|
لا اريد السكن مع ضرتي ( حلت المشكلة الرد 51)
السلآم عليكم ورحمه الله ..
اطلب منكم المشوره بهالشي اللي مآرقني ؟ وممكن زوجي يقرا كـلآمي لآني انا وياه كتاب مفتوح ولآب توبنا واحد بس مافي مشكله اقرا يازوجي ياغالي انت تعرف مكانتك بقلبي بس مسأله انك تحطني مع ضرتي بمكان واحد اعذرني اروح لآهلي ولآاسكن معها ؟ السالفه ياجماعه ان الشقه اللي احنا فيها يبغاها صاحبها وراح نطلع منها بعد اسبوع .. .. والان بصدد اننا ننتقل لشقه ثآنيه بس يبيلها ترميمم مده شهر تقريبآ .. زوجي قالي راح احطك عند ضرتك لحد ماتخلص شقتنا لآنه صعبه اروح استآجر ونقل عفش وتركيب وهالشي راح يكلف ومدري ايش ..؟ طيب ليش انا ؟ ليش ماهي تنتقل ؟ انا انسانه غيوره ولآحدود لغيرتي ياناس ياعالم من تتحمل تسكن مع ضرتها لها غرفه وضرتها غرفه وكل شي مشترك . انا بشر يازوجي الغالي ارحمني ارجوك عساني اطق خيمه واسكن فيها لين يخلص بيتنا ولآاسكن مع زوجتك .. تنازلت كثير وتحملت وتعبت ليه تجازيني بهالشي ؟ وش فيها اذا اخذنا شقه مفروشه ؟ يقول احنا اولى بالايجار طيب هي راح تدفع لها ايجار ؟ قلت له ذهبي وكل ماأملك لك بيعه وسكني بشقه لحالي رفض الحق مع مين ياجماعه الخير كل وحده من خواتي تحط نفسها مكاني جالسه ابكي من القهر ةالحسره اللي فيني والله اندب حظي اسمح لي يالغالي فعلآ اندب حظي .. تمرمطت وانا ماكملت سنه من الزواج ؟ انصحوني وادعو لي ربي يسخر لنا صاحب البيت اللي انا فيه ويزيد في المده يعطينا شهر بس .. يارررررررررب سخره لنا يااااااااااااارب انت قادر ع كل شي من اليوم انا استغفر واقرا البقره لعل الله يكتب لنا الخير والرزق .. حسسبنا الله سيؤتينا الله من فضله انا الى الله رآغبوون دعواتكم ربي يسعدكم .. |
زوجك الله يهديه ينظر للموضوع على انه مساله حسابيه وهذا سبب الخلاف
القضية اسريه اجتماعيه تؤثر فيها الامور الماديه هذا هو وضعها الطبيعي المراه مش ممكن تتقبل هذا الامر واللي مستغربه كيف الاولى تقبلت ؟؟ ما اخشاه ان يكون هذا الشهر نقطة انعطاف خطيره في حياتكما او ربما يحصل فيه طلاق او اي شيء لاتحمد عقباه ,,, الرجل ينبغي ان يغير طريقة تفكيره العقلانيه ,,, الحسابات والخطط ليست دائما الطريق الموصل للحل الاصوب ,,, امر اخر اخشاه وهو ان تطول المده ,,, ثم حلول اخرى وكلها موصلة لرضى الطرفين مع تنازل بسيط من احدهما ,,, منها ان تبقي عند اهلك ,,, ومنها الشقة المفروشه ,,, ومنها ان صاحب الشقة ربما ينتظركم شهر اخر وفكروا ان تدفعوا له مبلغا يرضيه ,,, همسة لزوجك ,,, يارجل قدر المشاعر قدر المشاعر وخل الجلافه يارجل بعض النساء ماتتقبل ان يذكر اسم ضرتها حتى لو كانت مطلقه او متوفاه مابالك ان يسكن جميعا ’’’ |
معك حق أختي
الله يربط على قلبك لا تتنازلي عن رأيك و لا تضغطي على نفسيتك فيحصل مالايحمد عقباه ,,, و خياراتك ماشاء الله كثيرة ..شقة مفروشة ,,بيت أهلك ,,فليختر أحد منها تحياتي |
الله يعينك من حقك والله وربي يعين زوجته الثانيه
بصراحه أرحم زوجات المعددين يعني حياتهم كلها قهر في قهر وغبينه الله يصبرهم بس وش تقولين الله يعوضكم في الجنه ويبعد عنا مدري وش أقول لك أختي الرجاجيل بعضهم يشوفون الحرمه حجر وتحملي بدون إحساس مايدون بعض الحريم تنهبل إذا زوجها تزوج كيف وأهي تعيش معها |
صعبة .. حتي لو متفقات صعبة ..
