|
زوجي مقصر مادياً علي كيف أتعامل معه ؟
السلام عليكم ورحمة الله وبركاته
اخواتي انا بدخل بالموضوع على طول بدوووون مقدماااات انا متزوجه من 12 سنه وزوجي مواصفاااااااته بخيل جدااااا وهو يستلم 7000 الاف تخيلوووو ويعتذر اذا طلبته بالشهر 100 ريال بس امه واخوانه يعطيهم ولايحرمهم مع انو مومحتاجين عندهم خدامه وسواق وكلهم يشتغلون بس يحبهم تخيلووووووووو حب فظيعااااااااااا وهذاا شي حلو بس انا وين حقي مو حراااااااااام هذاا ظلم كل شي لامه واخوانه مافي مصروووف شهري ولاطلعات ولاحتى سووووووق في السنه مررره سوق وخلاص والحين صااااااااار يشتغل الاسبوع كله وخميس وجمعه يشتغل يعني مانشوفه الاقليل وعندي ولدين تؤم فهد وخالد ربي يخليهم يكسرون خاطري نفسهم يطلعون يتمشووو سؤالي 1- طيب كيف اتعامل معاه عشااااااااان يخصص بس لي مصروف ماابغى شي ؟؟؟؟ سؤالي 2- هل هو يشتغل خميس وجمعه صحيح ام انه يكذب علي ؟؟ وهو اكيد يحب يجمع وبخيل معنى الكلمه بخيــــــــــــــــــــل واذا جبت سيرت افلوس يعصـــــــــــب كيف اتعامل معاه تعبت تعبت تعبت |
وعليك السلام ورحمة الله وبركاته
أولاً : اسأل الله سبحانه وتعالى أن يبارك لك في فهودي وخلودي وأن يجعلهما ثمرة صالحة ويرزقكما برهما ثانياً : لايبدو أن زوجك بخيل بدليل أنك تقولي أن لا يبخل على أهل بشئ ثالثاً : ماهو بشرط يجعل لك مصروف شهري .. أهم شئ أنه قائم بواجباتك من مأكل ومشرب وملبس وغيره رابعاً : حاولي أن تحاوريه في مسألة الترويح على النفس وأنكم بحاجة إلى الخروج والتنزة خامساً : لا تشكِ في زوجك وين يروح الخميس والجمعة طالما أنه قالك إنه يشتغل في عمل ومن باب تطمين نفسك يمكنك مكالمته على عمله على تلفون المكتب . أعانك الله |
اولا معظم الزوجات يرون مايقدمه ازواجهن لاهاليهم ويتعاظمونه..
وليس لي هنا ان اقرر هل يعطي اهله او يحرمهم لانها تقاس وقدر بالمعرفة ومقدار ما يعطي بيته واهله .. فامرك هنا طبيعي جداً جداً ثانياً عدم اعطاءك مصروف شهري خاص فيك يرجع لك انتي انا ارى انه ليس من المروءة الا يعطي الرجل زوجته مصروفها الشهري فهي في الاخير بنت ولها احتياجاتها الخاصة.. ولكن هناك بعض الرجال يتعامل بالقطارة ولا يجود الا بالواجب.. وهذا يعود للزوجة نفسها..اذا كانتالزوجة مكرمة لزوجها ومريحته فاعتقد انه لن يبخل عليها.. اما اذا هي مطلعه عينه فمن حقه اداء حقها شرعاًوحرمانها من الكماليات... ثالثاً.. لاتشكي بزوجك انه يشتغل بالخميس والجمعه فراتبه على متطلبات اليوم مايكفي واعتقد ان شكك راجع لخوفك من الزواج عليك .. وخوفك من الزواج عليك يرجع لعدم ثقتك في قدراتك كزوجة داخل بيتك... جبلت النفس على حب الاستقرار.. فلو لم يجده لديك سيبحث عنه بالتأكيد عند غيرك وساعتها اللقمة اللي كنتي تاكليها رح تاكلي نصفها واللي كان تاخذين رح تاخذين نصفه.. اقترح عليك تجلسين معه جلسة هدوء ونقاش في احلى لحظات حياتكم وتسلفون وتضحكون وبعدين اطلبي منه يخصص لك وقت للسوق ووقت للترفيه عنك وعن اولادك.. لو في حديقة عامة مع جلسة شاي وقهوة اقلها يشمون هوا وتجددون سوالفكم لا تقارني وضعك مع غيرك.. ولاترهقيه بما لا يستطيع ولكن فهميه ان هذه حياتكما مع بعض وانتي جالسه تزينين حياتكما بالتفاهم.. امرك مو بذيك الصعوبة انه يكون مشكلة.. فصليها لنقاط محددة ورتبي اولوياتها وابدأي في حلها خطوة خطوة وستصلين لهدفك موفقة خير |
قبل كل شئ ..
