|
اللهم الهمني الصبر
السىلام عليكم
اخباركم عضوة جديده وحابه اعرض مشكلتي واملي بالله ثم فيكم الاقي حل واودع درب الهم انا متملكه من سنه وزواجي بعد شهر بدينا بالمسجات بعد الملكه بشهر ومامر اسبوع الا اشوفه يعصب ويتوعد ويهدد والله ماتمر 3 اسابيع الا صايره مشكله من لاشيء طلب مني اتصالات ومارديته زاد بعناده وعصبيته مع اني احاول اخليه يهدا بس كلامه يجرح وكل مشكله اكبر من اللي قبلها يمكن 10 مرات قال لي بعطيك ورقتك بكلم اخوانك واتفاهم معاهم احيانا يقول عطيني رقم امك بكلمها واعلمها عنك احس انه عقله عقل طفل الى الان مانضج تعبت وررررررررررررررررررررررررربي صرت كل ليله ابكي منه ومن تصرفاته مايقول لي الا بنت ابليس اقول بنفسي كل الي تزوجوا صارت لهم مشاكل مثلي وعايشين حياتهم بس هو احسه غير وربي عقل صغار ماياخذ قرار من راسه كل شي يشاور فيه ربعه حتى امورنا الخاصه يسالهم عنها بخييييييييييييييييييل ويحسب الريال ويتسلف مني بالالاف ولا يسددها ابين لاهلي ان امورناتمام وان مافيه مثله بس هو الله يهديه كل شي يقوله لربعه واهله احس اني صرت ولاشي بنظرهم مكشوفين قدامهم امور قديمه لها شهور تناقشنا فيها وانهيناها يرجع يعصب عليها صار فيني برود مو طبيعي صرت اخاف من كل احد مافيني ثقه بنفسي نبدا مكالمه اسلوبه حلو وفجاه يقول انا طفشان ويبدا يعصب بدون سبب لدرجة يقول لو انك عندي شوهت وجهك مابقى شي ع الزواج واخاف اسلم نفسي له مابي اندم بعدين |
حبيبتي الله يكون بعونك لاتتضايقين كثير خلاص زواجك قرب
اطلبي الله بسجودك يصلح حاله وقوة الله اكبر من كل شي |
أنت في حالة غير مستقرة ليس لديك ضمان ينجاح الزواج.. الزواج هنا في حالك مجرد مجازفة....فهل المجازفة شيء معقول في الزواج؟....لا طبعا من الصعب علي ان احكم هنا وهو غائب...ربما هو لديه حجته ومنطقه....لكن لا اؤيد اي منطق بهذا الشكل من التعامل مع المخطوبة/الممتلكة! اذن يا بنتي افضل شيء اراه لك هو ان لا تجازفي بالزواج هناك طريقة زواجية تسمى: الزواج مع وقف التنفيذ هذه الطريقة مناسبة لحالك، اما تنجح وتقرر او تفشل وترجع من هذا الزواج من غير دخلة ولا ان تخرجي من بيت اهلك....لكنك تتمتعين معه كما تتمتع الزوجة بزوجها من غير المعاشرة...لكن في بيتك هو ياتي اليكم وانتي لا تذهبين اليه هذه مرحلة تجريبية لتجرب سلوكه ارفق لك هنا ملف حول الزواج مع وقف التنفيذ فاقرئيه آسف ليس هناك امكانية رفع الملف لك في المنتدى كيف اعطيك الملف؟ لا اعلم |
حبيبتي نصيحه لوجهه الله
