|
لأزوجة ولا مطلقة !!! حسبي الله ونعم الوكيل
السلام عليكم
ياهلا فيكم أن شاءالله تكونون بخير ضايقة فيني وحبيت تشاركوني همي ومشكلتي تدعون لي أو تساعدوني وتفسرون لي حالة زوجي أنا متزوجه من 4سنوات وعندي ولد عمره الان سنتين من سنه ونص صارت مشكلة عادية ورحت أزور أهلي وزوجي ماجاء ياخذني لأنه لإزال زعلان أرسلت له كم مره مايرد علي كلمه أبوي لكن زوجي رفض أحد يتدخل بينا وطنش أبوي مايرد على اتصالاته وأنا مأكلمني ولاشيء المهم طول هالسنه والنص لو أرسل لي شيء فهو عشان أرسل له صور لولدي وإذا قلت له تعال نتفاهم او عطني ورقتي ماعاد رد علي وبعد سنة وشهرين قالي بمر أخذكم وإنسئ اللي صار وطبعا صعبه بعد كل هاللي صار فجأة ارجع معه قلت كان لي مكانة عندك تعال خذني من أهلي و ما رد علي هالإشهر الأخيرة صرت اطلبه الطلاق بشكل رسمي واقوله عطني ورقتي أو بنضطر نروح الشيخ لأني يأست من أنه يجي للتفاهم وللأسف ماالقى منه إلا التطنيش حسبي الله ونعم الوكيل والله مدري ؤش يبي بالضبط لإجاني يكلمني ولاكلم أبوي ولا طلق والله ماودي أكون مطلقة لكن ؤش اسوي هو ماجاء مدري وين كان حبه لي وحنانه علي ! أو كان يعوضني عن الضعف اللي فيه بكلام الحب اللي كان مغرقني به ؟؟؟؟ وأنا متأكدة أن نفسيته تعبانة وانه ميت على ولده يبيه ولكنه صااااااامت وللمعلومية أهله ماتدخلوا أبداااا ولا حتى سألوا عن ولدي وش تفسرون حالته ؟ مريض نفسي ؟ معيون ؟ مسحور ؟ وإلا ايش الله يعافيكم محتاجة آرائكم احنا الان ناوين نوكل محامي لطلب خلع نفسيتي تعبانه تماما وصرت عصبية وماعاد أركز اللهم أني فوضت امري اليك |
الرجااال مالهم امااااان
راح زمن الوفا والامان جا زمن الخياااانه الوحده تدري ان زوجها مايببها وتجلس عشان عياالها اللهريعينك ويعيني ويصبر قلووووبنا ويفرج كروووبنا قولي امين ماحبيت اطلع بدون ما ارد هلحين الحريم بكل مكاان وبلاش بعد بس تعاال الله يصبر قلوووووووبنا قووولي امين |
الله يفرج همك وييسر أمرك عاجلا غير اجل
أختي ممكن بينكم عين أقرى سوره البقرة كل يوم وقولي لاهله خل ولدكم يقراء عشان كذا لاتستعجلين في الطلاق ممكن تعبان أو فيه عين ماتدرين الله يصلح حالكم |
حبيبتي اذا انتي حاسه انه يحبك روحي انتي الى بيتك وقول له لاني بقيه عليك جيت بنفسي عشان نتفاهم ومابين الزوجين اذا كانو بحبون بعض من الي يتنازل وتفاهمي معه حسيتي انه بقي على العشره ويبقاش انتي ولده خليك في بيتك حسيتي غيركذه ارجعي الى بيت اهلك وطلبي اطلاق ولا تضني انه هذا ينزل من كرامتك بلعكس اذا كان زوجك يحبك وولد اصول ريح ينضرلك بنضره انك انسانه حكيمه وفعلان تحبينه وكانه ماقدر هذا التضحيه ريح تكوني جدام نفسك وجدامه وجدام الناس سويتي الى عليك والله يسويه الى فيه الخير اذا كانت رجعتك فيه صلح لك وله وعس تكرهو شياء وهوخير لكم
|
الله يجزاكم خير ويفرج هم كل مهموم
صحيح فيه عين وصار له سنتين محافظ على صلاة الليل وقراءة يومية للقرآن لكن العين جت له قبل الزواج وبعد الزواج الله اغلم |
أنوار المنتدي
والله الصراحه حياتي عند أهلي أفضل من حياتي معه غير أني طابت نفسي منه وكرهته ولو أني حاولت كثير اتصلت وأرسلت بس مايرد علي كيف اروح له وهو مايرد |
أدخلي طرف للصلح وللحكم بينكم
وذلك بعد معرفة الأسباب وراء تلك الزعلة ودوافعها أعانك الله |
الرسمي
صحيح هذا المفروض لكن هو زعلته الحين كبرت لأن الوالد تدخل فمابالك بطرف ثاني عموما وصينا زميل له يكلمه يشوف ؤش طلباته مشكورين جميعا |
وبعد سنة وشهرين قالي بمر أخذكم وإنسئ اللي صار
وطبعا صعبه بعد كل هاللي صار فجأة ارجع معه قلت كان لي مكانة عندك تعال خذني من أهلي و ما رد علي هو قال بيجي ياخذكم وينسى الي صار...وقلتي صعبه ارجع معه فجأه..وفي نفس الوقت تقولين له كان لي مكانه عندك تعال خذني..يعني انتي رفضتي اول مره لما قالك بجي اخدك من بيت اهلك بحجة انك ماتبين ترجعين فجأه؟؟ |
يمكن زوجك يبيك انتي ترجعين بنفسك...خصوصا لو انتي الغلطانه في المشكله.
