|
يصفوني بأني عجوز في العشرين
السلام عليكم أولا أنا عمري 24سنه السبب الي خلاني أكتب هذا الموضوع هو أهلي وصديقاتي أنا ملتزمة ماألبس قصير ولاعاري ولا عباية كتف وماأهتم مرة بقص الشعر والصبغ وماأحب أطلع كثير لسوق أو للمنتزهات يعني عادي عندي أجلس بالبيت شهرين أو أكثر من دون ماأخرج المهم هم يقولولي أنتي معقدة وتفكيرك تفكير عجوز يعني غيري العباية ألبسي كتف وقصي شعرك وألبسي بناطيل وقصير وأحضري حفلات في عندنا حفلات رقص للبنات بدون نساء كبار بس للبنات العشرينيات فقط من دون الأطفال وفي بويات المهم وبعد ماحضر زوجات لني ماأحب وماألقى أحد نفس أهتمامتي يعني كتب تطوير الذات وكتب دينيه أحس أني غريبه جد والله يعني هم أغاني وأخبار الفنانين واللبس الجديد أنا رافضة أتغير لنو هذي شخصيتي وأنا حرة بس أحيانا بلاقيهم يقلدوني بس بدون مايبينون أقرر بشي وأقوله أحصلهم مسوينه أو جايبينه وهل كلامهم صح وأنا غلط ؟؟؟ يعني في شي أنا أسويه غلط ؟؟؟ أو هل تصرفاتي معقدة ؟؟ كيف أسكتهم وأخليهم يبطلوا يفتحوا هذا الموضوع ويخلوني بحالي على فكرة أمي وخواتي وقريباتي وصديقاتي مابقى أحد صح |
انتي صح هم غلط
ومو لازم تسكتينهم كافي انهم يقلدونك بس |
حبيبتي انتي تفكيرك حلو ماشاء الله الله يكملك بعقلك
ولابد الانسان يهتم بتغذية روحه وتغذية عقله وفكره ولكن ايضا ياغاليتي حلو لو تجددي بطلتك في حدود المعقول والمسموح به شرعا حتى تجددي نفسيتك وتعيشي سنك وممكن تخرجي بدورات تطوير ذات وتتعرفي على فئة من البنات يشاركوك اهتماماتك لانه لابد لك انك تنمي علاقاتك الاجتماعية ياغالية وبالتوفيق |
وعليك السلام ورحمة الله وبركاته
ماشاء الله تبارك الله ربنا يوفقك ويحرسك طبعاً إنتِ صح 100% وإن شاء الله إنك قدوة لهم بس هم بينزلون مكانتك عشان لا يحسون أنك أنتِ الصح وهم الغلط بس لا تنسين أن ترفهي عن نفسك شوي وتختلطين بالناس الطيبة لأن الوحدة موب زينة بارك الله فيك |
اختي العزيزة اكتفي بقول
رسول الله صلى الله عليه وسلم : "بدأ الإسلام غريباً وسيعود غريباً فطوبى للغرباء" |
السلام عليكم ورحمة الله وبركاته
ماشاء الله لا قوة الا بالله اختي انتي انسانة رائعة ومثالية ماشاء الله عنك شو عجوز؟؟؟؟؟؟؟؟؟؟؟؟ انت اروع شابة اتخذت امنا عائشة رضي الله عنها وارضاها قدوة لها هي وامهات المسلمين والصحابيات الجليلات الشاب التائب حبيب الله وانت الله رزقك التوبة بدون ان تخطئي رزقك التوبة لمجرد انك رأيتي غيرك وقع في الذنب فتبتي منه قبل ان تقعي فيه بارك الله فيكي غاليتي وثبتك على دينه الحق وعلى صراطه المستقيم اما بالنسبة للحالة الاجتماعية وكيف تقنعيهن بثباتك على قيمك الرائعة سيجدون نفسهم مخطئين من خلال ما سيقعون فيه ويعودون اليك لان سيجدوا في تجربتك الحل الامثل لاخطائهم وضياعهم وانصحك غاليتي