|
قرب موعد النظره الشرعيه ولدي عدة استفسارات ؟
مساء الخير
اليوم أو غدا الله أعلم سيزورنا الخاطب لرؤيتي النظره الشرعيه طلبتكم إذا دخل المجلس هل أجلس شوي وإلا أقدم العصير وأطلع؟؟؟؟ والشي الثاني إذا جلست وين أجلس مثلا بجانب الوالد أو الخاطب؟؟؟؟؟؟؟؟ والشي المهم لبسي كييييييييييييف ياشباب وش تحب خطيبتك تلبس بلوزه كم قصيييييييييييييير مرررررررررررره وإلا وسط وإلا كيييييييييييييييييف ردو بسررررررررررررررررررررررررررررررعه خايفه يجي اليوم |
الله يوفقكم ويكتب لكم الذي فيه الخير
أختي ألبسي تنورة وبلوزة، وضعي العصير على الطاولة وأجلسي أمام الشاب في الكنبة المقابلة وانظري إليه، وإن كنتُ أدرك أن الكثير من البنات لاتستطيع رفع عينيها من الخجل، لكن حاولي أن تنظري إليه فهو سيكون زوجكِ في المستقبل إذا كتب الله، ولكِ الحق أن تنظري إليه بدقة، والجلوس ربما 5 دقائق أو أسألي أبيكِ عن هذا الأمر. دعواتي لكِ بالتوفيق. |
لك كل الشكر على الرد
ما أتوقع أقدر أشوفه بكون مستحيه يعني أجلس قدامه لأن أخته تقول لي أخوي يقول تجلس قريبه مني بس بكون مستحيه وش أسوي!!!!!!!!! دعوااااااااتكم |
حبيبتي هدي حــآلك الحين و روووقي
جهزي لك بلوزه كم طويل لونهآ ينآسبك لآتلبسين اسود ولا كم قصير >_< ومعآها تنورة حلوة وشيآكــة حآولي إنك تكوني قدآمه روحي يمين ولا يسار شوي . .قبل مآتدخلين اسألي اخوانك وين جالس عشان تعرفي دقي الباب .. السلام عليكم..اجلسي مآ افضل تدخلين بعصير إلا إذا كنتي قوية ومآراح ترتبكين بصراحة أنا ماقدرت كنت انتفض :$ كمآن ماقدرت ادخل لحالي جاء ابوي ومسكني بيدي ودخلني >> كذا ارحم ترى :$ إلهـــي ييسرهــآ عليك وتعالي بشرينــآ (= |
أكيد برتبك
خايفه ولا بعد شافته أجل إذا دخلت عليهم بس البلوزه أختي تقول ألبسي كم قصير ما أدري محتاره هو يبي ألبس بلوزه كمها قصير |
النظرة الشرعية لها ضوابط ولهذا سميت شرعية
في الشرع لا تظهر للخاطب إلا وجهها وكفيها فقط .... وبدون اي مساحيق تجميل حتى لا يدخل في التدليس وغش الخاطب... فالوجه فيه كامل المحاسن ويظهر مقدار جمالها وكفيها يظهر مدى امتلاء جسدها وهذا معروف عند العرب وللمزيد اتبعي هذا الرابط http://www.66n.com/forums/showthread.php?t=87586 **** وادخلي وألقي التحية واجلسي في مكان بعيد عنه لا بجواره كما قالت أخته.. وأنظري إليه فمن حقك أن تريه فالنظرة الشرعية ليست حكراً على الرجل فإن وجدت ميول له كان بها وإن لم تجدي أو الشخص لم يعجبك فلا يكلف الله نفساً إلا وسعها.. ولا تطيلي المكوث دقائق معدودة وغادري المكان.. |
تخيلي لبستي كم قصير
وقدر الله إنه مآ يوافق .. ذاك الوقت يكون قد شاف جسمك مكشوف برآحتك حبيبتي بصراحة انا لبست طويل وحطيت احتمـآل إنه ممكن يرفض فإذا رفض أكون الحمدلله قد سترت جسمي ومـآشاف شيء مآيحل له >> إذا سألك بعدين ليش مآلبستي قصير؟ قولي الستر زين وحتكبري في نظره (= يالله يعني اللي بيخليه يوافق يدينك ؟ غطيها يابنتي الدنيآ برد ههههههههههـ أهم شيء وجهك وشعرك اكشخ شيء الميك آب خفيف جدآ عشان بعدين لآ يقول هاذي مو زوجتي وين اللي شفتها هاذاك اليوم؟! >_< وربي حــآسة فيك جهزي عمرك من الحين و إحنآ بندعيلك اشربي نعنآع هدي اعصآآآبك هددددييي |
اقتباس:
لك كل الشكر على الرد أكيد مارح أجلس كثير عسى أجلس دقيقه الله يسهل يارب دعواتكم لي |
اقتباس:
صادقه الدنيا برد مافكرت البس كم قصير بس اخته قالت لي البسي كم قصير هو يبي يشوفك بالكم القصير بفكر من هذا لما يقولون تعالي جاء خااااايفه وبرد حال وربي بجيب العيد أتوقع!!! |
الله يوفقك يا أختي و يكتب لك الخير
