|
تقدم لي عريسين ومحتاره احتاج ارائكم
السلام عليكم
أرجوكم ردو بسرررررررررررررررعه أرجوكم ياليت أحد ينادي رجل الرجال ولا يهون الجميع أرجو من الجميع الدخول تقدم لي شاب غير متزوج عمره 34 غير متزوج يبعد عن أهلي 900 كيلو ما عندي مانع لكن المشكله أنه ماله أصل معروف يعني أصلهم مختلفين فيه ناس يقولون آل فلان وناس يقولون آل فلان وتقدم لي شخص ثاني متزوج عمره 34 متزوج عنده ولدين يبعد عن أهلي 160 كيلو كل الطرفين صالحين لكن مشكلة الأول أصله مو معروف وأخوي يقول مشكله الأأرتباط فيه وش رآيكم ردو بسررررررررررررررررعه أرجوووووووووووووووووووووووووووووووووووووووووكم الحمدلله استخرت ورايت أني أميل للأول لكن أخوي يقول مشكله إختلاف العائله بعض إخوانه لهم أصل والبعض الآخر لهم أصل ثاني والله كررت الأإستخاره ومحتاره وأدعي ربي كل صلاة يوفقني للصالح |
رجل الرجال ضعي رابطك في احد مواضيعه
اذا اردتي رأيي مشكلة النسب هذا ليس من شأنك هو من شأن ولي أمرك وليس انتي الذي تحكمين فيه اكيد الأعزب أفضل ، لكن إذا كان النسب يشكل اهميه بالنسبه لكم اطلبي من والدك التقصي في أصله ونسبه اذا كان مناسب توكلي على الله مادمتي تقولين كلا الرجلين متوافقين وياليت تذكرين عمرك لان اعتقد حتى رجل الرجال سيطلبه منك إذا كنتي تحت 30 فأنتي صغيره ليه تتزوجين من معدد أما إذا كنتي فوق الـ 30 فنقول ممكن نحط احتمال |
وانتي وش تبين في اصله وفصله؟؟ بتسوين بحث ولا شو..
اكيد الي مو متزوج افضل لك....والي متزوج ابعدي عنه ولاتفكرين ترتبطين بمتزوج..بتصر حياتك كلها مشاكل في مشاكل |
اقتباس:
مومهم النسب بس أخته تقول انا مانا علاقه بعماني ولا خوالي يعني كأنهم مقطوعين من شجره ابوي مو موافق عليهم يقول ما ادري عنهم واخته تقول خالاتي مانعرف عنهم شي طبعا عمري في ال30 |
ليه الغرور
اشكرك على الرد والله يكتب اللي فيه الخير |
متزوج عنده ولدين
فكري بهالنقطه خصوصا ان عندك فرصة ثانية مستعدة تدخلي حياة لك فيها شريك ثاني !! حياة قد تحمل مشاكل ومشاكل لمدى الزمن:d انتي بغنى عنها الاول لو مميزاته حلووه البعد مره مو عذر بعيده عن اهلك ومستانسه ولاقريبه وتعيسه وبعدين الدنيا تطورت كل شيء الحين قريب وطرق التواصل على مدار اليوم متاحه مرررره مو عذر بعد المسافه اما حكاية الاصل فهو ع حسب مخك وثقافتك :d اذا انتي متعصبة جدا ويأثر فيك وممكن هالشيء ينقص منه بعينك فالانسب انك تعتقيه لوجهه الله وتخليه يدور ع عقلية اخرى:d معليش يعني بس احسك مو منطقيه ابد ومافي وجهه مقارنه بين الاثنين ليش تبي تظلمي نفسك مع متزوج :( حلاة الزواج باانكم تبنوا حياة وبيت جديد مع بعض مو ترممي بيت قدييم:d |
حياكِ الله أختي الكريمه ..
