|
اسلوب خطيبتي .... ارشاداتكم
مرحبا اعضائنا الحلوين ,,,,
كيفكم ان شاء الله طيبين .. ارشاداتكم ببعض الأمور فلا تبخلوا علي ,, بصراحه يا جماعه انا خطيبتي ما شاء الله عليها بس ذكيه جدا جدا جدا .. خطيبتي تعلقت فيني بشكل مو طبيعي .. وانا بصراحه مو مقصرت معاها بالذات بالكلام الحلو والغزل .. المهم حنا بينا رسايل فقط . اللي صار انه ارسلت الصباح رساله ( صباح الخير ) انا مارديت لأن جوالي انفصل فاتوره قبل ما ترسل ب ساعتين .. انا مارديت وانشغلت بالدوام ورجعت من الجامعه وارسلت الظهر .. بصراحه انا كنت تعبان ونمت وجوالي ماسددته ,, فصحيت الفجر وسددت الجوال وارسلت لها .. وردت برساله واحده بس ,, وبعد العشا ارسلت ,, فردت قالت انا مشغووووووله ,, غريبه اول مره تسويها .. قلت لها فيك شي غلاي .. قالت لا بس بستأذنك ,, قلت ايش فيك ,, قالت جالسه اتابع فلم ,, قلت طيب انا اسف ع غيابي لأني كنت تعبان ونمت... قالت عادي انا تعودت ع غيابك .. مع العلم انا اول مره اغيب عنها .. بعد يومين كنت عند خالتي ففاتحت معاي الموضوع .. والبنت قالت لأمها انا ما ابي يصير فيني مثل زميلتي حبت ولد خالته وبعد ين تركها ,, اذا مان اسلوبه كذا ويتجاهل انا هالأسلوب مااحبه ,, حاب ارشاداتكم ايش اسوي مع العلم ان البنت وربي تموت فيني .. |
يمكن لانك تأخرت مارديت عليها
البنات بفتره الخطوبه حساسات مررره ولازم ترد عليها قبل ماترسلك المسج عشان ماتزعل :d |
لازم يكون رصيدك مليان
انت خاطب واي تأخير العروس تخاف وتغار ووووووو لذلك اياك ثم اياك ثم اياااااك تخلا من الرصيد هذه العروس غير كل البشر ممنوع التأخير عليها |
مسكينه تبحث عن الامان والضمان معاك حتى لو تقول لها كلام غزل من اليوم لبكره هاذي الفتره تريد حب جنوني ليه ما تملك وتريح راسك عشان تحس بلامان لانها في مجتمع بنات وبتسمع قصص ورايح ياثر على علاقتكم
|
تمنيتك غصن أخضر أشيلك وأزرعك عندي ترابك راحة يديني وأسقيك الغلا كله ...
أرسل لها هالمسج وصدقني بيتيح الحتب ... << الحطب يعني :d :26: |
السلام عليكم ورحمة الله وبركاته
أخي لدي تعليق واحد فقط قرأت مواضيعك وأنت كما أذكر لم تعقد قرانك بعد وما بينكما خطبة فقط ولا تجوز كلمات الحب بينكما خالص التمنيات |
اقتباس:
والله كتبت الشعر على بالي على فهمي خاطب متملك ... :19: معليش بسحب بيت الشعر لاتملكت وصارت حلالك ذيك الساعة ارسل لها الله يصلحك ..:d شكلي فاهمة غلط ومطفية النووور عادي تونا جايين من الشغل |
اقتباس:
شاكر مرورك الرائع ونصيحه حلوه منك تحياتي |
اقتباس:
هلاااااا والله الرصيد ملياااان بص ضغط العمل والأرهااااق شاكر مرورك |
اقتباس:
بصرااااحه ردك رائع وصحاني ع اشياء كنت غافي عنها . البنات عالم ثاني فديتهم .. تحياتي لمرورك الرائع |
اقتباس:
تحياتي مرورك |
اقتباس:
تحياتي لمرورك |
وش تحس فيه انت وخطيبتك :)
|
اقتباس:
الله يرزقك يا سكوت عشان تعرف وش يحس فيه !! |
اقتباس:
ماتملكتوا الله يهديك ليش تكلمون بعض ؟؟؟ ومعليش أخوي حرام يعني تكلمها وتسولف .. مايجوز أنت مازلت أجنبي عنها وليس بمحرم ... لا وبعد كلام حلو ياسلام سلم :d آسفه أخوي على قسوتي بس مااستوعبت :) حنا نتملك ولانكلم بعض عيب وشق جيب عندنا :26: :22: :d المصلحة لكم تملك ويصير خير ... |
