|
بعد طرده لي لسبب لاذنب لي فيه خرجت معه دون علم أهلي(حلت المشكله بالرد 153)
السلام عليكم
مالي بالمقدمات بدخل بالموضوع على طول انا متزوجه من سنتين ونص تقريبا ولاعندي اطفال والحمدلله كنت مرتاحه ولاكان فيه شي معكر حياتنا انا ماخذه ولد عمتي وامي وعمتي كانت علاقتهم لاباس فيها صح كان فيها مشاكل بس كانت ماشيه الى شهر سبعه فتفاجئنا بان ابوي خطب والي خطب لابوي عمتي ام زوجي هنا بدات المشاكل امي راحت لعمتي وبهذلتها وسوت معها مشكله مالها نهايه هنا زوجي ماتحمل اهانت امه فبكل بساطه طردني من البيت بعد مابهذلني علشان يرد كرامة امه طبعا امي وابوي الى هذا اليوم مايتقابلون او يكلمون بعض وابوي معاد دخل البيت تركه لنا انا واخواني وامي لان هذا شرط امي عليه وهو سكن مع عروسته في بيت ثاني بعيد شوي من بيتنا كانت هذي هي سبب المشكله مع زوجي حاولت كثير اني اكلمه بس مافيه فايده كنت احبه لاني عشت معه سنتين ونص عمره ماقل ادبه علي اورفض لي طلب الى ان جا اول اسبوع في شهر 11 كلمني وقالي لازم اقابلك ونتفاهم ولاابي احد يعرف علشان نتفق على كل شي بعدين نعلمهم طبعا انا من غبائي قلت له ابشر ولا علمت لاحد من اهلي بالموضوع لاني كنت احبه وابي الامور ترجع مثل ماكانت خصوصا ان واحد من اخواني قاعدلي قعده في الروحه وفي الجيه طفشني كله يفتش جوالي طبعا بعد ماخذ البلاك مني وقالي مارجعه لك الا اذا رجعتي لزوجك فكنت ابي الفكه واتفقت معه يجي ياخذني من الجامعه ويرجعني قبل نهاية الدوام اخذني على فندق قالي علشان ناخذ راحتنا بالكلام والنقاش وانا صدقته وفعلا تناقشنا واتفقنا وقال هو كلام كثير وانه متحسف على الي صار بس كان غصبن عنه وحاول يتقرب مني ومن هالكلام الين صار الي صار بعدها رجعني على الجامعه وقالي بجي في الليل واتفاهم مع اهلك ولاكن للاسف لاجا ولاتصل ولايرد على اتصالاتي ولارسايلي وانا صراحه حسيته يلعب فيني فقررت اسحب عليه ولاعاد اكلمه بس انا بديت اشك بنفسي من اسبوعين احس اني مو طبيعيه صداع وغثيان وحللت تحليل منزلي وللاسف طلعت حامل فالبدايه فرحت وقلت اكيد اذا عرف بيجي بس الي صار ارسلت له مسج وقلت له اني حامل ولازم يتصرف بسرعه رد علي وقال جلستي عندي سنتين ونص ماحملتي الا من هذاك اليوم العبي علي غيري واذا فعلا حامل انتي متاكده اني انا ابوه ولاعاد رد على مسجاتي والله لو يوصل هالكلام لاخواني ان يذبحوني قبل يتاكدون وانا مو عارفه وش اسوي امي ماقدر اقولها لانها بتحرض اخواني علي وعلاقتي مع امي اشوي متوتره وهو موراضي يرد علي ولاعندي اخوات الا وحده بس صغيره في المتوسط اسفه كلامي ملخبط بس مو عارفه كيف اتصرف الله يوفقكم بلا تجريح الي ماعنده يحل يدعيلي |