بقرأة كتب الشيخ الرائع محمد العريفي ففنه بالتعامل مع الناس اكثثثثثثثر من رائع(استمتع بحياتك) وكذلك دورات فن التعامل فهي جدا راقية اما بالنسبة لقصة الشعر والملابس لابأس بان تغيري بما يتناسب مع ما يرضي الله سبحانه فبذلك تجددي نفسيتك وتمنحي نفسك فرحا و تغييرا للروتين وتجددي عزيمتك وتكوني قدوة كاملة باذن الله فتكوني حققتي اجتماع الدين مع الدنيا :22::22::22: اسأل الله سبحانه لنا ولكي الثبات على دينه الحق واتباع اوامره واجتناب نواهيه تقبلي مروري صغيرتي :d اختك في الله ينبوع العطاء |
الله يحميك ويستر عليك دنيا وآخره
مواصفاتك نادرة الوجود |
،
أسَألَ الله العلَي العظيمْ أن يثبتكِ دعيكِ مما يُقالْ فَ آنتِ بإذنِ الله على الحقْ . . لكنْ يَ أنسْ ديننَا دينَ يُسَر لم يأمرنَا بالاعتكافِ في محرآبِ التعَبُدِ رفهِي عن نفسكِ بالحدِ الذي لايخرجُ من بابْ الحلةِ للحرامِ تجمَلي وتزيني فَ اللهُ جميلٌ يُحبُ الجمالْ دعيكِ من الحفلاتْ والاغانِي وتيكَ اشياءَ ولا تنشغلي بحديثهمْ اصري على ما آنتِ عليهم علهمْ يسلكونَ طريقكِ الله يجعلنا وإياكِ للربِ آكثَر قُرباً |
ماشاء الله عليك، صراحة أنتي ذهب وكنز، وياحظ اللي بيتزوجك . .
|
وعليكم السلام والرحمه
ماشاءالله عليك,,أسال الله لكِ الثبات ويكفيكِ شر الفتن .. أنتِ صح ,,صدقيني بيجي يوم ويكونون مثلكِ ,اهم شي أنتِ لاتنفرين منهم ولاتنفرينهم منكِ. يعني لاتغلقين على نفسكِ شاركيهم بنية أنه صلة رحم وبنية انك تأثرين عليهم . ضروري يكون لكِ دور في اصلاحهم . يالغالية في كثير مثلك لذالك لاتحزنين ,حاولي تلتحقين بدار للتحفيظ واحرصي على حضور المحاضرات والدورات وتعرفي على رفقة صالحة تكون لك عون في دينك ودنيك .. ذكرتيني بخالتي الله يسامحها قالت لي أنتِ مريضة ؟(على شان رفضت أغني معهم بعيال خالي وخالاتي والمشكلة ناس جاهلة ماتفهم مايدرون أنه مايلفظ من قول إلا لديه رقيب عتيد ,مدري وين راح الحياء والدين عند البعض نسأل الله السلامة وأن يثبتنا ولايفتنا ). |
ياليت فيه مثلك كثير
الله يوفقك |
أنتي صححححححححححححححححححححححححححححححححححححححححححححححححح حححححح
وأقولها بالفم المليااااااااااااااااااااااااااااااااااااااااااااا اااااااااااااااااااااااااااااااااااااااااااااااااا ااااااااان صح أنتي كذا ... |
لستي لوحدك من يلقبونك بالعجوز
فأنا يلقبونني بالشايب ولا أهتم لكلامهم بتاتاً والشيخوخه ليست عيب كما يعتقدون :d |
جزاكم الله خيرا
كلامكم كثيرا أسعدني أنا ماني مهمله نفسي باللبس لا لبسي حلو لكن محتشم وهم يعتقدون أن التقدم بأني أصير مثل باقي الناس قصير وعاري وبرضوا ماني عازله نفسي لا أطلع بس مو كثيرا كلامكم ريحني وأسعدني الحمدالله أشكركم جميعا الله يوفقكم ويسعدكم يارب |
اقتباس:
يختي اطلعي من قوقعتك واستمتعي بالحياة الحياة فيها خيارات كثيره ( حلال) بس والله يا عزيزتي حسيت انك منتي عايشه الحياة ،، مغامره ،، تجارب،، اصنعي ذكرياتك بنفسك مو شرط تسوين ذنوب وتحضرين دي جيات بذمتك بكره لو بتسولفين لبناتك او لصديقاتك عن ايام العشرينات والعزوبيه،،، بتقولين كنت اجلس بالبيت ووو،،،مممممم،،، بس ؟؟؟ احضري محاضرات،،، البسي ملون ،، البسي على الموضه،،،،احضري نوادي قرآءه قصي شعرك ،،، جربي تحطين قلتر اي شادو.. جربي اشيا جديده في حياتك حتى لو ماتعجبك لانها يمكن بتعجبك الالتزام ان الشخص يراعي الله في امور حياة مو معناته ما يعيش حياته فيه داعيه معروفه ( احتفظ باسمها) درستني في مرحله من مراحل عمري،،، كانت مثقفه ومنفتحه وانيقه جدا وكانت تحط ميك اب،،، وعندها فيس بوك،،، واصبحت تسجل محاضراتها صوتي وان شا الله انها على حق،، الله يثبتها<< من اكثر الداعيات صيت بعلمها ودينها اسفه لو ضايقتك وهذا رائي الخاص،،، مو شرط يكون صح |
اقتباس:
اقتباس:
اقتباس:
سبحان الله اصبح من لايجاري الموضه ولا يرتدي قصير ولايواكب اخبار الفنانين وحضور حفلات ..الخ وانما ملتزم ومحافظ على نفسه ينعت بالعجوز او المعقد .. (اختي انتي لانك صادقه مع نفسك ومقتنعه ... وتتمتعي بالركازة والوقار .. بصراحه اهنئك على ثباتك فلا تهتزي لكلامهم او حتى تفكري فيه .. خليكي على هالطريق .. ففيها الرشاد ... اقتباس:
اكيد يا حظه .. لانه هذه الصفات التي يحبها معظم الرجال .. امراة محافظه على نفسها .. ولان الجميع اصبح يجاري الموضه وغيرها من هالامور .. فاصبح اغلب الرجال يتمنى هذه النوعيه من النساء ... **** اتمنالك التوفيق **** |
اقتباس:
تصدقي لو قلت لك وربي كنت مثلك بس انا هالعقل كان فيني الى ثالث ثانوي :d وفقدت نفسي من يوم بدات اجاريهم كل مره بدأت اتنازل عن شيء عشان مااكون وحيده كنت احسني كائن غريب بكل التجمعات العائليه البنات مع بعض وانا مع الحريم الكبار :d بحجة هم بيسمعوا اغاني ويرقصوا مع بعض وانا مااسمع او بحجه يخافوا اقول لهم حرام ولا عيب ولاغلط بمغامرات الطيش كنت بعيده عن الي بعمري وطبيعي بتأثر دام العيله كلها كذا نفس كلماتهم عجوزة! عيشي حياتك اذا ماعشتي عمرك بهالفتره متى بتعيشيه؟واشياء كثير كنت اسمعها لين ماصرت اسكت وشوي شوي الاغاني والتلفزيون صار عادي عندي والعبايه ع الرأس طارت ثقافتي الدينيه خفت ماصرت اثقف نفسي الي حافظته من القران اتمحى من مخي:( بس مازلت الحمدالله احسن منهم بكثير بدأت ارجع لصوابي:d فنصيحتي لاتحاوولي تجاريهم ابدا من ناحية الدين وادعي دائما ان الله يثبتك ومايضلك بعد أن هداك اما من ناحية اللبس والسوق وشعرك التجديد واالمظهر مهم في عصرنا الحالي:d ولابتكوني كائن غريب ويستنقص من انوثتك:d مااقولك البسي حرام البسي بحدود الدين بس اهتمي حاولي يوم من الايام