|
اصريت على اني ابي بلاك بيري ...
السلااااام عليكم ورحمة الله وبركاته
اخبااارركم بااذن الله انكم بالف خييير انا طبعا الكل تقريبا صار يعرف اني متملكه صار لي بالضبط 4 شهور وماباقي شي ع زواجي سوا اشهر قليله ادري اني قلق وازعاج لكن ماحب احكي الا لكم تحملوووووني :27: من اول ماملكت عرفت ان زوجي معاه بلاك بيري وقلت له ابي اجيب لي بلاك عشان اصير اكلمك عليه وقال لا ومايصير ومو حلو قلت بالعكس الناس يقولون حلو ومدري شو المهم قلت له طيب ليش انت معاااك قال انا اببيعه وقلت اوكي اشتر ايفون زيي قال تم قلت اوكي المهم مشت الايام في مره كان زايرنا وحاط البلاك ع المركه قمت مسكته واسحبه مني ناظرت له نظره وسكتت وشوي وعطاني اياه طبعا بعد ما ضغط فيه طبعا انا ما اعرف له بس هو قال من هنا ايوه هذي الخدمه وهذولي المضافين ولاني استحي منه سكتت وسويت نفسي مهتمه بعدين رجعته له وبعدين قلت بنفسي يابنت كبري عقلك ومشيت الوووضع. المهم ناقشته بعد الملكه بشهر لما ماباع البلاك بيري وقلت ليش ما بعته قال ليش ابيعه البلاك حلووو المشكله بكل زياره يجي لي يكون مو معاه يقولي بالسياره انا مو قصة شك لكن شي يحير المهم اخر مره زارني حطيت ايفوني عنده ورحت داخل اجيب شي وكلمتني صاحبتي ع الواتس اب طبعا انا حاطه رمز قفل ولما جيت قالي جتك رساله ع الواتس اب وحاولت افتحها واقرا عجزت قلت اها تيب وهذي صديقتي وسكت بس قهرتني حركته احسه شاك فيني طبعا اكيد بتقولوا وش رجعك للماضي .. اللي رجعني البارح سالته بتبيع البلاك بيري قال لا قلت طيب حط الواتس اب خلني احاكيك عليه قال لا انا مابي احاكيك ع طول بعدين نتهاووش وبرضو بلعتها وسكت قلت خلاص بشتري بلاك قال لا مو حلو قلت بس هذا انت معاك قال وش تبين فيه قلت عشان اكلمك عليه قال لا قلت طيب اقنعني قال ينتشر رقم البن وبعدين يضيفوك رجال قلت انا ماراح اقبل اضافة رجال ولا ماتثق فيني قال لا اثق فيك بس مايصلح لك. يشغلك عني قلت ماراح انشغل عنك المهم قلت له انا ما بحياتي قلت لك لا لاتقولي لا وانت عارف ودي فيه قال مايصلح مدري شو رحت قلت له خلاص اللي يشوفه حبيبي يصير قال لا خلاص اشتري قلت خلاص اكيد مقتنع قال دام تبينه اوكي قلت اوكي وشوي وسكرنا عشان بينام ... المهم بعد ماصليت الفجر. حسيت انه ماوده ابد رحت ارسلت له صباحك خير حبيبي انا حبيت اقولك انا مابي شي انت مو راضي عنه واذا ماودك اخذ بلاك بيري اللي تامر به يصير يازوجي وحبيبي وختمت الرساله بكلمة احبك . بكل صرررراحه ابي رايكم بتصرفاته وتصرفاااتي ؟؟!! واتقبل اي حكي ينقال. واااشكركم . * |
حلوة رسالتك، في نظري لاتحاولي أن تفتحي باب لكثر النقاش والاختلافات، صحيح يفترض أنه مايصر على رأيه لأنه مجرد بلاك بيري لكن أمور تافهة ماتستاهل تاخذ وقتكم من النقاش والخلاف، وطبعاً أكيد هو ماقالك أنه مايصلح لك إلا لغيرته عليك وحبه لك لأنه للأسف فيه ناس تستخدمة بطريقة لا أخلاقية، وهذا شي المفروض تفرحين فيه أنه يغار عليك، الله يوفقكم ويسعدكم.
