|
كل عام..وجرحي بخير..............
..
رجعت لكم أفضفض... والله جاني يأس القى حل أو أفهم وضعي... مع إني عاهدت ربي ماأشتكي إلا له بس البني آدم ضعيف مايتحمل السكوت عن القهر والألم.... هنا حكايات حياتي سردتها على مرحلتين http://www.66n.com/forums/showthread.php?t=228511 ونفذت كلام أختي الغالية Beta2 الله يرزقها الفردوس الأعلى وكل من رد علي.... ( الملول لايكمل! ) بحاول أختصر الأحداث بعد اللي كتبت بموضوعي السابق.. زوجي سافر بعدها للحج قرابة 20 يوم كانت أجمل أيام عمري..هدوء وسكينة وراحة بال يالله من فضلك... كان يتواصل معي مكالمات بشكل يومي مختصرة ماتتطول بس كان وضعنا هادي وماشي حالنا.... أرسلت له كلام في رسالة حسيت ضرورية عقب الجفى اسئلة الحريم المملة القاتلة للرجال لكنها تحيي قلوبنا انو من انا بالنسبة لك هل مجرد أم عيال وأني صراحة مو قادرة أتقرب منه بسبب كلماته الجارحة ولأني مو عارفة مشاعره تجاهي وإني متقبله الوضع زي مايكون المهم تكون حياة الإنسان واضحة قدامه رد علي برد حلو إنه مشتاق رغم اللي صار وإني الحياة ..صدقته ياحبيلي ومشى الحال.... رجع من السفر بعد العيد ب3 أيام ،سويت له حفلة صغيرونة مرتبة حلوة وكتبت إن عيدنا بدأ اليوم وما أبي أدخل في تفاصيل غير مهمة.........بس حابة أحكي لكم المواقف اللي مرت... طبعاً نام أول يوم قبل أجي للفراش حسيته نحشة! صحى بعد ساعة وخليتها سوالف وبس حتى لمن رجع نام خليته بروحه يريح بدون ماأحشره! ثاني يوم حاولت أتقرب منه وإني مشتاقة - لي 11 شهر- مالمسني بتاتا البته: ( رحب فيني ونمت جنبه.. الرجال حسيته مشتاق وولهان ولو إن أسلوبه غير مرضي لي! حاول ينام معي... ماقدر... أقسم برب الكعبة ياهو حسيت روحي كأني أطيح من برج الفيصلية: ( مادري ليش مايقدر ولا أعرف السبب! هالشي يقتلني خليت الوضع عادي المهم إن الحاجز أنكسر ثاني يوم نفس الشي قسم بالله حسيت بوحشة بصدري مو القصد إني أبي هالشي بس ليش ماعاد يقدر يسوي شي! تعرفون الحرمة وتفكيرها وين يروح! قعد يبرر إنه مايكرهني وإنه ولهان بس فيه ترسبات! ماأقدر أجي يبي لي وقت..!!...عمري راح وهو له كم سنة وهو يحس بترسبات! وقعد يتعذر إنو فيه اشياء تضايقه وش عذره! ريحة الصابون!! في خاطري أقول ياولد قول غير هالكلام! لأني واثقة هذيك اللحظة ماأشم إلا ريحة نظافة ومتأكدة من هالشي مليون بالمية ومو معقول الواحد له 11 شهر مالمس زوجته ولمن يجيها يتاثر باشياء بسيطة وين الرغبة اللي خلقها ربي!! وين الفحوله ! قلت أبشر ولا يهمك وصرت يومياً أستخدم الديتول الشخصي مع المسك أرش فيه كل جسمي ريحة منعشة ولليوم مالمسني يعني فقو 10 ايام! تفاصيلي هذي ضرورية لي لاني شكيت بروحي وانا واثقة زوجي صريح ماعنده لف ودوران طبعاً وقتها حاولت أفتح موضوع إنه يقرأ عند شيخ لأني حسيت الوضع فيه إنا مو طبيعي تفاجئت من بكرة بالفعل راح لشيخ وقال مافيك شي اليوم الثاني راح بشيخ ثاني وقال مافيك شي الحيت يكمل كل هالأسبوع لأنو لو حسد قديم مايبين بسرعة بس ماعاد تحمس وما الله كتب...! ورغم كل هذا مخليه الأمور تمشي طبيعي بس صرت أكثر توتر وعصبيه أهم شي عندي وقتها رجعت علاقتنا زي قبل يدورني وييدور رضاي ومحترم معي ويقرب مني بس إنه مايفوت طلعة برآ البيت! يعني مستحيل يقضي الوقت كله معنا! الشي الثاني موقف صار أبيكم تحللون فيه نفسياتنا ! هو متعود ينام الويك آند في مزرعة مع ربعه هالشي يمرضني وتعودت عليه من رجع من السفر ماتم أسبوع إلا ويوم الخميس قال بروح ويسـتأذن مني وإذا يضايقك مارحت وانا عارفته مثل البزر يأخذ أذني بس لو أرفض زعل وكتم وسبب مشاكل! قلت رح بسلامتك! الاسبوع هذا جاء من دوامه بدري فرحت بجيته قلت :لايكون بس تعبان قال بطلع معزوم في مزرعة معهم وبنام هناك ماتسوى أرجع ظلام وليل! بين علي الزعل يعني ماخذ راحته ع الآخر وأدور رضاه حتى بالأشياء اللي تزعلني ومع ذلك ماأسلم من زعله ونقده وذمه لي..إلى متى يعني! متى يصحى من غيبوبته! سكت وقلت الله يحفظك عطاني فلوس وراح وأنا من يطلع مثل هالطلعه أحس العفاريت تنطط بوجهي أعصب على نفسي وعيالي وحتى القطوة لو مرت من عندي قلت يابنت تعوذي من ابليس وانبسطي يوم الخميس ماأتصل يتطمن متوقعته يرجع على أساس عزيمة إربعاء وخلاص! لاأتصل ولا جاء أرسلت رسالة بيجي قال لا بكرة اللي هو الجمعه... جن جنوني من أنانيته قسم بالله لنا اشهر تمتد لسنة ماطلعنا بر وكل ماقلتله قال مافيه- ربيع- قلت أتفرج على رمل على جبال مو مشكلة اهم شي مكان مفتوح نغير جو...