كيف تعامل زوجك معك .. يحترمك ويقدرك .. يلبي طلباتك من مأكل ومشرب واثاث محترم ووكسوه ...؟ السكن إيجار ام ملك ام مع الاهل .. ؟ كم يعطي اخواته مصروف ؟! إذا كان حتى مية ريال يبخل فيها عليك .. فهو يحتاج منك لنقاش وحوار .. لكن هل انتي قادره على نقاشه وحواره <<< بمعنى هل فيك شده .. او تخافين !! |
السلام عليكم
اولا اختي لا يوجد شئ اسمه مصروف شهري طول ما انتي جالسه معاه في بيت واحد . ثانيا مش هو يلبي جميع طلبات البيت ثالثا انتي قلتي يصرف على اهله وهذا دليل على انو غير بخيل طلعي الاوهام من رأسك لا تدعي الاوهام تستولي عليك حبيبتي لك كل الود والتقدير |
الله ييسر امورك
طبعا من حقك يكون لك مصروف خاص وتطلعين وتشوفين الدنيا .. لكن عندي كم سؤال هل كان زوجك نفس الاسلوب بداية الزواج ؟ او بس مؤخرا؟ |
اسئلة االاخوان قبلي مهمه ..
بااضيف هل يراك زوجك مبذره ..؟ هل والده حي ام متوفي ..؟ اسلوبك معه في النقاش هل غيرتيه ام كل مره بنفس الاسلوب...؟ |
انا برد على اسالتكم ان شاءالله
ثانياً : لايبدو أن زوجك بخيل بدليل أنك تقولي أن لا يبخل على أهل بشئ اهله غيرررر يحبهم ويحاول قد مايقدر يساعدهم ثالثاً : ماهو بشرط يجعل لك مصروف شهري .. أهم شئ أنه قائم بواجباتك من مأكل ومشرب وملبس وغيره ليس قائم بواجباته مثلا اذا بشتري شي للبيت تخيلو يحدد لي قيمة الاغراض قبل لاندخل الجمعيه مثلا يقول لك 100 ريال اغراض البيت وتخيلو مااخذ كل شي تعرفو يعني شنو تجيب ال 100 ريال وفي رمضان يزيدهم 300 فقط ريال طبعا وهو معصب والنفسيه زفت طيب الحرمه تبي وجهه يضحك على الاقل مبتسم انا مو رايحه اشتري ملابس او عطور طبعا هاذي حارمني منها مافي واهلي مو مقصرين وياي يشترون لي ولولادي ملابس رابعاً : حاولي أن تحاوريه في مسألة الترويح على النفس وأنكم بحاجة إلى الخروج والتنزة واذا قلت له يقول الواحد يبي يرتااااح وانا مومقصر معاكم هاذي الكلمه دائماااا على لسانه كل شي تبونه اجيب لكم وهو العكـــــــــس خامساً : لا تشكِ في زوجك وين يروح الخميس والجمعة طالما أنه قالك إنه يشتغل في عمل ومن باب تطمين نفسك يمكنك مكالمته على عمله على تلفون المكتب . انا مااشك بدليل صااااااااابره معاه بس استغرب مايحس فينا وانا مااعرف تلفون العمل واذا ااتصلت اتصل على هاتفه النقال وناااادراا مااتصل مااحب ازعجه ويرد نعم انا في العمل يعني مايقول هلا او كلمه حلوه نادرااا يقول اخباركم والحين برد على كلام مشكلتي زوجتيولكن هناك بعض الرجال يتعامل بالقطارة ولا يجود الا بالواجب.. وهذا يعود للزوجة نفسها..اذا كانتالزوجة مكرمة لزوجها ومريحته فاعتقد انه لن يبخل عليها.. اما اذا هي مطلعه عينه فمن حقه اداء حقها شرعاًوحرمانها من الكماليات... ثالثاً.. لاتشكي بزوجك انه يشتغل بالخميس والجمعه فراتبه على متطلبات اليوم مايكفي واعتقد ان شكك راجع لخوفك من الزواج عليك .. وخوفك من الزواج عليك يرجع لعدم ثقتك في قدراتك كزوجة داخل بيتك... نعم مثل ماقلت مثل القطااااااااااره وانا مريحته كثيررررررر يعني شنو اقول اقولك مااروح مطاعم ولااسواق ولا طلعااات ولااقدم هداياء لصديقاتي في مناسباتهم ولاينزلني للسوق ولا يشتري لي