|
اسعفوني طحت في معلمه
السلام عليكم ورحمة الله وبركاته اخواني اخواتي الاعزاء قصه باختصار هذي الايام بيني وبين زوجتي سو تفاهم من بعد ماعملت معلمه في احد المدارس الاهليه وتلخبط جدول البيت تذهب الى المدرسه 7 صباح وترجع 12 ظهرا وتنام بدون تصلح غدا وهذا مني اقول توك جايه وتعبانه لا تصلحي غدا وتنام ولا تقوم الا 3.30 ويكون الغداء بعد العشاء مره وحده العصر والمغرب تكون عند اهله بعد العشاء انا اطلع للشباب في الاستراحه الى الساعه 11 مساء اذا جيت البيت لقيت المدام في سابع نومه علمته وبينت له هذا الموضوع قالت وش اسوي انت تروح لربعك وتخليني في البيت مالي الا انوم حتى ايام الاجازه نفس الموال المهم صلح الوضع ومشيت الامور ذهبنا الاسبوع هذا للرياض تشتري له ملابس و للبزران بعد ماخلصنا ذهبنا للشقه نريح نمنا ساعتين بعده صحينا ورحنا نتعشاء براء ولفين اكم شارع رجعنا علشان ننوم ونقوم بالواجب الشرعي وتجي ام الشباب وتنام مع بزرانه على الارض في الصاله وتخلي السريرفاضي مشيت الامور ماقلت شي يوم جاء بكره يوم الخميس ماصحينا الا بعد الظهر يعني فل نوم ذهبنا للسوق نكمل يعض الاغراض له لها رجعتهم للشقه وقلت بروح للشباب اشوف الا مباراه رحت ورجعة الساعه 9.30 طقيت الباب وفتحة قلت نام الاطفال قالت ايه وشوف ام الشباب وش لابسه تخيلو تنوره وبلوزه ونايمه وراحت تكمل النومه على الارض والسرير فاضي رحت فصخت الثوب وجلست على الكرسي وانا اتففف وقول ياخساره على الفلوس الي اشترت به في السوق لوني شاب في الفلوس نار ولا ناطله في الزباله انه برك علم ن تشوف قمصان النوم في السوق ولا هان عليه انه تشتري لا وللعلم عنده راتب ولا تصرف ريال واحد كله علي علشان نفسي ماتسمح تتمننى على بكره تقول بكره انا شاريه بفلوسي المهم نمت وقمت الظهر ومشينا للديره ماكلمته ولا قلت له اي حرف يوم وصلنا للبيت اخذت بنتي اسلم على ابوي وامي 5 دقائق بعده رجعت البنت لمها ومشيت شوي وتكلمني المدام تبي عشاء قلت لا ثم كلمتني قالت بروح لهلي قلت لا توكم جاين من الرياض اجلسو قالت ليه وانت توك جاي ليه تروح وقفلت الجوال مابي يكثر الهرج بعده ارسلة رساله انا ماني رايحه وهذاانت رحت لهم لله بخواطرهم لا يزعلون ولا ردية عليه بعده ارسلت هذا انت دخلت على امك وابوك وماحد منعك بعد هذا وش ريكم يا اخوان ما الحل ( الله يعين الي ياخذ معلمه والله حياته في نكد) |
الله يهديها..بس انت المفروض اذا تبي شي منها تطلبها,,صح ولا..