ارسلي له مسج وقولي له فحص الدي آن ايه يكشف ان كان ولدك ام لا
وام كنت خنتك ام لا حملتي لانك كنتي بعيده عنه لان لكم فتره بعاد عن بعض اخبريه بطلب فحص الدي آن ايه يكشف كل شي لازم تخبري احد اقل واحد تقدري تتفاهمي معه اقري سورة البقره وآية الكرسي كثيرا قبل ان تتكلمي معه اكثري من سورة الكهف كل يوم |
عليك أن تخبري عمتك بكل ما جرى حسب ما أظن ، المشكلة بين أمك و عمتك و أبوك ، أنت وزوجك لما عليكما أن تكون في النزاع؟
|
حبيبتي انتي ماسويتي غلط يوم رحتي معه من الجامعه هذا زوجك عادي بس لا يدرون امك واخوانك بالشي هذا علشان ماتجيبين لنفسك مشكله ثانيه وانتي الحين قوليلهم اني تعبانه ابي اروح المستشفى ومن هناك يعرفون انك حامل والمفروض يوم صارت المشاكل بين امك وعمتك كان قولتي لزوجك انا وأنت مالنا دخل في مشاكلهم نمشي حياتنا عادي ونحاول الإصلاح قدر المستطاع بس ما نتأثر بهم الله يعينك ولاتنسين الإستغفار وصلاة الليل والدعاء حبيبتي كان الله في عونك
|
اقتباس:
بس هو مو مصدقني اني حاملوعلشان كذا قال هالكلام وانا خايفه من اخواني والله العظيم قبل يتاكدون يقطعوني اقتباس:
ومن ناحية مالنا علاقه فاكيد مالنا علاقه بس زوجي هو الي دخلنا بالمشكله غصب |
لا اله الا الله .............. يعني زوجته عشرة عمر هو واياها مايدري هي شريفة او لا وبنت خاله ولايعرف هي شريفة او لا ويشك فيها على طول .............. وبعدين قولي له الحالة النفسية لها دور كبير في الحمل يمكن وقت مااخذك للفندق انتي كنتي سعيدة ومتفائلة انكم ترجعون لبعض ..............
وقولي اذا تشك بشرفي ليه تزوجتني وامنتني على بيتك وعرضك .........واسمحيلي امك انانيه ليش تتهجم على حماتها وانتي ماخذه ولدها .........الله يسامحها ويهدي الوضع بينك وبين زوجك |
مادري احس هالامور يبيله تدخل الاهل لانه القضيه نسب وطفل يعني بالعربي خليه يجي هو وابوه وانتي جيبي ابوك لازم يتدخل واذا انكر سوي تحليل الدي ان ايه هذا شرف مو لعبه
|
اقتباس:
وانا عند اهلي من ست شهور واطلع الحين حامل بشهرين كيف تجي وزوجي هو الي دخلنا بالمشكله قسم بالله ماتكلمت ولاقلت شي هو جا البيت وبهذلني وطردني |
يالله لك شهرين حامل وساكته
يااختي قولي لاهلك وعمتك لاتسكتين السكوت مو بصالحك تصرفي بأسرع وقت |
اقتباس:
وادري امي انانيه سوت مشكله كبيره احس مالها حل اقتباس:
|
اقتباس:
بس تاكدت قبل اسبوع بتحليل منزلي |
لا بد من إثبات خروجك معه ودليل على حجز الاوتيل ..
