سبباً للضجر، صحيح أن الرومانسية بين الزوجين رائعة، لكن ليست هي الحياة، كما أنها قد تأتي مع الوقت، وأيضاً لكل شخص طريقته وتفكيره في الرومانسية، لذلك لاتستعجلي النتائج، وفقكِ الله.
|
نت مان يسلمووو حيوو بس انا مو قصدي الرومنسيه انا اعرف بيته اقدر اخليه رومنسي انا اقصد ابي اعرف شخصيته ابي افهم ايش يحب ايش يكره ايش اسلوبه مره رسميات بينا بزياده ومدري كيف احلها ربي يوفقكم يارب
|
ابنتي الكريمة : تستطيعين ببساطه أن تكتبي ورقة له وتضعين فيها القالب الآتي :
حبيبي لأختصر المسافات بيننا أحببت أن أضع لك هذه القائمة بما أحب وما أكره ورغبتي بأن تكتب لي ذلك لأقدم لك كل ما لدي وتقدم لي كل ما لديك بدلاص من أن نكشف ذلك بعد مدة طويلة. بهذه الطريقة يعرف ما تريدين ويقرأ ما تحبين وما تكرهين ويبادلك بنسف الشيء. |
سويتها وقتلك اكره صمتك انت ايش تكره فيني قالي ولا شي قلت نعتمد على الصراحه انا وانت اي شي ماتحوبه فيها قول قال طيب بس مافي شي مضايقك فيا يعني رساله طويله عريضه اليوم سويتها قتله عيبك هذا لدرجة بك منه وضايقه منه مرا يمكن طبعك بحاول اتقالم معاه بس كمان اتضايق رد مثل ماقتلك ولا شي يضايقني فيك بس قتله ليش الي حولي من اللي خاطبين مهتمين فيهم وانت لا ونا اعرفك قلبك ابيض ماجاوبني قتله تحبني قالي والله احبك وموت فيك تحسوا بارد مادري كيف ايش رايك
|
حــرآم عليكي سبورتيه ):
تخيلي خطيبك يقول عنك شخصيتك تآفهه ومآتعرفي تتكلمي وليش كل الل مخطوبين حولي يهتمون فيهم وأنتي لأ .. والله مآترضي احد يقول عنك الكــلأم دا الله يهديكي جآكٍ رجــآل نقي تقي مآيعرف من البنــآت إلا أنتي لآ ويحبك كمآن ويموت فيك وتضايقينه كذآ ): نوعية زوجك خجووول ومآيعرف يقول الكلآم الرومنسي طبيعي لأنه مآسمع ومآقد جرب فليش تستغربي؟ إنتي علميه قولي له الكــلآم اللي يسعده وادعي له ..وصدقيني إنه يجي يوم ويقولك نفس الكلآم لآتركزي كثير على صمته وتطفشي اهله عشان هاذي الصفه ..خليه يرتاح معآك بالأول عشان يقدر يتكلم مو كل مآكلمك لقيك تنتقديه على اسلوبه وطبعه!! وبالنسبه لشخصيته وتبغي تتعرفي عليه سسسسهل جدا بإمكآنك تقولين له: ممكن تحدد لي وقت اتكلم فيها معآك ابغى اسألك شوية اسئلة عشان اتعرف عليك اكثر؟؟ كذا بيكون مستعد يسمع لك ويجاوبك ..اسأليه عن وظيفته عن طفولته عن هواياته وبدآل مآتقولي وش تكره؟ قولي وش تحب؟ (= وإذا اعجبك شيء فيه امدحييييه وادعي له اقتباس:
واسلوبك هاذا يجيب بنتايج عكسسسيه عليك وبتخلينه يكرهك (اكره صمتك) و (مقارنتك له بالمخطوبين ) (ورسالتك إللي تتضمن عيوبه ) تتوقعين رآح تزيد حبك في قلبه ورآح يتعدل؟! مستحيل لأنك انتقصتيه واهنتيه ( لآحظي إن أخلآقه الراقية والعآليه مآسمحت له يرد عليك لما قارنتيه بغيره ولا قالك إش الأشياء اللي يضايقه فيك عشان لآيجرحك ) حبيبتي سبورتيه (= هدي بآلك الحين ورووقي و أول شيء قولي الحمدلله إن ربي رزقني هالإنسان النآدر خلي نظرتك إيجآبيه شوفي مميزآته وابتعدي عن النقد إللي مآيجيب خير سمعيه دعوآتك الطيبه قولي له: ( الله لآيحرمني منك يآلغالي) ( الله يخلينا لبعض ) ( عمري مآراح القى إنسان زيك بطيبك وأخلآقك) لمآ يتكلم استمعي له باهتمآم وتفاعلي معآه خليه يحس إنك مبسوطه بسوآلفه اسألي الله التوفيق بينكم وخلي ماما تدعي لك و اقرأي كثييير في كيفيه التعآمل مع الزوج عشآن تكسبيه ..ربنا معآك سبورتيه مع خآلص ودي يآصديقتي (= |