لتكن لكِ نظرة مستقبليه وبعيده .. حين يرزقكِ الله بأولاد وبنات يريدون أن يتصلوا بأعمامهم وأقاربهم من جهة الأب فأين هم ؟؟ كيف سيكون مصيرهم ؟ ثم كيف لاعلاقة لهم بأعمامهم ولا أخوالهم ؟ هذا الأمر مريب .. الإنسان جُبِل على حب الاختلاط بالأقارب والأنس بهم وبصحبتهم وبزيارتهم والنُزه معهم. أميل جداً للشخص الثاني خاصة أن عمره قريب جدا من عمرك ولا يضيره كونه معدد ، فهناك فتيات صغيرات وأصغر منكِ ارتبطن بمعددين وأمورهم الحمدلله تسير الى الأحسن . أسأل الله أن يرزقكِ الزوج الصالح الناصح . |
اقتباس:
لكن مادمتي مرتاحه لها الزواج دعي موضوع النسب لوالدك وكيف مقطوعين من شجره ، وين أهلهم ؟ الإنتساب لعائله شيء ضروري في الأول والأخير استخيري واسألي الله الخيره في امرك |
اقتباس:
أكيد ما أستعد أعيش مع غيري بس الحياة تجبرني بعدين أهلي مو موافقين على الأول لأنه مو مستقر على عائله معينه أخته قالت ي آل فلان وأخوهم يقول آل فلان وناس يقولون أصلا العائله هذه كل فتره تنتقل لعائله ثانيه صراحه تخوفت منهم!!!!!!! |
الله يا الأعمام و الاخوال ...
الحين القربات كلها مشاكل في مشاكل و ما فيه احسن من اللي مقطوع من شجرة اللي يسمعك يقول اننا نستفيد من الأعمام و الاخوال .. الحين الوحده تخاف من اللي عنده أعمام واخوال مجرد ما يموت تعالي شوفي الظلم و التعدي علي أموال اليتامي لا يعرفون عم ولا خال ... او تضطر الام تزوج واحد منهم عشان عيالها .. اقول خليك واقعية انتي اللي بتعيشي مع زوجك مو أبوك و لا اخوك وانتي اللي بتتحملي حرقة الضرة و الغيرة و مشاكل الابناء في المستقبل و قتها تعرفي وش معني اصل وفصل وعم وخال ...! تري المعددين الان غير مضمونين والله كلها كم يوم و يتعب من المشاكل او يحن لزوجتة و عياله و يميل قلبه للأولي و يحزن عليها و يمل منك و يطلقك .. ما فيه اسهل عندهم من الطلاق ،، وقتها لا ينفعك عم و لا خال ولا عشيرة ما عنس البنات و عيشهم في جحيم التعدد و من شياب و ظالمين الا اولياء الامور الظالمين ، و حججهم غير المنطقية .. رجال مقطوع من شجرة تعيشي معاه براحة أهون من رجال من كبار العوائل و تعيشي معه بجحيم رسول الله قال من ترضون دينه وخلقه .. وتزوجت كثير من الصاحابيات من الموالي العبيد في اصلهم و اقرهم رسول الله .. مادري متي نفوق من العادات الجاهلية و نتقي الله في بناتنا .. اللي راحت اعمارهم بسبب الاصل والفصل .. ان أكرمكم عند الله اتقاكم ... و الخيار لك ، لكن الاصل و الفصل ماهو مقياس و العلاقات الاجتماعية الان اغلبها مضطربة لسبب او اخر و نادرا ما يحصل بينهم تواصل سوا عم او خال .. الله يوفقك .. |
اقتباس:
اهلك مو موافقين!!! طيب دام مو موافقين مايعتبر اصلا خيااار انتهت المسأله . يعني مستحيل تتزوجي بعدم اقتناعهم و رضاهم حتى لو انتي حاولتي تقنعيهم برأيك ايش بتقولي لهم معلومات عنه ممكن تقنعهم كل الي تعرفيه شيء مايحمس ولايشجع ومو ثقه اصلا خصوصا انه من اخته :d وبعدين الاشياء الي قلتيها غير النسب من ناحية اعمامهم وخيلانهم وكذا من جد شيء مررره مريب و34 سنة ومو متزوج؟