|
محتاره في القبول به أحتاج ارائكم
السلام عليكم مالي في المقدمات بدخل في الموضوع على طول تقدم لي شاب عمره 38 سنه اعزب بوظيفه مراسل .. راتبه 3000 مستوى التعليمي متوسط حيرانه في القبول :( معلوماتي : بنت 31 سنة غير موظفة .. مستوى التعليمي بكالوريوس سئلنا عنه والكل يثني عليه ولله الحمد اذا تم الزواج راح اسكن في بيت اهله في غرفتين وحمام في حال تم تثبيته في الوظيفه راح يكمل المطبخ .. هو تقريبا شايل البيت , عنده اخوان متزوجين كل واحد ببيته , وباقي اخته واخوه وامه فقط راي الوالد بالموضوع : الرجال ماعليه شي بس خايف علي من ناحيه المشاكل ممكن تحصل من اهله ومن راتبه وكيف راح يصرف علي خصوصا بعد الزواج والانجاب كلامي ملخبط اسفه محتاجه لكم بعد الله ساعدوني :( |
الله يتمم لك على خير
انتي تشوفين نفسك وتتخيلين انك بتسكنين مع زوجك في غرفتين ومع اهله وتتحملين انه لو جا في يوم من الأيام طلبتي منه شي وقال ماعندي اذا تتقبلين هالحياة توكلي على الله مادامك تبين الستر والرجال يمدحونه اما اذا كنتي ماتتحملين وعايشه في ترف راح يصعب عليك العيشه معه وانتي شوفي عمرك فوق الثلاثين وماتوظفتي وان شاء الله بيتعين مع الوقت يمكن يجي أمر ملكي او مع الميزانيه الجديده وان شاء الله تزين اموره ولو تساعدينه على تكميل تعليمه مسائي عشان يستفيد هو من ناحية زيادة الراتب والمستوى التعليمي والله يوفقك ان شاء الله |
يا اختي بغض النظر عن السكن مع اهله
تقولين 3000 وتقولين شايل اهله الحين 3000 ماتشيل شخص لحاله فما بالك اهله وانتي اختي الكريمة , المال عصب الحياة حتى لو ارتحتي مع الرجال , بتطلع الراحة مر دام مافيه فلوس لاتستهينين بالفلوس وخلي عنك المثالية الزايدة اذا بتعيشين معه على هال 3000 ترى منتب عايشة خصوصاً انك منتي موظفة اما اذا الرجال له مصدر دخل ثاني ؟ او اهله يقومون فيه او.. او... وانتي مقتنعة بتعليمة ومقتنعه بمسمى وظيفته ومقتنعة بعمره توكلي على الله وتزوجيه على فكرة اذا ماكنت غلطانة ترى مسمى (مراسل ) هي المصطلح المنمق لمسمى (فراش ) وإن اخطأت فياليت الإخوان يصححون لي الله يوفقك ويسعدك مع الرجال اللي يهنيك ويبسطك وتراك منتي كبيرة ياعمري وعمرك مناسب لأحلى زيجة |
مستقبل غامض
فراش هو اللي عند الباب المراسل هو اللي يرسل أوراق من مكتب إلى مكتب . . عموما أختي أنتي فكري بالموضوع، وعمرك تقريباً مناسب لعمره وأنتي بأول الثلاثينات وأنا أميل انك توافقين إذا تأكدتي من كل مواصفاته، اتمنى نقاشه حول الأمور المادية وحول دخله وكيف سيتصرف بالمال مع وجود زوجة وأهل، ربما لديه مصادر أخرى ، ربما عنده مال كثير مجمعه، أنا أميل لمثل عمرك بعدم التفريط في فرص الزواج . .والله يوفقك . . |
بالطبع ستقرائين آراءنا ولكن أكيد في بالك راي معين أو قد كونت راي فيه
القبول به أفضل ومن يعيلهم أخ وأخت سوف يعملون على اكمال حياتهم ويبقى هو وأنت ووالدته ونسأل الله لك التوفيق |
عاد تدري فكرت مراسل تلفزيون :)
المهم يا اختي المهم تشوفي نفسك هل بتقدري تعيشي على ظروفه ؟؟؟؟ او تتوظفي و تسااعديه ؟؟ اتوكلي .. اما اذا ماعندك صبر على الاقتصاد في المعيشة و التنازل عن كل الكماليات و بعض الاساسيات كمان و المقدرة على العيش مع اهله ... فالا يكلف الله نفسا الا وسعها و ارفضي افضل لك ا |
السلام عليكم |
الإستخارة ثم الإستخارة ثم الإستخارة
وما يحدده الله لك سيري فيه على بركة الله |
أنا مع رأي أخوي غريب وأختي سيدة الموقف
أؤيد أرائهم وبشدة .. ولاتهون باقي الآراء .. استخيري والله يوفقك ... للعلم لو أنا مكانك وافقت ودورت وظيفة لي ... اساعده فيها .. بس أهم شئئئئ يكون دييين وأخلااااق ... بالنسبة لغرفتين حلوو جدا لاحظي الشقق الجديدة الصغييييرة الآن ترى كلها غرفة نوم وحدة ومقلط صغييير ومجلس شبر بشبر ... وصالة ماينقعد بها من صغرها ... يعني وضعك ماشاء الله حلو غرفتين ببيتهم أكيد واسعة إن شاء الله ومع الأيااام بتتحسن الأحوال .. الخير والفرح مايجي مرة وحدة والقناعة كنز لايفنى .. ودامك ماشاء الله بكالوريوس فحاولي تبحثين عن عمل لو بمدارس خاصة موفقة قلبي ... تحيآآآآتي .. |
اختي سنك مش سن اختيار ونقاوه انتي اكيد فيك تحددي هل انك تقدري تعيشي معاه في هالظروف ولا لأ ......