اجلسي مع اي شخص تثقين في رايه من اهلك واشرحي له وضعك وضحي لهم تصرفات هالادمي وصدقيني اي هذا اوله ينعاف تاليه وترى عاقبه الصبر اذا كان مع رجل مايقدر يعتبر بنظري غباء من المراءه مايخالف اصبر واعطيه دمي الي بعروقي لكن فيه نتيجه فيه شي بالمقابل اخذه والا خسساره صحتي وراحتي هي الي بتكون مقابل لتنازلاتي .. تكلمي معاه في البدايه وحاولي توضحين له الي مضايقك ومزعجك منه اذا ماشفتي نتيجه عندك اي احد واعي يتفاهم معاه ويعرف نفسيته اكثر لان بكره اذا تزوجتي بيعاملك بنفس الطريقه بيصير انتي في المقابل الي تتحمل وتسكت وتمشي الامور وهو الي مو رايق ابد ولا يتقبل منك شي وووو شخصيته من خلال كلامك عنه جدا سيئه .. الله يعينك ياااروحي |
اقتباس:
واملي بالله يصلح حاله ويهدي قلبه مشكورة ياقلبي |
اقتباس:
راح يكون هو الصح وانا الغلط مثل كل يوم انا اسكت ولا ارادده مثل مايقول واذا سكت قال ليش ماتكلمين طبعا هذا كله بصراخ يبي يثبت انه رجل قدامي ومثل ماقلت زواج مع وقف التنفيذ لحد مايصلح ربي حالنا ويجمعنا على خير او نتفرق على خير مشكور ولا هنت نزل الرابط هنا |
لتحميل الزواج مع وقف التنفيذ استخدمي الرابط ادناه....انه موجود داخل كتاب اسمه: العلاقة الزوجية والصحة النفسية في الاسلام وعلم النفس...كتاب ربما نشروه في النت من غير اذن المؤلف، لا اعلم هل حلال ام حرام...تحمليه؟
.......... |
مشكور والله يجزاك خير
راح احمله استفيد منه لنفسي ماراح استغله لشيء او لمصالح واذا نفعني اكيد ماراح انسى المؤلف من الدعوه الصالحه الله يسلمك اخوي |
ماقصرتوا الله يجزاكم خير
وبانتظار المزيد من الاراء |
بما اني امر بنفس وضعك تقريبا
ولو الود وده يسبني لكن عارف اني ما بسكت وعليها طلعات مدري وش تبي ومشاكل وهم وغم وكل اسبوع بشغله مشاكل مو تافهه الا اتفه من التفاهه ويشوفني كاني بزر عنده وما افهم شي ويستهزء على تفكيري وومن هالكلام واكيد اني ما اسكت كلمه مني وكلمه منه وبالاخر اقول طلقني ويجي يترجاني ويحاول لين اصدقه وارجع وما بقى ع الزواج الا اقل من عشرين يوم واعطيته خبر اني ما عاد ابيه وبخل قرف وما حبيت اجازف معه واضيع وقتي معه على الفاضي وانتي استخيري وشوفي وضعك لكن دام ذا اوله ينعاف تاليه اعطي امك او ابوك او اي احد ترتاحين له واستشيريه بالوضع كنت زيك اقول مالت طلع الزواج كله مشاكل وعلى بالي انو كلهم كذا طلعت انا بس وبعدها غسلت يدي منه بعد ما حاولت افهمه واحذره من تصرفاته ينعدل يوم وعشره لا والله يوفقك واذا لك خيره تكملي معه تكملي واذا لا الله يصرفه عنك |
اقتباس:
لأن بكرة لو جيتي تشتكين بيقولون مو انتي قلتي ما فيه مثله خلي اهلك في الصورة لأن شكل هالرجال ماله خاتمة |
نصيحة بطلي فيه من البداية البخيل عمره ما يتعدل قبل ما تتورطين وتخلفين منه طفل ولا طفلين تطلقين وتطلقين الحين قبل ما تتطلقين ومعاك كم نفس واسالي مجرب انا ما حرضك بس فكري واستخيري مره ومرتين لا تتسرعين الا البخل ماله علاج نفس تصرفات زوجي زي ما ذكرتي في موضوعي مستحيل يتعدل |
يعني تنتظرين لين تروحين عنده البيت..وتتورطين بالحمل وتجيبين طفل وتطلبين الطلاق .والطفل ضحيه سكوتك وتكونين سبب في تشتته..واذا بتسكتين عشان طفلك بتجيك انواع الامراض من الكبت..