|
بالنسبة للمشكله الأولى هو والله الغلطان
لكنه أكيد يشوف أنه هو الصح وأنا الغلطانه ايه يبيني البس عبايتي وارجع معه كيف ارجع بدون مايدخل للبيت يكلم أبوي ؟ لو كان فعلا يبيني دخل البيت صح وإلا لا لكنه رافض تماما حتى يوم جا يشوف ولده شافه عند باب بيتنا ورفض يدخل |
طيب تتوقعي انه متزوج ..!*
|
حبييتي الرجال ماتعندينه هو يعتبرها عناد
لكن اذا رجعتي بنفسك ريح يتقير كل حاجه هو شكله ما يبقه يطلقك لكن اذا انتي ما تبقيه هذي جاجه ثاني |
لمسة ناعمة
والله مأاعتقد .. مشكورة على المشاركة أنوار المنتدي حاولت كثير معه ماطلعت بنتئجة فكرهته بسبب تصرفاته |
وعليكم السلام ورحمة الله وبركاته
اختي من خلال ردودك على الاخوات استوقفتني جملة (وجدت الحياة ببيت اهلي افضل من الحياة معه) هل كانت بينكم مشاكل كبرى او هل كان يعاني من شيء ما لم تذكريه خلال حياتك معه ؟؟؟؟؟؟ ثم غاليتي انا لا اوافقك الرأي ابدا لو ان الحياة في بيت الاهل افضل لما وجدتنا ندعو الله ان يرزقنا الازواج الصالحين وننتظر ونتأمل ونرجو الله سبحانه ونطلب الدعاء من الجميع لنا بالازواج الصالحين ارجوكي ان تفكري بكلامي هذا ولا تكذبي على نفسك لكي تهدأ وتسكن بان الحياة عند اهلك افضل حسب ما استوحيته من سطورك ان زوجك من الصنف العنيد الذي لا ينجح معه العناد من الطرف المقابل بل لا ينجح معه سوى الرفق واللين ومحاولة الطلب بطريقة حلوة ومريحة عليكي ان تطلبي من الوالد حفظه الله ان يطلب من والد زوجك اللقاء او من اخوه الكبير ان لم يكن والده حي وتجعلي الوالد يفهمه انك لا تريدين الطلاق واعتب عليكي غاليتي لماذا لم تبادري انت وتتصلي باخته الاقرب لنفسه او امه بكل الاحوال حاولي ذلك الان واخبريها انك لا تريدين الطلاق وانك لازلتي على العهد وتنتظرينه لكن فقط تريدين منه ان يدخل ويسلم على الوالد ويأخذك اما بالنسبة لانك كرهتيه فهذا ليس واضح ابدا من عباراتك بل كرهتي تصرفه هذا وهذا الشعور سينجلي تماما بعد ان تريه وتتحدثي معه وتعود المياه لمجاريها اسأل الله سبحانه ان يختار لك الخير ويرضيكي به اكثري اختي من الاستخارة والدعاء واقرأي اي سورة من القرأن ينشرح لها صدرك قبل القيام بأي مبادرة فرج الله همك والهمك لما فيه خيرك وخير زوجك وطفلك الحبيب اختك في الله ينبوع العطاء |
السلام عليكم ورحمة الله وبركاته
اختي الكريمة موضوعك فيه الكثير من السلبية في التعاطي مع المشكلة سواء من طرفه وأهله أو من طرف أهلك. توقفي عن ارسال رسائل الاستجداء وليكن لكم موقف حاسم. أطلبي من والدك ان يتصل على كبير العائلة عنده سواء كان أخ او أب. وليحدد كل طرف ما له وما عليه وبعدها إما إمساك بمعروف أو تسريح بإحسان. إن استمر على سلبيته عندها ليس لديك خيار غير المحكمة. بالتوفيق ان شاء الله. |
اقتباس:
|
سنه وشهرين وانتي في بيت اهلك...اكيد فيه مشكله كبيره بينكم واكيد زوجك مازعل كل هذا الزعل من شي بسيط..خصوصا انه انتي تطلبين منه يرجعك وهو رافض لو كان الغلط منه 100 % ماكان طلبتيه يرجعك..