تبهريهم بلبسك الاجمل والامثل والاحلى بينهم الي بحدود الدين حتى لو مالقيتي بالسوق ع الموضه فصلي والبسي:d والقص والصبغه وتغير اللوك ينعنش:22: اغلب الناس عندهم فكره ان اي وحده ملتزمة ماتهتم بمظهرها الخارجي ولا كشختها وفعلا هذا الواقع الي نشوفه قدام عيننا اغلب الملتزمات صح مايهتموا طيب في بنات ثقافتهم الدينية جدا معدمه ولما يشوفوا الملتزمات بهالشكل يصر حتى ماودهم يتثقفوا عشان مايتخيلوا نفسهم مكانهم:d فاللي مو راضين يفهموه الملتزمات ان الاهتمام بالمظهر ممكن يخليهم قدوة لغيرهم وان الدين مايمنع انك تكوني كشخه ووااااو:d بس طبعا بضوابط دينيه:o ا(ن الله جميل يحب الجمال) |
اقتباس:
+1:22: لو شفت ردك قبل لااارد ماكان تعبت نفسي وكتبت:o |
رد على الاخت
اقتباس:
واللي بيفكر هالتفكير مافيه عقل وكلام غير منطقي ... لاتوجد اصلا رابطه بين اللي حابه تتثقف دينيا ولباس الملتزمات ... يعني هو لهدرجة لباس الملتزمات شيء كبير ومعيب ... **** العقل زينة *** |
عش لنفسك و لا تعش للناس
ستحاسب وحدك و لن ينفعك الناس |
ام الياس
حتى معرفك كبير ولا كانك عشت طفولتك التغيير مش عيب ولا حرام .. احنا مش حانطلب منك التبرج والبعد عن ثوابتك ولكن حتى تستطيعى ان تواجهى المجتمع بشروره يجب ان يكون عندك قدر من الجرأه .. صادقى من هم فى مثل طباعك حتى لا ترهقى نفسك فى صراع بين داخلك وما تقوله صحباتك .. ثقفى نفسك فالثقافه تصنع مكانه .. العمل الاجتماعى ايضا مطلوب ..والموضه برضه مطلوبه فخذى منها ما يتناسب مع شخصيتك .. اخرجى ولا داعى للحبسه ماهو طول ماانت حابسه نفسك فى القمقم حد حايبصلك .. |
اقتباس:
اول شيء كلامي مو متناقض ركزي زيين تكفين • يب اعترف على خطأ و بدأت ارجع لصوابي وماقلت غير هالكلام ومازلت عليه وكنت اقصد من ناحية العبايه والاغاني وباقي المحرمات االصغيره الي سويتها وارجع اقول انا قلت لها لاتجاريهم بحدود الدين فقط • اما الموضه انا من وجهة نظري الدين مايمنع الاهتمام بالمظهر واول مرره اعرف ان الموضه حرام حتى لو كانت ساتره ؟ وارجعي لكلامي بتلاقيني كاتبه البسي بحدود الدين وياليت مره ثانيه لما تقتبسي اقتبسي الجزئيه الكامله ولا بلاش تقتبسي هع واذا كان كلامي غلط ان اللبس المحتشم من الموضه حرام ياليت تنوري بصيرتي وتجيبي لي فتوى مدعمة بالادله وبعدين في سؤال يراودني انتي ماتعرفي من الموضه الا المشخلع ولاايش؟ ترا لو ماتعرفي وربي في اشياء محتشمة جدا جميله وع الموضه ولا هو المشخلع بس الي ع الموضه!! ترى حتى المشخلع تقدري تأخذي فكرته وتسويه ع ساتر كذا يصير ماسوت شيء حراام ونفس الوقت ماصارت كأن غريب بمجتمع البنات يعني برأيك اللباس الي مو على الموضه بيستنقص من الانوثه ... وبتكون كائن غريب شو هالتفكير الغير منطقي ... عمرها ما كانت الحشمة والالتزام شيء معيب الا الي مثل الي بيفكرو متلك يب بمحتمعنا يستنقص ويستنقص بقوة بعد هذا الواقع انا قلت نظرة المجتمع لااكثر وعشان تصدقي ارجعي لموضوعها هي نفسها بتلاقيها كاتبه احس اني غريبه ولو سمحتي لاتقوليني كلام انا ماقلته جيبي لي كلمة وحده انا قلتها ان الحشمة والالتزرام شيء معيب اما النقطه الاخيره النظريه بوضح لك مثال بخصوصها وانتي افهمي في علاقه ولا لا مع اني استيعد انك تفهميني بما انك طلعتني متناقضه وقولتيني شيء انا ماقلته وحللتي تفكيري ههههههههههههه المثال عندك معلمة مواد دين سواء بمدرسه ابتدائي او متوسط او ثانوي (ومعروف البنات بالعمر ايش اهتمامتهم وغالبا مين قدوتهم ) المهم اارجع للمثال ياحلووة هالمعلمة حقت الدين كانت ذويقه ومهتمه بمظرها وكانت تدرسهم دين وكل كلامها عن الدين ونصايح طبعا راح يتقبلوا منها ويسمعوا لها بااهتمام اكثر وبيطبقوا الي تقوله وراح تكون قدوتهم لانها اساسا قبل لاتتكلم اعجبوا فيها كما هي حال النفس البشريه الطبيعيه وبتمحي الصورة الي منتشره بكثره عندنا من الناس اللي فاهمين الدين غلط الي هي ملتزمة معناه خلاص لبسها محدد ثياب تنورة سودة ولاجينز قميص ابيض او اسود ومافي شيء من معالم الحياة وبليييز لاتحوري كلامي وتدخلي الحين بموضوع الفوارق الاجتماعيه بعض المواقف في بعض المدارس الابتدائيه :يعجبوا بالابله الكشخه ويسموها حلوها حتى لو هي ماهي حلوة ويقولوا لما بنكبر بنصير زيها حتى لو كانت ماتدرسهم ويسألوا زميلاتهم ايش تدررسكم الابله الحلوة وايش قالت لكم المتوسط اذكر بنات صفي وانا منهم كانت تدرسنا ابلة علوم وكانت تهتم بمظهرها كيف تتوقعي البنات يستقبلوا حصتها؟ حافظين الدرس ومحضرين الدرس وقارئين معلومات اضافيه باحثين عنها كل وحده كانت تبي هالابله تعجب فيها تخيلي لو كانت هالابله معلمة دين كنا بنتثقف ولالا؟ بتزيد معلوماتنا الدينيةولالا؟ الثانويه بما انهم ماشافوا لابالابتدائي ولا بالمتوسط:d ولو شافوا ابلة دين كشخه بيقولوا:d اماااااااا هذي ابلة دين!:d غرررريبه!:d ايش صاااااير!:d مستحييييل تدرس دين!:d ياحركه شكلها مدرسة انجليزي!:d والله شكلها خطيييره بطق صحبه معاها:d هذا مجتمعنا وهذا واقعنا اكيد مو الكل بس الاغلب ولو تبي اقولك مواقف من الحياة العامه وليس المدرسيه ان كيف مظهر الملتزمة ممكن يأثر؟! |
بنات أفهموا أنا ألبس على الموضه لكن طويل لبسي حلو شعري عادي أسوي فيه تسريحات وطبيعي أستخدم مكياج بس مااحط بالمنتزهات والأسواق وأقابل الناس وأطلع للجمعات الي أمي تكون فيها بس الي تكون صديقات فقط وزميلات لنو والله جاده اللبس مرة خليع وماله داعي عيب ينلبس وأحيانا يتكلمون بطريقة غريبه وعيب صراحه من كثرة الكلام يخيلك أنو أفعالهم عادية وحلال أو تبادل صور مالها داعي أنا ماأقول أني مابي أعيش وأني معتزلة الناس لا بس أبي ناس يحترمون لبسي وأقدر أتناقش معاهم بقضايا مهمه أو لو كلام عادي مو كل تفكيرهم الفنانين وصورهم والناس وأيش معاهم أنا أحب الوناسه والفرفشه بس مو دئما أتمنى أكون وضحتلكم |