تأكدي من االاوتيل نفسه .. وبالاسم وفي اي تاريخ خروجكم مع بعض.. وتاريخ الحمل ... كلمي من تثقين به .. لتصلي معه للدليل.. والباقي سهل .. |
ياقلبي ياندو بجد تاثرت بقصتك ربي يفرج همك اسمعي اهم شي تقربي من ربي وادعي وصلي اخر اليل وربي ماتاخد من وقتك وادعي انو ربي يحنن قلبه عليك هذا اول شي
تاني شي قوي نفسك وكلمي ابوك صدقيني اذا وصل الكلام لرجال راح ينحل موضوعك حتى لو علاقتك مع ابوك متوترة بس احس انو ابوك وزوجك متفقين المهم قولي له انو وعدني يتفاهم معي ونحل موضوعنا وانو بيجي بليل عشان يتفاهم معك عشان كذا وافقت اخرج معه ماابي اطلق ولا تجيبي سيرة لامك اتوقع امك من الحرة بتقول لااخوانك والله يعلم ايش راح يصير لك المهم خلي الكلام بينك وبين ابوك ودخلي عمتك بالموضوع صدقيني مو من صالحك انو امك تدري امك شايلتها العزة وماراح تكلمهم عشان يرجعك واخوانك بصفها حلي موضوعك مع ابوك وعمتك وبنسبه لشرفك قولي له زي ماقالو الاخوات قبلي سوي تحليل وتاكد الله يسهل امرك ويفرج همك والمسلمين اجمعين ويحنن قلبه عليك |
ضروري تقولي لأبوك وبدون تأخير هذا شرف مو لعبة اليوم لو استطعت كلمي أبوك انت حامل في شهرين يعني راح الحمل يبان وإيش بيكون.موقفك. . قلبي معاك أختي بجد تأثرت من مشكلتك مابين أنانية الأم ولا نذالة الزوج يارب عفوك
|
يا اختي ندى السكوت مو بصالحك تعرفي ليش؟؟
لانه لاسمح الله بيسبب لك شك من احد اخوانك او امك ؟ احسن حل لاثبات الدليل ... هو حل الاخت شقر55ديه لتثبتي لاهلك اذا صار شك .... وحاولي انك تكلمي ابوكي لكن استخيري قبل ابوكي هو اكثر انسان ممكن يتفهم وضعك لانه هو الي كان السبب بالوضع المحرج الي انحطيتي فيه |
اووووه معليش حبيبتي ماادري كنت احسب توك طالعه من شهرين أجل تدرين لازم تكلمي ابوك وتوضحين له السالفه كامله ومو يعني ابوك مايكلمكم ولا يجي عندكم انه مايبيكم او يكرهكم مافي أب كذا بس تلاقينه مايبي مشاكل مع امك وامك المفروض ماتكون أنانيه ماتفكر إلا في نفسها ومعليش على الكلمه هذه بس المفروض تشوف مصلحة بنتها قبل كل شي
|
كلمي ابوك وجه لوجه وعلميه باللي صار من والى واتهامه لك وكل شي
وان شاء الله يوقف معك ويصير خير |
السلام عليكم ورحمة الله تعالى وبركاته
ياندى لماذا تصعبين الموضوع وهو سهلُ جداً ، أذهبي إلى أمك وقولي بها بالتفصيل ماذا حدث بينكِ وبين زوجكِ ، وقولي لها بأن هو طلب منكِ ان تخرُجي من الجامعة ، وحينها لم تستطيعي الرفض خصوصاً بأنه قال لكِ بأنه يريد التصالح والمفاهمة بشأن ماحدث بينكم ، ومن ثم صارحيها باللذي حدث لاحرج من هذا امام والدتك فهذا زوجك ومن حقه أن يعاشرك ، ومن ثم أمكِ سوف تتفاهم مع أخوتكِ بطريقتها . أما بالنسبة لزوجك ف علية بأن يحترم نفسة ، وعلية بأن يستعيذ من الشيطان ، وأن لايجعل للشيطان مدخلاً ، وأخبرية بأنكِ على تربية حسنة وعلى مستوى أخلاقي وديني ، وأحلفي له بأيمان مغلضة وبكل ثقة وقوة بأنكِ " أشرف من الشرف " فإن لم يصدق قولي له بالفم المليان أذهب وأكشف ( دي إن ايه ) ولكن إن تبين صحة كلامي ف والله لن أسامحك طيلة حياتي . كوني على قدر من القوة والثقة صدقيني سوف يحس بثقتك . كل التقدير . |
