|
النظرة الشرعية قربت وانا متوتر و بحاجة للنصائح
السلام عليكم
من العنوان خطبت و عندي نظرة شرعية اشوف البنت بعد كم يوم و المشكلة انا اجداً متوتر و خايف, ما عمري دخلت بيت ناس و شفت بنتهم يعني بالإختصار المفيد استحي جداً فأيش اقدر اسوي؟ ما اكون على بعضي لما يكون في بنت او حرمة مو من محارمي قريبة من عندي فما بالك راح اشوف بنت ناس و في بيتهم ايش النصايح و انا اجداً محتاج مشورتكم لأن الموعد على الأبواب الفزعة يا مسلمين قبل ما اجيب العيد يدي تنتفض وانا اكتب لكم:24: |
ههههههههه حياك اخوي
احساسك طبيعي لاني مجرب وعشت وضعك انت خلك واثق من نفسك وخذ نفس عميق قبل ماتدخل عند البنت واذا شفتها كل التوتر راح يزول واذا قعدت معها اسالها عن حالها كيف الدراسه اذا قعدت وان شاء الله ربي يتمم لك ع خير وعقبال ماتتزوج ربي يوفك ويسعدك اتمنى اكون افدتك بشي |
تصور انك تذهب الى اكبر صفقة تجارية وانت عليك ان تتخذ القرار، والصفقة معقدة وكبيرة وغالية.......فان خسرت ستقع في ازمة اقتصادية النجاة منها شبه المستحيل..............والمقابل امرأة وانت رجل وهناك ناس آخرين حواليك......... انت تذهب الى تقرير مصير، واذا انت خائف، لا تذهب بطل من الآن، اي اترك الزواج........... هل تذهب الى شراء طعام من بائع وتغمض عينيك؟.........فلا تعلم ماذا اعطاك لتاكله؟........فكيف تاكل شيئا لا تعلم ماذا ذلك الشيء؟......اعطاك الله البصر فاستخدمه اهم شيء في اختيار الزوجة هو ان تراها بكل هدوء الاعصاب والكفاية والاستقرار النفسي، والتفكير حولها.......هل هي التي انت تبحث عنها؟.........حصل على جواب هذا السؤال من اللقاء.......والا من غير حصولك على جواب هذا السؤال...........هناك احتمال كبير ستندم بعد الخطبة.........فحينئذ قد ظلمت نفسك وظلمتها...... لا تنسى تنظر لها وهي واقفة.......اي طولها/قامتها.......هناك من رأها وهي جالسة فقط ........وبعد الزواج اصطدم بقصر قامتها والى الآن نادم من غير حل.......... اجمع الشجاعة او اترك الزواج.............واحد من الاثنان لا غير..........والسلام |
اقراء اية الكرسي قبل ماتدخل ولاتكلمها لان البنت بتكون مستحية وخايفة
|
بصراحة حيرتوني بعضكم يقول كلمها و اختي اميرة مكة تقول لا تكلمها
المشكلة ما اعتقد اني راح اقدر اتكلم الله يرضى عليكم المزيد من النصائح اذا في احد مجرب الشوفة الشرعية تراني ما نمت قاعد افكر لي 24 ساعة مواصل |
- أنظر إليها ودع لها فرصة النظر لك.
- لا تعطيها تلميحات معينة كالبسمة، أو التميلح بحركة معينة .. حاول أن تكون جدي. والله يوفقك |
الموضوع بسيط وراح يعدي على خير
تجهز من بدري ملابسك ومظهرك تكلف فيها لانه بتعطيك ثقه توكل علئ الله ولا تنسى قراءة المعوذات واية الكرسي واذا دخلت البنت انتبه لكل تفاصيلها لاتخلي التوتر يسيطر عليك وماتنتبه هذا زواج مو لعب عطها فرصة تناظرك وانا انصحك ماتكلمها بالتوفيق |
أخي الفاضل.. انت رايح تشوف زوجتك المستقبيلة إن ربنا أراد.. هي عندها نفس احساسك واكثر كمان.. (((( خليك على طبيعتك)))) عشان تدي الإنطباع الحقيقي لنفسك.. في البداية أكيد حتكون متوتر .. بس بعد كم دقيقة كله حيخف.. وأكيد لازم تتكلمو .. أجل رايح تتفرج بس؟؟؟؟؟؟؟ قول السلام عليكم .. كيف حالك.. اتكلم شوية عن دراستها أو تخصصها أشياء عامة .. منها تسمع صوتها وتتعرف عليها.. اكيد محا تقدر تدخل في مواضيع كتير.. ممكن تسألها اشياء مهمة بالنسبة لك في زوجتك المستقبلية.. إذا ماقدرت تقول شي .. سلم عليها وأسألها عن حالها.. الله يشرح صدرك ويتمم لك الأمور على خير.. |
لاتحتار يااخونا ماعليك فعله هو ان تتهيأ نفسياً قبل الشوفه بيوم وتنسى كلمه انا متوتر.