كان المفروض ترسل رساله وانتوا في الرياض قبل لاتجي للشقه وتقلها لاتنامين جهزي نفسك وانتظريني,,,صح ولا..انت الرجل وانت المفروض الي تبادر..تلقاها حتى هي مستغربه ليش ماتطلبها؟؟ هذي مشكلتكم يابعض الازواج اذا تبون شي ولا خاطركم في شي توقفون وتسكتون طيب,, انطق,, تكلم ,,لمح على الاقل,, عشان الحرمه تفهم ..واكيد لافهمت الحرمه ماراح تقصر في شي..حتى شوف لحد الان انت زعلان من يوم ماكنتوا في الرياض وهي ماتدري وش فيك وليش زعلان؟؟ولايجي في بالها شي.. انا اشوف وقتكم منظم بصراحه..وماعليه خلاف, ومافيها شي اذا راحت العصر لحد الغمرب لاهلها كلها ساعتين ,,,اجل وش تقول للي زوجاتهم طول الاسبوع عند اهلهم حتى مبيت يباتون,, ,بس مشكلتك انت ماتختار الوقت الناسب للشي الي في خاطرك..واذا انت من النوع الي تحب الكشخه وقمصان النوم وضح لها وقلها ياحرمه انا ابي كذا وكذا وكذا..هي شايفتك ساكت وماتعبر ولاتقول رايك على بالها انك ماتفرق معك سواء لبست او مالبست.. |
إسمحلي أخوي أنت لازم تراعي وضع زوجتك الجديد وتساعدها إنها تتكيف معك... بإنك تكلمها بكل شيئ تبيه منها يعني قول لها إنك تحتاجها وإنها لازم تهتم فيك مثل ماتهتم بالبيت والأطفال وهي بالمقابل اذا طلبت منك إنك تهتم فيها وتقلل مثلا من طلعاتك للاستراحة فتقبل منها ولاتزعل ترى بعض النساء ماتفهمها على الطاير لازم الرجل يقولها أبي كذا وكذا ولاتنسى انها ام وموظفة وزوجه يعني لو قدمت لك الغداء تحس انها أدت واجبها تجاهك لذا كلمها وفهمها ولكن بهدوء وجلسة رايقة وياليت ماتكون في البيت تكون في مطعم مثلا لان الجو الخارجي يفرضك عليكم الحوار الهاديء وفقكم الله لما يحبه ويرضاه |
الحوار يا اخي ،، جلسه رايقه بينكم ووضع النقاط على الحروف ...
غلط كبير إن زوجتك تروح لأهلها يومياًً.. في الاسبوع مره او مرتين كافيه .. الا إن كان احد والديها بحاجتها ،، كمرض او غيره ... لإن طلعة الزوجه من البيت يومياً تخل بتوازنه وهي غير موظفه وشلون لو موظفه !! وقول لها أبغاك كل يوم تتجهزين لي وتنتظريني قبل النوم ،، وياليت انت تقلل بعد استراحات ،، شوية مصارحه و فتح للقلوب و تكون أموركم تمام التمام .. |
لأنك ما تتكلم راح يحصل التمادي أكثر وأكثر
انت الرجل .... حط النقاط على الحروف.. |
تبيها تقرا أفكارك والا شنو بالضبط
الصراحة انا ما أشوفها غلطانة أبدا اذا كان بخاطرك قولها مؤ تتفضل عليها انك ما قلت لها هذا شي الشي الثاني صحيح كلامها لما قالت انك رحت حق أبوك وأمك وهي ماراحت انت رفضت لأنك مشحون عليها بدون سبب والصراحة من وجهة نظري مالك حق تمنعها من اهلها باجر اذا كبروا بناتك بتدور الدنيا و بيمنعونهم أزواجهم منكم شراح تقول وقتها ؟؟؟ أظن انت مسبب مشكلة من لا مشكلة وسامحني اذا قسيت عليك بالكلام بس حسيتك مؤ معطي اهمية لقوامتك عليها |
