|
هل يكرمني الشاب إذا تزوجته على حسابي
السلام عليكم ورحمة الله خطبني رجل مدخن من معارفنا قبل سبعة أشهر رفضت ولم تقتنع أمي الإ بعد مابكيت عندها وأصريت بقوة والحين رجع مرة ثانية ويقولون ترك الدخان وأمي تقول مالك عذر وأنا لا أريده أستخرت وماارتحت وضائق صدري وابغى أقول لأمي أبغى ولد خالها هو ملتزم كان قبل مؤذن لكن هدموا المسجد لصغره ولما بنوا جامع أخذ الآذان غيره وفاكرة أخواته يقولون أنه يدرس في تحفيظ المسجد ويقول لأخواته إحفظوا القرآن وأهله طيبين مرة أحبهم وأستناس لما يجونا أو نذهب لهم هو الحين غير موظف رسميا معه شهادة المتوسط فقط ووالده متوفي وأهله على الضمان والجمعية وأهل الخير وإحنا أسرة غنية ولله الحمد والدي (الله يمده بالعافية) عنده محلات تجارية وعمارتين للإيجار وقطع أراضي وهو الحين له سنة مقعد أصيب بجلطة وقال سأوزع عليكم الاملاك سيكون لي قطعة أرض وكل شهر 5000 ريال من أجار العمارتين والمحلات وسيبيع أرض كبيرة وسيكون نصيبي منها 318 ألف وأنا عندي 30 ألف ريال وعندنا ملحق لبيتنا صغير بأثثه وأسكن فيه مؤقتا وبعدين بأشتري شقة في مكه وأسكن فيها وأتوظف هناك إن شاء الله يعني بأتزوج على حسابي لكن هل يحبني ويكرمني إذا تزوجته أو يعتبر إهانه له لإنه ماقدر يتزوج هو عمره فوق35 شرح الله صدوركم وأنار قلوبكم |
عزيزتي الرجل الشرقي يعشق المرأة التى يشعر عندها برجولته
تصرفك فيه عدم إحترام لرجولته وإيضا عدم إحترام أنوثتك من قال إن الرجل يعشق المرأة إلي تصرف عليه في أحنك الظروف وترغبين في هالشخص وظروفه لا تسمح و أردتي المساعده أبوك أو أخوك يكون المبلغ عن طريقه مثلا الوالد ينادي هالشخص ويقول أزوجك البنت والمهر عانيه وأحنا شارين رجال أتوقع كذا إحترام للرجل وحتي يقدر أهلك ويقدرك أنتي أما المبلغ من عندك وتتزوجينه علي حسابك هذا إسمه مذله للرجال ومع الأيام ماراح ينساها لك وأنتي صرتي الرجال وتخطبين وتدفعين مهر وين الله يكتب لك إلي فيه خير |
مع ملامح قمر
لو تستطيعن التلميح له أو لأحد يأتي لخطبتك ويكون الكلام من أبيك أن يكون المهر عونه له والسكن كذالك لكن على فكره الصداق واجب ومن شروط النكاح بس مافيه مشكله لو يكون 2000 ريال يجزأ الله اعلم |
كلام ملامح مقنع ولكن اظيف فيما بعد الزواج
في نظري أن القوامة للرجل واذا تزوجتي وكنت انت من تقومين بذالك وهو جالس في البيت فأرى ان ذالك سيحدث بينكم مشاكل في المستقبل لان الفراغ وخاااااصه للرجل له اثر نفسي عليه وخاصه انه بدون عمل ,, ولكن اذا توظف ولو وظيفة بسيطة براتب 2000ريال او 1500ريال حتى لوكاان في احدى محلات والدك فهذا افضل حتى يشغل نفسه ويشعر بقيمته كرجل وانه قادر على تحمل أسرة حتى لو ساعدتيه في هذه الحال فأظن ذالك لن يؤثررر على نفسيته ,,,أتمنى لك التوفيق |
مو كل من كان امام و حفظ قران ، يمون حسن خلق ..