|
اقتباس:
طيب ما اختلفنا وانا عديت امور كثير ولا ناقشته فيها ولا حبيت افتح خلافات ولا حابه افتح ...خلافات لكن يضايقني هيك تصرفات . اشكرك لردك علي . |
انا من رايي الشخصي اشتري البلاك بيري ولا تحطين له رقم سري خليه مفتوح وخليه يشوفه ويشوف المضافين عندك خليك عادي ومدام أنتئ واثقه بنفسك عززي ثقته فيك وسوي حركه انك تخلين الجوال وتروحين تسوين شغله خليه يفتشه واكيد يفتشه الين تكسبين ثقته اعتقد هذ1 حل مريح والله يوفقكم مع بعض |
صمت.
والله اللي قهرني اني حسيته مو واثق مو قصة بلاك ولا ايفون والان ارسلي مسج كتب لي فيها. صباحك حبي لا ياقلبي انا قلت لك عادي اشتري مافيه مشكله وانا راضي لكن اللي انا حاااسه فيه انه ماووده ابد يكون معاي وربي شي يقهر عدم ثقته وراح اشتري مو عن شي لكن بس عشان اثبت له ان مافي شي بيشغلني عنه ولو ان اسلوبه قهرررني .. مشكلتي رااح انفجر بيوووم والله العااالم وش بيصير من كثر الكبت . |
لا تأخذين الموضوع من باب إنه ليس واثق، لا علاقة هذه بتلك لكن من كثر مايسمع من القصص المتعلقة بالبلاك بيري أصبح لدى الرجل حب وحرص عليك، وترى الرجل غيرته كبيرة خصوصا على من يحب، فاتمنى أن تعذريه.
|
ما عليك منه طنشي اكثر الرجال ما عندهم ثقه لا تلومينه من كثر ما يشوف بره وانتم توكم مخطوبين يعني استحملي وهنا دورك انك تعززين الثقة وتخلينه يثق فيك والله يعطيك الصبر |
زوجك معه حق
سبق وذكرت بموضوع ان صحبتي وزوجها انواع المشاااكل بسبب البلاك بيري والله انها علئ اتفه الاسباب جدا جدا سببلهم مشاكل وملل وفتور ما اائيده ابدا للمتملكين احس العلاقه بينهم تصير عاديه جده زي لمن تكلمين صحبتك بالايميل وطبعا المشاكل مفروغ منها شي حي قدام عيني شفته وهي صحبتي و بيني وبينك فترة الملكه انا ارفض تبادل الايميل او البن او الحكي بالواتس اب لاتقولي له مره حمل واتس اب ولا بجيب بلاك بيري |
اقتباس:
وانا اغار بجنووون واذا بينت غيرتي يزعل ويقلبها انتي ماعندك ثقه وتشكين فيني واروح اخبي غيرتي واسكت ... اوكي ابعذره. وامشي الامور وابكمل السكوت .. لين ربنا يفرجها . |
و صح حبيت اقولك القصه ابدا مو مثل ماتشوفيها
مالها علاقه بالثقه قد مره حاكيت خخطيبي وقلتله بجيب بيبي ورفض طبعا موب شك فيني لكن من خوفه علي دايم يقولي انا واثق فيك لكن ماني واثق في الي برا اخاف من القروبات والاضافات الخطاء واطعته مع انو كان خاطري فيه وجبت ايفون ثم علمته |
اقتباس:
اممميييين. مشكووره قلبي . |
اقتباس:
انا معاااك اوووكي لكن رفضه بدون سبب مقنع وانا وحده للاسف عندي عقلي اهم شي واذا ما اقنعه ما ارضى. واحيانا وكثيررر لا والله صار داايم اكبررر عقلي وامشي الامور كلمني تووو وقالي خلاص جيبي بلاك معليه انا راضي وقلت اكيد قال طبعا اكيد ومافيها شي قلت اوكي تسلم وووبس |
خلاص الرجال يقول موافق
مشي السالفة ولا تزعلين حالك |
والله شوفي يا اختي
عادي خذيلك بلاك بيري ولا تحطين رقم سري وحطي الجوال على المتكى وخليه وروحي المطبخ ولا مكان هو اكيد بيضعط فيه .... خليه يضغط لين ما يشبع ,,, لي انه بصراحه اشوف البلاك بيري شي عادي جدا جدا ,,, دام الثقه بينكم وربي لو يجي مين ما يخرب بيتكم مدام انكم تحبون بعض وتوفون لبعض ,, والله يوفقكم |
مرحبا اختي العزيزه ..