إذا ما تبيها معلمة ليش ما تقولها اجلسي بالبيت ؟ لا ومدرسة أهليه كمان مش حكومي :) ... أما إنك تُريد حقك وتريدها تفهم بدون تصريح منك أو حتى تلميح !! أنت لم تتزوج قارئة أفكار .... نزلتها للسوق بنفسك وشفت إنها ما اشترت قمصان ليش ما تاخذها بيدها وتقول نفسي أشوف هذا عليك ؟!! وتشتري لها على ذوقك !! .. وقتها راح تستعد وتتهيأ لك .. وبالنسبة لآخر فقرة .. "زيارة أهلها" فمعها كل الحق في كلامها .. هي عادت من سفر وأنت كذلك فمن يعطيك الحق لزيارة أهلك ويمنعها منه ؟؟؟؟ :: |
لو توقف قدام فترينة عرض عليها لانجري حلوو وتقول لمدامتك هذي اللي مهي بعاجبتك
وش رايك بهاللبس الحلوو ؟؟ تهقين لونك لابسته مو بيطلع عليك يجنن..!! كذا بتحسسها بانوثتها اللي اعتقد انك تحس فيها بصمت من دون ماتحسسها ياخي بين الرجل وزوجته يحلل مالا يحلل بين الرجل ومحيطه الخارجي تجسد دور العاشق الولهان وغير نمط رسايلك ياخوي غير نمط تعاملك.. عطها هدية حلوة رومنسية ياخي اطلب حقك الشرعي بموعد غرامي احمر في وقت رايق عشان تتسلطن ترى حنا يالرجال نفكر بشكل غير عن البنات.. لازم تعرف ان مثلما انك تبيها ترضي رجولتك انت لازم تغري انوثتها وتشبعها ترى لغة الاشارة والتخاطر عن بعد غير واضحة بين البشر فهمها وقولها باسلوب لبق عن تفاصيل اللقاء اللي ترغبه بينكم وشوف كيف هي بتكون رح لنعومي وخذ لبس لانجري فرنسي واهده لحبيبتك رح لوجوه فيسيز وخذلها عطر انثوي يغريك في تفاصيلها بعدين رح نكتار وخذ لك كم حاجة لزوم الجو الرومنسي شموع و العاب و و و و دلع عمرك .. ودلعها.... وعش حياتك ودامك رضيت بوضعها كمعلمة كمل جميلك ودلع حياتك معها تمنياتي لك بالتوفيق يا اخي الفاضل |
وعليكم السلام ورحمة الله وبركاته
اخي الكريم هي لم تقدم على العمل الا بعد رضائك صحيح؟ إذاً ليس لك الحق بالإعتراض ما دمت راضياَ الشيء الآخر يا أخي قرأت موضوعك كاملاً لم أرى أي جلسة مناقشه أو حوار دارت بينكم ، كيف تبحث عن حلول لمشاكلك مع زوجتك بدون نقاش ؟ وفقك الله |
( الله يعين الي ياخذ معلمه والله حياته في نكد)
تدري ان المشكلة مو انها معلمه لا.... يعني قبل لا تشتغل كانت كذا والا من قبل الشغل؟؟!!!ا المشكلة انك مو صريح معها في حريم والله يبون يسعدون ازواجهم لكن البلا اذا الرجال ما صارحها والمفروض لما رحت للسوق معها دخلت انت وياها محل لانجري واخترت لها وهمست باذنها نفسي اشوفه عليك يا...(قل اسمها بدلع) وبعدين من كلامك اغلب وقتك برا البيت يا اخي حرام عليك وين تهيئه الزوجه من سوق نزلتها بشقه ورحت للشباب تتابع مبارة!!!!!!!!!!! 9 ونص صح النوم في اخر الوقت يكون الجسم باقل طاقه وانت ناوي ...؟؟؟ ترا الواجب الشرعي مو زر نضغط عليه لازم مقدمه والا على قولة واحد من المشايخ الله يذكره بالخير يقول بعض الرجال يظن ان زوجته صيدليه مناوبة 24 ساعه متى ما خلص من السهره مر عليها |
اقتباس:
:22:كلامه درر |
الموضوع ما يبغاله شرح و توضيح
بما أنكم عندكم عيال يبدو ان لكم فترة طويله متزوجين يعني معقول الا الان ما تفهم متي تبغي العلاقة و هي بعد ما عندها رغبة ! و لا يحتاج تشرح لها الملابس المرغوبة ، شي معروف .. لكن بعض الحريم تستعبط او ان فهمها و ذوقها علي قدها .. وقلها تريح نفسها من المدارس الخاصة تري ما تجيب همها .. و انت صلح من أخطائك ، الحياة أخذ و عطا .. |