الرجال كان كثير يتعذر من العام تخيلوا! وأدري لأن أنسب يوم لنا الخميس او جمعة وهاليومين يكون يوم مزرعته! لاتقولون متزوج! والسفر نفس الشي يجي 3 سنوات ماطلعت من الرياض ولا تمشيات زي قبل ولا روحات ولا مطاعم يوفر لي الفلوس ومعتمد ع السواق ومعطيني حريتي عنده هالشي كفاية طبعاً هالشي مريح لي وله لاني ماأروح مكان إلا يخلق مشاكل! ماأنبسط زي الناس لاأنا ولا عيالي يأذخها أوامر وعسكرية... لمن جاء الليل كتبت رسالة من قلبي وش أنا مقصرة فيه يوم الناس في الويك آند ياكاشتين بر أو مسافرين أو يتغدون مطاعم! وش مسوية انا لمن أقضي الوقت مع عيالي بدونك ووش أجرمت لمن حتى الفراش منصرف عني متى آخر مرة سافرنا..الخ والله ماكنت برسلها..كنت بفكر أول..وكانت نوع من الفضفضة بس قرادتي وانا بعدل ضغطت إرسال - أنصحكم لاتشترون أيفون وخليكم ع النوكيا- لو تنسحب الرسالة سحبتها ماعندي مشكلة تروح له بس أكون قررت مو كذا بغتة:15: قلت خلاص لعلها خيره بعد وقت أرسل رسالة اللي تامرين فيه تبين سفر تبين مطعم تبين أي أنا حاضر ياقلبي!!! بكيت وربي بكيت لأني كنت خايفة كعادته يعصب ويقول وش أنا مقصر فيه! حبيت إنه تفهم إحساسي... لمن رجع الجمعه بالعادة يجي 2 مادريت إلا داخل علي الساعة 11 وانا نايمة يالزعول ويبوسني ويجلس عندي وانا أنخرشت مرتاعة منه وليش هالكلام والله بغيت أجي من وقتها وإني تنكدت آمري تبين نتغدى بفندق تبين اي مكان والسفر أصبروا علي ماديتي صعبة شوي هاليومين والواحد ماأقول مو مقصر بس انا أعطيكم وحريص عليكم وخربط علي كلام ناسيته ومعطيكم فلوس ..........الخ تجهزوا أنتي والعيال وعلموني وش قررتوا طبعاً اللي قهرني إنه متعود كل جمعه يتقهوى مع أهله تمنيت إنه كنسل الروحة لهم عشان يعطينا وقتنا بس قلت براحته معليش أتصل 2 كنت جاهزة وعيالي دخل غير الوجه والأسلوب اللي كان قبل ساعتين تعرفون شعور الشخص اللي تدفينه دف! والله هذا كان شكله ويشاور وش تبون! اختاروا أنتوا مو تقولون بعدين شي0 أسلوب منه منفر! ركبنا السيارة كأن معنا ميت بالسيارة صمت وكلامه جاف وجاد وذب بالكلام ويهاوش العيال ويعصب عليهم من جد ندمت على رسالتي وعتبي نزلنا المطعم وهو بس اوص اوص كأننا ردح واغاني! حتى لمن نتكلم بهمس يقول قصروا صوتكم! طبعاً عينه علي والله عباية راس ومحترمة وينتقد عبايتك مبينه جسمك صدرك واضح ومدري ايش ودايم ينتقد والله لو هو مطوع عذرته تخيلوا لمن تسكر علينا المكان يعني خلاص مافيه أحد نزلت عبايتي وطلعت رقبتي وصدري يمسح بيده يقول كل هذا طالع! قلت طيب! أنا بمكان مسكر ومستر!! ويهاوش العيال من أي حركة والله نسمع ضحك الناس وأحنا يارب رحمتك طبعاً أستغل العيال طلعوا قال لاعاد ترسلين هالرسالة تحسسيني إني سربوت ومافيني خير! والله إني- استفرغت عشاي أمس وقايم من الفجر بسبب رسالتك! وانا سااااااااااكتة! هذا أسلوب الحريم خليني أنكد عليه! وأنا ساااكته خلصنا قال تبون كوفي أو مكان تتمشون فيه قلت بخاطري ليش مهبولة!! رفضت طبعاً قلت خلاص نروح البيت من يوم رجعنا عيالي يقولن ندمنا ع الطلعه! وش هذا ليش أبوي كذا! طبعاً قاعدين بالليل قعدة رايقة مع نفسي قعد يعيد السالفة أنا ماقصرت معكم حتى كلمة الله يعافيك ماقلتوها! بصراحة كان جوه والله قلق وأعرف عيالي لمن يصير مكشر ينسون يشكرونه كنت فاكرة أنا بس قلت مايستاهل شكر على أسلوبه! وكمل ليش تنشبون لي وحسبي الله ونعم الوكيل جن جنوني قلت تتحيسب عشان وديتنا مطعم! تتوقع أغلب الناس كذا يطلعون عيالهم ويتحسبون عليهم! أنت أصلاً ماشفت شكلك منيت علينا قسم أحس الأكل بحلقي للحين ودايم تهيني وتسبني وعيونك علي قال أصلاً مالي خاطر فيك!! إذا تبي حريتك وتشوفها شي عادي خلاص حتى أنا بلبس عباية كتف ساترة عشان مايطلع شي مني وعادي ترى اشعب كله صار يلبسها لأني كذا والا كذا تنتقدني طبعاً السالفة هذي توتره مثل مايوترني نومه برآ قال أصلاً مابيني وبينك إلا العيال والبسي اللي تبين بصراحة هو دايم لمن أصوم أو يشوفني أصلي الليل أو أقرأ قرآن يحسسني كني وحده رقاصة توها مخلصة حفلتها وقاعدة تدعي ربي !! دايم يقول تلعبين على ربي! أنا خلاص سكت وحسيت إن حياتي معه منتهية بس مادري متى ننفصل! خذت حبوب منومة لأن أصلاً فيني نوم ولأني ماأبي أشوفه ولا أسمع صوته نمت..