|
محتاره من تصرف زوجي
الصراحه مره محتاجه مشورتكم
انا زوجي اول مايجي من الدوام يمسك جواله يعني اغلب الوقت جواله بيده يدردش فيه اويرسل رسايل وعمري ماسالته انته تدردش مع مين المهم امس كنت جالسه بالليل عند التلفزيون وكنت ادردش بالمسنجر مع صديقتي فجاة جاء زوجي وقال انتي تدردشي مع مين قلت ليه قال وريني والا ياويلك وريته ولما شاف انها صديقتي راح المهم انا هذا الموقف حز بنفسي رغم اني تصرفت عادي ليه يسوي كذا يعني مايثق فيا انا الحمدلله اخاف الله وعمري ماسالته انت تكلم مين والا ترسل لمين ليه شك فيه للحظه هل زوجي تصرفه هذا يعني انه يغلط مع احد ويخاف اني اسوي مثله |
مجتمع الرجال غير مجتمع النساء
فغالباً أحاديث الرجال يغلب عليها القصص من الواقع والتحذيرات والإستنتاجات إضافة على وصول أخبار وحوادث لمسامعهم تجعلهم يكونون حريصين على أهليهم وذويهم ومن ذلك .. ما قد يكون حصل لزوجك بأنه كان حريص عليك من كثر ما سمع وقرأ من الأهوال فهو لم يكن يشك بك بالمعنى الذي فهمتيه بقدر ما كان يرغب بالإطمئنان عليك ومتابعة أحوالك لتزيد الثقة عنده بأن أهل بيته سليمين وخارجين عن نطاق القصص التي يسمع عنها . أعانك الله |
إللي يشك فهو أكيد يقع في نفس الخطأ بس أنآ حبيبتي مآ أبي أشككج بزوجج بس جربي إسإلية نفس السوأل وقت مآيدردش وإلتمسي نبضة من ردة فعلة.. |
ما سمعتي باللي يقول
كلن يشوف الناس بعين طبعة ...! أقولها لك ملييييون بالمئة زوجك هو يكلم ... بدليل شكه ..! و اللي يقول يتطمن يعني ما يعرف تربيتك ..! ليه تزوجك طيب .. بعض الرجال تفكيرهم سخيف جدا .. |
اقتباس:
ان شاء الله انه موب شك اتوقع حرص من خوفه عليك .. |
اختي في الله ان أكثر ما يؤلمني هولدخول أحد الزوجين في متاهات الشك
سأذكرك: ان لبعض الظن إثم لا تفتحي مجال للشيطان ليخرب بينك وبين زجك. أفضل طريقة هي مفاتحته بالموضوع وبيني له أنك متضايقة من تصرفه أنت أعلم بزوجك ومن تدينه وخوفه من الله ولو كان من النوع المتهاون في صلاته مثلا أو لديه تصرفات غير مقبوله أو ضعيف إيمان فعليك نصحه باسلوب لطيف اتمنى لك التوفيق |
جزاك الله خير اخي الرسمي وانار الله حياتك بالايمان
جزاك الله خير اختي ام رتودي والله يسعدك دنيا واخره انا بساله واشوف ردة فعله اختي شووجي جزاك الله خير هذا رايك وانا احترمه بس انا مااحب اسئ الظن الله يرزقك اختي جرعة تفاؤل ويحقق امنياتك يارب |
الله يسعدك اختي اعشق اسمك ويحقق لك مرادك يارب
انا احاول اني اتناسى الموضوع لاني واثقه من نفسي بس حز في نفسي تصرف زوجي يعني مايعرفني وانا عايشه معاه سنين الله يهديه |
بغض النظر عن الموقف اللي حصل لك هل كنتي تشكين بزوجك ،، هل احسستي منه بتصرف غريب ،، يعني هل كانت له علاقات سابقه ،، اذا طلبتي منه الجوال يعطيك اياه على طول والا يصرفك ،، يجلس لوحده لفترات طويله ،، اتوقع فيه علامات تبين ان كان الرجل يخون زوجته والا لا وان شاء الله زوجك مو من هالنوع بس يمكن على قولة الرسمي كان خايف عليك مع انه كان من الافضل يبين هالخوف بطريقة افضل ان كان كذالك ،، والله يبعد عنا و عنكم يارب مداخل الشيطان ومخارجه .
