|
فتاه مزعجه من نفس مدينة خطيبتي ..تطرد ورائي المستجدات بالرد45,93,126
السلام عليكم ورحمة الله وبركاته
مدري كيف ابدا الموضوع ... لانه ( غريب) انا الحين اجهز امور الزواج من قصر افراح وذبايح وعشا وكروت افراح وحجوزات وسكن واثاث ومليون شغله براسي الموضوع كالتالي: قبل يومين جاني اتصال من رقم غريب ورديت ولا اللي تتكلم بنت تسأل انت فهد قلت لا والله ماني فهد ...غلطانه وسكرت الخط انتهى وقتها كنت في سيارتي مسافر لشغلي وكان 12 الليل وكان الجو ضبااااااب فما كنت اقدر امشي اكثر من 50كيلو متر في الساعه لانك ماتشوف شي وبعد الاتصال .... البنت بدت ترسل رسايل ثلاث او اربع طبعا بس اقراء وما ارد ارسلت رساله وقالت فيها ...مين انت مارديت ارسلت رساله بعدها وقالت : ممكن نتعرف مارديت ارسلت رساله غريبه قالت : واذا قال غلطانه؟؟؟ مارديت بعدها اتصلت خطيبتي رديت وقلت لها بعد حوار بسيط اني ماسك خط والجو ضباب وما اقدر اكلمك لاني لازم اركز في الطريق بعدين اتصلت البنت ورديت قالت مين انت قلت انتي تبغين فهد صح قالت ايه قلت ماني فهد غلطانه وسكرت وبعدها بدت ترسل رسايل حب وغرام وانا مارديت الساعه 5 الفجر وصلت ..... رحت شقتي صحيت من االنوم وفيه رسالتين من هالبنت مارديت الساعه 12 امس بعثت رساله تقول صباح الخير رديت انا بقي 6 ساعات ع الصبح مين حضرتك و وش تبغين قالت: انا بنوته قلت: ممكن اعرف سبب ازعاجي قالت: نتعرف قلت: من وين جاك رقمي قالت:حسبتك صديقتي بس غلطتو طلعت لي انت قلت: طيب اللي يغلط مايكرر غلطه قالت: حلو لما تتعرف على اشخاص قلت : بس حرام قالت:ليه معصب الدنيا ماتسوى قلت: لامعصب ولاشي بس اسلوبك غريب وماشفت مثلك .... سوري بس عيب قالت: وش اسمك طال عمرك قلت:مابجاوب على شي وبعدين انتي قلتي اسمي في وحده من رسايلك قالت اسم صديقتي :ملاك ملاحضه: البنت ارسلت رساله قالت في بدايتها اسمي لكن بدلع اسمي (مالك) وقالت (ملوكه) فلما سألتها كيف ماتعرفيني وقلتي اسمي في الرساله قالت اسم صديقتي(ملاك) قالت : انا ما اعرفك ..ممكن نتعرف؟؟ قلت:سوري اخاف قالت: تخاف مني انا مش وحش وتضحك قلت: ما اخاف منك قالت": اجل من مين قلت: اخاف من الله قالت:اسفه دقيت بالغلط كنت بكلم صديقتي وطعت انت قلت: الله يهديك ويستر عليك فوق ألأرض وتحت ألأرض ويوم العرض قالت:تسلم يد ربتك بعدين انتهى الموضوع بالنسبه لي وبعد ساعه اتصلت حبيبتي خطيبتي سولفنا شوي وسكرت عشان بتنام وع الساعه 2 الفجر جاني اتصال من رقم غريب رديت ولا بنت... طلعت هي البنت ألأوله اللي مزعجتني من امس تتصل تعتذر ومن هالكلام وانا معها جاف وكأن الموضوع ولاشي عندي وتبرر وتكرر كلامها انها غلطانه في الرقم وان هذا رقم صاحبتها قلت ان الموضوع انتهى وانا نسيت خلاص الله معك قالت بس بحفظ رقمك عندي قلت : حنطيه ... بس رجاء لاتزعجيني قالت : بس نكون اصحاب انا محتاجه احد يكون عاقل لاني بنت طايشه محتاجه احد يوقف معي قلت : عندك ابوك اخوانك مابيقصرون .... يلا باي وسكرت الخط في وجهها وشوي ولا هي تراسلني ع