دخل...بدون إحترام انو فيه أحد نايم قعد ع التي في واول ماقفله بينام جاء الصغير يبي حليب صحيت فوراً وعطيته قام الرجال أنبسط ولع النور وشغل التي في ولمن جيت أنام وعطيته ظهري قال يكون بعلمك العباية ماتشترينها من فلوسي والبسيها بكيفك بس معي لاتلبسينها! سكت أنا لانها مو قضيتي ولا همي ويتكلم ويسب ويذم ماعطيته اي كلمه وبدا أسلوب الإستفزاز وقام يحكي أنتي مايأدبك إلا طلاق أو حرمة! هنا عاد عصبت مووت قلت جيبها اصلاً فكة منك يعني وش ماخذه منك غير الهم قام يضرب السرير قال مكانها هنا أسلوبه مستفز كان ودي اذبحه قلت ايوى جبها اطلع نام إربعاء وخميس وخليها بالبيت شوف إذا بيرضيها! كل يوم أطله الإستراحة وأتركها بالبيت شوف إذا بيرضيها عصب عليها على غبار والا شي ماترتب شوف وش بتسوي لاتطلع ولا تتتمشى معها ولا تنام معها وتعاشرها شوف ايش وضعها أنت تحط بلاويك فيني وبس قال ماعاد اشتهيك من أفعالك وماعاد يعجبني جسمك! علماً ان جسمي عادي ماأقول توب بس مافيه عيوب قلت اللي مبطي عن زوجته والله والله مايرده شي لو فيه فحولة أنت أصلاً مو قادر تسوي شي مو عشان جسم ولا شكل هذا أنا من خذتني وش تغير! المهم صرت أسكته والرجال مواصل كلام أترجاه يسكت ويحترم شيباته وغن الحوار صار متدني ومامنه فايدة ومصر يكمل كلامه كنت شوي واتسبب في مقتله طلعت ورجعت يمكن يحس على دمه والرجال معاند آخرتها خذت وسادتي ونمت بالصالة وتركته للسانه........... ولمن رجع من الدوام ماشافني كالعادة أسمعه يسأل العيال وين أمكم رايحة ؟؟ تغديت معه وأنا صمت مطبق وأشوف البنت وهي تعطيه اللقمة عمرها 3 سنوات قال تدلعيني وأنا شايب اصلع ومكرش! بغيت أفطس ضحك بس زين مسكت نفسي أنبسطت إن كلامي مأثر فيه للحين طبعاً طول اليوم محد عبر الثاني ولا أدري وش ربي كاتب لي والله إني أحترمه مهما زعلنا وأحسب حساب الكلمة بسس الفترة الأخيرة صرت أعطيه الكلام من قهرري منه... * أعذروني طولت بالحكي كثير وذكرت تفاصيل لكن غصب عني أبي أحكـــــــــــــــــــــــــــــــي.... |
الله يعينك إختي ..
حقيقة أنا ما اطلعت على الرابط .. بس سالفة الفحولة الي استفزيتيه فيها مالها داعي أبدا مهما انقهرت منه ... لأنها تأتي بنتائج ضدك أنت أولا .. يا أنا ضحكت على ( شايب ومكرش) >> كسر خاطري : ) الله يسخر لك ياربي ويرضي قلبك .. |
اقتباس:
الله يعين يمكن يصحى يوما ما انما ما تحطب امل كبير |
اقتباس:
عشانك ماأطلعتي عالرابط ولا أطلعتي على حياتي عموماً تقولين كذا.. صدقيني يستاهل اللي قلت صح مو مقتنعة بالاسلوب هذا لكن 6-7 سنوات مو ماخذه حقي الشرعي زي الناس وآخر سنة صار يحاول يطلع عيوبي فيني عشان يدور على سبب يسكتني فيه أسكت له! والله غصب أبين له منو هو! |
اقتباس:
انتي فاهمتني وفاهمة وضعي أدعي لي ياخيتي : ( |
لبناني حبيبتي لبناني
اتكلم عندي منو ميشان هيك فهمانه عليكي كل حرف وحاسه اذا عندك فراعه على راسو تيصحى وخلي فحولتهم تنفعهم ما اقول الا الله يعين زمان قلت لك هاتي كرسي واجلسي معنا انا وبيتا ما صدقتي روحي حاجه واقفه تتعبي جيبي لك كرسي وانصفي معنا |
لقد قرأت كل ما كتبتي .. جملة جملة
حسيت انك خليط من حزن يمازجه خفة دم حسيت ان لك وعليك .. حسيت انك حكاية عمرها اعوام بدت تلفظ انفاس مهجتها حسيت بخفة الدم رغم تأثري من سردك الا انني ضحكت من توصيفك وبعض قفشاتك .. ولكن الاهم انك انسانه فيك خير وفيك معروف ... اقول وبالله التوفيق.. الرجل لو مل من زوجته يجيه احباط وهذا الاحباط يزيد مفعوله مع كثرة ضغوط الحياة والبيت والعيال ويزيد الطين بلّة لو كان الرجل راعي تجارة ومضاربات اسهم وعقارات.. انبساطه مع اخوياه شي طبيعي دامك ما استملتيه نحوك طول هالسنين .. ويبدو ان الجفاف داهمكم بقوة هناك استمتاع بالحياة الزوجية يتوجه النشاط العاطفي بينكم لو قدرتي تجذبينه نحوك بهديه او مفاجأة او امر هو يحبه وبالتدريج سيعود نحو جوك.. انا اخاف لو ان كل النفور هذا بسببك انت( لاتزعلين) حنا ماسمعنا الا من طرف واحد ولكن واضح انكم تعيشون تصحر عاطفي ادى لتصحر جميع ما من المفترض ان يجتمع به الزوجان.. انتي دون غيرك يعلم مالذي يحبه زوجك وماذا يستميله انتي دون غيرك تعلمين مالذي يستفزه وماذا يكره انتي متمكنه ولكن تمرده اعياك وسبب لك عدم تمكنك منه استميليه.. وحاولي استرجاعه نحو عشك فوالله لو كان متزوج مارجع لك ابد.. شكلك تنقزين بلوفه صح وامداك تظلعين بقرعته نخل..!! تري المغريات برا وعيال الشر وااااااجد.. انا اخاف من لو كانت عاطفته جياشة نحو غيرك وهذا سبب التصحر معك عاطفياً.. انتي انسانه متمكنه ودمك خفيف بس يبي لك شوية تركيز على زوجك ورح تلاقينه ولا احلى منه حاولي ولا تيأسي.. واعلمي انك بكل ماتفعلين مأجورة وفقك الله... وسدد بالخير خطاك |