انتي استخيري و لا تستعجلي ، ممكن يكون الخاطب الاول افضل منه .. الاخلاق ما تبان الا مع العشرة .. و بعد الاستخارة اذا كنتي تبغي ولد خالتك ، ممكن تقولي لواحد من اخوانك يلمح له و يقول له انه هو ( اي اخوك ) راح يزوجه علي حسابه و انه ما راح يلقي افضل منه يزوجه اخته اللي هي انتي و ادفعي انتي على اساس انه اخوك اللي دافع .. و لا يدري ولد خالتك انه انتي .. و هو يوفر مهر لو 4000 او حسب قدرته لانه واجب ... كثير يزوجون بناتهم علي حسابهم عاادي جدا .. |
من الاخر
لا لن يكرمك لأن تركيبة الرجل الشرقي والسعودي تحديداً تختلف تماماً عن غيره اقرئي قصص وتجارب مشابهة لكي تقتنعين |
انا شاب
ولو اني لا املك ريال واحد لا اقبل ان تزوجني مراة حتى لو كانت تملك مليارات وشكرا |
يختي لا تكتبين حلالك بالأرقام كذا قدام الكل
العين حق |
اختي : نسمات المودهـ
اولاً : الله يبارگ لگ في ما رزقگ .. ثانياً : من ناحية زواجگ من هذا الرجل انصحگ بعدة امور 1- استخيري وأدعية الله ان يرزقگ بالزوج الصالح، ودعي اخوانگ يسألون عنه بدقهـ وعن أخلاقه وهل هو. سريع الغضب وغير ذلگ. 2- الطريقه الصحيحه والتي أراها مناسبه لكي يتقدم لگ وقد حصلت مع احد الاشخاص وهي ان يستدعيه والدگ وان يخبره بأنه خير من يدع ابنته عنده وأذا تطرق لأنه لا يملگ شيئاً ولا يشتغل فيقول ابوك بالنسبة للمهر والسكن فمتوفر والزواج مختصر ويبحث عن شغل ولو براتب عادي او يشتغل هو بشي خاص به ولا يكلفه رأس مال مثل الخضار، ويكون الامر سر بينه وبين والدگ وانك لا تعلمين عن شيء ابداً ... حقيقة اليوم هناك القليل من الرجال من يشترون لأبناتهم ازواجاً ولكن هذا الفعل عين الصواب فهناگ نوعية من الرجال لا يقدرون بثمن ووتتمنى ان يكون هو زوجاً لأختك او بنتگ وتأتمنه عليها. ونصيحة لگ يا اختي اكثري من الدعاء بالزوج الصالح، واكثري من الاستغفار . * |
اقتباس:
:* معاها حق ياليت تعدلين على الموضووع وتمسحي الأرقام والحسبة الطويلة شكلك كنتِ تفكرين بصوت عالي:d :* المهم: إذا عمرك كبير والرجال أخلاقه ودينه تمام وسألتم عنه زين مازين حتى لو قريبك ضروري التحري إذا كل شيء تووب تزوجيه بس حددو له مهر يدفعه لو حتى 10 الآف عشان تخلي لنفسك قدر وقيمه بعينه ولاتنسي الرسول علية الصلاة والسلام كان فقير ويرعى الغنم وخطبته خديجة رضي الله عنها لنفسها ياقلبي في هالزمن الرجل صاحب الخلق الحسن وإلي يخاف ربه صار شيء نادر فأيش يمنع تعفي نفسك وتتزوجي منه..؟!! البنات الآن مو لاقين رجال :* :* |
طيب يا اختي هو كم راتبه لو تسمحين
وهل يعول أسرت ويصرف عليهم من راتبه أو لا |
سبحان الله اليوم وجدت قضية لاحد الزملاء المحامين فيها ان المراه تكقلت ب 100 الف ريال من زواجها