:* |
ماشاء الله الله يثبتك ويوفقك ويرزقك من فضله العظيم
واصلي حفظك الله هم في ضلال هداهم الله |
ما شاء الله الله يوفقك يارب وخليك على طريقك ملتزمه وأنيقه ومرتبه وماشيه على الموضه وفق الشرع وأتخذي صداقات جديدة في مراكز وجمعيات تطوعيه ثقافية : ) . ثبتك الله عزيزتي |
قال رسولُ الله - صلى الله عليه وسلم -: ((مَنْ رأى منكم مُنكرًا، فلْيُغيِّره بيده، فإنْ لَم يستطع فبلسانه، فإن لَم يستطع فبقلبه، وذلك أضعفُ الإيمان)). ولو تأملنا اليوم معنى هذا الحديث لوجدنا العكس في مجتمعاتنا لا حول ولا قوة إلا بالله
ينكرون من يتمسك بالسنه وحكمه دائما أرددها لايرما إلا الشجر المثمر فوالله العظيم أن مايشد إنتباهي وما يعجبني في الأسواق أو في المستشفيات تلك المرأه المسلمه المؤمنه حق نحسبها والله حسيبها اللتي متحشمه لا يكاد منها شيء فأني أدعو لها بظهر الغيب وأسئل الله أن يثبتك فكل من يصفك بذالك صدقيني سيتركونك يوم لاينفع مال ولا بنون وقال تعالى: ( يَوْمَ يَفِرُّ الْمَرْءُ مِنْ أَخِيهِ وَأُمِّهِ وَأَبِيهِ وَصَاحِبَتِهِ وَبَنِيهِ لِكُلِّ امْرِئٍ مِنْهُمْ يَوْمَئِذٍ شَأْنٌ يُغْنِيهِ) ظلي كما انتي دعيهم يقولون مايشاؤن فلن يضرك بأذن الله شيء عجوز في الدنيا كما يصفونك وبنت في الجنه إن شاء الله .......................شااااب |
اقتباس:
رد ولا اروع جزاك الله الجنه |
والله ماشاء الله عليكي
ياريت كل البنات مثل تفكيرك وبالعكس اللبس الطويل الساتر مرررررات يكون شيك ومرتب حاولي فقط تخليه مواكب للموضه الله يكثر من امثالك نصيحتي لكي فقط لاتنعزلي عنهم ولا تحسسيهم انك منبوذه بالعكس اندمجي واطرحي قضايا تهمكم وشاركي عقولهم وارائهم حتى تشغلي وقتهم بعيدا عن الكلام الفاضي الله يكثر من امثالك :22: |
يااختي انتي مثلي بالضبط
حتى جوالي الكشاف مع اني موظفة وقادرة اشتري الاجهزة الحديثة بس مالي خلق واذا حضرت المناسبات احس اني غريبة بلبسي وهم قصيرر وقصات لكن صدقيني احنا الصح وهم الغلط اقولها بكل ثقة |
يا أختي يقولون اللي يقولون
أختي كانت بعمرك ماشاء الله ملتزمه الكل بالبيت يسميها المطوعه ماتتطلع زواجات ولا منتزهات ولاتصبغ وماتلبس قصير ولا شي لدرجة قريباتي يقولو ماراح تتزوج والحمدلله تزوجت الله يرزقها الذريه الصالح يارب |
التمسي رضى الله ولايهمك رضى الناس رضى الناس غاية لاتدرك
ارضى الله يرضي عنك الله والناس |
ذكرتينى بالذى مضى عندما كنت فى عمرك
ولكن للاسف الدنيا غلبتنى ادعى الله من قلبك ان يثبتك |
| الساعة الآن 09:49 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©