سما ليش حسستيني اني قاسيه حسيت اني نفسي اتصل عليه واراضيه
|
طيب حبيبتي انا لما اتكلم معاه يبغا يسكر بسرعه حتى لو انا اتكلم انا مو بس قلت عيوبه قتله قلبك طيب وهذا اللي يخليني اقول انك غير
|
ماكتبت الموضوع ذا الا فضفضه لو محد يرد عادي بس بفضفض
ودي ابكي لا تقولون نفسيه وربي ودي ابكي من تصرفاااااااااااااااااااااااااااااات خطييييييييييييبي ودي ارسله مسج واقوله اكرهك اووووووووووووووووووووووووووووووووووووووووووووووووو وف وش يحس فيه غبي مادري اكرهه مادري احبه وربي حيرني لا طنشته مشى وراي لا اهتميت فيه طنش قاهررررررررني احسه احيانا في شي بعقله وربي من جد مامزح اكلمه يرد طيب ليش ايش هذا رده اااااااااااااااااااااااااااااااااااااااااااااااااا ااااااااااااااه بس ااااااااااااااااااااااااااااااااااااااااااااه ليه كذا هين ياخطيبي لااطنشك واعلمك ايش معنى الطنااااااااااااش لا رجعت مع الناس كلها تمدح فيه وارجع احن عليه اووف من قلبي ذا الحنون وسلامتكم ادعولي
|
الله يسعدك ويفرج همك انصحك بقراءة كتاب لماذا يحب الرجل بنت الهوى بتحصلينه في النت مترجم عربي بعدها بتفهمين خطيبك وللعلم هذا طبع زوجك ولازم تتكيفين مع طبعه واتوقع انتي لاصقه فيه بقوه الله يهديه ويسخره لك |
لاعاد تفضفضين
مافهمت شي |
من جد
تسمعين بل فضفضه كأنك وحده بأول ابتدائي |
عادي احمدوا ربكم اني ماصرخت بعد بس اي حاله احس فيها بسدحها بذا المنتدى ماعلي قويه صح بس حسيت نفسي بنفجر قلت اعبر شوي وبعدييييييييييييييييييييييين وشهي ذي لاصقه ماتصل عليه الا اذا هو اتصل اكلمه وذا الوقت يمكن اتصالاتي من بداية الخطبه معدوده اول مره بتاريخ اتصل عليه ثلاث ايام ورا بعض مثل الهبله مالصقت الا بلمسجااااات هذي انا اشهد لصقت فيها بس وبعدها قطعتها وشوي خففته وهو ياجبل عادي هييييييييييييين اوريكم فيه اذا قلبي طاوعني
|
الله يعين زوجك
|
سبورتيه يا اختي
ارى من وجهة نظري وبالنظر الى كل مواضيعك انك غير جاهزة للزواج حاليا يا ليت تنضجين شوية وتفكرين بطريقة صح تجاه الزواج بشكل عام |
لللللللللللليش الله يعيننننه وربي يحمد ربه مو غرور دين وعلم وجمال وطيبه تراني بس عيبي اذا عصبته ابرططممممم مثل الجمل ممره شاطره بشغل البيت الاعتراف بلحق فضيله لاتخليني اشيل تذكرة الحجز ههع نذله صح
|
قصدي مو شاطططططره بشغل البيت بذا الشي الله يعينه صح ماعليكم روقت بس تجي الحاله اجي هنا وبعدها عاتي لاتخافوني تعودا علي طيب
|
سبورتيه
اشربي عصير ليمون وهدي اعصابك شوي وروقي عشان نفهم مشكلتك اول شي قولي لنا كم عمرك وكم عمر خطيبك وهل انتم خاطبين او مملكين و وش المشاكل اللي بينكم واكتبي بس بهداوه ,,,تكفين مدري وش تقولين |