ياشقرديه ياليت اسوي كذا
بس المشكله الفندق الي روحنا فيه خويه يشتغل بالرسبشن وعطاه غرفه مدة ثلاث ساعات ببلاش وبدون حجز طيب لو كلمت ابوي وش اقوله من ناحية اقابله مستحيل لان امي مانعه انه يجي البيت فبيكون اتصال بيني وبينه بس كيف ابدى ووش اقوله ومدري وش بتكون ردة فعله |
اقتباس:
امي انسانه عصبيه جدا ومو متفهمه خصوصا انها ماخذه موقف مني وتقول كان عندك علم بخطوبة ابوك وانا والله مادري بس هي مومصدقتني وكل حركاتي محسوبه عندها على بالها اني ضدها والله اني انجرحت مثلها ولاكنت اتمنى ابوي ياخذ غيرها ويجرحها بس مو مصدقتني وامي رافضه الصلح مع زوجي تقول الي جابها يجيب عشره غيره من ناحية زوجي اكيد ماني مسامحته على هالكلام بس مابيه يعرف بهذا الشي الا بعد ماينتهي موضوعي |
والله موضوعك مؤثر وأنتي ماغلطتي وش تسوين
الله يكون في عونك ويسخر لك أنتي ضحيه زواج أبوك وإلا أنتي مالك ذنب وحده طالعه مع زوجها مااتوقع فيها غلط |
ملامح قمر والله عارفه اني ماغلطت
لاكن اخواني بيشوفون اني ارتكبت جريمه |
ندى
ترى خوفك هو الي بيضيعك لان مالة مبرر؟؟؟؟ انتي خرجتي مع زوجك ؟؟ لية كل هالخوف من اخوانك .؟ يعني لو زوجك قال لك ارجعي البيت بتخافي من اخوانك هو بالاول والاخير زووووووووووووجك لية هالخوف منك ؟ ثقي بنفسك وانتي ماغلطتي واخوانك مالهم حق لانة زوجك صح كلامة يدل علي حقارة اسفة بس هالواقع لانة يشكك فيك بس لو شرعا زوجك ومااقترفتي اثم ؟ |
ندى
انتي اللي سويتيه مو غلط هذا زوجك بس سبحان الله عندنا المجتمع يشوفها خطأ واكيد راح يزعلون اخوانك وامك بس الحين اول شي بلغي ابوكي وحاولي تستعطفينه واترجيه انه مايبلغ اخوانك وامك عشان يكلم ولد اخته وترجع الامور لطبيعتها باذن الله |
والله لوتعرفون طبع اخواني ماتلومني لما اخاف منهم
وانا بروح الحين اكلم ابوي وبشوف وش نهايتها بس جتني فكره مدري صح او غلط فكرت ارسله مسج واقوله اني بتصل على ابوي وافهمه السالفه كلها واشوف يمكن يرد علي او اطنشه وكلم ابوي |
انا اشوف تكلمي ابوكي
اخاف ترجعي كذا ويشكك في اللي ببطنك خلااااااااااااص لازم ابوكي يعرف |
ليــــــــش خااااايفه ؟؟؟
وين الغلط اللي سويتيه عشان تخافين انتي ماقدرتي توصلين لزوجك خلاص كلمي ابوك وقولي له السالفه هو يقدر يوصله ويتفاهم معاه , , لا تسكتين اكثر من كذا .. الله يفرج همك وينصرك من جد احسك انظلمتي استعيني بالله واكثري من ذكر الله وبأذن الله يتسهل امرك |
الوقت ليس في صالحك
أنصحك بمكالمة عمتك عاجلا و إخبارها بكل ماحدث |
ابنتي الكريمة :