علما انها زوجه ثانيه ثم تطلقت في المحكمه مالسبب ؟؟؟ احتمالين << الاول المراه تنق على زوجها وتذله بهالمبلغ وكل يوم والثاني انا دفعت ودفعت الاحتمال الثاني كما ذكر الاخوه يشعر بعدم رجولته فيحاول اثباتها بطرق سيئه العنف او الالفاظ النابيه اذا توقعت ان كلا الامرين لن يحدث توكلي على الله ولتكن مساعدتك له بدون ان تقولي له هذه مساعده فقط اصرفي على نفسك والزواج قولو له انه يسير وسوو اشياء على انها هدية من ابوكم وارسلي احد يقنع الرجل بخطبتك حقيقة التدخين خصلة سيئه ووراءها في كثير من الاحيان تفريط في الصلاه وحقوق الاهل استخيري اكثر ولو تعطين الاخوه معلومات اكثر عن الشخصين وعمرك حتى يقدرون يساعدونك اكثر بالتوفيق ,,, |
وأعلمي يا اختي ان الرجال يختلفون قد يرضى بالزواج منك بهذه الطريقه ، وقد لايرضى من الأساس فلا تبني آمال على لا شيء
ثم أنا أرى أن زواج مثل هذا ليس عيب ولا فيه أي مذله للرجل رسولنا الكريم صلى الله عليه وسلم تزوج السيده خديجه أمنا أم المؤمنين رضي الله عنها وهو يعمل في تجارتها وهي أكبر منه ولما أتى ليتزوجها أصدق عليها ( بمعنى دفع لها مهر) ولم يقل أنها تاجره ولا تحتاج لاحظي أن هذا قبل الرساله والبعث وكانت له خير زوجه وأول من صدقته بعد أن أنزل الله عليه الوحي وساندته وذهبت به إلى ابن عمها ورقه بن نوفل وكان أولاده كلهم منها ما عدا واحد رضي الله عنها وأرضاها فلكِ ولنا في رسول الله عظه وعبره وأن لا أرى أن هنالك مانع أن تلمحي له وإذا رضي تكون حياتكم بينكم بالتعاون لأجل أن لا يمن أحد على الآخر فتدفعين بقدر ما يستطيع هو أن يدفع ومادمتِ تظنين فيه الخير والإلتزام فبإذن الله هو كذالك وفقكم الله وكتب لكم الخيره في أمركم |
كيف أسوي تعديل وأمسح الأرقام
|
اقتباس:
وأنا أختك الوليد عنده مليار ولا جاه شيء .. أتركي الوسوسة :d |
بخصوص موضوعك
أنا امرأة عصرتني الحياة فعصرتها .. من الأخير حكيمة :d الشخص الذي خطبك مرتين .. وترك الدخان من أجلك .. لماذا ترفضينه؟! المثل يقول خذ من حبك لا من حبيت .. نقطة أخرى .. كيف لم ترتاحي له -الخاطب الأول- وأنت لم ترينه أو تتحدثين معه؟. نقطة ثالثة .. كيف تهربين من الزواج المحتمل جدا إلى الزواج الصعب أو الشبه مستحيل؟ نقطة رابعة .. أتفق مع كلام ملامح قمر .. الرجل بطبيعته يحب الإنفاق .. والمرأة لو أنفقت من طيب نفس ستتألم في المستقبل، لي زميلة دفعت وبسخاء لزوجها والآن تمر بمشاكل كبيرة مع زوجها . نرقص على عرسك يالغلا عاجلا غير آجل :d |
صعبـه يالغاليـه والله صعبه ,,
مـاأتوقع يرضاها لنفسه ,, لا تحطيـنه بموقف يحرجـه تكفين يكفـي الظروف اللي هو فيها الله يسهل أمرك وأمـره ,, عاجلا غير أجـلا ,, |
أمي رفضت أتزوج ولد خالي وأنا ماأبغى الخاطب المتقدم لي
أدعو الله يصرفه عني ويرزقني خير منه |
الله
يكتب لك الخــــــــــــــــــير |
يا نسمات ليه ما تبغيه ؟!
اذا علي التدخين والله العظيم فيه مدخنين أخلاقهم قمة .. و فيه متدينين أعوذ بالله من سوءهم .. |
الله يكتب لك اللي فيه الخير ياقلبي ويعوضك خير يارب
بس الخاطب اللي جاك استخيري واستشيري لاترفضيه من الباب للطاق الله يرضى عليك شوفو واسالو عنه اكثر |
الله يكتبلك اللي فيه الخير
|
| الساعة الآن 02:12 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©