هدايا تطيب الخاطر وانا اشتري له هدايا واسوي له اجوااااء رومنسيه على بخل زوجي حتى 2000 ريال يكفينااااا اشلووووون 7000 الاف ومتطلباتنا كل اسبوعين واقل نروح نشتري 100 ريال محدده يعني نفسي في صبغة شعر اشتريها وانا احطها مو المشغل يبيلي فلوووس يقول بعدين بعدين ناخذ المهم وهاذا من شهر 1 السنه الي راحت 1432 والحين 1433 شوف كيف تطلع الروح على مايجيب الشي وانا مو شاكه ان يتزوج علي لاني بدليل ضحيت كثيرررر بس ماراح اذكر اكثر من كذا لانه في وفي الحين برد على شقر55ديه قبل كل شئ .. كيف تعامل زوجك معك .. يحترمك ويقدرك .. يلبي طلباتك من مأكل ومشرب واثاث محترم ووكسوه ...؟ السكن إيجار ام ملك ام مع الاهل .. ؟ طلبات خفيفه جدااااا يعني اوقات نفسي اطبخ طبخه حلوه اتعلمها وماعندي اغراضهاا اثاث ماعندي والكسوه من في السنه مره وبعدين يشترون لي اهلي والسكن انا موفرته شقه من عمارة ابوي وابوي متوفي12 سنه مايدفع لانه ابوي طيب كااااااااااااان كثيرر معاه وتعامله كويسه اذا ماطلبته فلوووس كم يعطي اخواته مصروف ؟ تخيلو يعطي المتزوج وعنده عيال يعطيه 500 ريال بين وقت ووقت واذا شاف عيال اخوانه الصغار كلهم على 5 ريال الواحد بدون عيد كل مرره وهم اخوانه ولامره عطو عيال حتى في العيد ولاواحد من اخوانه يعطيهم واخته كل شهر 300 ريال بس مايقول لي ان عطى اخوانه انا ادري وامه اكييييد كل شهر مبلغ وانا وين دوري موفره له والله جو والكل يقول مدلعينه انتو والحين شوفو اشلووون بدل مايحمد ربه ام محمد السلام عليكم اولا اختي لا يوجد شئ اسمه مصروف شهري طول ما انتي جالسه معاه في بيت واحد . طيب مااحتاج شي لو علاج ثانيا مش هو يلبي جميع طلبات البيت لالا قلييييييييييل ثالثا انتي قلتي يصرف على اهله وهذا دليل على انو غير بخيل طلعي الاوهام من رأسك لا تدعي الاوهام تستولي عليك حبيبتي اهله ياناااااااس غير مثل مايقولون اناني ويحب لاهله وبس كانه انا ماراح اوقف معاه واهله عمرهم ماسسوو شي له تخيلو حتى في زواجه كل شي عليه امه ماتحب لزوجت الولد شي يعني اثاث ماعندي تقول له لاتحط انت ماعندك وبعدين تجي وتقول اخوك محتاج ولاعنده وهاذا يبي وذاك يبي بطريقه غيررر مباشرره وقدام الناس تذكر عيالها كلهم انو ماعندهم الازوجي وهاذي حقيقه مش اوهام مدن السلام هل كان زوجك نفس الاسلوب بداية الزواج ؟ او بس مؤخرا؟ من قبل وهو كذاااا من زماااااان بخيل الحين صار افضل انه بين شهر وشهر نروح الجمعيه ناخذ اغراض بحدود يحدد قبل لاادخل لاتظلمونه هل يراك زوجك مبذره ..؟ نعم يقول انا مبذره وانا مااشتري كل شهرين او ثلاثه ملابس طبعا اهلي اذا طلعو للسوق يعرفون اني مااطلع يشترون لي ملابس وشنط بس نفسي اطلع مع زوجي واشتري لو شي بسيط هل والده حي ام متوفي ..؟ متوفي من سنه تقريباا اسلوبك معه في النقاش هل غيرتيه ام كل مره نفس الاسلوب؟؟كل مره نفس الشي خلاص تعبت مااعرف شنو اقول وش ابتدي بس اقول له فلانه زوجها شرى لها وشرى لعيالها وهو يعصب تقارني بين وبينهم هم عندهم انا ماعندي صديقتي زوجها راتبه 2000 ريال وكل شي يشتري لعياله وبيته من احسن الاثاث لانه كل شهر يشتري اشوي زوجي كل شهر يعطي اهله |
مساك سعيد اختي