وكل كلامنا هذا مجرد رأي بس صلي استخاره وربنا يوفقك ويسعدك حبيبتي |
اقتباس:
شوفي دام اهله طيبين لاتخافي من المشاكل انا من اول كنت اقول زيك وخايفة تصير مشاكل ومن هالكلام بس الحمدلله سكنت مع اهله وماحد يدخل بخصوصيات احد بالنسبة للراتب ربي يبارك فية ان شاء الله والله يكتبلك الخيرر يارب بالتوفيق يالغلا |
حبيبتي انا ارفض مبدأ انه سنك كبير فلازم تقبلي اي عريس يجيك
انتي بنوتة وتستاهلي كل خير ولازم الانسانة تكون مقتنعة بالخطوة اللي مقبلة عليها لانها حتعتمد عليها حياتها بعد كذا بنفس الوقت لو حيدنا موضوع العمر :: فإنت شوفي العريس ومواصفاته ومواصفاتك هل تقدري تتاقلمي معاه وبالنسبة لراتبه ( خذوهم فقراء يغنيهم الله من فضله ) وشوفي هل اهله عندهم مصدر دخل اخر غير راتب العريس استغفري كثير غاليتي واستخيري واستشيري والله يكتبلك اللي فيه الخير يارب وييسرلك كل عسير |
إذا قلقانه ع الوضع المادي لكم
بيرزقكم الله .. هو ما أقدم ع الخطبة إلا وهو دارس الموضوع جيدًا {نحن نرزقكم وإياهم} الأنعام بالتوفيق |
لحسن حظنا الجواب موجود عند المعلم صلى الله عليه وسلم: "إذا جاءكم من ترضون دينه وخلقه فزوجوه".
وبالنسبه للراتب تكفيك هذه الاية قال تعالى : وَأَنْكِحُوا الْأَيَامَى مِنْكُمْ وَالصَّالِحِينَ مِنْ عِبَادِكُمْ وَإِمَائِكُمْ إِنْ يَكُونُوا فُقَرَاءَ يُغْنِهِمُ اللَّهُ مِنْ فَضْلِهِ وَاللَّهُ وَاسِعٌ عَلِيمٌ (32) *سورة النــور وفقك الله لكل خير وبالزوج الصالح وفق الله الجميع |
انا اشوف مافي شي اذ على الماده ان شاء الله تتوظفي وتساعديه
بس راتبه حيل حلو سواء توظفتي او لا .. البعض يكون روتبهم 1500 ريال وعايشين عند اهلهم لله الحمد مايشتكون لكل منهما متفهم الوضع فكري بالموضوع زين هو ماجا لك الا عارف كل شي وعمرك تقريباً مناسب لعمره .. الله يوفقك لكل خير.. |
اقتباس:
ومع ذلك .. أجبر نفسي على التكيف معه ... شوفي حبيبتي .. أنا مثلك بالتمام ... ومريت بالتجربة هذي .. ولاحظي أنا موظفة ... وماقدرت أستمر بالموضوع ... تدرين ليش لأني من الأساس مو مقتنعة فيه ... و وافقت بالبداية .. لأن عمري مايسمح لي أردد .. وبالأخير رفضته ... لازم من البداية قبل لا تدخلين عليها " النظرة الشرعية " تكونين مقتنعة فيه .. تدرسين وضعك الآن !!! عدد ومستوى المتقدمين !! قابليتك أنت للتعايش مع وضعه و وضع أهله !! ********* طبعا ظروفك و وضعك يختلف عني فما أحب أقول رايي بالموضوع ... بس حبيت أعلق على شي أنا مريت فيه وأذكر لك نتيجته .... أسأل الله العظيم ، رب العرش العظيم .. أن يرزقني ويرزقك وأنثى والذوق واللؤلؤة وجميع بنات المنتدى والمسلمين ... الأزواج الصالحين المصلحين ... اللهم آمين .... |
حياكِ الله أختي ..