اسمعي الكلام من واحد مجرب .. اللبس :: ألبسي كأنك طالعة لعجايز كبار مب لازم تسترين يدينك و ذرعانك .. لبس حلو يناسب الشوفة مب لبس الجامعة الدخول خلي الوالد يدخل و يجيبك ماسك يدك عشان ما تتأخرين و لا تعثرين بصينية العصير صرفي أخوانك عشان الرجال ياخذ راحته و مكانك في المجلس مناسب بحيث تشوفينه و يشوفك بوضوح إذا تكلم و سولف سواليف بايخة ردي عليه لا يتدخل الوالد و يرد عنك لان الرجال يبي يسمع صوتك لكن لا تبدأينه بالكلام في المسند وسنن أبي داود عن جابر رضي الله عنه قال: قال رسول الله صلى الله عليه وسلم: إذا خطب أحدكم المرأة، فقدر أن يرى منها بعض ما يدعوه إليها فليفعل. زاد أبو داود: قال جابر: فخطبت جارية، فكنت أتخبأ لها حتى رأيت منها ما دعاني إلى نكاحها فتزوجتها. وفي المسند وسنن الترمذي عن المغيرة بن شعبة قال: خطبت امرأة فقال لي رسول الله صلى الله عليه وسلم: أنظرت إليها، قلت: لا، فقال: انظر إليها، فإنه أحرى أن يؤدم بينكما. |
اخته تعطيكي نصايح غلط وش جنبه وش كم قصير هيا متزوجه ولا جالسه من راسها تجرب فيكي
تجلسي امام الخاطب عندنا الوحده تجلس جنبه هاذي جرئيه وتلبسي كم طويل الوحده تدخل بحشمه لانه باقي غريب عليكي الله يعينك اكره هيك لحظات وإن شاء الله ربي يتمم لك على خير |
اقتباس:
السلام عليكم مساء النور أختي الكريمه ، أولاً نسأل الله لكِ التوفيق ، إذا كان ولابد من تقديم العصير قدميه ثم الجلوس يكون أمام الخاطب في الجهه المقابله لكي لايكون هناك إحراج ، لكن أنا لا أرى من تقديم العصير منفعه ، لابد من الجلوس لمدة ثلاث او اربع دقائق ليراكِ على مهل وترينه انتي أيضاً ، اللبس لابد ان يكون محتشم لايكون فاضح ولايكون العكس تماماً خير الأمور أوسطها ، لايكون اللبس بنطال وكم قصير فهو غريب عنكِ لكن يكون تنوره وبلوزه ولايكون اللبس ضيق وابتعدي عن كثرة المساحيق التجميليه وفقكِ الله |
مبروك مقدما حبوبة وربي يكتب لك الخير
اللبس تنور سوداء طويلة ممكن او جنز حتى وقميص لونه بناتي ناعم مافي شغل كثير ثلاث ارباع الكم إجلسي مقابل الخاطب عشان يشوفك كويس وانتي اغتنمي الفرصة بس تشوفيه يكلم أبوك ولاف وجهه شوفيه ودققي وبس يلتفت نزلي عينك عالأرض مسوية فيها مستحية خخخخ ولاتنسي اقري على نفسك وحصنيها وعشان أكون صريحة اكثر أنا بعمري مادخلت على خاطب إلا لابسة العباية والحجاب لإنه مثل ماقالت ظل انثى يبقى غريب عني وأستحي أبين شي مني ومايصير نصيب بعدين موفقة |
لم أقرأ الردود قبلي ... لكن ياحبيبتي اللبس محتشم الأكمام طويلة ...
بدون مكياج .... دعواتي القلبية والصادقة بالتوفيق الله يجملك بعينه وتصيرين حورية ... الله يوفقك من أعماقي الله يوووووووووووووفقك الله يوووووووووووووووفقك الله يوووووووووووووووووووفقك بدموع عيني المحبة لكل أخت أقول يارب سهل أمرها ويسر لها الشوفة وإن كان فيه خيرا لها إجعلها حورية بعينيه يااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اارب |
الحين عرفت ليه كثير ما تم زوجاتهم بعد الشوفة ..!
يا اختي الشوفة رخصة شرعية ابدي ما يدعوه لنكاحك و للعلماء أقوال كثيره في هذه المسالة فما فيها محرم أبدا ابذلي جهدك في ابراز جمالك .. صح انه غريب لكن الهدف ان يكون زوجك لا تضيقي علي نفسك و تخفي معالم جمالك .. |
اذا دخل خلي ابوك يستقبلة بالحوش ويتكلم معه كلمتين وافتحي مع الدريشة وقزيه قز
|
مستقبل غامض واذا ماعندهم حووش وش تسوي؟؟
|
مو قلت لكم بجيب العيد
جبته من جد أنا طبعا ناظرته مع شباك غرفة عندنا برى بس المشكله لما دخلت عليه بالمجلس كان معي شي خفيف نزلته مباشره وطلعت يعني ما جلست ألحين هو يقول ضروي أشوفها مر ثاني عشان أحكي معها والوالد رافض يقول ناظرتها مره يكفي وش أسوي دعواتكم بالتوفيق |
هههههههههههههههههه
والله كنت بقولك في ردي السابق لكن حذفته كنت بقولك اجلسي فترة كافية ومواجهة للخاطب عشان يشوفك كويس ولايتحجج بعدين يشوفك مرة ثانية عاد أبوك لازم يخليه يشوفك مافيها شي الله يهديه الغلط منكم كان لازم تجلسي شوية يشوفك زين. |
ليش طلعتي على طول؟؟ انتي غلطانه
من حقه يشوفك مره ثانيه انتي ماعطيته فرصه يشوفك..معروف لازم تجلسين شوي |
هههههههههههه
ياقلبي ترى معاه حق لآزم يرجع يشووفك انتي اجلسي كمان ولو 3 دقايق ,’~ مو تعطيه العصير وتششششرررردي ههههههههههههه الله يسعدك ولا تنسي تخبرينا بالمستجدات ,’~ |
| الساعة الآن 06:12 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©