اكيد مااتزوج قبل!! وحده من عائلتنا تطلقت وهي صغيره وجاها واحد مطلق ماعنده الا عم واحد ومقاطعه لسبب مشاكل صارت والمشاكل الي قالها تخلي الحق معاه والعم الظالم وفعلا اهلها سألوا عنه بالعمل وعند اصحابه وماسمعوا عنه الا كل خييير واراد ربي وتم الزواج والحين كيف حياتها معاه؟ كل شيء لا لالا مانعها من المجتمع طلع عنده حب تملك ومايطلع من البيت الا للعمل الي مكون فيه علاقات مره كثير ومايركعها وكل ماصارت مشكله يهددها بااطفالها ومرت فتره تصالح فيها مع عمه وعرفت انه كان مطلق مرتين قبل مو مره وحده ولا لو قال عندي عم كان عمه بيقول الي يعرفه عنه حقيقي منها انه مطلق مرتين واسباب طلاقه حب السيطره والسجن الي يسجن حريمه فيه يعني الوحده عيشتها ببيت اهلها اكرملها ولاتتزوج شخص مريض نفسيا اما المتزوج اذا جاء عن طريق اهللك واهلك يعرفوه زين فراح يكون الحين تفكيرك منصب عليه وهل انتي مستعده تدخلي هالحياة ؟ يعني انتي المفروض تكوني عارفه نفسك هل تقدري تتحملي او لا وعلى اساس شخصيتك توافقي او لا لانك ياعزيزتي سوف تدخلين حرب مو زواج:d الا اذا انتو بيئتكم منتشر فيها هالشيء عادي بنت ولد خالي تزوجت متزوج وزوجته الاولى موجهه في وزارة التعليم الله لايوريك حرب بينهم منتشره بمجتمع المدارس ومازلنا للحين بنشوف مين يربح الجوله الاخيره:d غالبا الاولى تربح بسبب تعاطف المجتمع معاها:d اما اذا جايك عن طريق خطابه لاتفكري حتى فيه ورربي اعرف كثير تطلقوا لان اغلب المعلومات الي تقولها الخاطبه لااساس لها من الصحة تخليهم بعيونك ملاك وهم مايسون ظفرك ولاتنسي تعرفي اسباب زواجه الثاني اهم شيء وطبعا بعض الاهل مايحرصوا على السؤال زين اذا البنت كبرت بسبب العقليه الجاهله الي يملكونها وهي انهم يبون يزوجون وبس بس في شيء انا مستغربه منه كيف خطبتين بوقت واحد؟ اصلا مايجوز خطبه على خطبه!! |
أعززززززززب أفضل لكن استخيري ولا يهمك النسب كثير اذا كان كويس .
|
ياعاااااااااااااااااااااااااااااااااااااااااالم
أفهمووووووووووووووووووووووووووووووووني أنا اتصلت على شيخ قلت انخطبت في الأسبوع مرتين وماعطينا أحد رد قال عادي لك تختارين المهم الرجال الأول عنده مشكله الله يستر علينا وعليه يخاف من سواقة السياره!!!!!!!!! اخوي قال عقليا كيف بتتطلعين معه لمشاويرك وأنا ص راحه مقتنعه بس الوالد يقول مانعرف عنهم شي أهلهم مو متواصلين متفرقين والثاني متزوج الوالد يمدحه بس أنه متزوج وعنده بنتين وقادر يفتح بيت طيب نصيبي وش أسوي |
ياقلبي مو مشكلة مسمى العائلة لان فيه عوائل ماعليها كلام وغيرو مسمى عائلتهم
اهم شي اصل العائلة يوافق اصلكم شوفو من وين ماخذين وشو العوائل اللي مناسبينها طبعا انا اايد الاول بعد التأكد من الاصل تخافين يصير فيه مشاكل بعدين ربي يوفقك ويختار لك الي فيه خير <<<ادعي بين الاذان والاقامة |
الله يسهل أموري يارب
دعواتكم لي |
اقتباس:
وأعود لأقول أن لامشكلة لديكِ .. لقد اتضحت الأمور أمامكِ .. الأول إضافة لماسبق لايستطيع قيادة السيارة أو هو يخاف منها ..!!!!! والثاني قادر على أن يفتح بيت ثاني ومستقل .. توكلي على الله وتزوجي الثاني .. والله يوفقك . |
| الساعة الآن 06:30 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©