|
ياليت تغازل على الاقل تحس (تورطت)
السلام عليكم ورحمة الله وبركاته
لي شهرين متزوجة عمري 26 وهو 33 هو موظف بالديرة وانا عند اهلي بالديرة ثانية الى يرتب وضعه اسكن مع زوجي ان شاءالله احبه بجنون ولا اقدر اعيش بدونه يجي بالاربعا ويروج بالجمعة وباقي الاسبوع اتعذب وهو يدري اني احبه .. والمشكله لايعرف الرومانسي ابدا ...وانا رومانسية بزود ..وهو اعترف قال انا مااعرف الرومانسي ..(اتكشخ واتلبس واحط المكياج قال لي وين تبي تروحين ياناس انواع البراءة ) اتكشخ علشانه والشي الثاني يكره الجنس.. ...احيانا اقول مهو طبيعي واحيانا اقول طبيعي ...لو البس انواع الاغراء عادي عنده ..وقال لي تراه مايغريني يموت على افلام والمسلسلات والاغاني ..واذا بكيت عادي عنده مايحس يخلني ابكي الين اسكت من نفسي..حتى الضم مايضمني الان بدا المشكله قبل اسبوع كنت اكلمه واسولف معه وهو كل شوي يقولي عندي واحد والا عندي ضيوف ..والا يحط على الصامت ..وربي انقهر منه ... واذا شفت اختي تكلم زوجها تكلم الين بعد الفجر ...انقهر من زوجي ليش مايسوي مثله .. وقلت له عن اختي وزوجها ...وبدا يهاوشن لاتقارين بي باحد غيري ..وانواع الهواش ..وقال لي احمدي ربك اني مااغازل ..وقلت له ياليت تغازل ((وياليت ماقلت له لان كنت اصيح وانواع الصياح ) وسكر بوجهي والحين هو زعلان وشلون ارضيه ..حاولت معه كل شي مافي فايدة ...وقال لي انا مااقدر اعيش معك عجز اتحمل ...كل هذا عشان انه بارد وانا حارة .. |
مالك غير شهرين احس توكم .. بعد سنة يتغير إن شاء الله .. خاصة إذا كان عنده ضغوطات ومومتفرغ نفسيا اصبري شوي عليه لاتستعجلين خليك هادية وكل شي اكسبيه بهدوء مو بالقوة والعجلة ..
|
اذا حب الواحد يكون حساس ومستعجل كثير ولحوح مرة، انتظري ياختي شوي مع الزمن ان شاء الله يتغير ولا تكدرين خاطره دايم ترى يمل
|
بجد مثل ما قال احمدي ربك
ومن ثم انتظري لحين تكونو تحت سقف واحد ولا تخافي رح يتغير يا دوب شهران لسه ما تعود عليكي احمدي ربك انو هيك تعرفيه انه هو لك فقط ولا ينظر او يغازل وصدقا لا تقارنيه باحد لا اختك ولا زوجهاااااااا ولا حتى ابوكي وامك مثله عمله نادره احتفظي فيه ومن ثم رح يرضى انما خفي مسجات عليه اكتفي بواحد في اليوم وعلى خفيف ارسلي له اغنيه يحب ان يستمع اليها او مقطع يضحك هو يحبه ادخلي عليه من هذا الباب |
وضعك عادي ورح يكون افضل من كذا بس عليك بالصبر
زوجك شكله على الفطرة وما له بحركات الغزل والرومنسية مع اني ارى ان هذه مهارة يجب ان يتقنها الزوج ولكنني اعذره لاننه لا يتعلمها بطرق نظامية في مدرسة او بطرق تلقائية في بيتهم حين نشأته اثقلي ولا تخليك خفيفة ولا تقارني زوجك بغيره.. هذا تصرف استفزازي علميه الرومنسيه شوي شوي تري فيه ناس يعتبرونها عيب..!! ويخجلون..!! زوجك ذهب لاهو بالمتشدد وعنده تربية وحدود تمنعه عن الخطأ فحافظي عليه اعتذري عن استفزازك له وبيني له حبك له وشغفك فيه لمحة... كنت اعرف واحد في مجتمعنا اشتهر هو وزوجته بين الاقارب بالكناري من زود الانسجام وحركات الرومنسية والحب العلني بينهم هذا غير اعياد الحب وعيد زواجهما وسهراتهم الخاصة في الفنادق والهدايا الحمراء قلوب ودباديب وشموع و..و...و.. لدرجة انه في السوق انواع الضحك ومشبك يده بيدها ويا ناس شوفوني بسس وبالصدفة اكتشفت انه راعي علاقات مع بنات وغزل ومواعيد وجنس وكل شي الله لا يبلانا... هل تريدين زوجك ان يشبعك رومنسية وهو من وراك لعوب؟؟ احمدي ربك انه انسان نظيف.. وهذا نادر في هذا الوقت |
لانك غثيتيه...يااختي اثقلي شوي...الرجال مايحب الوحده الي تموت فيه وتتلصق فيه وكل شوي اتصالات على الفاضي..جبتيله الغثيان...هذا الكلام مو من راسي ترى هذا الواقع ..