كلمة للزوج وياريت يقدر يطلع علي الموضوع .. بعد عمر طويل ترضى لابنتك ان زوجها يقهرها ؟ يستنقصها ؟ اكيد لا لا ترضى ولن ترضى وبتاخذك الحمية علي بنتك قطعة منك .. وبالمثل زوجتك .. لها اب لايرضى ولن ولم يرضى بقهر بنتة .. ارحمو من في الارض يرحمكم من في السماء .. |
اقترح تسكنوا في شقة مفروشة حتى يتم تأثيت الشقة الجديدة.
|
اسمحيلي ...
ليش ماتكوني انتي وضرتك ببيت واحد .. شـــــــــــــــــــــــــــــــــــــــــــــــو المـــــــــــــــــــــــــــــــــــانع ؟؟ زوجك قال لمده شهر يعني مو العمر كله ولو جلستو مع بعض ... تعاوني انتي واياها وحاولو التقرب من بعض ليش ما تكون فرصه للتقارب وابعاد المشاحنات ... والله لي قريبه متزوج زوجها وهيه الثانيه ساكنات مع بعض وبياكلوا مع بعض وبيعنوا بعض على شغل البيت ... الثنتين ستر وغطا على بعض كانهم اخوات مافي حدا بيشوفهن وبقول عنهن ضراير ابدا بشهادة الاهل ... مو لازم الضرة تكون مرة على اعتقاد الاغلب اعتبريها اخت ... صديقه ... حاولي انك ماتفكري بسلبيه عنها ... موضوعك لاتكبريه ومافي مشكله بالنسبه لي .. ا اذا المدة شهر بسيطة .... ممكن تكون خير الك والها انكم تحبو بعض تتقربوا من بعض والحياة تجارب ... عيشي هالتجربه وماح تخسري اشي كرمال زوجك اقل مافيها .... راعي ظروفه .. لاتضغطي عليه يعني هوة لو حالته ميسورة كان لوحده امنلك سكن بدون ما تتشاركي فيه مع ضرتك ... بدون مايوجع راسه بهالقصه .... لكن باين انه محشور اشوي بالفلوس .... طيب لفته صغيرة ليش ضرتك مو معارضه طلب زوجك...........؟؟؟؟؟؟؟ ممكن هيه موافقه وحابه تتقرب منك اكثر ... احتمــال او ممكن عشان زوجها كمان مو حابه تزيد عليه .. احتمــال اخر فكري بعقلك مو بقلبك ولاتنكدي على حالك وزوجك ولا تسببي مشاحنات بينك وبين ضرتك والله مشكلتك ماهي مشكلله بالعكس لكن انتي يمكن من ترسبات قديمة انفعلتي بهالشكل ... الله يهديكي للصواب |
سندريللا ,,,أختي لا يكلف الله نفسا إلا وسعها
إذا كنت متزوجة ,ضعي نفسك مكانها ,,لكن ضرتك لم تكن تسكن معك وزوجك قادر على شقة مؤقتة لكن لا يريد أن يكلف على نفسه و يبغى يوفر ,,على حساب نفسية (دون ادراك منه) فماذكرتيه من مثال لضرتين , عايشات (((من أول))) مع بعض و مو بيسكنوا فترة و تعدي,,لكنها ستخلف ما تخلف,, فكل وحدة (مما ذكرتيه)تاخذ احتياط لكبح الغيرة للتعايش(مدري شلون تقدرون جد يا نساء المعدد الله يعينكم) .. لكن هنا هما منفصلتان و تبرمجت حياتهما و مشاعرهما على ذلك و عموما لكل واحدة حق السكن منفصل الرسول عليه الصلاة و السلام وضع لكل زوجة من زوجاته رضي الله عليهن ,منزل لوحدها فراعي أختي . أن لكل واحدة ,قدرة و طاقة و لا تعزفي لها على وتر المثالية فتظن هي و زوجها الذي سيقرأ أنها تطلب (((فوق)) حقها ,, أنما لا ..هي طلبت حقها ...لأن لا قدرة لها على التنازل و ليس بعصي عليه أن يحققه أن شاء الله |
الله يجزاكم خير جميعآ ..