اول شي ماشاء الله عليك بصراحه عقلك كبير وانسانه فاهمه ,, وبعدين خلاص دام الثقه بينكم مافي داعي انه تتابعوا بعض على ابسط الأمور ,, هو شباب ويطلع وشايف كل شي .. فهو من خوف عليك يقول لك ان البلاك جدأمزعج لأن الشباب ماتيرحموا بالأزعاج.. بس المبدأ ثقه لو ان البنت معاها مية بلاك وعاقله بتكون عاقله .. والعكس صحيح ,, صدقيني زوجك يحبك وخايف عليك ,, داريه ولا تتزاعلوا من امور بسيطه ,,ومو كل واحد يتميك برأيه ,,لا زم فيه تضحيه.. اما بخصوص رسالتك فأنا أأكد لكي بأنك عاقله ومتفاهمه وماشاء الله عليك ,, الله يوفقك ولا يغير عليك |
هههههههههههه مدري ليش أنا عكسكم ما حبيت بلاك بيري و لا غيره جهازي نوكيا ماأتغير أبد هههههههههههه وفيه لـ نوكيا حتى النخاع أنا الوحيده في العائله كلها ما غيرت نوكيا رغم محاولات صديقاتي و أهلي أغيره و أتواصل معهم لكن لا لا لا لا مش هاأتنازل عنك أبداً مهما يكووووووون ههههههههههه ياحلات نوكيا آتصال + مسج و إنتهينا |
نصيحه...زوجك لاتعودينه انك ماتاخدين الشي الي انتي نفسك فيه...لو تعود على انك ترضخين له راح يمنعك من اشياء كثير مثل حضور حفلات او زيارات صديقاتك او زياره مريض وزي كذا...اشياء تافه يحرمك منها..
يعني عوديه اذا نفسك في حاجه يشتريها لك او انتي تشترينها...طالما الحاجه ماهي حرام ولاهي عيب .. صحيح طاعة الزوج واجبه بس طاعته شي.. وانه يمنعك ويحرمك من اشياء حلوه في الحياه شي ثاني واذا طاوعتيه في الحرمان ورضيتي به معناه ضعف منك وليس طاعه..الطاعه هي انك تعطينه حقوقه الشرعيه الواجبه.. انا عندي بلاك بيري ولاحسيت انه مشغلني ابد..حتى اني استغرب من الي يقولون يشغل ومدري وش...عادي جدا زي المسن وقت منتي فاضيه تشيكي عليه..واستفدت منه كثير وفيه توفير للرصيد .. |
اقتباس:
+++1 |
انتي اصريت وهو وافق بالاخير خلاص
انزلي واشتري واحد ما تعيدي وتزيدي وتقولو هو وافق ولكن ليس من قلبه خلاص شو لسه ما اشتريتي انا ما احب البلاك بيري النوكيا ن8 صاير مثل اللي قبلو انما انا من مفضلي الآي فون سهل ولذيذ ولمس وفيكي تكتبي عربي اكره النوكيا ما بيكتب عربي اي تلفون ما في عربي او اقدر ادخل المنتدى واقرا عربي هنا اكرهه |
اقتباس:
هذا اللي صااار شكرا لردك . |
اقتباس:
وهذا اللي بيصير انشالله اشكرك لرردك . |
اقتباس:
تسلم يارررب. واشكرك لررردك . |
اقتباس:
ان شي بدون رضاااااك مابيه. عشان مايحسبها فرض راي وبس وانا اعرف اي رجال وده يحس انه له راي ع زوجته ووده يحس انها تطيعه وتمشي ع ررررايه. والحمدالله مشى كل شي على اللي ودي:17: اشكرك لرردك . مشى الووووضع . |
اقتباس:
هلا. خالتووو كل الشكر لك لرردك وانشالله بيصير كل خير الله يسعد قلبك ويشفي لك ابو اولادك. اللهم اممممين . |
البلاك بيري ..