ماعليكم وربي روقت بدون ليمون مع قصتك سكوت بكيت فيها زين وبعدها روقت طلعت الي بقلبي من انفجار وترا طبعي ونا ابكي اضحك احيانا عاتتي تعودا هذي تجي الضحك متى قولوا متى وقت اكون مابغا ابكي لما افضفض ابكي غصب واجلس اضحك ماعليكم مهبوله ادري بس هذا طبعي شسوي وتراني هاديه ذحين وشوفني ترا مو مره معصبه عليه حن قلبي عليه بعد ماكلمتني اختي عنه وبرسله مسج اصبح عليه اذا عبرني بهتم واذا طنش اوريه اخر فرصه له بالاهتمام هو وحظه
:(:(:(:18: بنت ابي انا اول مانخطبت كنت اقول بدري مابغا كنت افكر ابي اعيش قد ماقدر لانه اعرف مسؤوليات الحياه وتراني كبيره مو صغير من انخطبت ونا اخر سنه بالدراسه عمري ياويلي على مسالة العمر ذي هههه لاقويه اقول عمري احم احم ماعلي بقول ماحد يعرفني24 يعني 23 ونص هههه مع التخفيض المهم بينا انا وخطيبي عشره سنين المشكله ياطويل العمر انه خطيبي ماشوفه يكلف على عمره ويتصل ويقول انا مشتاقلك مو شرط يقول مشتاق بس يسولف عن حياته الا مارحم ربي ونا اشوف البنات الي حولي من جماعتنا وربي مافيهم شي زايد عني يهتم فيها خطيبه وربي اذا مو احسن منهم مابي انغر واكره شي الغرور بس وربي مو بحكمي انا بحكم غيري بكلام الناس وربي مو حسد وربي يوفقهم بس استغرب اقول اشفيه مو مثلهم يهتم |
السلام عليكم
اختي الكريمه سبورتيه ، أعانكِ الله ووفقكِ اختي الكريمه ليس بالضروري أن يكون حديثكم رومانسي حاولي أن توافقينه في طريقة تفكيره في طريقة حديثه ، افتحي معه المواضيع التي تُثيره وكما قلت لكِ ليس بالضروري أن تكون المحادثات رومانسيه ، فالزواج لاينبني على هذه القاعده الرومانسيه تأتي بعد الزواج بشطاره منكِ ، كوني عاقله معه واوزني الأمور بعقل ورجاحه وَدري الفارق العُمري بينكم ولاتكوني كالطفله في حديثك معه ، وأرجوا منكِ تنظيم الموضوع قبل طرحه وفقكِ الله |
فضفضي حبيبتي وطلعي كل يللي بقلبك ماعليكي منهم :P
اهم شي نفسيتك ترتاح وانتي تكتبي وتشكي ,’~ والله يعينك وييسرلكم اموركم على خيييير ياعسل =) |
(......)والله.اني حاس فيك بس لازم تصبرين على زوجك وتحاولين تنحتينه للشكل اللي تبين
انت اصبري وحاولي تفهمينه وتفهمين نفسيته وتشوفين هو ايش يبغا واذا عرفتي ايش يبغا هو تقدرين تفهمينه ايش تبغين والزواج علاقه مشتركه ماهي من طرف واحد وفيه على اليوتيوب افلام للدكتور طارق الحبيب شوفي اختلاف الحب بين الرجل والمرـأه :) انا صراحة ماقدرت استوعب كل كلامه بس فيه نقاط كثيره اتضحت لي من كلامه ماقدرت استوعب لان قرقه واجد ويطلع عن الموضوع كثير ومتشابكه مواضيعه وانا شفت الفيديو وانا على الفراش باانوم ولافهمت زين كنت مفهي اشوي :) والله يوفقك ويوفق الجميع في زواجهم والزواج بركه قبل كل شي الله يطرح لك البركه الهم امين |
ههههههههه
الله يعينك ويسخره لك ويحبك مووووت ويهتم فيك ان شاء الله بس اعذريه لعل الظروف او الاشغال كثيرة عليه الله يسعدكم |
سسسبورتيه أمــآ إنك خطييره ههههههههههه >> كانت تقرأ موضوع الفضفضه