سندريلآ حبيب انتي امراه وتعرفين الغيره بين النسآء كيف حتى نساء الرسول ماخـلوا من الغيره كيف نحنا .. حبيبتي اللي يده في الماي مو مثل اللي يده في النار انا ماقلت شي في زوجته الاولى فعلآ انسآنه طيبه وعيالها حسبة عيالي بس الغيره الغيره تذبح خاصه انا عن نفسي تذبحني بقوه لدرجه البكآء .. زوجي يقدر ع شقه مفروشه .. بس يقول شهر ماتسوى وانا مصره ع رآيي ماراح اسكن معها لو ايش عساك ماتجربتي حياه المعدد والله دايم اقول في نفسي اللي تبي الشقاء تاخذ متزوج حتى لو هو اطيب الناس ماتقدري تروحي ولآتيجي لآن كل شي محسوب وتخافي الله في كل شي وماتبي زوجك يميل لك والثآنيه لآ حياه متعبه متعبه بكل مافيها يكفي الوحده اللي تكوني عايشه فيها يوم كلامل لوحدك لو صار لك شي محدا راح يدري عنك > عن نفسي زوجي كل شوي يطمن علي ماأنكر مشكوره ع حرصك حبيبتي .. ومافي بوقتنا الحالي نسآء يعيشوا ببيت واحد لآن القلوب الحين تغيرت وكل شي يفسر الف تفسير دمتي غاليتي |
الحمدلله انا متزوجه
انا ردي من داخلي مو قصه ردود مثاليه بالعكس وحطيت نفسي مكانها لكن مو غلط انه الانسان يحاول يعكس تفكيره السلبي الى ايجابي ... عن الاشخاص بالاخص وانا ذكرت مثال للاخت حتى تعرف انه ممكن انها تسيطر على نفسها زي غيرها ان امكن شوي بهالشهر مو العمر ... وهيه ذكرت انه زوجها مااقترح انه يسكنوا مع بعض هالشهر الا بسبب الوضع المالي على ما اعتقد ... وصحيح انهم الثنيتين اتبرمجوا على انهم يعيشو كل وحده لحالها لكن الظرف مشى هالمرة على غير هواهم ليش ما يتعايشو معه بس بهالفترة المحدودة مثلا .. ممكن يكون لخير يا اختي .. ولا انا غلطانه فرصه حلوة ليكونو الاخوة الصغار مع بعض مثلا وللاخوات الضرارير برضه والله مش عارفه كيف اوصل الفكرة بس ع كل اذا هيه الامر عندها صعب لهدرجه تصارح زوجها وتفهمه القضيه وتعرف سبب موافقه الزوجه الاولى عن السكن معها |
بالنسبه لزوجته الاولى
طبعا اذا راح يحطني معها غصب برضو .. وهي تقول عادي بس من داخلها الله اعلم .. اكيد افكر بزوجي وراحته بس وربي الامر صعب علي وماأقدر الاطفال انا ماعندي اطفال وفاهمه عليك وربي .. بس اكرر واقول اللي يده في الماي مو مثل اللي يده في النار http://www.66n.com/forums/images/icons/icon9.gif |