سبحان الله ... قسم بالله من يومين وأنا بودي أكتب رد بموضوعك مع اخونا الجانب الاخر أسأل عن أخبارك
عندي سؤالين افتتاحية الحوار الأفلاطوني :) أول شي ... ليه ما نقول متزوج ؟؟؟؟؟؟؟ كيف تأكدتي أنه مشاويره مو زوجة ثانية ؟ ثاني شي ... هو دايما يتأثر بكلام الناس ويبني رأيه من كلام الناس ؟ |
اقتباس:
هاتي كرسي بس لازم يكون مريح لأن الئعدة مبين مطولة :d |
اقتباس:
أنا مو كاملة وأكيد مليانة عيوب لكن ماهكذا تورد الأبل لوشو كل هذا وش صااير وش مسوية وش ذنبي مافيه مبرر ابد للي قاعد يصير الله يخلف علي ياارب |
اقتباس:
ربي يسعد هالروح... ليش مانقول متزوج!! لأنه ببساطه ماتصبر عليه وحده دلخه غيري:d يمكن متزوج بس هل المتزوج بالمره يعاف الأولى! ماعاد يقدر يسوي معها شي من باب التسليك مثلاً والتسكيت! يعني ماخذ كيم كرديشان على غفلة وماعاد يغريه شي! اللي ماخذه عقله ومتشبع معها لدرجة مايقربني معناتها متمكنة من قلبه ومريحته ورراه مايعلنها ويفتك خاصة علاقتنا المتوترة السنة هذي تساعده يعلن هالشي ويأخذ راحته معها ثاني شي طلعاته باقي الأسبوع اعرف وين ومتأكدة من هالشي خاصة لما اكلمه واسمع اللي عنده يعني لو عنده وحده غيري راح لها مو يضيع وقته عند شباب ويهملها هالسالفة دققنا فيها انا وياك قبل اروح اسوي نسخ لردي..:d اما روحاته آخر الأسبوع والله مادري اشك فيه رغم انه يقسم ويحلف انه مو متزوج صدقيني لو متزوج وضعي وياه الحين يساعده انه يكون لها وش ينتظر! النقطة الثانية اللي سألتي عنها هو رجال يهمه سمعته جدا ويتأثر بكلام الناس وممكن يتأثر رغم فوة شخصيته صدقيني ماعدت أعرف زوجي صرت اشك اني على نياتي وانه عايش حياته بالطول والعرض والا وش يصرفه عني! ويخلي فيه صعوبة للتفاهم والحوار والإنسجام!! كأننا اطرم يتفاهم مع اعمى!! |
زوجك يحتاج لفك طلاسمه ..
وحوارك معه رغم قسوة الكلمات سيخرج ما بداخله .. فقط استمري بالحوار .. للوصول عل اقل تقدير لنقطة توافق مرضي لكما .. ولكن ،، ليكن حوار إيجابي صريح وله هدف وزوجك ماهو خااالي الله يكون بعونك |
حبيبتي الله يعينك يا رب
ان شاء الله ربنا بيهديكم لبعض |
اقتباس:
|
كل عام وأفراحك تزيد وجروحك كلها تلتئم ي رررررب
( العنوان جذبني ولا أنا محرمه ع نفسي ادخل هالقسم : ( كل مواضيعه محبطه ) الله يفرج همك وييسر أمرك و عام حااافل بالمسررررات والأفراااااح و البركااااات أتمناه لك و لي وللمسلمين أجمعين |
الله يصبرك يا أختي
زوجك كم عمره ؟؟ وهل يعاني من أمراض سكر ,, ضغط ؟ يا أختي أكيد أنتِ عارفه ألادويه المساعده لمن يعانون من ضعف جنسي ؟ ليش ما يستخدمها زوجك ! بصراحه ما أشوف فيه أي مانع مهما كانت الاسباب لأستخدام هاذه الادويه وخصوصآ لمثل حالتكم ولهذه المده ؟ |
قلتلك من قبل وارجع اقلك العيب مو منك لاتلومي نفسك وتعذبيها بالعتب ولايهزثقتك بنفسك زوجك موطبيعي وانتي
تقولي مو متزوج ولو اني اشك وهو يقول راح لشيخ وقلومافيك شئ يعني فعلا شئ محيير وباين انك منجد ع نياتك اللي يفرج همك يالغالية ويكشف لك وجوه الحقااااائق ويريح بالك ياااارب |
اقتباس:
عموما مصيره ينكشف..لو كان متزوج طال الزمن ولا قصر...بس انتي اثقلي وخليك بعيده عنه وقومي بواجباته ولاعاد تسولفين معه الا اذا هو بدا يسولف..عيشي لعيالك وبس..ولاتفكرين فيه وفي وضعكم.. |
انا معك بخطوة يوم انكم ع السرير وهذيتي مسباحك عليه صدقيني بيعيد حساباته الايام الجايه بعدذب الكلام اللي جاههو صحيح كلام قاسي بس احسن خليه يصحا
|
بنات أنا ورطت روحي