|
فديتج.. إن شآء الله مآيكون فيه شئ بس حب إطمإنان ع لقافة هههههههههههه.. |
الله يسعدك اختي متفائله عمري ماشكيت بزوجي ولاعنده تصرفات مريبه تخليني اشك فيه لانه اغلب وقته معايا انا والاولاد حتى لما يدردش بجواله يكون جالس معانا وانا عمري ماقلت وريني جوالك اوفتشته
الله يجزاك خير اختي وينور حياتك بالايمان |
أختي إنصحي زوجك في هذا الأمر بالحكمة والموعظة الحسنة وتبيني له عظم خطر مثل هذا الظن السيء
لا يوجد اي بيت خاليه من المشاكل كوني ذكيه حنونه لان الرجل يشعر بالطمأنينة والسكينة لما يشعر بالحب من زوجته إبعدي عن اللي يثير شكوكه وغضبه وحيرته لا تفتحي اي باب للشيطان حبيبتي والشكوك احس كانه مثل الاسنان المتسوسه تبد بسنه واحده وتنتشر ليييين الالم تكثر والتسوس توصل لكل السنون والله يوفقكم ويسعدكم في حياتكم الزوجيه يااارب العالمين |
أختي شوكه بين ورود لأنسان من خلق الله له خلق عنده حب أستطلاع لا أكثر ولا أقل لاتخلي لشيطان مقر لكي يستقر ويعيشك بهم وغم خليكي طبيعيه وطبقي المثل اللي يقول لاتسرق ولاتخاف أنتي كنتي مع صاحبتك خليه يشوف خير ياطير
بالعكس هذا يكبر ثقتك في نفسه وتكبرين في عينه هذا من صالحك لاتتوقعي أنه ضدك الله يوفقك يارب ويسعدك...شااااب |
مابدى ياكى تنفرى ولا تتضايقى
الرجال الشرقى يشوف لنفسه حقوق ماهى للزوجة واحنا متعايشين على هاد الموضوع بس أبى اوضح انك لازم تتحدثى معاه ولازم تفتحوا قلبكم لبعض هو يقولك شو بيضاقة وانتى تقوليله شو بيضايقك الله يسعدكم ويبعد عنكم الشر |
هلا شكشوكه ..
ترى الامر عادي جداً .. ومن الضروري تبسيط الامور هذي .. والتقارب فيها .. لكي لا يكون بالنفوس شئ .. ولو اراد زوجك بحث من وراك وبدون ما تحسين .. وما يكون سؤال حاضر ومباشر.. لكن :: ردة فعلك اثتاء الموقف تعني الكثير .. لك وله .. وبشرينا كيفك حياتك الان معه :: عسى خير |
عادي يصير كثير بين الازواج مثل كذا... بس في موقفك البنت تتأثر اكثر لانها حساسة بزيادة... وهو جلف شوي كان ممكن يتأكد بدون ماتحسي... اذا هو شكاك... اللي يشك ويخون مايجي يسأل ابد خذيها مني...