ترى الشغله كلها كم يوم وتنتهي ليست طول العمر , يعني لا تكبريها وهي صغيره
وأنت المتضرره لتكبيرك الموضوع , ليه ما تعبريها فرصة للتعارف , الكثير من الضرائر أصبحن صديقات , ليه قلبك ضيق , معذورة بالغيرة لكن لا تفكري في نفسك وبس بالفعل المبلغ اللي يصرفه زوجك أنتم اولى به . |
**ااختي ريـــم الصبورة **
حترم رايك ورغبتك واكيد كل انسان عنده غيره لكن اذا كنتي مصره على رايك قمن حقك ولا انكر طبعا واذا كان زوجك مقتدر ماليا للشقه اذن محلوله انا فكرت انه زوجك متضايق ماليا لكن اذا ما وافق مالك الا بيت اهلك والله يفرجها بعدين استخيري يا اختي واكرر ... رايك ورغبتك على راسي والله انتــــــــــــــــــــــــــــــي حرة وادرى بنفسك سبحان الله الناس طاقات .... الله ييسر امرك بهالشهر وحاولي تصبري نفسك مشكورة على طريقه ردك الائقه .. جد احترمتها |
افهموني
زوجته اعتبرها اخت لي الحمدلله علآقتنا مع بعض كويسه بس مو معناها انه اسكن معها محد يرضاها ياناس .. ماراح اخذ راحتي ابد بأي شي زيآده ع كذآ اطفال صغار بكآء الليل والنهار انا وش ذنبي ؟ هل اخطيت يوم اخذت متزوج وهذا نصيبي ؟ بعدين وش يدريني انه شهر فقط ؟ الله اعلم يمكن تطول المده .. جزاكم ربي كل خير سندريلآ الله يجزاك كل خير خيتي احس كتابتي لهالموضوع مجرد فضفضه صعب اقول لآهلي او اي احد ثآني اكيد مأحد راح يرضى وهم بالاساس معارضين المتزوج كيف لو يعرفوا بسكني معهآ ..؟ بس املي بالله كبير ثم بجارنا انه يمدد لنا فرصه التآجير؟ يارب ياحنان يامنان سخر جارنا لنا كما سخرت الريح لسليمآن .. اميييييييييييييييييييييييييين |
الله يكون بعونك صراحة
رجل أناني اسمحيلي ما همه إلا جيبه وبالطقااااق مشاعر ونفسية زوجتي !!! إذا مو قادر على بيتين وشوووله تزوج ثنتين وتقهرهم اتوقع حتى زوجته الثانية ماتبي مو بس انتي ومعكم حق استغفر الله يااااربي اذا ماسكنتي بمكان مستقل اقترحي عليه تروحين لاهلك شهر ليين ينتهي البيت ولو انه حل مو مره بس على الاقل افضل من بيته الثاني |
لآلآ حبيبتي مو اناني انا اعرف زوجي اكثر من اي احد ثآني ..