أسال الله العلي القدير ان ييسر امركم ويبعد عنكم شياطين الجن والإنس. هذه القضية ذات أطراف متعددة وفيها أمور كبيرة منها قطيعة الرحم ومنها تشتيت أسرتين أسرة والدك وأسرة زوجك وانت. لم يتسم أطراف العلاقة بالحكمةولم يكن فيهم ذا حكمة يكون حجر الميزان بين الجميع وكان من المتوقع أن يكون والدك هو الأخ والزوج ووالد الزوجة وخال الزوج أن يكون عامود الخيمة التي تظلل على الجميع ولم يفعل وهذه مسؤوليته ويجب أن يقوم بها ولو ذكرتيه بها وأثرتي حماسه بعدم قطيعة الرحم فسيقوم بها وسأخبرك بالطريقة لاحقاً الآن أرجو تنفيذ هذا التمرين بشكل سريع أغلقي على مشاعرك فكري بهدوء وأكتبي مايلي : 1- والدي هو المسؤول عني بعد تخلي زوجي . 2- والدي خال زوجي و أخ عمتي التي هي والدة زوجي. 3- والدي هو زوج أمي ولو خصل بينهم ما حصل. 4- يجب أن يتصرف والدي من موقع مسؤوليته عن شرف ابنته وخطأ ابن أخته. 5- لو تخلى عني والدي عناداً بأمي فسأبحث عن أحد أفراد العائلة العقلاء من خال أو عم . 6- سأضغط على زوجي بأن نتائج رفضه لحملي ستكون فيها قطيعة رحم وعداوات ومصاءب تعود عليه هو أولاً. 7- إذا لم يستجب زوجي ولا والدي فسأتحمل المسؤولية وأوقف زوجي عند حده عبر المحكمة فقد رضي الجميع بالفضيحة فلن أكون الاسفنجة اللينة بين الجميع. 8- سأفصل موضوع والدي ووالدتي وأمي وعمتي عن موضوعي فهم كبار وأخطؤوا ويجب على كل إنسان أن يتحمل غلطه. 9- يجب أن أرفض تحمل مسؤولية خطأ غيري. 10- إذا أخبرت والدي فالموضوع بيده وسيتصرف. أكتبي هذه الجمل واقرئيها ثلاث مرات امام المرآة . ثم أكتبي نتائج هذا التمرين على نفسك. |
أختي بارك الله فيك .. بعد ردة فعل زوجك, يجب أن يكون حديثك مع والدك فقط, لكي لا تتأزم الأمور أكثر مما هي عليه. أتصلي بوالدك فورا. وأخبريه أن يصطحبك غدا من الجامعة .. وأشرحي له الوضع بكافة تفاصيله. وأنت تشرحين كوني واثقة و تحدثي بنغمة هادئة وأحرصي على إنتقاء جمل مناسبة. - وضحي له أن ردة فعل زوجك أقلقتك قليلا .. وتتمنين أن يتدخل هو لتعود المياة لمجاريها. - وضحي له أن تصرفاته -والدك- تؤثر على الأسرة باكملها. وأنك أكثر من سيتضرر بحكم التداخل الأسري .. لكن ثقتك فيه كبيرة فهو الأعقل والأكثر حكمة والأعظم مقدرة على العفو والتسامح. نقطة جانبية :: أحرصي على اخراج أمك و عمتك من الموضوع نهائيا نهائيا نهائيا. وأن تحدثن معك في الموضوع كوني غامضة وحذرة. لا أشكك في نواياهن لكنني متأكدة أن المشاكل العائلية أخذت نصيبها الوافر منهن. |
سلام عليكم اختي الكريمة ندى