مرة عالم تافهه بالغالب .. اشاعات .. نكت .. تهريج .. وخرافات وكلام .. وكل خصوصياتك مكشوفة .. أنا شريته لقيته تافه وغالبية اللي يستخدموه ناس فاضية ومراهقين في الغالب .. ركبت الواتس والغيت البلاك.. صدقيني لو ما اخذتي بلاك فانتي زوجة ناجحة .. |
السلام عليكم
اذا على كلامك تبين البلاك بيري بس علشان تكلمين زوجك وقت الملكة بعدها بتصيرين ببيته وقتها ليه تحتاجينه ؟؟ للأمانه انا ضد البلاك بيري جملة وتفصيلاً لما رأيته من الزملاء بالعمل مطأطأين الرؤوس يمر المدير مثل السحابة على المكاتب أشوفه والشباب منزلين روسهم بينق بينق وككككككك احس اني جالس مع مراهقين اوراق تتأخر - واهمال بالشغل - وهذولا رجال فما بالك لما يصير بيد بنت لاتروحين بعيد انتي اكيد تروحين للسوق وأكيد شفتي اكثر من بنت تمشي وراسها في الأرض تكتب وترد بالبلاك وكل شوي صادمة في أحد مره ولد - مره رجال - مره بحرمه - مره بعربيه وزوجك رسخت في راسه هالأشكال فهو بس حريص عليك ويخاف عليك زوجتي اشتريت لها آي فون على عزه بمبلغ وقدرة وركبت الوات ساب وهي قبلها اشترت لي جوال نوكيا هههههههههههههه انا اقول خلك على الأي فون افضل وبلاش من البلاك بيري |
اقتباس:
ههههههههههههههههههههههههههههههههه توني احس بطعم المثل اللي يقول : زوجك على ما تعوديه وابنك على ما تربيه |
البلاك عادي جدا وأنا عندي بلاك بصراحه مافيه شي
والأيفون كذالك عندي مافيه شي عادي حتي الأيفون كله برامج وإذا برامج محادثه لازم عندك رقم المضافات والبي مسن بايخ بطي جدا يعني الأيفون أكثر شي حلو للي يحبون الالعاب وأيباد نفس الأيفون تماما إختلاف بسيط عنه و الشاشه كبيره أنا جربتهن كلهن وبصراحه عندي كل شي عادي ماحسيت مثل مايقولون :d خله يشتري لك بلاك وإلا أيفون وسعي صدرك لاتعودينه تتنازلين الله يوفقكم |
مابيخرب البيوت غير هالاجهزه
|
اشكرككم لردوودكم
|
اقتباس:
وازيد من الشعر بيت وهو اني قرأت تقرير قبل اسبوعين ان مستخدمي البلاك بيري يتصورون دون علمهم وهذا انتهاك للخصوصيه من قبل الشركه :25: |
^^
ماشاءلله زي رائي زوجي |
احترم رايكم
شكرا لردووودكم |
| الساعة الآن 08:12 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©