بس يبي الكل تحت نظره .. ولآفكر بالعواقب يحسب غيره النساء عاديه تروح مع الوقت والعشره .. عمومآ ماقصرتي حبيبتي .. الله يعطينا ع قد نياتنا يارب |
طيب روحي لبيت أهلك ليه مايرضا
|
صعبه شهر ويمكن اكثر ببيت اهلي
يقول انا متزوجك عشان احطك عندهم ؟ بس دعواتك يفرجها ربي ياغــلآهم |
اقتباس:
وين في الشارع جالسه وبعدين زوجك معدد مو رجال ماعنده زوجه عشان يقول كذا وشهر عند أمك وأبوك والله مو كثير عليهم تهتمين فيهم والدنيا مو كلها زوج هو عنده زوجه غيرك يعني مو ضايع وإرتاحي أنتي بدل الهم والبهذله الله يفرج همك وييسر أمرك بس أنتي ريحي بالك وروحي لأهلك ولاتتبهذلين عند زوجته وشهر والله مو كثيره وأهلك أنتي عارفتهم قبل يعرفك وبصراحه أنا أستغرب إلي تستصعب جلستها في بيت أهلها والله بيت أهلي بيتي وش المشكله فيها مدري عن ظروفك لكن لايكلف الله نفسا إلا وسعها |
ملآمح
بشري لآتعصبي بحاول اقنعه خخ فديتك تسلمين والله .. بيت اهلي مليان من اخواني وخواتي الله يخليهم ويصلحهم يارب |
اقتباس:
يااختي عندي قناعه الحياه مره وحده عشان كذا ليه أرفع ضغطي أدور أريح حل وأروح له وبعدين حلو خواتك إخوانك تستانسين معه بدل وجه ضرتك :29: وأحان نعرف الغيره شي صعب عليك ولا عليها بعد أهي مسكينه وأنتي ليه تكلفين علي نفسك أو بالاصح أرحمي نفسك وبنت الناس وهو رجال مستحيل يحس في الحريم وحتي الرجال لما يتكلمون من وجهت نظرهم وهم مايحسون مثلنا الله يكتب إلي فيه خير أسفه أزعجتك |
ههههههههههههههههه
حسيتك انتي الغيرانه مو انا :) سبحان الله فينا طبع الغيره حتى لو مالنا دخل .. :) عارفه ياقلبي .. وربي يعين ان شالله ويسهل امورنا والا ودي بالروحه عندهم بالعكس ماأزعجتيني ولآ شي الله يخليك لعين ترجيك الف شكر |
لفته..
يمكن تعجبه الحركه وانتم مع بعض ويشيل فكرة الشقه اصلا اوتتطور امور ثانيه من ورى الشهر هذا بيت ابوك ارحم والله من كل هالحوسه المتجرده من المشاعر البته سبحان الله والحمد لله اختي سندريلا الحبيب ليه ماتزوجي زوجك وحده ثانيه دامك بتتعاوني مع ضرتك وتعتبريها مثل اختك وماعندك لاغيره ولاشي وحلو كمان وتوفري عليه الاجار والامور الزايده ؟ |
تعرفين ريوم شعور القهر إلى درجة إنك تحسين بنآآآر داخلك :mad:.. هذا اللي حسيت فية بالضبط يوم قرأت موضوعك ..
لكن الله ماحلل التعدد إلا لحكمة ..الله يجبر قلوب الإناث .. أكثري من الإستغفار ياعمري ..الله يفرج عليك ولا يكلفك فوق طاقتك .. |
ريوم ما تنلامين بس انت بنفسك مستصعبه جلستك فبيت اهلك ..
والشقه المفروشه صراحه كون زوجك يوم كامل مو عندك صعبه كمان يخليك لحالك فشقه مفروشه ما يعرف مين فيها ومين طالع ومين نازل وعمال .. انت حتى راح تموتي رعب .. استبعدي هالخيار .. وما تلومين زوجك يرفض يخاف عليك صدقيني الموضوع مو مادي .. اذا ولا بد بيت اهلك . واذا مرررره مسكت معاه ما تروحين بيت ضرتك الا على بينه واموركم مرتبه من قسمه في كل شي يعني كل وحده تعرف اللي لها واللي عليها قبل تجتمعون .. والله ييسرلك الخير . |
يا صبر الارض ....