الوت ساب وتسأل وش اسمك كم عمرك وين ساكن الخ الخ الخ وانا مارديت عليها لكن ارسلت ملف خريطه موقعها وفتحته وطلعت من نفس مدينة خطيبتي؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!! وبس ماعاد كلمتها ... رغم ان فيه مليون الف سؤال في راسي بقول لكم شي مهم لما كلمت البنت الله يستر عليها ويهديها بصراحه وسامحني يارب بس اسلوبها في الكلام وطريقتها شي فخم ومغري وانثوي و شي عجيب وقارنت بينها وبين خطيبتي .... فيه فرق كبييييير بصراحه واي رجل يرفض التعرف عليها غبي وانا اعترف بغبائي:18: لكن مثل ماقلت ماني راعي هالسوالف واخاف رب العالمين وعندي زوجه اخاف عليها وعندي خوات وبيصير عندي بنات اذا شاء الله وما ابغى يوم من الايام يتسدد لي الدين انا ابغى علاج مثل البندول يهدي الصداع فقط وما ابغى اعصب واتصرف تصرف غلط البنت ولله الحمد ماصار بيني وبينها اي شي يغضب رب العالمين ونفسي الأماره السوء مادفعتني لأرتكب الغلط رغم اغراء هالبنت والشكر لله ماشتمت ولا غلطت تكلمت معها بكل ادب واحترام |
الحل بسيط إستخدم معها أسلوب التطنيش نهائياً
|
مرحبا أخوي اليوم أنا زعلانة من الدنيا ومن كل الناس وماكنت أبي أرد على أي موضوع بس داخلة أتفرج
لكن موضوعك شد انتباهي جدا ... معليش بكون قاسيييية بحكم إني منزعجة من وضعي بس موضوعك لازم أقسي عليك فيه لأني لازم أنصحك ...أنت رجل كبير عاقل رزين المفترض ياأخي إنك ماأخذت وعطيت معها ... إطلاقا لاتقول هي ماتركت لي مجال ... المفروض مااخذت وعطيت معها بالمسجات إطلاقاااااااااااااااااااااااا أنا يجيني إزعاجات على موبايلي وأحيانا أعرف من مين ومتأكدة من مين بعد !! بس ماأخذ ولاأعطي أخليهم يرسلون مليون رسالة لو يقولون اسمي بالطقاق اللي يطقهم مستحيل ارد واتجاوب معهم بالمسجات لأن التجاوب بداية إنبثاق الضوء الأخضر !!!! وحتى لو أنت ماتقصد وبرئ وعلى نيتك هي ماراح تخليك ... أنا عندي ظن ويمكن يكون ظن سووووووء بس يارب سامحني هذا اللي جاء في بالي ... ولكن الله يعلم ماابي أخرب على أحد ولاابي أشيش الرجال على زوجته ( لاأحد يجي مطفي النور يقول تخربين على الرجال وتوسوسين فيه ) أنا أحلل معه المشكلة حسب منظوري عشان نعالجها ... بس شئ ملفت للإنتباه !!!!!!!!! تتذكر لما كنت تقول خطيبتك شاكة فيك بسبب حلم ؟؟؟؟؟؟؟ ماربطت بين الموقفين !!!!!! |
اقتباس:
بس وش سالفتها؟؟ ماتحس انها ناشبه؟؟؟ |
اقتباس:
|
اقتباس:
وتلعبين بأفكاره وتوسوسين له ... والله بعض الناس تقرأ الردود بالمقلوب ... أنا بصراحة مريت بنفس تجربتك هذي بالضبط بس مع فروقات كثيرة بحكم إني آنسة مو متملكة ولاشئ ... أنا ربطت بين الموقفين إحتمال أقول إحتمال خطيبتك تختبرك بشكل أو آخر !!!!!!!! وأيضا اللي خلاني أحس بكذا إنها لما اتصلت هالنشبة وارسلت لك وانت مطنشها رجعت زوجتك دقت عليك يمكن تبي تشوف وينك !!!!! عموما لو صدق إحساسي وأتمنى إنه يخيب !!! لكن لو صدق .. فإن هالموضوع مايسبب مشكلة بينك وبين زوجتك ... إطلاقا .. المفروض تفرح إن زوجتك خايفة إنك تطير منها .... وبحكم إن زوجتك تعليمها محدود فجدا عادي هالتصرف منها .. أنصحك بتطنيش الموضوووع وأنصحك بلعب الدور القوي الذي يرضي غرور خطيبتك لما يدق عليك رقم غريب وتطلع لك هالنشبة قولها انا متزوج وزوجتي عشقي وهي عندي بالدنيا أموت ولاأبدلها ومن هالحكي ولاتبين لخطيبتك إنك عارف أو حآس بأي شئ ..... كذا حياتك بتكون تهبل إن شاء الله :28: |