تخيلي انتي قدامك 10 صحون حلا ومحلوف عليك تاكلينها كلها وماتوقفين..وش تحسين وقتها..؟.., ,مو مثل لما كل اسبوع تاكلين مره او مرتين قطعه وحده من الحلا..تحسين انك متلذذه فيها ومتشوقه...صح؟؟ اثقلي يااختي زوجك مو بطاير موجود وان شاء الله تعيشون مع بعض تحت سقف واحد...وخذيها نصيحه مني لاتبينين لزوجك حبك الجنوني هو عارف انك تحبينه مايحتاج تبينين له كل يوم وكل دقيقه ..خليك طبيعيه راح الله يسهله.. جاك اللله يحيه وقومي بواجباتك تجاهه بدون تقصير..اما انك تجلسين طول الوقت تتلصقين فيه وتتمسحين فيه وتتغزلين وتفرضين عليه طبع مو طبعه وتبينه يصير رومانسي..انتي كذا بتتعبين وفي الاخير بتخسرينه..شوفي كل الزوجات الي مثلك وش سووا فيهم ازواجهم..يااتزوج عليها ياايقلها مني بمرتاح معك...معه حق والله كيف بيرتاح ووحده متلصقه فيه ومخليته محور حياتها يحس كانه مربوط من كله جهه.. بصراحه..معه حق يخلي جواله عالصامت....خلاص يااختي شوفي زوجك وش يبي وش الي يريحه وسويه ..دام اسلوبك مو عاجبه ولامريحه غيري اسلوبك..خففي اتصالاتك اعطيه فرصه يعبر من نفسه بدون ماتفرضين عليه. .اعطيه فرصه يتصل هو ويسأل عنك..واعطيه فرصه يفقدك.. |
بسم الله يمه منكم اكلتونن بقشوري
لا والله انا ثقيله ولا اني غثيثه مااكلمة الا مرتين بالاسبوع وخمس دقايق والباقي الايام رسالة مرة باليوم ... بس انا خفت عليه كل شوي يمرض من البرد وماعنده مناعه ... واذا مارد علي اصيح صياح اخاف صار له شي ومااحد يهتمه ... بس هو مايحس بي |
السلام عليكم ورحمة الله تعالى وبركاته
الأخوات هنا كفوا ووفوا ، ولكن بالفعل من المستفز جداً مقارنة الرجل برجل آخر ، كأنكِ تقولين لزوجكِ أنت فاشل ولست ك ذاك الرجل ، ف يا أختي في الله قبل كل شيء أعرفي أطباع زوجكِ في هذه الفترة واعرفي ماذا يحب وماذا يكره ، وتجنبي مايكرة وتقربي له بما يحب ، وسوف تجدينه كما تريدين . الله يوفقكم يارب . |
جزاكم الله خير ....
ماكلمته ولا كلمن ..ولا اي رسالة حتى الان .. ....وربي اني اشتقت له ...وش اسوي واذا شفت صورته بجوالي اتعذب |
وش علاقة عنوان الموضوع بالموضوع ؟
|
اقتباس:
انا كتبت البداية طبعة ..والمشكله انه زعلان علي عشان قلت له ياليت تغازل عشان تحس وسكر بوجهي وزعلان ..لاني ماكنت بوعي . |
اثقلي عزيزتي
ووفري دموعك لشئ يستاهل التجئ لربك احسني ظنك فيه وهو حيساعدك انت عروسة عزيزتي يعني استمتعي بوقتك قبل مايجو اطفال ان شاء الله عزيزتي... طالعي امك وابوك وخواتك واخوانك اهتمي باي شي وخلي في حاله يمكن مايحب كذا او بيختبرك او بيدلع سيبيه كوني اسئلي عن صحته برسميه او لاتتصلي شويتين بس عندي سؤال ؟ ماكان في في فترة خطوبة |
شكرا ..يام رسيل..