الشي الاخر كن واثق بنفسك عند زيارتك لهم... سلم على والده وبعد 10 دقائق تكون البنت جاهزه لرأيتك سلم عليه وانظر لها ودعها تنظر اليك واسألها عن حالها اليوم واسألها اسأله عامه جهزها من قبل والله ولي التوفيق |
اخوي لا تشييل هم بالعكس خليك مروووق عشان تشوفها كويس اما اذا كنت متوتر ما راح تركز ...
اذا انت الي بتدخل وهيا جالسه سلم اما اذا العكس لا بس اذا سلمت رد .. لا تكون شآق الضحكة مرآ ابتسم ع خفيف يعني 3 بسمات مثلا :d ... لا تخلي حياك من محرمها او الموجودين يمنعك من انك تشوفها كويييس ... خليها تسمع صووتك ترا شيئ مهم<<< رآح ترتاح هيا اذا خرجت وتذكرت انك تكلمت.. شيئ ايجابي في نفسها عنك.. مو لازم تكلمها هيا حتى لو تتكلم مع محرمها او الي موجود بس بصووت هادي يعني ينسمع بس مو جهوري كأنك مع اخـوياك ... اكشششششششخ آخـــــــــــــــــــــر حد وروح عند الحلاق << تسمع انكم تروحون للحلاق :rolleyes: هذي نظرتي والي سمعت فيه من البنات والاولاد حولي والي يعجبك خذه والي مايعجبك ارميه ورا ظهرك وامشي ...الله يكتب لك الخير وييسر لك امر النظره الشرعيه ... ونشوفك في قسم المتزوجين عريس:14: |
هلا حبيبنا
انصحك اخوي انك ما تكبر الموضوع واذا دخلت عليگ البنت سلم عليها واخبارها ودراستها وحاول دقق في الشكل والطول والشكل وكل ما يجذبگ واهم شي اخوي المكان اللي راح تجلس فيه خلهـ استراتيجي تشوفها وهي داخله وهي طالعه ونصيحه من مجرب ترى اول ما تطلع راح تنسى كل شي من ناحية الشكل وغيره فقرر واهم شي الثقه بالنفس اخوي و فقنا الله واياگ لما هو خير الدنياوالأخرة .... * |
وعليكم السلام ورحمة الله وبركاته
حياك الله أخي الكريم ، ومبروك ان شاء الله ، اسأل الله بمنه وفضله أن يتمم لكم على خير ابداً الموضوع ليس بذالك الصعوبه ولا يحتاج إلى أي توتر ولا تفكير ، بالطبع ستجلس انت في المكان وستأتي البنت وتجلس أمامك ربما أو على يمينك أو شمالك ، كل ما عليك النظر إليها وجهها ، كفيها ، قدميها ، الجسم ، الشعر ويحق لك النظر إليها بلا حرج ، صح عنه صلى الله عليه وسلم أن رجلاً – قيل المغيرة – خطب امرأة، فقال له النبي صلى الله عليه وسلم: "انظر إليها فإنه أحرى أن يؤدم بينكما" وإن كانت لديك جرأه وتريد سماع صوتها ، اسألها عن أحوالها : كيف الحال ، وش اخبار الوالده ، وإلا ليس بضروري إن كان هنالك حرج عليك فربما هي لاترد عليك وهذا طبيعي وفقك الله |
الله يجزاكم خير والله ما قصرتوا ولو ابشكر كل واحد بكل برد حيطول الموضوع
بس عندي سؤال اخير هل اسلم عليها يد بيد؟ |
الله يوفقك وماقصروا الاخوه والاخوات
السلام باليد لايجوز لانها لازلت اجنبية عنك |
لآ وأنا اختك لآتسلم يد بيد لسى مآتحل لك
