|
أيهما أفضل حليب صناعي ياأمهات؟
السلام عليكم جميعا00
عندي سؤال ياأمهات واتمنى الاجابه عليه وأسأل الله العظيم ان يجعله ف ميزان حسناتكم00 السؤال00 عندي ولد الله يحفظه راح يكمل ان شاء الله شهرين واتا ارضعه طبيعي :15:وابي اعطيه مع الطبيعي صناعي بس محتاره ايهما افضل من حليب00 (بليميل بلس) او (رونولاك) ماابي غير هذي الاثنين بس محتاره بينها؟ :11: |
أنا من زمان استخدمت لبنتي رونالاك
وسلفتي استخدمت بليميل بلس لولدها.. وكلهم حلوين.. بس واصلي عالطبيعي أفضل..حلي الصناعي وقت العوزة.. وربي يخليه لك.. |
الله يكتب اجرك ديمي 00 والف شكر ع الرد
ان شاءالله راح استمر ع الطبيعي بس ابي اعطيه رضعه ف اليوم صناعي لان ماندري عن ظروف الدنيا وف نفس الوقت ابيه يسمن ويكبر بس مثل ماقلت محتاره بين النوعيين00 |
مبروك النون مع انه صااار شاب كبير ماشاءالله
شوفي حبيبتي لا مقاااارنه ابدا في قيمه الحليب الطبيعي ولا توقفيه تحت اي ظرف ولا مانع من إعطائيه الحليب الصناعي ولا تقل من قيمته اذا احتجتيه عن رونولاك اظنه مافي حديد وكويس في حاله الامساك انا ادرس طب تخصص اوارم الاطفال وماعندي معلومات كثيره عن النوعين هدوول لاني في امريكا |
شكرا الف شكرا arab peart ع الرد والله يعينك ع الغربه00
طيب وش تنصحيني فيه من حليب من خلال دراستك ومعلوماتك وتجاربك00 اتمنى الرد من كل مجرب او صاحب خبره |
حبيبتي ليس لدي علم علي انواع الحليب الصناعي هناك بس هل سمعتي عن NAN1, Bebelac1
شوفي اذا هذا مناسب لطفلك بس أسالي الطبيب لانه لا حليب يتساوي مع حليب الام وهدول يعتبر حليب بقر مجفف |
أنا جربت بليمل بلس بس رقم 3
يعني على السنة وفوق بس فيه حليب عجبني حيييل ووصفه الدكتور لأبني وهو صغير يقول مافيه سكر ومو حالي والحقيقة من بعدها ابني شد عليه وبعد فترة صار يجلس ويسند نفسه بس بعد اسبوعين من استخدامه أنا طبعاً بديت معاه من 2 يعني وقتها كان عمره 6 شهور الحليب اسمه بريميم كير premium care أنصحك فيه وبقوة.. |
شكر ا العقد الفريد ع الرد 00
بس وشلون كان هل يسبب امساك او غازات00 لان (بلميل بلس) و(نورولاك) احسها ممتازه من ناحية الامساك والغازات بس محتاره بينها لاني ابي بصراحه ولدي يسمن لان اخوانه اللي قبله كانوا نحاف بنتي الحين عمرها ثلاث سنوات ونصف وكانت نحيفه استخدمت بلميل بلس من وقت الولاده الى الفطام واخوها عمره سنتين استخدمت له من بعد خمسه شهور الا الحين رنولاك واغير الرقم كلما خلص سته شهور يعني حاليا يشرب روناجرو اما لولدي اللي عمره شهرين بصراحه محتاره ابي اللي يسمن بدون غازات وامساك الحمد لله اخوانه الكبار لاامساك ولا غازات بس كانوا نحفانين |
انا مااعرف عن انواع الحليب التي وضعتي
انا استخدم حليب ابتاميل مره ممتاز ولله الحمد استخدمته لاطفالي وولد اختي استخده واولاد اخو زوجي ولا يوجد لدينا مشاكل ولله الحمد ... اما عن تسمين الطفل فهو مو من الحليب فهي صحه الطفل او على حسب بنية الطفل بعضهم قابل للسمنه وبعضهم لا .. أهم شئ الصحه والعافيه .. |
اسال الله الكريم ان يجعلها ف ميزان حسناتكم كل من افادتني براي او معلومه00
واريييد المزيد00 |
حبيبتي انا برضع بنتي طبيعي ورضعه في اليوم صناعي توها خمسه شهور والحليب اللي بستخدمه وصفو لي استشاري وكل عيال اخواتي بستخدموه لانه ممتاز وجد يسمن بنتي صحتها ماشاء الله مره طيبه انصحك في رهيب مره وبالنسبه لرونلااك كمان رهيب وصفلي هوه في البدايه لانه كان عند بنتي غازات وماشاء الله تمام مره استخدمته الشهور الثلاثه الاولى00
|
شكرا سماري برازيلي ع الرد واسال الله العظيم ان يجعلها قرة عينك00
طيب ممكن اعرف وشو حليب بنتك حاليا00 وهل يسبب امساك او غازاات00 وجزيتي خيراا00 |
اقتباس:
وهو اللي كنت أعطيه بليمل بلس وكان ممتاز معاه لحد ما بدأ ياكل وليته ياكل شي زين إلا يا رز يا مكرونه يا معجنات وكلها تجيب أبو الإمساك لكن إذا عادي ومافيه شي فلا تخافين خذي بريميم كير وراح تدعيلي بالنسبة للنحافة أمرها سهل جداً.. التغذية لها دور والحليب لوحده ما يسمن ... عيالي لحد ما يمشون وبعدها هاتك يا نزول في الوزن ومافي زي المكمل الغذائي فيه فيتامينات وكل اللي يحتاجونه ومع الإستمرار عليه يفتح شهيتهم وياكلون أكثر ويزداد الوزن بس طبعاً النتيجة تبان بعد شهرين أو ثلاثة .. تشوفينهم كأن الشهية انفتحت شوي ومع الإستمرار يزيدون بإذن الله.. لكن عطيهم شهرين واقطعيه أسبوعين ثلاثة ورجعيه وهكذا أفضل فيه عندك سفن سيز مكمل غذائي بزيت كبد الحوت... خليك عليه.. وعطيهم كلهم إلا أبو شهرين هذا اتركيه على جنب.. والمقدار تلاقينه مكتوب على العلبة الله يحفظهم لنا ويخليهم |
اسال الله الكرييم رب العرش العظيم يالعقد الفريد ان يجعل كل حرف كتبتيه لي ف ميزاااااااااااااان
حسنااتك00 ولايهنون الباقين00 |
أفضل رونالاك
حاولي اول ما يبدأ بالاكل يكون عندك صحن معين تعرفين المقدار الي يأكله وكل ساعتين أعطيه وجبه رز مصري مسلوق أو خضار مسلوقه او زبادي وحطي مع الرز وانتي تسلقينه شوي زبده بس مو كل يوم ومع كذا في أطفال قابله اجسامهم للسمنه واطفال لا ولدي الكبير الله يحفظه سبب لي عقده واجهاد نفسي من كثر ما انا حريصه على تغذيته بس للأسف ما في فائده ومع المدرسة تزيد المشكله سوء |
اقتباس:
مايسبب مغص |
| الساعة الآن 05:12 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©