حسيت بالغليان والنيران وانا اتخيل الوضع .... << مابي استرسل اعرف نفسي ابخربها ماقول الا يكلف نفسا الا وسعها ,, بالنسبة لي هذا وضع فوق فوق فوق الطاقة البشريه واللي تقول هذي مو مشكلة الا والله اكبر المشاكل .. الله يهون عليك ويهون على ضرتك لانكم كلكم المتضررين بهالحاله ... |
اقتباس:
اقتباس:
متقبل ردك بكل رحابه صدر ... وانا اتمنى ما اكون محط المهاجمه الان في هذا الموضوع اولا ... حبيت اهدي سر الاخت واطرح عليها بعض الحلول وعلى فكرة هيه مش غلط ... وثانيا بالنسبه لاني ازوج زوجي ... فهاي الفكرة كانت واردة عنده من فترة 5 سنوات وكنت متقبله الوضع بشكل انه عادي من منطلق حقه وكمان كنت افكر بامور اخرى لو جرى الامر لكن زوجي تبين لي بعد كل هالمحاولات لاستفزازي بالزواج من ثانيه كان هدفه انه اشعر بالغيرة عليه ... مش لاجل مضمون الفكرة يعني لما استسلم اباح لي مع اني كنت ماخذة الموضوع جد.... وصدقا ماكنت اعلم بهذا الهدف .. وربي علي شهيد **مـــــــــــــــــــــــــــــــلاحظه ** اتمنى من اي عضو يقرا هالرد يركز على الملاحظه عند كتابه اي رد يكون احيانا يحتمل عكس فكرة الردود يعني تكون غير مناسبه للشخص صاحب الموضوع الــــــــــــــــــــــــــــرجاء عدم مهاجمه العضو صاحب الرد وتقبل الرأي بكل رحابه صدر .... ووالله مو عشان ردي انا بالعكس صرت الاحظ العديد من مهاجمه العضو باغلب المواضيع .... العضو طرح فكرته ليش ما تكون مرات فيها حل ...؟؟!! وآسفه على الازعـــــــــــــــــــــــــــــــــاج |
أصري على رأيك وأنا مؤيدة لرأيك وناوري كثيرا مع زوجك إلى أن تقنيعه ولكن لا تجعليه يشعر أن هناك مجال لموافقتك استعيني بالله أختي الكريمة |
الله يهدي صاحب الشقة يمددلكم شهر
والجلوس معا صعبة جدااا وممكن تجلسين اسيوع عند اهلك واسبوع شقة مفروشة وهكذا حتى تنحل المشكلة |
وعليكم السلام ورحمة الله وبركاته : تبارك الله , هنيأً لزوجك بك , ما دمتي على هذا المستوى من التعقل , الله يبارك لكما في بعض . ثقي أن أي قرار تتخذينه بعد التفاهم مع زوجك هو الأصوب , يبدو لي أنك أكثر نضجاً ممن سبقوني , ( رأي ). فلا عليك أنتي تمتلكين عقل راجح , تبارك الله , والذي يظهر لي أنك قد طويتي سجل القرار قبل كتابة الموضوع . وفقك الله . |
كلمي زوجة صاحب البيت وخذيها بالكلام المعسووول..
عشان يمدد لكم الفترة لحد شقتك ما تخلص وكفى الله المؤمنين شر القتال.. |
جزاكم ربي الجنــآن ..
سندريلآ يالغاليه ماعليكي امسحيها بوجهي اررجو من جميع الاعضآء عدم مهاجمه اي عضو في موضوعي عندكم الخاص رجـآء مآ أسمح بهذآ الشي هي عطت خيآرآت فقط .. لآن هي اكيد وضعت نفسها بمكآني ومتقبله هالشي كلن وراحته ..وياغاليتي لآتلوميها لآنها كمان هي وضعت نفسها مكاني وماقدرت تتحمل !!! بالنسبه لصاحب البيت رافض نهائي ويبي بيته بأسرع مايمكن .. الله يسخره لنا يارب ادعي ليلي ونهاري .. روحتي لآهلي هي الاصعب لآنهم بمدينه ثآنيه .. شقه مفروشه آحسهآ انسب شي واتمنى يوافق عليها .. يارب تهديه وتسخره لي ولآزال عندي الامل بأن صاحب البيت يمدد لنا بقدره الله تعالى وثقتي به سبحآنه بأذن الله ابشركم .. بإذنه تعالى .. |
ياربناا ..