اختي ياليت توضحين الامور أكثر من كذا...لان مو معقول زوجك زعلان اكثر من سنه اكيد فيه شي انتي ماذكرتيه ....اختي انتي هنا مجهولة الهويه ولااحد يعرفك شخصيا..الافضل ان توضحين مشكلتك بالتفصيل..ووضحي سبب زعل زوجك.. وبالنسبه للحياه في بيت اهلك..انتي قلتي انها افضل من الحياه عنده...يااختي لو كانت فعلا افضل من الحياه عند زوجك ماكان اخترتي لنفسك هذا المعرف<<حالتي صعبه>> صح ولالا؟؟ هي ممكن تكون عند الاهل افضل فقط من ناحية المسؤليات يعني اهلك شايلين عنك مسؤلية بيت وتنظيف وطبخ وطلبات زوج وجالسه عندهم ومخدومه...لذلك ترينها افضل لكن من الناحيه النفسيه مااعتقد مرتاحه.. |
ينبوع العطاء
الشكر لك قلت حياتي أفضل عند أهلي لأني ماكنت أشعر أني متزوجة بسبب أنه يشكو من ضعف وصبرت عليه ولو أنه كان شعور قاتل أن الزوجة تحس بان زوجها ماله رغبة فيها هذا غير أنه شديد بزيادة معي في أشياء كثيرة لدرجة أنه مسبب لي رعب وبألنسبه لوالده متوفي ولأنه رافض أحد يتدخل مأكلمنا أخوه الكبير كلمنا أمه مرتين نطلبها أنه فقط يجي للتفاهم ولكنه رفض أحد يتدخل جزاك الله كل الخير مرجأنه المشكله اللي سببت كل هالهجر (سنة ونصف) هي رفضه أن أي شخص ولو كان أخوه أنه يتدخل بينا وفي نفس الوقت مأكلمني ولايرد على طلبي بالتفاهم أو الانفصال وحاليا صار لي شهرين مأارسلت له شيء وبعد مايأسنا منه لجانا للمحكمة أشكر لك تفاعلك وجزاك الله خير ليه الغرور؟ أشكر لك تفاعلك لعلك تجدين أجابتي على أسئلتك في ردودي على الاعضاء. ينبوع العطاء ومرجانة بالنسبة للمعرف أنا سجلت هنا قبل مأاتزوج وفقك لله لما تحبين وإعطاك ماتتمنين |
السلام عليكم ورحمة الله تعالى وبركاته
أختي في الله ارجوا إيضاح الأسباب الرئيسة التي أدت إلى هذا الخصام الغريب ، لكي نُفيدكِ بالمشورة والنصيحة . كل التقدير . |
وؤعليكم السلام ورحمة الله وبركاته
مشكلة اعتبرها صغيرة هو بدأ فيها والأكيد كان معتبرني غلطانة رحت أزور أهلي وما جاء يأخذني وهذي ثالث مرة يزعل ويتركني لما اعتذر عشان يرجعني والوالد قال هالمرة أبيه يجي اكلمه حتى يتأدب. ويصلح بينا ولأن الوالد تدخل هو انتكس ورفض رفض تام أي تدخل من أي شخص مهما كان ولو أنه كان يحترم أهلي كلهم بدرجة كبيرة الشكر لك أخوئ |
راجعت ردودوك بس ما ذكرتي سبب المشكله..الرئيسي ..وكل الي قلتيه انه سبب المشكله الي خلته يهجرك سنه انه رافض اي احد يتدخل هذا مو سبب يااختي...اذكري المشكله نفسها والموقف الي خلاه يزعل كل هذا الزعل,,,عشان نعرف من فيكم الغلطان..يعني قبل لاتروحين بيت اهلك وش الي حصل بينكم ؟؟ ياليت توضحين لان مشكلتك مش واضحه..