|
اتوقع لقاااافة لا اكثر ولا اقل
|
ربي يسعدك اختي شوفي انا عندي وجهة نظر ثانية ويمكن تكون صحيحة لأنها احيانا تصير بيني وبين زوجي يمكن فيه واحدة قاعدة تلعب عليه وهو عصب واعتقد انه انت تختبرينه عشان كذا جاء معصب وسألك لا شك ولا هم يحزنون واكيد زوجك مو من النوع اللي يحب اللعب مع البنات عشان كذا عصب بس يعني ممكن تكون المسألة بسيييييطة جدا وبعيدة عن الشك مررررررة
ربي يسعدك ويريح قلبك يارب |
لا تكبري الموضوع عزيزتي
من واجبه ومسؤوليته المحافظه على اهل بيته لا يعني انه يخون ولا يعني ان كل من يشوف بعين طبعه يا ليت الاخوات والاخوان يراعون الله في ردودهم على اصحاب المشاكل يا ناس والله ممكن تهدمون بيوت بكلمه ! اتقوا الله اختي حبيبتي قولي الحمدالله ان زوجي يسمح لي ادخل النت وادردش مع صديقاتي .. في غيرك ممنوعين من النفس زوجك حكيم وواثق فيك ولو كان غير كذا كان منع عنك النت بكبره :) اتوقع مثل ما قالت اختي اما الاسدين في حد يلعب عليه بهذيك اللحظة وشك انه ممكن يكون مدزوز من طرفك لا سمح الله لا تسيئي الظن وخلك "كوول" يعني أي وقت يطلب يشوف لا تعاندي وتسوي فيها سالفة كرامتي وانت شاك فيني ومن هالكلام ربي يهدي سركم ويسخره لك ويحفظكم |
وانتي مخليه زوجك على كيفه يطقطق طول الوقت في الجوال....طيب تحركي شوفي زوجك وش عنده ..دردشه طيب مع مين يسولف وش نوع الكلام حتى لو يسولف مع رجل مثله لازم تعرفين وش مضمون سواليفهم ولاتنسين اصدقاء السوء؟؟ انا اقصد من حقك تشوفين وش عنده من اجل نفسك وعشان تبيين انك مش غافله عنه ويحسب حسابك..المفروض يوم جا قالك وريني مع مين تتكلمين على طول تواجهينه وتقولين انا عمري ماقلتلك تسولف مع مين ونت طول الوقت في الجوال ولاعمري سالتك على الاقل يعرف انك منتبهه ومنتي غافله عنه
انا اسفه اختي بس انا مااحب المثاليه الزايده لدرجة انه نضحك على انفسنا وعلى صاحب المشكله ونهون له الموضوع وبعدها بشهر يجي يشتكي مره ثانيه من مشكله اكبر من الي قبلها يقولون الزوج مثل الطفل والطفل مستحيل احد يتركه بدون رقابه وبدون ماتنتبهين له..بس الفرق رقابه الزوج تكون من بعيد بدون مايحس بصراحه انا استغرب من بعض الحريم الي فيهم غفله بشكل مستفز.. زوجك لانه عارف ان اي واحد سوا شي غلط بيشوفه في اهله او زوجته او بناته عشان هيك زوجك خايف... |
لو انه صحيح شاك فيك كان منعك من النت ..منعا باتا
او تجسس عليك بدون ما تشعري... لا تكبري الموضوع . |
جزاك الله خير Arabوالله يسعدك يارب من جد الشك اذا دخل البيت يهدمه والله يكفينا شر الشكوك
ويديم السعاده والطمانينه ببيوتنا يارب جزاك الله خير اخي شااب والله ينور حياتك بالايمان اختي عصفوره حره جزاك الله خير والله يسعدك بحياتك يارب بالفعل الرجل الشرقي يسمح لنفسه بالتدخل في كل امور شريكة حياته الله يهدي ازواجنا يارب هلا وغلا باختي الغاليه شقرديه الله يسعدك ويحقق لك كل امانيك يارب انا الحمدلله حياتي مستقره ولله الحمد ولكن تصرف زوجي هذا ضايقني وانتي صادقه لوبيفتش وراي كان ماسالني يالله هذي الدنيا تشوفي فيها العجب جزاك الله خير اخي مشكلتي زوجتي والله يسعدك بحياتك الزوجيه ويحقق مرداك يارب اختي روزي جزاك الله خير والله يسعدك يارب اختي ام الاسدين الله يسعدك وينور حياتك بالايمان يارب يمكن نظريتك تكون صحيحه لانه قبل فتره كان يقول ان فيه رقم غريب يرسله رسايل الله يسعدك اختي بنت ابوي ويحقق امنياتك يارب انتي صادقه لوكان يشك كان ماخلاني على النت وكان شاله من عندي خصوصا ان اغلب وقته بالدوام جزاك الله خير اختي ليه الغرور انا برجع اشوف زوجي مع مين يدردش بس بطريقه غير مباشره |
الله يسعدك اختي سيلا ويحقق امنياتك يارب
|
| الساعة الآن 09:43 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©