اقتباس:
هههههههههههههه تعجبيني يا هبلا > ترا مدحه هاذي عندي :) حتب أجل هههههههههههههه الله يرزقك يا وخيتي وقسم قسم قسم اني دعيتلك من قلب قلب قلبي يا ذوق لانك تشبهيني بطفاقتس :25: صاحب الموضوع : معليش سطرت اعجابي باللي فوق لانها جد ذووق انت واحد خاطب بس وهدا كله ما يسير , لازم تملك بسرررررعه عشان تكون في السليم وكل حاجه حلال :) |
اقتباس:
فديتك أنتي الذوووووووووق ومنبعه ..... الله يسمع منك ويتقبل الدعاااااااااااء كثري من دعاويك الطييييبة ماننحرمشششش .... |
ملك وان شاءلله الامور تتصلح
|
شكرا لجميع ردودكم الرائعه وان شاء الله نملك بأسرع وقت وراح ابشركم يا اخواني
|
اخوووي تحمل ترى اناكذا اسوي فلم لاتأخر مارد
بصراحه بصراحه تراكم ماتحسوون اللي نحس فيه يلعب الشيطان في سلسبيلنامن التفكير الشين الين تردوون الله يوفقكم ويسعدكم |
اقتباس:
وان شاء الله بخلص اموري بأقرب وقت ,,,, وانا وربي احس في اللي تحس فيه البنات.. تحياتي لمرورك |
يآرب يوفقكم ويسسعدكم.. وتتم آمور " الملكة بآقرب وقت" الله يتمم لكم على خير
ومبروك مقدمــآ َ |
اول شي تملك البنت اكيد احد ينصحها وخايفه
تملك وتزوج احسسن واذ تملكت لاتهملها اهتم فيها البنات حساسات |
اقتباس:
اقتباس:
الله اعلم اانك فعلا اتغيب عنها او ترد ع مسجاتها متأخر لانك مو حاسس او بالاصح مو منتبه تصرفك ينم ع عدم مبالة باانسان انت بالنسبه له المستقبل وهالمباله شيء غيرجديد على معشر الرجال ليش الرجال بصفة عامه اذا عرف انى خطيبته او زوجته تحبه اكثر من حبه لها يصير غير مبالي ومايهتم وقبل لايحس بحبها وانه هو شخص عادي عندها تلاقيه يسوي اي شيء عشان ترضى عليه وتحبه:d وكلمة مشغول او مو فاضي ماهي بقاموسه يفضي نفسه لها :d ولا تتطنش مسجاتها حتى لو انك نايم وجوالك مافي رصيد بتقوم من نومك وتسوي المستحيل عشان ترد:d بليييز لاتفهمني غلط او تفهمه انه هجوم بس جد هذا الشيء المعروف عنكمممم ياعمري عليها يااارب ربي يبلاك وتحبها اكثر من حبها لك عشان ماتكسر قلبها اشين شيء في الحياة التطنيييييييييييش وبعدين ترا مازعلت من قليل تلاقيها ماسكه الجوال وعينها مافارقته تنتظر مسج منك وانت ولا على بالك اهم شيء خلصت اشغالك:( وياحياتي عليها لو انا منها ماارسل لك انا مشغوووله اطنشك وثالث يوم ارد واقول نفس نص مسجك:d بس من حبها لك ماقدرت ماترد عليك وبعدين ترا المفروض تكافأها ع انها تموت فييك مو تخليها تندم:d + في معلومة ممكن تفيدك بعد ماتملك غالبا البنات يعرفون كلمات الحب والغزل لما تكون طالعه من قلب او لا:d خصوصا الاذكياء عندهم قوة ملاحظه شديدة بنبرة الصوت والاسلوب والنظرات وكل ابو شيء:d الي كتبته هي نظرة غالبية البنات بمجتمعنا الجامعي:d ع العموم مبروك وربي يوفقكم ويتمم لكم على خيير برايفت اخ طلال:( عيني عينك بس مسجاات هاااا؟ هههههه ولو زعلتها منك بيوم وردة جوري وحده تنسيها انك زعلتها:d اهم شيء بالوردة انها وحده وبدون تغليف ترى لها معنى:d |
| الساعة الآن 06:54 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©