هذه ليست اول قصة نطلع عليها هنااااا بان يخرج الزوج زوجته من بيتها لاسباب تكون تافهة في اغلب الاحيان، وبعد فطرة تلح عليه شهوتهفيحتال على الزوجة ليقضى منها وتره في الخفاء،بدون علم الاهل، ولان المراة يطغى عليها الجانب العاطفي وتكون راغبة في الصلح مع الزوج فتضعف امامه في لحظة ما ،ويحصل ما حصل معك اختي لااعلم كيف يفكر مثل زوجك؟كيف يسمح لنفسه بان يطردك بدون ذنب منك،وانت زوجته وابنة خاله وتربط بينكم صلة رحم، لو كان رجل بمعنى الكلمة ماقام بهذه الاعمال واذيتك بدون ذنب،واستغلالك لقضاء شهوته وبعدها يتهمك في شرفك ويتجاهلك ،،ياالله اهذه القوامة التي وضعها الله في يدي الرجال..... لاحول ولاقوة الابالله العلي العظيم _اول خطوة لاتتكتمي على ماقام به معك ،فاليعلم اهلك واهله بما قام به معك _اطلبي من عمتك ان تذهب معك للدكتور وللتتاكد انك حامل بعدا اخبريها ماذا فعل ابنها وكيف كانت نتيجته _اخبريها ان ابنها لايعترف بهذا الحمل بعد ما استغلك وقضى وتره منك وانه عن طريق تحليل الدي ان تستطيعي اثبات ان ابنها هو والد الجنين _حاولي ان تكسبي والدك الى جانبك وليواجه زوجك بما قام به خلسة كاللصوص ويطلب منه ان يكون مسؤول عن فعلته التي لم تكن مجرج قضاء شهوة ولاكن كان لها تبعات عليك وعلى ابنك مستقبلا _انت اخطات بخرجك بدن علم اهلك فاعتذري عن هذه النقطة، ولاكن لم ترتكبي جرم او خطيئة لانه زوجك من سلمتي له نفسك اذا ثقي بنفسك ودافعي عن حقك وحق ابنك مستقبلا واضغطي على زوجك بكل الطرق ليعترف بما قام به وببنوة ابنه واخبريه انك واثقة من نفسك وانك تستطيعي اثبات نسبه عن طريق التحليل لذالك من الافضل ان يتقي الله فيك وفي ابنه وان يسارع بالاصلاح عَنْ ابن عباس ضي الله عنه قال : كنت خلف النبي صَلَّى اللَّهُ عَلَيْهِ وَسَلَّم يوما فقَالَ : يا غلام إني أعلمك كلمات : احفظ اللَّه يحفظك، احفظ اللَّه تجده تجاهك، إذا سألت فسأل اللَّه، وإذا استعنت فاستعَنْ باللَّه، واعلم أن الأمة لو اجتمعت عَلَى أن ينفعوك بشيء لم ينفعوك إلا بشيء قد كتبه اللَّه لك، وإن اجتمعوا عَلَى أن يضروك بشيء لم يضروك إلا بشيء قد كتبه اللَّه عليك، رفعت الأقلام وجفت الصحف> رَوَاهُ الْتِّرْمِذِيُّ وَقَالَ حَدِيثٌ حَسَنٌ صحيح. |
الله يسعدكم فكرت بكلامكم كثير خصوصا اخونا رجل الرجال
وهونتو علي قسم بالله كنت اتوقع ان مالها حل بس كلامكم خفف علي كثير المهم اتبعت كلامكم ودقيت على ابوي وفهمته على السالفه كلها من اول ماتصل علي الى اخر رساله سكت ابوي شوي بعدين قالي عيدي السالفه وبدى يناقش في كل نقطه وبعدها سكت شوي وقال الشرهه مو عليك الشرهه علي انا الي خليت مسوليتكم على حرمه وقفل بوجهي التلفون ولاادري وش بيسوي بس خايفه يجي الحين البيت ويحوس الدنيا وانا مو ناقصه الله يستر |
كلمي ابــــــــــــــــــــــــــــــــــــــــــــــــ ــــــــوك
باســـــــــــــــــــــــــــــــــــــــــــــــ ــــــــــــــرع وقــــــــــــــــــــــــــــــــــــــــــــــــ ـــــــــــــت لا تستهيني في الموضوع اذا خايفه ان اخوانك يذبحونك على حد قولك فاحسن انهم يذبحونك بسبب خروجك مع زوجك قبل يذبحونك بسبب جلبتي لهم العار اذا تطور الموضوع يدخل ابليس ويضيع الحقيقه وتدخلين في متاهات تحياتي |