بعدين بالعكس الوضع عندك افضل بكثير من عندهـآ إنت جآلس ومرتاح مآعليك إلا تجهز الاسئلة إللي ناوي تسألها ..فقط! يمكن اختلف مع اختي الخلوقه في نقطة الابتسامة: إذا اعجبتك ابتسم لهآ ابتسامه خفيفة صدقني كذا حتريحهــآ كثير وتوكل على الله وتعآل هنا بشرنا أهم شيء أهم شيء أمك خلهــآ تدعيلك (= |
اقتباس:
|
اقتباس:
الشكر لله طبعاً لايجوز مصافحتها ولماذا المصافحه وما الفائده منها ؟ فقط لك أن ترى لمده لاتزيد عن 5 دقائق بالكثير |
امي تقولي لا تتكلم معاها ابداً -_-
ان شاء الله الأمر يتم على خير و ارد لكم ايش صار عما قريب |
اقتباس:
بالعكس اخي الكريم يجب عليك ان تتحدث معها لترى طريقة نطقها واسلوبها بالحديث واخبر والدتك بهذه النقطة ربما ترى شيئا اخر يخفى على الجميع .~ بالتوفيق اخي . |
الله يتمم لك على خير ...
وتكون ملكة جمال بعينك وأنت أحلى من الحلى بعينها وترتاحون لبعض ... شوف ... هي بتدخل عليك وتسلم ... وحضرتك رد السلام اذا تواست بالجلسة .... قل كيف حالك ؟؟ كيف الدراسة ؟؟ أو كيف العمل ؟؟ لازم تسألها عشان تتجرأ وتطالع فيك .... موفق أخوي |
السلام عليكم و رحمة الله و بركاته
مافي شوفة شرعية لأن البنت غيرت رأيها تبغى تكمل الجامعة مافي نصيب و اسأل الله ان يوفقها و يوفق جميع المسلمين و جزاكم الله خير على النصائح و ما قصرتم ابداً ودمتم بود |
حبيبي اول شي بنصحك اذا كانت صغيره يعني فيه فرق كبير في السن اتمنى تسألها اساله عن مستقبلكم سوا عشان ماتتوهق زي نصف الاعضاء في المنتدى
ومن ناحية الحيا انت قبل ماتروح لهم وقف عند المرايه وشخص واذا خلصت قل في نفسك انا رجل وماراح استحي ثلاث مرات وبعدها خل تفكيرك انها هي المفروض اللي تستحي وانك انت اللي راح تقود الحوار اذا جلست معها ولاتنسا ان الشوفه الشرعيه مهمه لتحديد مصير الزواج يعني لازم تجلس قريب منها وتتمقل فيها من فوق لتحت ومن حقك تسالها اي سوال ومن رايي انك تحضر الاسئله اللي تبي تسالها يعني متى تبغى الزواج يكون هل فيه عندها اساله لك ولاتجيب موضوع الحمل والولاده ولا موضوع الاهل والله يوفقك وترا الموضوع ماهوب صعب لهذيك الدرجه بس انت قل لنفسك انك ماراح تستحي وانك راح تقود الحوار وتعوذ من الشيطان وانت داخل وسم بالله وادخل برجلك اليمين وسلم ولاتضحك واجد خاصه اذا سنونك مكسره :) ولاتكشر يعني خلك على طبيعتك ولاتتصنع عشان ماتتوهق بعدين و لاتحسسها انك ماتستحي قدام البنات ولاتصير خجول مثل البنات والله يوفقك ويجعلها من نصيبك اذا كان لك فيها خير ويبعدك عنها اذا فيها لك شر |
ربي يبارلك عادي لاتتور وانشا الله خير حط في بالك انه عادي بصير عادي هي شوفه مو حرب
|
الرجاء اغلاق الموضوع لأنه انتهى
و اشكر الجميع على ردودهم و ما قصرتم و دمتم بود |
اقتباس:
هل ارتحت لها ام لا ؟ اخبرنا ياخي الكريم لتعم الفائده على جميع أعضاء وزوار المنتدى .~ |