والله ما ادري ايش اقول . ربنا يصبرك حبيبتي . ما عليك الا تجلسي معاه وتقولي كل هذا الكلام لازم يكون في بينكم صراحه لازم يعرف حقوقه . لك كل احترامي |
وبعد انتي اللي مسكنته ،،
واغراضك يشترونها لك اهلك ،، ومية ريال للسوبر ماركت ،، اختي ام فهد،، الله يصبرك على ما بلاك ،، لكن ما قلتي لي ،، جريئه في مواجهته ونقاشه ولا تخافين منه ،، اولا عليك بمعرفة حقوقك .. فزوجك هو المتكفل بسكنك والنفقه الكافيه ،، ثانيا استخدمي ذكائك ،، الشقه اللي انتم ساكنين فيها اجريها لك واستفيدي من الفلوس ،،،، وطالبي زوجك بسكن ومصروف شهري .. |
إذا تقوليله في وجهه تعطي أهلك واحنا لا
فاعرفي انك أخربتيها.. وخليتي الرجال يحقد عليك.. وحده سمعت عنها تطلقت لأنها بس تراقب فيه وتعترض على الفلوس اللي يعطيها لأهله بحجة انهم محتاجين أكثر من أهله وهم فعلاً محتاجين بس زودت الحمل عليه وما عاد قدر يتحمل كلامها.. خليك في نفسك وعيالك لما تتكلمين معاه... وخلي كلامك لطيف وبلاش حده |
طيب قوليله حرام الاطفال زهقانين يبون يطلعون...انا احزن على الطفال الي مقفل عليهم في البيت حتى في الاجازات..
اختي حاولي تطلعين مع اطفالك مع اي احد مو شرط هو يطلعكم ..مع اهلك مثلا..عشان ترفهين عنهم.. وبالنسبه للمشتروات والاغراض الي ناقصه زني عليه لين يوافق مو بس يقلك لا وتسكتين...ولارحتي الجمعيه اشتري كل شي وماعليك من كلامه حتى لو حددلك مبلغ قوليله مو بكيفك تحرمنا حتى من الاكل....ماعليك منه...لان الاطفال يحتاجون اغراض كثير شوكلاتات وعصيرات وحلويات..واذا نفسك في طبخه ولا حلا خليه يجيب اغراضه بالغصب يااختي اغراض اصعب طبخه ماتكلف 30 ريال وش بيصير في الدنيا يعني لو شراها وصبغة شعرك سويها في الصالون بالطيب بالقوه سوي الي نفسك فيه..في الاخير يتعود انه يصرف..هذا لانك منتي موعدته على الصرف من البدايه ساكته له. وانتي الله يهديك ليش تشترين له هدايا..هذا مو حق احد يشتريله هديه. ولا ليله رومنسيه... |
اقتباس:
وزوج الاخت مو من حقه يحرمها من كل شي حلو ..بلااه 100 ريال وش تجيب من السوبرماركت..لا ويبيها وكل شهرين بعد اقل شي تشد معه في سالفة السوبر ماركت المفروض يترس البيت اكل يكفيهم لشهرين...مو يقصروتبيها تسكت له.. |
100 ريال ماتجيب شي والله الأسعار ناااار
هذا غير الشقة ببلاش وأهلك يقضون لك كل فترة لبس لأطفالك وغيره اجل شنو عليه هالمية اللي ذابحك فيها مرررة قليل لازم تجلسين معاه وتكلميه وتفهميه إنه هالشي حق من حقوقك الواجبه عليه بس ابعدي عن المقارنات وفلانة زوجها عمل وسوا خلي يعطيك مصروف محدد شهري وإنتي دبري نفسك بشطارتك وذكائك وحاولي إنك تتدخري كل ماشفتي معك فائض يفيدونك وقت الحاجة أجل يعطي اخوه 500 وهو متزوج؟؟ والله يعطيه إذا محتاج وضايقة عليه اما بين كل فترة يعطيه كذا بس!! الله يعينك من جد ويصبرك |
بصراحه زوجك لا يستحق الا الزجر وسيحاسبه الله علي تقصيره وعدم عدله في عطاءه وعلي تقتيره وبخله علي زوجته وولده