[QUOTE=ندى@;2731909]الله يسعدكم فكرت بكلامكم كثير خصوصا اخونا رجل الرجال
وهونتو علي قسم بالله كنت اتوقع ان مالها حل بس كلامكم خفف علي كثير المهم اتبعت كلامكم ودقيت على ابوي وفهمته على السالفه كلها من اول ماتصل علي الى اخر رساله سكت ابوي شوي بعدين قالي عيدي السالفه وبدى يناقش في كل نقطه وبعدها سكت شوي وقال الشرهه مو عليك الشرهه علي انا الي خليت مسوليتكم على حرمه وقفل بوجهي التلفون ولاادري وش بيسوي بس خايفه يجي الحين البيت ويحوس الدنيا وانا مو ناقصه الله يستر[/QUOTE ندى حبيبتي لاتخافي إن شاء الله مو ساير اللي كل خير وأحسن شي سوتيه إنك علمت أبوك ومهما سار من مشاكل هو أهون من أن تتهمي في عرضك ولعل مكالمتك تصحي أبوك من غفلته وينتبه لكم ومو من حق أمك تمنعه من زيارتكم ومراعاتكم ... الله يفرج همك وتكفين طمنينا عن أي مستجدات في الموضوع... |
وعليكم السلام ورحمة الله وبركاته
بإذن الله أختي ندى أبوك مايقصر وتنتهي السالفه على خير .. وحتى لو جاء البيت فالخطوه إلي اتخذها صحيحه .. أسأل الله أن يفرج همك وهم كل مهموم يارحمن .. أخوك .. . |
اقتباس:
صحيح حصل منه خطأ بأنه أخرجك من بيتك ولكن هو من إتصل عليك وأراد الخروج معك وحصل ماحصل وبتوفيق الله حملتي من زوجك الذي هو حلالك لكن خرجتي معه بدون علم أهلك وأنت عندهم وفعل مافعل!! الآن كل ماعليك فعله الوقوف بثبات أمام هذه المشكله هو الآن يتهمك بأن مافي بطنك ليس منه وأنت متأكده بانه إبنه فلماذا الخوف من إخوانك ولو كانو أشر خلق الله الآن كل ماعليك فعله هو الاتصال على والدك فوراً وإخباره بما حصل بالتفصيل من غير زياده ولانقصان أو الإتصال على والده. فقط إخرجي النسااء من الموضوع كلياً يكفي ماحصل. |
اقتباس:
يعني ألحين الرجال شف وش سوى الحريم أرجاء منه أجل يطلع زوجته كذا عشان امه وين العقل وبعدين أستغفرالله يسوى إلي يبي وينكر مو ولدي وحتي الأبو وين يعرس ويخلي عياله كم شهر مايدري عنهم ويقول خليتهم علي حرمه من قالك تخليهم علي حرمه بصراحه القصه كلها عدم مسؤليه من الرجااااااااال والمشكله الأساسيه كلها من الرجال ولاتزعل صاحبه الموضوع لكن فعلا المشكله منهم |
ياربي موضوعك يعور القلب..كان الله في عونك
الله يفرجها عليك من اوسع الابواااااب زوجك لازم ياخذ درس على اللي سواه فيييييك ويعتذر قبل لايرجعك |
يالله يالله
اسمحيلي بذي الكلمه حسبي الله ونعم الوكيل والله مافي غير الظلم .. ماني عارفه ايش اكتب زمن مافيه غير اشبااه الرجااال ذكوووووور فقط لا غير وبعدين انتي ليه خااااايفه .. ماسويتي شي غلط طلعتي مع زوجك فين المشكله خليكي قوووووويه وتكلمي باعلئ صووووت واللى يحاول يغلط عليكي سكتيه ولا تسمحين لاخوانك يسووان لك شي حتى لو كان ابو الهوول الله ينصرك ويساعدك طمنينا عليكي |
وش صار عليك طمنينا
اما زوجك خسيس جداً |
| الساعة الآن 11:45 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©