اخي الكريم المرأة تحتاج الى كلمات مدح ومشاعر وحب
اغدق عليها بحبك واحتويها واشكرها واثني عليها ستجد منها المزيد والمزيد من العطاء حين تجد منها اي تغيير ايجابي بسيط عزز فيها هذا السلوك الايجابي بالشكر والمدح اذا تأنقت ولبست امدحها واطلب منها ان تكون متانقة وهي معك انت ماقصرت معاها والله يخليك ذخر لاسرتك ولكن لابد من تفهم مشاعرها واحتياجاتها لربما هي لاتسمع منك كلمات المديح فرأت انه لافائدة من اللبس والتأنق لم لاتشتري لها هدية عبارة عن زي ترغب انت ان ترتديه زوجتك اشتري لها بنفسك الملابس التي تريدها وغلفها واهديها لها ستتفاجأ بهديتك وتفرح تغييرات بسيطة مثل الكلمات والهدايا ستحسن علاقتكم باذن الله ولو في يوم استغنيت عن الاستراحة وقلتلها لعيونك يازوجتي بجلس معاك اليوم بس بلغها من قبل حتى تستعد لك حتكون حركة حلوة منك الله يجمع مابينكم على خير ويسعدكم ويهنيكم |
اقتباس:
مُشكلتك مع زوجتك تنحصر في شيئيين فقط: 1 - ما تصلح غداء إذا رجعت من المدرسه . 2 - العلاقه الحميمية مع زوجتك . بالنسبة للغداء فأعتقد أن الموضوع بيدك وليس بيدها .. بمعنى أعطها الأمر بأن تصلح غداء يومياً ،، وليس شرط أن يكون غداء أشكال والوان ،، ممكن صنف واحد ،، أو اعداد غداء في الليل ووضعه في الثلاجه أو أيّ غداء حتى لو بسيط (( وانصحك لا تضغط على زوجتك من هالناحية ابداً وخليك عزيز نفس)) وحط في اعتبارك أن هالزوجه ايضاً تعمل وتتعب وتكد وتكرف مثلك تماماً يعني بالإختصار عليك أن تراعي حالتها . بالنسبة للعلاقة الحميمية فهذا شئ يعود لطريقتك أنت وكيف تتعامل معها بس لاحظ أنك يومياً تطلع للشباب الاستراحه وتخليها بالبيت لحد 11 بالليل بالله عليه وش تبيها تسوي ؟؟ تجلس تنتظرك لحد ما ترجع ؟؟ طيب هي تصحى من النوم صلاة الفجر عشان هالوظيفه تبيها تسهر مع الجدران وأنت بالاستراحه ؟؟ لاحظ شي ثاني ومهم جداً جداً تجي معها للرياض وتخليها بالشقه وتروح للشباب ؟؟؟؟ يا عيب الشووووم بس زوجتك بشقة مفروشه وانت مع العيال ؟؟ أمر أخير واعتبرها نصيحه لا تخرب علاقتك مع أهل زوجتك باي طريقه زوجتك من حقها تشوف اهلها ،، لكن حسب الظروف لا تمنعها من اهلها حتى لاتزيد فجوة الخلاف خالد العسيري |
خالد عسيري.......,,,,,,,,,,.عليك نور,,,,,,,
|
خالد عسيري كلآمك ميه ميه
|
الله يعين
الممرضة عيبتو بأخلاقها وشرفها والمعلمة اتهمتوها بالإهمال وكأن الباقيات كاملات مدري هو اهتمام بحقوقكم كرجال ولا استنقاص وحسد الله يعين الموظفة تحت المجهر في كل شيء والمشكلة الأغلبية يشترط موظفة وتحديدا معلمة |
نصيحة لا تكمل معها .. ولا تتزوج معلمه .. نصيحة لوجه الله
|
ولا تتزوج موظفة ابد
|
او خلها تبتعد عن الوظيفة وتتفرغللبيت وللعيال هذي وظيفتها
|
^