|
اقتباس:
عموما.مهما كانت المشكله وكان هو الغلطان . ليش ماتجربين تروحين بيت بنفسك..يعني خلي ابوك يوديك بيتك وقبلها ارسليله رساله وخبريه انك جايه البيت..معليش تعالي على نفسك شوي ..عشان الطفل الي بينكم حرام كبر ولدك وهو مايعرف ابوه... واذا اتكررت المشكله مره ثانيه وقتها قرري القرار المناسب.. |
والله مشكلة انحرج أقولها لشدة صغرها
هو يبيني مثل كل مره اعتذر له عشان يرجعني لكن الوالد قال أبي اكلمه واتفاهم معه حتى أصلح بينكم وصار أبوي يتصل عليه ويرسل وزوجي مايرد. عليه وشافه مرتين وسلم عليه وطلبه يجي نتفاهم أو يطلق لكن زوجي قال خير أن شاءالله وراح وترك أبوي |
اقتباس:
هذا وانتي ما حبيتي تطلعين بدون رد اجل لو كنتي ناويه تردين رد معتبر كان وش بيكون الله المستعان تحياتي |
اقتباس:
انصحك اذا كنتي غلطانه تعتذرين منه تروحين لبيتك بنفسك وتفتحين صفحه جديده. مو عشان زوجك ولاعشانك.عشان ولدك.. |
ليه الغرور
أنا ماطلعت من البيت زعلانة. لأن المشكلة بدت تهدأ لكن هو كان طالع وبيتأخر وكان يوم خميس قلت له إذا بتتأخر أروح لأهلي قال روحي وبعدها أرسلت رسائل مايرد علي لأن شكله زعلان وهو إذا زعل يكتم ومايكلمني أبدا لما أجي أقوله أسفه كنت أقدر اعتذر وأرجع لكن لأن هذي مو أول مره يتركني عند أهلي وهو زعلان قال الوالد هالمره بتفاهم معه لكن الان بعد سنه ونص. وبعد كل هالتطنيش لي ولابوي هل هو شخص يستحق أني أروح له واعتذر وأرجع ؟؟ أشكرررر لك تفاعلك معي |
اقتباس:
اولا...بخصوص انه يستحق انك تعتذرين او مايستحق هذا الشي الي مااعرفه ولااحد فينا هنا يعرفه ومانقدر نحكم لانك انتي ماوضحتي وش الموقف الي صار بينكم والي خلاه يزعل..عشان نحكم عليه هل هو يستحق الاعتذار او لا...والا الان محد عارف من فيكم الغلطان..؟؟ ثانيا..انتي اجلسي مع نفسك... هل انتي غلطانه واذا كانت نسبة الغلط عليك اكثر من 50% معناه انه لازم تروحين بيتك..واذا ماتبين تعتذرين مو لازم الاعتذار اهم شي ترجعين لبيتك وتخلين ولدك يعيش بين ام وأب مثله مثل اي طفل..لان ولدك صار عمره سنتين وبدأ يفهم.. واذا كان زوجك معند حتى لو كان هو الغلطان ..حاولي تضغطين على نفسك وتتنازلين وترجعين بنفسك..بس اذا تكرر غلطه عليك وقتها تقررين باي قرار ايريحك.. واتمنى تراجعين حياتك مع زوجك..وتشوفين وين الغلط فيه..يمكن انتي عنيده..اواسلوبك فيه غلط.. انا مااحط الغلط عليك بس هذي كلها احتمالات..خصوصا انه تارك سنه كامله.. |
:* كلام ليه الغرور لاغبار عليه خُذي بنصيحتها :* |
حبيبتي تفاعلت مع قصتك
وكلام ليه الغرور صح مليون في الميه وش الطلاق ترضين الشيطان شوفي يالغاليه إذا زوجك مو بخيل ولا يضربك ولا راعي خرابيط وخيانات نصيحه من أختك لاتخلينه وترضين الشيطان الطلاق مو حل والله ضرر عليك وعلى ولدك إمسكي بيتك وأنتي طلعتي منه مو أهو طلعك ولا طردك شوفي قصص المنتدى تعرفين أن في رجال أعظم من زوجك وواضح أنه رجال وكلام ابوك له جرح رجولته لو أنه مو شاريك كان طلقك وش يصبره سنه وإلا تزوج والله مكثر البنات صدقيني روحي لبيتك وقولي أنا راجعه للبيت وإلي مثل كذا راح يقدر رجعتك له وبعدين أهله غريبين له ماتدخلو واضح أنه رافض تدخلهم وكبر في راسه تدخل أهلك لاتفرحين الشيطان وأبعدى عن المحاكم والله الطلاق مافيه خير وبصراحه أنتي غلطانه الوحده مهما كان أي مشكله ماتطلع من بيتها قويه في النفس الطلعه من البيت اقتباس:
بس ماشاءالله واضح أنه يحبك وإلا مستحيل يصبر سنه ونصف أشوف الرجال من أول شهرين معه عروس جديده لو أنه غلطان الله يصلح مابينكم |
مشكورررين جميعا على وقفتكم معي
وأكيد راح أخذ بمشورتكم والله يكتب اللي فيه الخير الله يجزاكم خيرررر الجزاء ويحقق لكم ماتتمنون |
وش صار معك؟
|
الله يفرج همكِ أختي الفاضلة والزمي صلاة الاستخارة في كل أموركِ قبل اتخاذ أي قرار مصيري وفكري بدل المرة ألف وربي يصلح الحال وتحصني بالأذكار وقراءة البقرة وربي يسهل دربكِ |
| الساعة الآن 12:49 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©