البارح لمن جاء ينام فيني قهرر منه فيه اشياء كنت أشوفها عليه وكنت المح لها مثل أرقام حلتها عنده بأسم حريم وكلهم 2 وإتصالاته موب كثيرة ولا طويلة رسايل تجيه كلها حب وغرام وصورة فاضحة نوعا ما وحافظ الرقم بأسم رجال وحلفه انها وحده تراسله وشاك ان احد دازه له مثل لمن أكتشفت مره إن فيه رقم باسمه ولمن سألت وحلفته قال خويي مطلع باسمي وأنا واثقة لاخويه ولا يحزنون خاصة لمن تابعت الأرقام لقيتها في الايام اللي يغيب فيها زوجي مو مغازلجي متمرس لكن عليه ملاحظات خلتني ماعاد أرتاح له واظن فيه السوء المهم قلت أبيك تختار وقت ومكان نطلع فيه أبي نتكلم ونحط النقط ع الحروف يا نرجع مع بعض ياترجع بدوني..على بالي أخوفه قال بكره اللي هو اليوم: ( يمه..: ( خفت منه والله... عارفة الحكي مثل قلته.... ببالي أعيد السالفة له لأن كل هالأمور مع غيابه الويك اند مع تغيره علي وعصبيته هي مشكلتنا اساس مشكلتنا هو بس كل ماجيت أصارحه بشكل مباشر أخاف ينتهي كل شي من عناده لأنه يشوفني شكاكة ونكديه ببالي أصارحه وهو أصلاً عارف هالشي انو الخلل في تصرفاته هو في اللي قاعد يصير وإني أبي تفسير مقنع للرقم اللي باسمه ( طبعاً سالفة الرقم لها يمكن 4-5 سنوات! ) وش رايكم احكي معه وش اقول وحطوا ببالكم تراني ما أبيـــــــــــــــــــــــــــــــــــــــــه ولو بيدي تطلقت اليوم قبل بكرة بس مالي احد أروح له لو طلقني ذلني الله يذله فشوفوا وش مناسب اقوله أو اكنسل الروحه خاصة إني حلمت حلوم الليلة كلها فيضانات وغرق يارب سترك "" سالفة زواجه أنا معاشرته وأعرف وحده له ممكن متزوج ليش لا بس والله صح اشك بس اسلوبه مو مقنع زوجي أعرفه لو متزوج ومرتاح معها قسم بالله مايضرب حساب بيت ولا زوجة ولا عيال ولا أحد هو نفسية أظن مراهقة الأربعين لاعبة بحسبته أظنه إكتئاب وصار يحس معي ومع الأولاد بالعصبية ماعاد يتحمل فكرة إرتباط واسرة قسم بالله راسي مصدع اعجز القى تفسير للي يصير ودي يصارحني ويفتح قلبه حتى لو كان شي موجع لأني أصلاً عايشة الوجع كل لحظة ماعاد تفرق معي أنتظر ردكم علي بخصوص طلعتنا وش مفروض أقول أو يكون أسلوب حواري... |
على فكرة
رمضان مايروح أبد الويك آند ولا يفطر إلا عند أحد غير أخوانه ولا عمره تسحر عند أحد ولمن اقول غريبة ماتروح رمضان! قال عشان صلاة التراويح انو هناك أظن يصلون جماعة حسب مفهومي فممكن مافيه أحد بيصلي تراويح فيهم ولا يبي يفوتها!! وهو بالفعل مايترك صلاة التراويح هالسنة هذي اشوفه يتعب واوقات مايصليها ومع ذلك مايروح طبعاً يوم العيد أستأذن ومشى تتوقعون لو متزوج يتركها رمضان كله!! مايفطر لو يوم معها!!! وش هالزواج اللي مو معطيه حقه بأي شي!! اللي يعاملني بالشكل هذا وبسبب إنها على قولتكم بكر ويمكن انبسط معها قسم بالله ماعليه من أحد الرجال أنانيين إذا لقوا راحتهم مايهمهم أحد وزوجي لو تزوج همه الراحة أكثر من الجنس إذا مرتاح لها لدرجة عايف جوي بيروح لها مو يقعد عندي ويضيع عمره بإستراق لحظات معها وهو على مشارف الخمسين! |
برأيي ترمي الكره بملعبه .. قولي له ما عندي مشكلة إذا كان هذا واقعنا بسبب مرض أو شي خارج عن ارادتنا .. عشت معك وانت زوجي ويهمني المودة والحنية بالبيت أكثر من أي شي .
لكن تقولي انتِ السبب وجسمك وما ادري وشو قهذا كلام غير منطقي وارجو ان تحترم عقلي شوي . لأنه المسألة مو واقفة على علاقة زوجين .. حتى المودة والحنية وعلاقتك بالأولاد فيها شي . عندنا مشكله واحنا كبار واعيين عاقلين ونقدر نشوف لها حل ... شوف طبيب .. شوف شيخ .. وإذا السبب تعرفه فلا تخبيه عني .. لكن ما تقول تراكمات أو جسمي .. هذا كلام مو منطقي ولا يدخل بعقل عاقل ... عندك شي ومنت خالي وأنا زوجتك واللي عندك مأثر على حياتنا انا وانت والأولاد ومن حقي أعرف لا تركزي على موضوع الجنس .. ركزي على تعامله معكم بشكل عام ومن ضمنها العلاقة الخاصة لا تجيبي سيرة شيء مضى وانتهى من زمن ... شغلة انه حاول بعد ما رجع من السفر وأنه كان لطيف معكم ومع ذلك ما قدر يكمل معك فهذا معناه بأنه عنده مشكلة مثل مرض مثلا تمنعه .. لو كانت التراكمات هي السبب ما كان حاول ولا كان لطيف . لما فشل تغيرت نفسيته ... أو تغير بسبب كلام سمعه عند الأهل .. ممكن ذكروا موضوع أو قصة وهو ربطها فيكم وتضايق ... هل ممكن يقولوا عنك كلام مباشر ... شكوى أو تحريض ؟ |
اطلبي منه يصارحك اذا كان متزوج ولا لا وقوليله انك عارفه كل شي لكن تبينه هو يقلك بنفسه...,اضغطي عليه واكديله انك عارفه وش الي عنده .بصراحه بعد ماقلتي صوره فاضحه ورسايل عرفت طينة زوجك...