الله أعلم وإن ماخاب ظني زوجتك لها علم بالموضوع وأهي من قال للبنت
هاذي حركات البنات تسوي إختبار خاصه بعد سالفه الحلم ذكرتني أول كنت في الثانوي أيام المراهقه :d كانت عندنا بنت جريئه وكذا المهم أنا كنت أهايط واقول أخواني إلي مافيه مثلهم ومو راعين خرابيط :25: قالت هالبنت طيب أوكي عطيني أرقامهم ورفضت قالت عطيني رقم أي أحد من العائله نشوف وبعد ماغثتني كل يوم وأهي مقلقتني والله ما أسوي شي وبس أشوف وتكفين عطيتها رقم واحد يقرب لنا خذته من جوال أمي والمهم كلمته البنت جاب العيد بقوه :d وبعدها عرفت رقم أخوي من أخوها وكلمته أخوي ياحليله ضاق عليها قال أنتي تكلمين كل الشباب وش عندك وكلام كثير عشان قريبي هذا خويه وإنكشفت اللعبه بس مدري وش صار بعدين مع صديقتي هاذي وأقاربي:d بس صراحه خايفه يدرون أني وراء السالفه مع أني مالي ذنب أهي إلي مره تبيهم أقلقتني :29: وعلي فكره البنات عندنا ياكثر مايسون هالحركه أنتبه من الشيطان وأصلا إلي تكلم رجال بجرائه ونتعرف تكلم عشره غيره يعني لا يغرك صوتها وأنوثه تعودت علي التمطط في الكلام :d |
اقتباس:
الا متعلمه درست ثانويه والله جا كلامك ع بالي لان اثنينهم يتصلون في نفس الوقت طيب لو هالاحتمال وارد ماتخاف اني انساق ورى هالبنت بحكم افضليتها وع قولة المثل اللبناني(جاب الدب لكرمه) |
:* يا أخي أنتبه لنفسك وخلك رجال صنديد ماتهزه هالشغلات أحتمال خطيبتك تسوي لك أختبار ويمكن هذه وحدة من صديقاتها يمكن متراهنه معها وقايله لها ترى الرجال كلهم يغازلون وخطيبتك قالت إلا : سي السيد مايسويها فشمرت صديقة النحس عن ساعديها وعرضت خدماتها وياكثرهم صديقات السوء إلي الغيرة والحسد وحب تخريب البيوت العمرانه يجري بدمهم لاتضع نفسك في موقف بايخ وتعض أصابع الندم وحط مخافة الله بين عيونك كان الأفضل لما بدأت تكثر أتصال سبيتها وخليتها ماتسوى فلس لأن الذوق والإحترام ماينفع مع هالعينه الهابطة عفانا الله مما أبتلاهم بس تعرف وش مشكلتك قلبك الرهيف ماطاوعك والصوت أعجبك فسويت فيها (جنتل مان) والشيطان جالس يزين لك المنكر ويشعرك بالإستمتاع فلهذا كان موقفك معها غير حازم وكأنك كنت تريد منها المواصلة وأن تتخذ أنت دور الممانع الخلوق لاتزعل من تفسيري لكن هذا هو الواقع المر :* |
اقتباس:
طيب وش اسوي وش التصرف العاقل الحكيم |
اقتباس:
عموما أسفه ... بعض البنات ياأخي بعض البنات (( مااقصد خطيبتك وحبيبتك منيرة )) :d عشان ماتعصب علي ههههههههه بعض البنات تكون جدا سآآآآذجة وتثق بصديقتها ثقة عمياء يمكن أكثر من ثقتها بأهلها !!!!!!!!!! وتحسب صديقتها هي الذراع الأيمكن ومستحيل تخونها وتخدعها ... وللأسف كثييييييييييييييييييييييير من البنات اللي تثق بصديقتها وتعطيها كل أسرارها تنصدم بخيانة قوية من الصديقة !!!!!! ومن جانب آخر ممكن خطيبتك واثقة بقوة من نفسها وواثقة من حبك لها عشان كذا حاطة ببطنها بطيخة صيفي !!! ياعسى هالبطيخ يطيح على رآس هالغثيثة النشبة ويفكك من شرها وغثاها |
اقتباس:
|
اقتباس:
والله شي مؤسف انه يوصل لهالدرجه طيب اواجهها ولا اسوي نفسي مدري وش السالفه |
اقتباس:
هي تبي شئ محدد وهو خراب بيتك !!!!!! هل بتسمح لها بهالشئ !!! إذا أنت بديت معها بأي كلمة مجددا فأنت كذا سامح لها بخراب بيتك !! ومعطيها القرين لايت !!! انتبه هذه بنت ماخافت من الله فماراح تخاف من الناس .... استغفر الله العظيم المفترض على كثير من بناتنا إنتقاء الصديقة الصالحة الله لايبارك بكل من هم على هذه الشاكلة ويرد كيدهم في نحرهم ... |
قولي الله يهديهم
احسن بس والله مدامتي بريئه ماتوقع تسوي هالحركات مفقوع قلبي منها لانها وصلت لهالتفكير |
الذوق نجدي
:22::26: لاحب ياخوي الله يسامحنا بس الظن الاكبر خطيبتك ارسلت بنت تختبرك من طيش البنات وغيرتهم تصير هالحركات مع انها تكون ضدها مو لها لو كنت لاقدر الله لعاب او انسان ماتخاف الله فهي اكبر من تخسر بهالمغامرة الي مالها داعي انت خلك منتبة وفتح لانها تتصل وخطيبتك تتصل ؟ واضحة والله اعلم وادرى . وان ظلمناها فانتبة من كيد النساء وحياتك الجاية .. لكن لو لها يد فغيرتها بتخرب عليها كثير |
اقتباس:
كبر عقلك ولاتواجه خطيبتك ... مهما واجهتها بتنكر .. مستحيل إنك بتقولها يامنيرة هذي صديقتك انتي متفقة أنتي واياها تختبروني عيب عليكم هالحركات وبتعترف لك وبتقول ايه انا وهذي صديقتي !!!!!! فلذلك طنش الموضوع أنت ... ولاتخلي إحتمالي هو المعمم .. يمكن أكون غلطانة !!!!!!!!!!!! |
اقتباس:
يمكن هالتفكير وهالخطة مو من مدامتك ممكن صديقتها الحقودة هي اللي وزتها مثل ماقالوا الأخوات ... ومدامتك صدقتها .. والله اعلم .. |
اقتباس:
وقبلها صدقت المفسر وكذبتني ماتلاحضون ان كل يوم لها طلعه الله يستر من الجاي ويلهمني الصبر والحكمه |
شكلي بكلمها وبقول لها السالفه مش احسن؟؟؟؟
|
اقتباس:
انا مااعرف خطيبتك ولااعرف كيف تفكيرها لكن اللي انا متأكدة منه إني عارفة تفكير كثير من البنات !!! ممكن لما تواجهها ... خطيبتك تتوهق ويضيق صدرها وتندم انها تركت فرصة لصديقة السوء وتتوهق وماتقدر تعترف فتقلب الطاولة عليك وتقول انت تشك فيني !!!! << عشان تطلع نفسها ترى كل شئ جايز والله ... ومعليش نظرتي تشاؤمية أنا كل الناس صدموني وجروحني حتى اللي حملتني برحمها .... لذلك أنا الآن حذرة بتعاملي لأقصى درجة تتوقعها ... |
لا بقولها السالفه بدون ما اتهمها بشي
بقول في وحده تتصل علي وتزعجني والخ الخ الخ بس مابقول اني شاك فيك بسوي نفسي اهبل |
اقتباس:
|
بس أخاف تنفتح عليك ابواب مسكرة
وترجع تذكرك بحلمها وتقول أنا كنت حاسة ويصير لك فيلم هندي الله يعينك ويوفقك ويسعدك .. |
اهاا دوبي فهمت >> احتمال تفكيري خطأ مو بمحلو الصحيح ..