أعرف رجل كان يبالغ في اعطاء أهله وأخواته علي حساب أسرته وكانت النتيجه ان سرقه ابن أخته ولم يشهد أحد في صفه بعد كل هذا العطاء والاهتمام فكانت النتيجه قطيعه كامله مع كل أخواته عمرها الان عشرين سنه لم يعزي حتي في وفاتهم الخلاصه ااسألي شيخ عن حكم ان تأخذي دون علمه قدر حاجتك انت واولادك والاقتراح ان تؤجري الشقه الخاصه بك اقتراح جيد ولكن لا تجعلي الاقتراح يأتي منك بل من أهلك ولا تعلميه بأن الايجار سيكون لك ثانيا اذا كان يبخل عيك بالطلعات فاقترحي عليه ان تخرجي مع أهلك فما ذنب أولادك في بخل ابيهم لو يعرف كم الكره الذي سيجنيه من هذا السلوك لتغير تماما الاخ مشكلتي زوجتي اري من الافضل ان تغير كنيتك الي عقدتي زوجتي فليس من الائق ان تخرج عقدك علي الجميع فالزوجات دائما متهمات وتريد ان تجعل كل زوج زوجته هي مشكله حياته مثلك اذا كنت لا تستطيع ان تعالج مشكلتك التي هي زوجتك فكيف بالله عليك تعطي ردود واقتراحات وحلول عالج نفسك قبل ان تنشر عدوتك علي كل الازواج |
الله يعينك اختي
|
شوفي اكثر الاوقات يكون فيها باله رايق بس بشرط تفتحي الموضوع بهدوء ومن غير عصبيه ولا انفعال
|
اكيد في سبب مخليه يعمل كده مش من المنطق انو يعمل كده من غير اي سبب . راجعي شوفي ايش حصل منك من غير انتباهك
|
اقتباس:
ألحين جبت طاري انه بخيل ؟؟!! الرجال دخله محدود ومجبر في أهله هذي كل السالفه والنقطة المشتركة بين أختنا هنا وهاللي تطلقت سيرة أهله ليش تصرف وليش تعطي وأنا ما أبغاها تقع في نفس الخطأ والصراحة اللي تزن عليه وتقول ليش تعطي أهلك مافيها خير أبداً لو كان أخوها اللي يعطي أهله الوحده تفرررررح وتنبسط لكن لما يتحول ويصير الزوج... أووووه تقوم الدنيا ولا تقعد عيب والله هالحركات.. وأتمنى من أختنا إنها ما تقع فيها ولا تفكر أصلاً إنها تهوب ناحية هالسالفة هو مجبور فيك وفي عيالك راح الراتب ولا جا مالك فيه وهو يدبر عمره وهذي شغلته أهم شي يعطيك حقك وتنبسطون وتاخذون بالمعروف... وهنا مربط الفرس |
|
أين الرجوله في ان يسكن ببلاش ومصاريف بالقطارة
لن أفعل كما فعل البعض واكون مثالي لكن الحال هذا لو في اختك ما ترضاها ما ترضى ان زوج اختك ساكن بشقة من شقق والدك رحمه الله واجار الشقق يوزع على الجميع ماعدى شقة زوج اختنا ساكن فيها ببلاش لا ومقصر بحق اختنا وعيالها وصارف راتبه كله على اخوانه واهله يااختي مافيها شئ الواحد يحدد مبلغ لأهله لكن باقي الراتب من حق بيتي وزوجتي واولادي انا محدد مبلغ لأحدى خالاتي ( اخوات امي ) اعطيه لها كل شهر لأنها تعيش وحيدة ليس لديها أبناء ذكور وبناتها 4 كلهن تزوجن فمن بقي لها وكيف تدفع الأجار ؟؟ ودخلها غير ثابت متذبذب لابأس بأن يفكر بأهله ويخصص حصة بسيطة مثل 10 % او 20 % الباقي أهل بيته اولى به بعيداً عن المثالية والله ما ارضاها لأختي انا اصرف عليها وعلى عيالها لأن زوجها مخصص كل راتبه لأهله امعصي والله لأمسكه واتفاهم معاه اذا مايبي يصرف عليهم احنا موجودين ونقدر نقوم بواجبها وواجب عيالها ولا يعيشها في فقر مدقع انا عزوبي حالياً اصرف حوالي 80 ريال في اليوم وهذا بيقضي شهر كامل 300 ريال لو ظروفه تجبره ماقلنا شئ قلنا اصبري عليه لكن راتب 7 آلاف ومافيه اجار اعتبره جيد جداً للتوفيق بين اعطاء اهله وحقوق بيته وزوجته واولاده |
| الساعة الآن 02:36 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©