فترة الخطوبة شهر ونص ..كل رسايل وقليل جدا يرسل لي وانا ارسل له .والمكالمة قبل الزواج باسبوعين بس يعني 5 مرات كلمن .. هو لا يحب المكالمات ..ولكن يحب الرسايل |
اختي قرات موضوعك مرتين في بعض الرجال يعبر لزوجتة انة يحبها بالفعل واتوقع زوجك منهم ولاتنسي البيئة الي عاش فيها اغلبنا تربى في بيئة جافة اشوي يعني زوجك من كان عند اهله مو متعود يقول كلام حلو انتي عودية ولاتخلي هالشي يسيطر عليكي
وعموما عادي في كثير ازواجهم ما يعرفوا وعادي جدا لان الرجال بالفعل مو بالكلام يكفي انة كريم ويكفي ويكفي .....) وطبعاً هذا اهم وكلمة ياليت تغازل كلمة قويه جرحتية فيها وخصوصا ماله بهالخرابيط وهذي احلا نعمة ربي اعطاك هيه اعتذري له باي طريقة هو يفضلها الله يوفقكـ يالغلا |
اقتباس:
ابشركم هو راضي عني بس كل شي رسمية :( |
عزيزتي..
نك نيمك اتعبتني دموعي ابد مو حلو ومو لايق البنوتة المفروض تكون دلوعه دايم دام انه يحب الرسايل استغليها فرصة وتقربي بيها والحمد لله انه راضي ...... الله يديمها عليك ويحنن قلبه ويحبك ويتغزل فيك زي ماتبغي دمتي بود (دلوعة زوجها اقترح) |
اقتباس:
هو دايم يقولي غيري طبعك مااحب الدلوعة ولا مدلـلـلة والرسايل انا ارسلة كلام رومانسي وهو مايرد علي واذابغيت حاجة ولا سؤال ارسل له مع كلام رومانسي وهو يرد علي كلمة او كلمتين ...بالعربي هو ماله خلق فين |
اثقلــــــــــــــــــــــي عليه خليه هو اللي يبحث ويسال عنك مو انتي
الثقل صنعه |
حبيبتي اتعبتني دموعي
موضوعك ذكرني بزواجي السابق والله جاتني العبرة كنت متوهمة انه يحبني واقول يمكن مو من طبعه الرومانسية يمكن هو جذي يمكن يمكن يمكن بس بعد سنين اكتشفت انه بالفعل تزوجني لاني بنت زينه واهلي زينين ودينه ويعني من الاخر مناسبة مو عشان حب او ما حب لانه بالاول طبعا ما كان يعرفني بس قلت يمكن مع العشرة يتغير الا طول الوقت تاركني وطالع ويا اصحابه وكنت بالفعل اقارن بين اتصالاته واتصالات زوج اختي اللي كانت تدوم 7 ساعات متواصله واقول ليش انا 5 دقايق بس؟ شوفي اختي انا ما اقول انه ما يحبك الله اعلم بس حطي ببالك اذا انتي مو بقلبه والله مهما سويتي لانه من الاول جايلك وقلبه مسكر تجاهك وجاهز ما اقول الا الله يعينك والله يا جماعة تبين توها متزوجة وشهرين وتشتكي هالشكوى؟؟؟ الله يفرجها عليك |
حياكِ الله أختي الكريمه ..
حقيقة المقارنه كما فعلتِ أبداً لاتصلح .. حتى مع الصغار .. فمابالكِ بالزوج.. ماتعيشين به ربما اقول عنه عادي .. فالشوق والحب والوله والعشق منكِ لأنكِ أنثى ورقيقه .. وحُبكِ له لاولن تستطيعي كتمانه .. فالحب لديكِ بالقول .. بينما هو بالفعل .. تريثي عليه كما قال من قبلي .. ولا تكثري .. لاتبحثي عنه ودعيه هو من يبحث عنكِ .. انتظري ولا تيأسي .. ولا تملي .. سيأتيكِ وستعرفينه فيما بعد ربما .. أسأل الله أن ييسر أمركِ إلى كل خير .. |
حبيبتي .... نصيحتي تقربي من الله كثيييير ادعي والحي بالدعاء وكرري دائماً (اللهم اغنني بحلالك عن حرامك وبفضلك عمن سواك) ربي ييسر أمرك ...