موصفات العريس جيده كما قلتي والجميع يثني عليه هذه إيجابيات .. كذلك سكنك راح يكون في غرف منفصله عن أهله وربما يتحسن الوضع ويكمل المطبخ هذه إيجابيه أخرى .. يبقى الراتب حقيقة قليل بالنسبة لواقع الحياة المعايش ولكن ..!! قد يكون هناك عمل مسائي له يحسن فيه وضعه أو تجارة يشتغل بها علّ وعسى . أسأل الله أن يوفقكِ لكل خير ، |
اقتباس:
بالنسبه للي ذكرته عن تكميل الدراسه بساعده ان شاء الله والله يكتب اللي فيه الخير .. الله يجزاك خير ويرزقك جناته .. مشكور اخوي |
اقتباس:
الله يجزاك خير اختي .. |
اقتباس:
على فكره جاتني معلومات جديده ان اخوه يشتغل .. يعطيك العافيه اخوي .. جزاك الله خير .. |
اقتباس:
جزاك الله خير .. |
اقتباس:
تخيلي بس مراسل تلفزيون .. مابيه خخخ بالنسبه للوظيفه كل مكان رحت له في الرئاسه .. المدراس الخاصه .. وللحين مافي وظيفه لازم خبره !! من وين اخذ خبره خخخ ان شاء الله يفتحها علينا جزاك الله خير ,, |
اقتباس:
وعليكم السلام ورحمة الله وبركاته .. الماده ماتهمني كثير المهم اعيش مرتاحه .. وان شاء الله عندي القدره اتأقلم مثل ماذكرت سابقا بـ ردي لأختي نوره من ناحية الوظيفه الله يوفق الجميع جزاك الله خير ,, |
اقتباس:
جزاك الله خير .. |
اقتباس:
جزاك الله خير |
اقتباس:
جزاك الله خير |
اقتباس:
حبيبتي أنتي مشكورة على هالدعواااااااااااااااات الله يتقبل ياقلبي ... ماقلت لك أنتي أنا وأنا أنتي حتى لون الخط زي بعض :22: بصراحة أنا أكرهه ولو هالمبدأ رجل لقتلته .... شر قتله ... بس لازم نقتنع لازم نتكيف ... لازم نعرف ونرضى إنه بالغالب .. كلما تقدم بنا العمر قلت الخيارات أمامنا هذي حقيقة .. وللأسف ببعض المجتمعات البنت تتجاوز 25 يعتبرونها كبيرة ولازم ترضى لأن عمرها مو عمر إختيار !!! صدقتي أختي غدا أفضل المهم القناعة ... تصدقين تجربتي الأخيرة علمتني الكثير ... إني مااتنازل عن طموحاتي مهما كان ..... واني اقتنع بالخاطب وماارضى به من أجل أن العمر تقدم بي .... لكن بالمقابل أنصح نفسي وأخواتي التنازل عن بعض الأمور المادية والشكلية إذا توفر بالخاطب الدين والأخلاق والتكافؤ المناسب |
اقتباس:
الله يسعدك ويرزقك من نعيمه .. جزاك الله خير .. |
اقتباس:
بالنسبه لعمري ماعندي مشكله بالعكس احس اني بزر خخخ:23: ماعندي مشكله من ناحيه العمر :22: الموضوع درسته وفكرت فيه كثير ولازلت ادرسه .. مواصفاته هي اللي جذبتني له وارتحت له من كلام اخواني واقاربي وجيرانا << الكل سئل عنه خخخ والله يكتب لي اللي فيه الخير << يارب جزاك الله خير .. |
اقتباس:
جزاك الله خير .. الله يحقق امنياتك .. |
تصدقين يالغالية اني اعرف وحدة تزوجت واحد راتبه 900 ريال !!
وابوه ميت ويصرف على أم وأخت والزوجة ! ماشاء الله عليه ( البــــر) والتوكل على الله فتح له أبوااااب .. زوجته حملت بالأول ورزقه ربي عمل حر يدر منه فلوس وبعد الولد الثاني صار دخله ماشاء الله رائع وبعد الولد الثالث شرى بيت ومن البنت شرى أرضية :) .. ماشاء الله رزق الأولاد يجي مع كل واحد .. والبر والإحسااااان له دووووووووووور أهم شئ نظافة القلوب:) ... |
اقتباس:
الله يوفق الجميع .. جزاك الله خير .. |
اقتباس:
جزاك الله خير .. |
اقتباس:
كل شي بيد ربي (النصيب ) القلق كان من ناحيه المشاكل والراتب .. الحين تسهلت الامور ان شاء الله خير اكيد راح يكون فيه نظره شرعيه :o قريب ان شاء الله .. واخبركم الله يرزقكم بالازواج الصالحين يارب العالمين .. جزاك الله خير .. |
اقتباس:
دعواتكم .. جزاك الله خير .. |
الذوق نجدي :
خذي راحتك ,, اقتباس:
جزاك الله خير .. يعطيك العافيه .. |
| الساعة الآن 01:25 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©