لكن جا في بالي انها شكت فيك من تفسير الحلم .. وانت كذبت الشيخ .. وحبت تتأكد زياده .. ومافي احد تحكيه غير صاحبتها .. حكت لصحابتها على الموضوع بأكملوو ... مو بعيد قالت لها خطيبي يحبني وخطيبي يرسلي رسايل حلوة ومدحت فييك قدامها .. إحتمال أتحمست صاحبتها ليك .. قامت قالت لخطيبتك خليني اشوفو واختبرلك هو وشوفي بعدها الشيخ صادق ولا هو .. ... والله العظيم مو قصدي أخرب عليك او شي بس خطيبتك من حبها فيك ماشاءلله تبارك الله تبغا تتأكد زياده ~ |
اقتباس:
لا لاتكلمها صدقني ياخوي لو ظليت تطنش البنت او مرة جرب رد عليها وقول لها باسلوب قوي واصرخ عاد صراخ الرجال يخرع :24: انك تعرف ومن هالافلام ناس بالاتصالات وتقدر ترفع شكوى علي صاحب الرقم ويجيب لك تسجيلات صوتية للمكالمات وان مابعدتي او وقفتي بتندمي بس لكن لاتقول لخطيبتك شي تدري لية ؟ لان اسفة عالكلمة لكن لو لها دخل وهي مرسلتها من سذاجتها >> سوري بتجيك هي بنفسها يوم وتقولك وش بتقول ؟ بتقولك كبيرت بعيني ومن هالكلام <<< قريييييييييييييييييينا وسمعنا نفس الي يصير معك بالظبط هي تختبرك ترد على غيرها ولك علاقات او لا بس الله يعينك مو حلوة منها ابدا فتح باب مالها فية :24: |
اقتباس:
شكلي بكسر الجوال وارتاح |
اقتباس:
الله يسامحه |
اقتباس:
انا افكر كيف اعجل بالزواج وهي تفكر في اني نسونجي لنفرض اني طلعت نسونجي وش بتسوي؟؟؟؟؟ بتروح تقول لابوها ما ابغاه ع كيفهاااااا دابله كبدي |
اقتباس:
... الحل هو التطنيييييييييييييييييييييش دامك واثق من نفسك ماعليك الا من ربك وبسسسسسسسسسسسسسسسسسس |
اقولك اللي في بالي ؟؟
اتصل على خطيبتك وقول لها السالفة و اعطيها الرقم .. قول لها انتي اتصرفي .. تكون ضربت عصفورين بحجر لو كان الموضوع كله لعبة من زوجتك .. فا اكيد تفسيا بترتاح و تخلص انت من الشك لانها لو لعبة و انت ماقلت لها .. ما راح تسلم من افكارها الخزعبلية .. لو الموضوع مو لعبة .. فا زوجتك راح تتصل و تبدلها و تعمل اللازم و بتريحك من وجع الراس احلى الشي الصراحة بين الزوجين |
فعلاً وأنا من رأيي تخبرها وتعطيها الرقم ..