|
اوصيك واوصي باقي اخواتنا المتزوجات والمقبلين ع الزواج بالثقل
بقولك على حاجه .. خصله المرأة انها حنونه ورمانسية بينما خصله الرجال .. الثقل والتروي بيني وبينك اختي انا مثلي مثل باقي الرجال نمشي على مبدأ اذا زاد عن حده ينقلب ضده انا متاكد من بداية معرفتك فيه كان رومانسي ثم رويداً رويداً قلت رومانسيته لين ظهر لك بالشكل هذا مايبادلك بالشيء اللي تبينه .. السبب لانه تبينين حبك له من كلامك طول الوقت , كذا تسلمين امرك له .. حنا معشر الرجال مانحب كذا ابداً مو عيب انو المراة تكون رومانسية مع زوجها بالعكس نبي هالشيء والا وشوله معرسين اجل ؟ لكن العيب انو المرأة تعامل زوجها بكل شيء برومانسية .. كذا ملل ويخلي الرجل تحوم كبده ووده مااعرس ابد حنا نعيب المرأة اللي ترمي نفسها بالكامل لزوجها .. يااختي الرجل اذا كان جاهل في الحب والرومانسية ترى محد يعلم الرجال الرومانسية الا انتم يالحريم حنا نحب البنت الثقيله , ياشيخ انا مستعد اكون خروف وبهيمه وكلب اذا زوجتي ثقيله وتتغنج وتبين حبها بدون كلام متاكد انو زوجك راح بيجيك ويتقرب منك ويسمعك كلام حلو حتى لو كان غشيم في الحب حنا نقطة ضعفنا الثقييييلة بالحيل , تعرف توزن الاحداث على حسب مواقفها , اذا جاء وقت الرومانسية كانت رومانسية .. وتعرف تستغل الرومانسية في افضل حالاتها .. لكن انك تعاملينه طول الوقت برومانسية كذا قلبت مصاخه حلاه الانثى اذا هي تغنجت وتزينت لزوجها وحبيبها , لكن ماتبادر بالرومانسية , تطلب انو الرجل يكون هو المبادر بهالشيء وانا اكتب لك قاعد اتخيل الموقف والله حنا يالرجال نحب نتعذب في هالموقف ونتلذذ فيه خلينا زوجك يحب الرومانسية وانتي لا .. ودايم يحاول فيك يعيشك رومانسية لكن كنتي ماتبين او خلينا نقول انك جاهله .. وبيوم فجأة لقيتي زوجك ماصار يقرب منك او يسمعك كلام حلو لفتره .. لاشعوريا راح بتروحين وبتقربي منه وتطلعي الرومانسية اللي كنتي تجهلينها هههههههه انا متأكد انو زوجك رومانسي , لكن مايبي يكون رومانسي معك لانو حنا الرجال متعقلين نستخدم مشاعرنا في مواضع ونستخدم عقولنا في مواضع , بينما الانثى تستخدم قلبها ومشاعرها لزوجها في كل شيء تبين تتاكدين من كلامي ؟ روحي البسي احسن لبس وتعطري احسن عطر وتزيني له .. واذا دخل زوجك روحي واخدميه اذا طلب منك وخليك ثقيله يعني لاتسولفين معه وتبينه يجلس معك وبنفس الوقت خليك مبسوطه ومبتسمه له .. وبنفس الوقت اشغلي نفسك باي شيء ثاني وخليك اهم شيء خليك بعيده عن زوجك ياشيخه كلها ربع ساعه نص ساعه الا وهو جايك ويتقرب لك خليك ثقيله وبنفس الوقت تزيني له وتاكدي راح بيكون المبادر في الرومانسية .. ياشيخه حنا يالرجال مايقتلنا الا رزناه الانثى وغنجها |
اقتباس:
الحب قطع قلوب البعارين هههههههههههههه ياخيتي مالك الا الصبر لكن جربي تغيرين شخصيتك مؤقتا وشوفي ردة فعله اذا مارجع وسالك ليش ماليش معناته اغسلي ايدك الرجال مب حق رومانسية انا على وشك اغسل ايدي من اللي عندي :d |
هكذا حال الرجال
ان طنشتيه يركض وراك ويقول انتي مقصرة فيني وان ركضتي وراه يطنشك اقول الاسلوب الافضل مع زوجك هو التطنيش واثقلي عليه وشوفي النتيجة |
اختي اسمحيلي اذا هذي شخصيتك ماراح تعيشين لامعه ولا مع غيره
زوج فرش طازة يبي لك صبر وتعب معه حبه حبه عوديه على الرومانسيه ولاتلحين عليه ابي وابي انتي غرقيه حب ورومانسيه ولاتطلبين منه شي ابد صدقيني راح يتغيررر والحياة الزوجيه يبيلها صبررر وتحمل بعض الازواج مايندمجون مع بعض الا بعد سنوات اصبري وانا اختك الصبر زين |
| الساعة الآن 12:13 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©