له له يآبنتي أفآآآ كيف مآقدرتي تعلقينه فيك وين الأسلحة الأنثوية إللي عطآك ربنآ وين الصووت والشكل والكلآم الزيين هآذا وقتها استخدميهآ دآيم اقول للبنات خليه يتعلق فيك اول ويحبك ثم بعدييين غيري فيه إللي مايعجبك خلينآ الحين نحل مشكلة انو يقفل بسرعه .. إذا حسيتي إنه بدآ يصرف عشان يقفل قولي : مشغول؟ إذا قال ايه قولي بدلع : يآ الله كنت مبسوطه كثير بسوآلفك ..خلآص حبيبي مو مشكلة المرة الجآية نكلم بعض اكثر..طيب؟ جآء المره الثانيه: الوو اهليين فلآن كيفك وشخبآرك من البدآية حبيبي إذا إنتآ مشغول فياريت نأجل المكالمه وقت ثاني لأنو بصرآحه مآشاء الله علييك سوآلفك مآتنمل وأحب اسمع صوتك دآيم طبقيها طبعا النتايج مابتكون في يوم وليلة ولزوووم الصبر حبيبتي بالمنآسبة خطيبي نفس نوعيه خطيبك بل أشد منه بس سبحآن الله ربي عطآ الأنثى مهآرات تخلي الحجر القآسي فرآشة وردية (= |
سما انتي صح
ماااجيب خطيبتي عندك اسبوع تراي عايش نفس الوضع ببس بالعكس اذا عندك مهارات للرجال شوي لاتبخلين علي :) مليت وانا احاول مافيه كلمة حب ماقلتها بس خطيبتي صغيره وجرحتها وشكلها ماعاد تبيني وانا والله نيتي صافيه معاها |
سبورتيه
اصبري وخلي بالك طووووووووويل وتتدلعي ودلعيه بالكلام وحبيبي وعمري وقلبي وجدي >>لا لا جدي شيليها خخخ ومن هالحتسي لين يتعود يطول بالمكالمه ويسمعك كلام حلووو ياااااارب يا سبورتيه اليوم يدق عليك ولق لق لق الين تطفشين وتقولين حل عني >>ادري دعواتي شاطحه بس مشي حالك |
صح عليك يا سما
سوي مثل ما قالت لك خطتها خطنطيررره |
اقتباس:
كلنآ يبغآلنآ نتعلم اكثر و اكثر تدري خطيبتك وش تقول في نفسها: قاعدة تقول يآ الله وش هالآدمي كل شوي يدق وإذا مآرديت ياويلي بيزعل علي ويجرحني وشكله يعلم اهله باللي يصير بينآ .. إنتآ إنسآن طيب وتحب خطيبتك وأحسن شيء فيك إنك متفآئل وتعذر لهآ و خطيبتك صح صغيره بس شخصيتهآ مآشاء الله أحسهــآ عاقلة كثير الله يحميهآ من جد البنت دي تمسك فيهآ قد مآتقدر مآتتفوت إذآ تصآلحتوا بشرنآ وعشان اكتب لك شوي خطوات بسيطه تنفذها وإن شاء الله تجيب نتآيجهآ وادع ربك يجعل حيآتكم سعادة وتفآهم وترى مآفي مخطوبين إلا ومشآكلهم لليل مآ انت بلحالك:d |
يسلموا والله ياسما والله يوفقك وين مارحت وان شاء الله بترضى علي
دعواتكم واول ماترضى راح ابشركم انشالله وانا مازاد صبري الا يوم شفت مشاكل غيري الله يفرج كرب كل مهموم |
اهلاً بك سبورتيه اتوقع حتى لو تسمعينه من الكلام ماراح ينفع اذا كان مثل خطيبي شوفي فيه نمط من الشخصياات مايحب الاتصالات كثير او ان طبعه خجول اقرئي في بوصلة الشخصية وركزي على الشمالي والغربي يمكن تفهمين خطيبك يعني اذا معاناتك مثل معاناتي طنشيه لان تهتمين ولاماتهتمين مايلفت انتباهه هذا الشيئ بالعكس فيه نوع من الرجال مايحب المرأه اللي تركض وراه وتخليه محور حياتها وهذا اتوقع طبع ابو الشباب لأني عانيت كثير والحين تعودت ولاصرت اهتم بالعكس اذا ابتعدتي وطولت غيبتك يجيك ولهان على حسب مزاجه طبعا واذا كان متفرغ بس عاد بعد ماتملين من الانتظاااار اهم شي كوني ثقيلة ولاتلزقين فيه لانك راح تتعبين اكثر الله يعين ويهديهم ويصلح شأننا أجمعين :::::::::::: |
تم دمج الموضوعين لترابط المحتوى
|
سما قتله نفس كلامك بس بمسج تعرفين ليش لانه قتله الو علطول قال انا برا مشغول بس اتوقع زعلان هو يزعل ولايتكلم عشان طلب صورتي ونا رفضة
|
| الساعة الآن 09:24 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©