معضلة :11: لوانا مكانك اموت من الصياح ماعندي حل لك غير الدعاء يارب يفرج همك يارب وان شالله تفرج ادعي ربنا وقلبي معاكي |
اعرف كثير عايشات مع بعض ........... الوضع عادي
لكن بما انك ماتبغين هالشىء وتعرفين نفسك انك ببتضايقين وبتغارين فليش تضغطين على نفسك المدة شهر بسيطة وشقة مفروشه ماراح تكلفه كثيرررر |
خذو شقه مفروشة صغيرة غرقة ودورة مياه وبوفية صغير حتى يجد سكن مناسب ولمدة اسبوعين واسبوع عند اهلك واسبوع ارجعي
وبالنسبة للسكن مع زوجته احسها مرة صعبة وحتى لو كانت ذهب الله يسهل امورك |
اشوف مددده شهر عند اهلك كثيرررررررررررره
والمفروض يستاجر لك شقه محد قاله يتزوج ثنتين |
لا بمااا انك غيووره يالغيووووره هههههه
صعبه جدا تسكنين معاها لو أسبوع ووجودك عند أهلك شهر كامل صعبه شوووي قولي له عشان الشهر هذا يعدي على خير خلني بعيدة عن زوجتك واتوقع رأي العقد الفريد حلوووو مررره |
إذا هو مرررة متضايقة من سالفة الفلوس روحي أهلك هالفترة
بس لاتتخلين عن ذهبك وفلوسك خليها سند لك بعد الله سبحانه |
طيب ليش ماتروحين عند اهلك لين تخلص شقتكم...يعني المشكله سهله ولها حل بس مدري ليش مطولينها وهي قصيره....الشهر يمر بغمضة عين..ولاتقولون كثير شهر ..حتى لو في مدينه ثانيه مو مشكله روحي بالطياره...ويااختي صعبه على الرجال ياخذ شقه مفروشه...لان وراه دفعه اجار شقه ويبيلها نقل عفش..ليش تضيقين عليه؟؟ انتي على بالك طايفته فكرة الشقه المفروشه اكيد جات في باله بس يمكن الرجال وراه التزامات..
روحي بيت اهلك لين تخلص الشقه..وتوته توته وخلصت الحدوته... |
السلآم عليكم
جزى الله ك خير من دعى لي ومن نصح ومن قدم ولو الشي البسيط كدفعه معنويه .. اخبركم بأننآ للأن لم نخرج من البيت والمفروض خروجنا امس ,, وذلك لآن الآمر استصعب علينآ .. اولآ الشقه بعيده تبعد نصف ساعه عن بيت زوجي الاول ثآنيآ .. اهلي صعب ثآلثآ : جآرنآ الله يهديه قلبه لم يلين لنآ ولم يساعدنا ولو شهر فقط شهر ! ولآزال الضغط علي بأن اسكن مع زوجته الاولى قآئمآ حتى ام زوجي اتصلت علي وقالت سآعدي زوجك ! هل انا قاسيه لهذي الدرجه ! هل مأطلبه شي صعب ! لو استطيع لآجلست عند زوجته لآكن ياناس ياعالم لآأأأأأأسسسسسسسسستطيع اخشى ان يصيبني الاكتئاب او تصيبيني حاله نفسيه من كثر التفكير بهذآ الامر !! الكل يضغط علي وكآنني ارتكبت جريمه عندما وافقت ع الزواج بمتزوج !! وكآنني انا اللتي اقترف ماجنته يداي > او ماجناه اختياري ! لآشي غير الدعآء لآشي غير الالتجآء لك سبحآنك ربي انت اعلم بحالي وامري فأصلح لي شأني كله ولآتكلني الى نفسسي طرفه عين ! ربي فرجها يارحمن يارحيم قبل الغد يااااااااااارب فرجها اللهم سخر لنا جآرنا كما سخرت الريح ليوسف .. حسبنا الله سيؤتينآ الله من فضله انآ الى ربنا راغبوون حسبي الله لآاله الاهو عليه توكلت وهو رب العرش العظيم ارفعوا الموضوع ولو بدعوات بسيطه لعل منكم من لو أقسم ع الله لآبره.. |
| الساعة الآن 01:27 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©