اقلك حتى لو الزواج باقي عليه يوم...انفذي بجلدك دامك على البر واتركي عنك الفهاوه ,,,ترى الرجال مايتغيرون لاتسمعين الي يقلك بعد الزواج يتغير...الا بيعيشك عذاب عمرك ماعشتيه....ماسمعتي الدعا الي يقول,,اعوذ بلله من قهر الرجال.. هذا زواج مو لعبه عشان تجربين وتعيشين على امل واحتمالات يمكن تصير ويمكن ماتصير |
وفيه شي نفسي القى له تفسير.خصوصا الي مملكات لهم سنه..ليش البنات ايام الملكه يبينون لاهاليهم ان ازواجهم مافي مثلهم وطيبين مع انهم العكس..ولاتزوجت وراحت عنده جات تشكي وتطلع عيوبه الي كانت مخبيتها...طيب ليه ماقتي من الاول على الاقل بتكونين بنت مثل ماانتي ..
يعني بس عشان تجرب تلبس الفستان الابيض وتنزف وتجرب الزواج؟؟ وبعدها تفوق:29: |
انا خوفتني كلمة لو انت عندي شوهت وجهك!!
يا اختي ما اخوفك بس الموضوع محتاج وقفة ايا تسكتي على اهانتك و تريثي لا تتزوجي إلا بعد المصارحة و العتاب لتتأكدي تماما من طبعه , أقترح تسجلي احدى مكالماته العادية لك دون ان تخبريه و لا تهدديه أنما احتياط لأي مستجد و خبري أبوك او احد اخوتك انه يتسلف منك إلا أذا انت عطيتيه عطية و ليس سلف و اوعي تعطيه مرة ثانية,,, أصلا ليش مستمرة معاه؟؟ |
بنت ابليس .. اشوه وجهك .. وكل شوي يكرر الطلاق ...!.
يااخيه اسمحيلي انت ِ غلطتي في حق نفسك .. ياقلبي فتره الخطوبه فترة تعارف وتشوفي مدى قبولك في الاستمرار معاه .. كان من الاول ردعتيه وتشوفي مدى تغيره واستجابته .. الان اجلسي مع نفسك وسجلي بورقه اجابياته .. وسلبياته .. بعدها فكري من الاستمرار معه من عدمه ... استخيري ربك .. وشاوري اختك او والدتك او قريبه لك تكون ذات حكمه .. وان كان الافضل اتخاذ القرار يخصك . لكن انا احسب للعادات عندكم ولظروف محيطه بالنهايه ان كتب لك زواج .. ابدا ابدا ابدا لاتحملين خلال الشهور الاولى .. لين ترتاحين وتفكرين فعلا انك راغبه تحملين وتستقرين مع هذا الرجل .. الله ييسر امرك يارب ويكتب لك الخير .. |
الله المستعان
اذا هكذا الآن فكيف سيكون بعد الزواج! أختي أعيد النظر في هذا الرجل |
الله يجزاكم خير ويوفقكم يااااارب
|
اعوذ بالله من الشيطان الرجيم
وش الرجل ذا اللي مايحترم زوجته اختي نهائيا مانصحك تكملين معه صااااااااااااارحي اهلك بكل شي قبل مايطيح الفاس بالراس ان يطلق عليكي مطلقه خيرا من ان تستمري مع واحد مثله عتبي عليه كبير مايعرف مقاييس الرجووووووله !!!!!! |
والله اذا تبين نصيحتي وضعك مايقال عنه مستقر
او ييقال عنه مشاكل بسيطة وتعدي : ) انا ماهمني انه يحكي لربعة سوالفكم لانه قد يكون طبعه ماتبقى كلمه في جوفه لكن مسألة يشوه وجهك + بنت بليس +يتسلف بالالاف ولا يسدد اي امان تتحرينه منه ! مو مهم انك تكونين قدام المجتمع متزوجة الاهم راحتك في هذا الزواج وبعدين زواجك صح مابقي له الا شهر ولكن لازم يكون هذا الشهر بالنسبة لك انطلاقة لقرار حاسم اما الاستمرار او اما الانفصال بالمعروف انتي استخيري هاليومين بين هالامرين ,واللي ربي يسهله لك فالحمد لله عليه لكن نصيييييييييييحة لازم اهلاك يعرفون عن الموضوع وقبل الزواج فاتحي ابوك بالموضوع او اخوك ممكن تكون وجهة نظرهم مفيدة لك او منقذة :) اتمنى ان يكتب لك ربي كل خير استخيري ياحلوه |
| الساعة الآن 09:43 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©