^^ مايجوز اخ محتار الله يعافيك تشير عليه بهدم بيته عن ابي هريرة رضى الله عنه قال: قال رسول الله صلى الله عليه وسلم : ( ليس منا من خبب امرأه على زوجها او عبدا على سيده) وفي رواية اخرى: (من خبب عبدا على أهله فليس منا ومن افسد امرأة على زوجها فليس منا) |
لغه الحوار
تفنن فيها وخلي وقتها مناسب وفهمها شو الي انت بتحبه حتى ترضيك .. زوجتك من النوع الي ما تفهم من النظرة والتلميح وانما بالطلب اللفظي المباشر |
أخي الكريم ما دخل سفرتكم بكونها معلمة؟
و النقطة الثانية , زوجتك لم تفهمك لأنك لم تستلطف و لم تلمح و لم تبدأ بحلو الكلام , بل جاي متأخر و تفترض منها أنها انسانة لا تنعس و لا تمل .. ,,,, |
طيب اخوي انت شفت نفسك
يمكنك مقصر من نواحي ثانية يعني ماتجذب زوجتك للفراش اما بالعناية والاهتمام او بالناحية العاطفية او باسلوب المعاشرة صدقني المرة عاطفية ولو تدري انك ترغب فيها وتعبر عن هالرغبة باسلوب لفظي من خلال اللفظ وباسلوب عملي من خلال الاهتمام بنفسك والله ان تجيك طاااااااااايرة وبعدين ياخوي لاتمن وتقول اصرف عليها وفلوسها لها ترى هذا واجبك والضعيفة تدرس بمدرسة اهلية يعني الراتب ولا شي؟ |
حلك انك تبين لها شتبي منها وايش ماتبي هي شدراها انت وشبخاطرك؟؟؟ليش الرجال كذا يحسبون المره ينزل عليها وحي باللي يفكرون فيه بخواطرهم!!!!!
|
من يأخذ معلمه يصبر على السلبيات
تأخر وجبة الغداء والنوم مرتين اليوم ظهرا والليل مبكرا تكون مضغوطة من العمل والبيت بس في المقابل اغلب الوظفات يساعدون في المصروفات خاصة مصروقاتها ومصروفات العيال ولكن لاتنسى أن راتب المدارس الأهلية قليل جدا |
اجلس معها جلسة مصارحه وبين لها اللي انت تحتاجه بكذا تكون سويت اللي عليك وقلت لها اللي بخاطرك اذا ماسمعت الكلام هذا شي ثاني
|
حتى عنوان موضوعك استفزازي المشكلة مو في المعلمة ، المشكلة في شخصية اللي يتعاطى معها ! |
وينك وش اخبارك..وراه الاخ مايرد على ردودنا,,
|
اقتباس:
في الاستراحه الحين يرجع الساعه 11 :25: |
اقتباس:
|
وليه ماقلت لها يازوجتي ياحلوة نبغى ليلة رومانسية انا مشتاق لك
انتم يالرجال تبغون اي شي بس وتركبون الحق على الزوجة اوكي هي غلطانة بس نبههاا بطريقة حلوة ........ دغدغ مشاعرها عشان تشتاق لك |
الحل عندي
خليك سياسي مهما كان زوجتك موظفه وعندها ظروف خاصه وهنا المفروض انك تزبط امورك على الشي هذا يعني بدل ماترجع البيت الساعة عشره خليك معاها ولمن تجي الساعة 9 اطلع وارجع الساعة 11 وانخمد مجبنها |
لو أفصحت لها عن شوقكـ
لهاآآ و حاجتكـ لهاآا ولحنانهاآآ لما رأيت إلا مايسر خاطركـ ,,, والظن أن زوجتكـ مجروحة منكـ إن ماخاب ظني فسطوركـ توحي لي بذلكـ ففتش عن أسلوبكـ معها ,, وإن لمـ يكن كذلكـ ,, رتب جلسة مصارحة رومنسية وأغدق عليها شوقكـ قبل المصارحة إن رأيت منها اقبالا وإلا صارحها عن مكنون نفسكـ وافتح لها المجال تتحدث ,, وفقكما الله لرضاهـ وجعلكما عونا لبعضكما على القرب من رب البريات ،،، |
| الساعة الآن 10:58 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©