لاتقولين زوجي ماعليه ولاهمه احد لو مبسوط كان جلس عندها ولافكر في احد...لان انتي واحنا ماندري وش ظروفهم ..الي تخلي وضعهم كذا<<<هذا اذا كان متزوج>>> وحطي في بالك احتمال انه ينكر انكار عجيب...و حطي في بالك انه راح يحلف باغلظ الايمان انه مو متزوج ولا حتى مسيار او عنده وحده ويمكن يبكي دم عشان تصدقينه كل هالاشياء يسوونها عند المواجهه عشان يثبتون برائتهم ويطلعون منها مثل الشعر من العجين ...يعني جلستكم مارح تفيديك ولاراح تطلعين منها بشي يقطع الشك باليقين..الا اذا بتجيه شجاعه ويعترف لك بالحقيقه.. ونصيحه .. لعاد تفكرين فيه وعيشي لنفسك واذا فيه شي مصيره بتكشفينه...لو بعد 10 سنين.. |
كلامك حلو
يعني تشجعيني اروح مااكنسلها؟ احس محبطة وماراح اطلع بنتيجة واشوفه عصبي على هالصبح مااقدر اتكلم معه وهو كذا احس بيعصب ويثور ياناس مخه مقفل معي مايبي نقول فيه شي اذكر لمن رجعنا من المطعم وقلت انك معصب لاتهنيت ولا هنيتني حتى الاولاد اثرت نفسيتك فيهم قال حسبي الله عليك انتي اللي شحنتيهم هلي ولمن دخلت بنتي قال ماانبسطتي قالت الا بس كنت معصب قال حسبي الله عليك وعلى امك يعني مشكلته مايفهم وشلون يتحاور ولا يسمع الطرف الثاني ولمن نعاتبه يتنرفز مايبي نقول فيه عيب بس عادي هو يعيب فينا من راسنا لرجلينا |
اهم شئ ياقلبي تكوني اثناء الحوار واااثقة بنفسك وقوية ومرتبة الكلام الي بتقولينه مويهزك ويخوفك بصوته العالي وخصامه ابدا يالغالية لايأثر فيك انتي معك حق تحطين النقط ع الحروف وتعرفين اش عنده والله ييسرلك ويفرج همك
|
اقتباس:
لا تقولولي زوجة ثانية ولا ترسبات ولا نكد ما في شيء يخلي رجل يبرد بعد أن بدأ مداعبات وقبل ووووو ثم يبرد بوسط حالة جماع غير مرض .. سحر .. فيه علة بصراحة محتارة بموضوع جلستكم ... هل مفيدة أو لأ ... خلي ببالك اكبر احتمال انه اللي عنده مرض أو سحر وبناءا عليه قرري أحب أعرف رأيك بموضوع اختنا شقردية http://www.66n.com/forums/showthread.php?t=230594 |
حاول ينام
يعني انتصاب وبمجرد مايبدأ شويتين يصير ضعف وارتخاء كامل وعذرا على صراحتي لكن من شدة ماهو فرحان انه انتصب يبدا المباشرة بدون مداعبة خايف يرجع يتفشل لدرجة اني اتالم واتعب وطلبت منه يجيب كريم ملين قبل الشي هذا فشكلي روعته عقبها ماقربني على فكرة هذي حالتنا من كم سنة بس توقعت بعد انقطاع مقارب لسنة انه بيجي برغبة قوية ويخلص انصدمت من اللي صار اداريه او اداري روحي وياليت ساكت لكن يجي بمبررات غير صحيحة مدارة لفشلة ويقول ترسبات هنا انا احس بداخلي انهيار تام وقرفت منه فوق طلعاته ونومه برا وفعايلة السخيفة يجي يقول ترسبات قسم انه ابله وماعنده سالفة ولا حسن ادراك طول عرض على شنبات طل!!! مازلت اشاور اتكلم معه والا بلاها انا بصراحة 70٪ ماعندي رغبة كلام لاني ماراح اطلع بنتيجة بس مو عارفة حتى كيف اصرفه بدون مااجرح شعوره المرهف! |
اقتباس:
اقتباس:
اقتباس:
عزيزتي مليت .... كل عام وانت بخير وربي يفرج همك انا سويت اقتباس من كلامك و من كلام اختنا ((احساس الامل )) ما انصحك انك تروحي المقابلة ...لانك قلتي بنفسك انك ما تدرين وش تقولين ... وانك ما عندك مانع انك تتطلقي ..ولكن المشكلة وين تروحي بعد الطلاق ....يعني عزيزتي جاوبتي على نفسك في حال انه ما عجبة الكلام و تطور الموضوع و وصل الى طلاق ...يعني انت حاطة في بالك نسبة انه توصل الى طلاق وكلام اختنا احساس الامل ...هذا اللي دائما اقوله لك ...العيب في زوجك مو فيك.. و واحد بقوة شخصيته تبغينه يجي يعترف لك بان المشكلة منه هو ؟؟؟ والله لو يحطون السيف على رقبته ما راح يعترف ان العيب منه ريحي بالك يا مليت ...وعيشي حياتك مع اولادك ...اللي عليك سويتية و ما قصرتي وخلي الباقي على الله طلعتك اليوم معاه راح يخليك ينقم عليك اكثر من الاول انت على بالك هو عارف وش يبغي؟؟؟ اتوقع حتى هو مو عارف وش يبغي في ناس كذا يا عزيزتي مليت ...يمر من الجدران ... ضايع ..ما يدري وش يبغي ويخلي الطرف الثاني يشك انه هو اللي غلطان و مو فاهمة وربي يعينك |
ليه الغرور