7 7 7 أحس الموضوع فيه إن .......... يعني الحلوة .. مافكرت انها تبي تكمل ... قبل لا يستقبلونك ؟؟؟ و وش فيها تكمل معاك ؟؟؟؟ الله يعوضك باللي أحسن منها ... اقتباس:
|
اقتباس:
صار لي خمس سنين افحط مو لاقي بنت الحلال ومضيع عمري من بيت الى بيت دار دار والله العالم يعني اتخيل امها تقول حياكم الله تعالوا شوفوها وبعدها لما اجهز نفسي ابشوفها يغيرون رأيهم و هذي ولا المره العاشرة على فكرة اهلي دخلوا اكثر من 25 بيت70% منهم يتصنعون الاعذار اعتقد حأترك الغرب و اتوجه للشرق يمدحون الرياض و حأشغل الرادار هناك والله الموفق |
اقتباس:
أجل عندنا بالرياض " مو الكل " ... طب وتخير ... والله مانرد الرجال إلا اذا فيه عيب ... غررررررررريبة كل اللي أعرفهم من أقاربنا ... وحتى معاي بالعمل.... مايرفضون آبدا .... إلا بسبب قوي في الرجال نفسه ... وغالبا ياحياتي احنا .... يجي الرفض من العريس أو أهله ... الله يعوضنا بالأفضل ان شاء الله حياك الله بالرياض وقرى الرياض .. أقصد غالبية سكان الرياض من أهل قرى الرياض اللي حول الرياض ..." كم مرة كتبت الرياض " ؟؟؟؟؟؟؟ وابشر باللي يرحبون فيك .... وأنت بعد خفف شروطك .. كان عندك شروط والله يكتب لك الخير حيث كان |
عادي سلم عليها واسألها عن الدراسه او العمل
اهم شي تكوون ثقيل لاتوزع ابتسامات ولا تكشر |
بعد اذنك أخوي .. شموخي تعداك .... حبيبتي اقرأي مشاركة النقيب ؟؟ اللي تحت ... اقتباس:
|
اقتباس:
راح اكون ادق في السبب اللي خلى البنت تغير رايها اخوها مبتعث و هي تبغى تبتعث و تروح تدرس معاه علشان كذا لا و ابشرك بعدها بأقل من يوم دلتني صديقة اختي اللي بالرياض على وحدة كلمنا امها امس و ردت امها اليوم انه البنت كمان تبغى تكمل دراستها الجامعية مع اني متأكد انه مو هذا السبب الرئيسي اكيد في شيء ولله الحمد مافي شيء يعيبني بالنسبة للشروط عندي اهم شرطين: انها تصلي يعني مو شرط ملتزمة و الشرط الثاني تكون متفرغة يعني ما تشتغل ولا تدرس والحمد لله انا موظف و تاجر. يا اخي تعبت خمس سنين افحط جاني اكتئاب ههههههههههه :23: |
اقتباس:
الله يعوضك اخوي ... أستغرب بصراحة حنا نشتكي من هروب الشباب بعضهم مو الكل .. ومن تلاعب بعضهم بمشاعرنا ومآخذين بعضهم العرس مزحة أو لعبة !!! وانت تشتكي من بعض البنات !! يالله لطفك وعفوك !! |
اقتباس:
لما القى بنت الناس اللي ابيها خلاص هذي اللي ادور عليها يجيبون عذر لدرجة في عذر لو اقوله للناس راح تضحك امامي خيارين: اتوجه للشرق او الخارج وبالله التوفيق |
نقيب الشباب
دور وبتلقى ,,, تعال عندنا الطايف وخل الرياض عنك لان لو بتطول وان تدور عروسه بتصير عقيد الشباب وخوفي تتقاعد وانت ماتزوجت والطايف احلى ع قولتهم |
| الساعة الآن 08:25 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©