يسير لو جاك كلام بعدين وقالت لك ليش خبيت عني ليش ووووالخ .. فريح نفسك من دحين وقول لها انا صريح معاك واهو الرقم .. بين يدك .. الله يتمم اموركم على خير ويسعدكم على طــول يارب .. معليش لا تعصب وتزعل .. لآزم من ملح الحياة الزوجيه .. الكل بيجربه .. وكلها فترة وتعدي وكل شي يكون أحسن من أووول .. ~ |
هذا كله و ماعطيتها وجه ؟؟؟؟
|
اقتباس:
|
اسمع اخوي انا ماقرأت الردود بس بقولك اللي ببالي
احس انها مرسولة من خطيبتك انت كتبت قبل فترة موضوع سالفة الحلم حق خطيبتك وكان واضح فيه انها تختبرك والان شكلها ارسلت بنت تختبرك واكد على ذلك موضوع انها من نفس مدينة خطيبتك انا اقول احتمال , مو اكيد , بس حط ها الإحتمال ببالك كثير بنات تختبر خطيبها بهالطريقة لكن يبدو ان البنت اللي تختبرك بطلب من خطيبتك , هي بنت مش مضبوطة ويبدو انها استلطفتك , لذلك بعد ما انتهت مهمتها وبلغت خطيبتك بالنتيجة , اتصلت عليك من رقم اخر لاتعرفه خطيبتك رغبة في التواصل الدائم معك ارجع واقولك هذي مجرد تحليلات , مصدرها سير القصة ومعطيات مواضيعك السابقة , ومستوى خطيبتك التعليمي حسب مافهمت منك مسبقاً بكل الاحوال خلك حذر اولاً , لمصلحة علاقتك بخطيبتك وانتبه من التمادي بهالامر , لحرمته وشناعته موفق |
شكلها خطيبتك ارسلتها
و كيف ممكن تكشفها غير رقمك و طبعا بتعطي خطيبتك الرقم الجديد و الرقم القديم مقفول أذا اتصلت البنت إللي مسويه ازعاج على الرقم الجديد اذا خطيبتك لها يد في الموضوع و فعلا تختبرك |
شكلها خطيبتك تختبرك
الحل غير رقمك اطبعا اعطي خطيبتك الرقم الجديد و أذا وصل الرقم للبنت اللي مزعجتك اذا هي مرسلتها |
اتوقع والله اعلم من قريت القصة نفس توقعات البنات اللي هنا
؟؟ بس انا بعد كنت اروح عند كوافيرة ببيتها وكان جنب بيت اهل زوجي قبل زواجي وبعد زواجي زوجي سألني عن رقم يزعجه من نفس مدينتي لان زوجي برا المدينة بحكم عمله وطلع رقم الكوافيرة بس بعدين عرفت منهي البنت اللي ناوية تخرب علي والحمدلله ربي كفاني شرها طلعت وحدة قريبتي مرررررررة وجيران اهل زوجي متيمة بحب زوجي بحكم انه ولد جيرانهم :29: والحمدلله وقفت لها وربي فضحها عند الناس لا حول ولا قوة الا بالله ,,,,, |
لا تضع احتمال واحد فقط و انها من طرف خطيبتك و تتجه بتفكيرك لهذا
فاحتمال كبير ايضا ان لا علاقة لها بهذا و تكون البنت هي لعابة فقط و قد تكون تعرفك بالاسم فقط او ربما صدفة ملاك و مالك ,,,الله أعلم لكن بغض النظر عن الأحتمالات لماذا الموضوع يسبب لك مشكلة رغم ان حله اسهل من السهولة!! لا أعتقد أن هناك نفس طوييل للتحرش يزيد عن أيااام إذا قوبل بالتطنيش التام 0 و الرد حتى بجفاف لا يعتبر تطنيش بل مدخل جيد للمتحرشة ,,أي تجاوب هو يسعدها و تتمسكن لحد ما تتمكن فلا تنزل نفسك لها و لا تقارنها البتة بخطيبتك فالطيبون للطيبات و على فكرة , من مداخل الشيطان أن زيًن لك اسلوبها و صوتها |
سبحان الله طول عمرك ما كلمت ومحافظ على نفسك وصفحتك نظيفه عند الله وجاي الحين بعد ما ملكت وتقول صوت انثوي ومدري وش .. وش ذا العقل اللي معك يااخي فكر بعقلك وسواءا كانت من خطيبتك ولا من اي أحد ثاني .. ليه شاغلك الموضوع !! مو مفروض انت مشغول بتجهيزات عرسك ومتيم بعروستك اللي تنتظر متى تكون معها ببيت واحد عطيت ابليس فرصه انه يوسوس لك .. والدليل انك معطيها وجه وترد على اتصالها بعدين انا ماني مع البنات انه من طرفها أبد أبد , تقول خطيبتك مؤدبه ماشاء الله وخجوله وباليالله عطتك وجه أتوقع كل صديقاتها مثلها ومب وحده مثل ذي تتدلع بالهرج وبالكلام من مستوى صديقاتها شفييك يبوي اوزنها كذا ولا تغير رقمك ولا تجيب لخطيبتك طاري اتركها ولاترد وعساها ترسل معلومات عنك أكثر ولاأي شي يدل انها تعرفك وش حارق رزك إنت ..؟ انت ماشي صح وما غلطت اهم ما عليك صلاتك ووالدينك وزوجتك وخلاص الدنيا ما طارت |
| الساعة الآن 10:15 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©