قالوا للحرامي احلف قال جاك الفرج بيحلف اغلاظ ايمان انه ملاك طاهر منزه والخافي اعلم به انا ماابي يعترف باي شي ابيه بس يعاملني بما يرضي الله ابيه يخف تسلط وعصبيه ويحترم الراي الاخر ابيه يحترم عيالي ورغباتهم وفكرهم دايم خايف علينا من الضياع والناس الصايعة بنفس الوقت دايم طالع وينام يومين مو كل اسبوع بس غالبا قسم بالله كل اللي مانعنا نسويه بغيابه ومايدري طبعا مو شي حرام بس كذا مزاج يمنع وعايش حياته طول عرض مايدري اني لو بضيع انا او عيالي كان من زمان ضعنا لو اطلع وانام مع احد زي الموية اسويها بس الحمدلله الله حافظنا من هالامور الله يغنيا بحلاله عن حرامه وبفضله عمن سواه معليش اكتب من خلال الجوال احس اني العب كراتيه الله بعينكم علي |
بنات الله يوفقكم
Beta2 وينك حبيبتي دخل قبل شوي قال حددتي وقت قلت أنا قايله حدد أنت قال أختاري وقت لازم نحسم الموضوع وبأسرع وقت ممكن مادري وش يبي يحسم هو ويا وجهه الحين أنا المغتثة وهو اللي يبي يحسم قال أهم شي تختارين وقت رايقة فيه تسمعيني واسمعك قلت أهم شي يكون فيه إحترام في الكلام .. والله حسيت بشعور الخروف اللي ساحبينه للمسلخة الحين نشبت وش بيقول الحرمة لازم تحافظ على بيتها تداري خاطر زوجها تهيئ له الجو تراعي شعوره جعله الطاعون اللي يرفس بطن عدوه أهيئ له الجو وجوي رايق وهادي وجلسة حلوة مادري الا لاقط شماغة ويدج لأي أحد يقعد عنده وشلون يفهم هذا وش أحاكيه أقول إذا كل كلامي مغلوط وكل شي بيدي وش أفاتحه فيه قسم بالله إني واثقة من نفسي وحاجتي وكلامي وأفحم أي شخص بس معه كل شي بقوله ينقلب علي أحاكيه عن نومه الويك آند؟؟ عن إنصرافه عني؟؟ والا عن تعامله معنا! قسم بالله سوالفنا تقل القذافي خرط خرط خرط بلا نتيجة تكفون أسعفوني أروح والا انحاش؟ |
يعني لو بحكي عن نومه برآ
قال مافيها شي كل الناس تطلع وتنوم عادي وأنا ماقصرت بشي أنا أغير جو من ضغوط العمل والحياة - زوجي عسكري- ويحلف ويقسم انه مافيه شي غلط طبعاً لمن أشكك بأسلوب النومة انه متزوج أو فيه شي غلط لو متزوج يعصب يقول ماعندي في أحد واحط أصبعي بعيون الناس ماعلي منهم غير انه يقول الله يقطع الحريم من أولهم لآخرهم ماوراهم الا وجع الرأس! ولو شككت في أخلاقيات المكان قال شايفتني سربوت! ولو تضايقت من طلعته كل يوم إنها صارت فرض يعني ماأطالبه يقعد طول اليوم أعوذ بالله بس قصدي أبي أحس يوم من نفسه يكون مشتاقيكمل الجلسة معنا يقول أنا معكم طول اليوم!! أطلع أدخن وأجي ( والله اللي قاهرني كان مدخن من خذته وشيشة بس طلعاته ماهي كثيرة إلا نادرة وكل تمشياته وروحاته معي بس ال7 سنوات الأخيرة طاح بالإستراحة بعد ماأنكفش كم مره بقهوة يدخن أستحى ونصحوه اللئيمين يقعد معهم بالأستراحة أستر له ومن بعدها آدمن طلعه! أصلاً من سكنت بروحي صار أجرأ قبل أهله لهم هيبتهم!)... لو حاكيته عن أسلوبه وسلوكه حطها فيني اني أعاند واصلاً دايم يكرر إنا غير متافهمين وودايم يقول عني وعن الأولاد انتوا شرق واناغرب الا نقول: ياسلام على كلامك كله درر والله ماأنسى طب ببطني لمن حاكيته عن برنامج الفايبر انو مجاني لو تحمله قسم بالله ماخلى ولا بقى وكنا بنشوي قسم بالله أنشويت أنا منه وذب بالكلام وأنتي حلال وانا حرام مادري متى قلت حرام! وهول الأمر وخربت الجلسة ويأمني بأسلوب مستفز ويذب علي بالكلام في شرفي... وراحت الليلة كلها مشوية من كلامه وماأنسى وهو مسافر الحج حمل الواتس آب برنامج محادثة للي محفوظة أرقامهم عنده طبعاً شفت أسمه وعرفت إنه حمله وطارت عيوني صارت مترين قلت يالله خل نشوف وش يسوي أكيد عرف إني حملته بيهاوشني وشلون وهو محمله! وكيف حلله الحين وهو قبل 10 ايام هبل فيني الرجال بعد مرور 24 ساعة أظن عرف معلومة انو اي أحد عنده البرنامج بيعرف إنك حملت ويمكن عرف سالفته وعرف إني محملته فوش سوا؟؟ أتصل 12 بالليل يسلم قال أنتي محملة الواتس؟؟ قلت ايه قال يالله جتك رسالة مني!! قلت حركااات وانا ودي أقول ايااالنذل الجبان قال خويي قال حمله نسولف طالما أنت مسافر مانشوفك وبلاش قلت بخاطري كلام صديقة أقنعه وأنا الضعيفة نكد عيشتي!! تراني للحين مقهورة ومابينت السالفة عشان ماأبي مشاكل شفتوا كيف الامور تجي بصالحه لمن يبي ولمن مايبي أكون أكبر قليلة آدب على وجه الأرض! قبل شوي وأحنا نتغدى كان يهاوشني لاتقعدين تقولين شي لي قدام العيال هذا اللي كرههم فيني يشوفنك كذا يقولون مسكينة أمنا ويكرهوني! علماً هو يتكلم وانا لا يبيني اسكت أظن يحسب صوته مشفر! من أسلوب كلامه حسيته هجومي وأحترت أطلع اليوم والا أخليها يوم ثاني مع إن بنتي قالت روحي يعني بتنظرينها يروق عز الله ماراح تروحين! والله احس اتنافض ماعاد لي خلق لمشاكل ابي أتفاهم وياه مو اطلع معه نشحن زيادة ببالي أكلمه كإستشاري بحكي اللي بخاطري كأني احكي عن وجي وهو ماله علاقة بس زي ماقلت صرت أخاف من اي كلمة حتى لو بحق تهز كياني وتدمر بيتي وتضيع عيالي.. أدري طولت السموحة.. |
احس فيه عقده نقص كبييييييره
واضح ان فيه ضعف جنسي مسبب له عقده ويحط العيب فيـك عشان تبعد عنه التهمه بس بنفس الوقت رحمته الله يعينك ويصبرك |
انا ردي نفس رد المصدومه صدقيني هذا هو لب الموضوع كله
صارحيه بموده انك مشتاقه له وعاذرته لانه موب ارادته يبعد عنك كل هالمده وقولي انا مو فاقدة الامل اكيد فيه علاج وخلنا نسعى له بكل السبل والله يجلب السعادة وراحة البال لكم وكل سنه وسعادتك تزيد يارب |
ليش ما يجرب المنشطات الجنسية مثل الفياجرا او سيالس و مشتقاتهم
اكيد هذه راح تساعدة على اتمام العملية ...خاصة انك قلتي هو عنده انتصاب و بعدين يحدث الارتخاء يعني الحبوب هذه تخلي الانتصاب مستمر باذن الله واذا عدت اول مرة على خير ..هذه راح تعطية ثقة بنفسة وتكسر عنده حاجز الخوف من الفشل جربي هذا الحل و شوفي ربي يعينك و طمنينا عنك |
لو بقول هالكلام له بيفجر المكان فيني
هالنقطة حساسة وضروري احكي فيها بس مو مقتنع انها سبب مشاكلنا يعني هو بنظره انه من عرفني مشاكل مقتنع اننا غير مناسبين لبعض هذا اللي جنني ماعنده مرونة ابد تمنيت تساندوني ماعاد عندي وقت الحين هو طالع واتوقع يرجع بعد العشاء ياخذني قايلة لكم مايفوت الطلعة عارف اني بمسكة قبل الصلاة فطلع قبل ياخذ كفايته فلو رجع ساكت بسكت ماراح اقول شي حكيت من شوي مثل المجنونة كاني احاكيه طلع مني كلام ودي اسجله لاني لما بقعد قدامه ويطير عيونه بتعتع وبقول السالفة وانسى اولها يارب سترك* |
شريت السنافي نوع مثل الفياقرا كنت بعطيه لمن طلقني وقربت تخلص عدتي ماالتفت لي
بس لمن قال معه بوادر ضغط خفت اجيب له مصيبه فرميته بالزبالة كل ماسكرت باب انسد والله اني بذلت قصارى جهدي مسوية العملية التجميلية بغيت اموت من انخفاض الضغط ولا علمته قلت لو كان عندي مشكلة ماحليتها شلت شعر جسمي بالليزر ابي جسمي زبده قلت يمكن اولع رغبته ماجاب نتيجة البس واتدلع واكشخ واتضبط يقول الزين مو كل شي ادلعه واسمي عليه يقول انا مو بزر ياويلتااه بس |
ان حبتك عيني ماضامك الدهر
اعتقد المشكلة بقلبه ماله ذنب |
خلاص بمشي بعد شوي
ادعوا لي ربي ييسر امري ويساعدني ويصلح حالي معه وتصير طلعتي خير معه ترا محد يدري عني غيركم قبل شوي كلم قال خليك جاهزة بعد الصلاة لازم نحيم الموضوع وضع مثل كذا مايرضيني ياابيض يااسود الرجال بايع والله بايع قلت اختصرها لو كنت ماتبيني اصلا بلاها كلام قال لا بس لازم تعرفين معنى زوج انا احترم اهلك واحبهم امك احب راسها ويدها وارضيها لو فيني بلا ماسويت كذا يعني جت على مطعم ونوم !!!! خلاص بروح انتحر اصرف |
أعتذر على التأخير
ان شاء الله ألحق عليك قبل تطلعي اذا صارت الجلسة بس اسأليه عن وجهة نظره هو ... قولي .. أحب انه العلاقة بينا تصير مودة وحنية ... شنو تبغى مني أسوي ... كيف برأيك نقدر نعالج مشكلتنا وبسسسسسسسس ... اتركي له الكلام .. واللي يطلبه قولي حااااااضر .. ************************************************** **** جربي كلامي وخل نشوف .. تجربة أبغى أجربها وعسى تعطينا حل |
مليت ... شفتي ردي ؟؟؟؟؟؟
لاااااااااااا تناقشيه بشيء ... ولا تكثري نقد ... بس قولي أحبك تكون مرتاح مو متنرفز بالبيت وأسعى لراحتك .. اشلون يصير هذا الشيء برأيك . بس اسمعي منه واحفظي وانقلي لي كلامه بالحرف ... |
| الساعة الآن 04:20 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©