|
خطيبتي نفسها تكلمني وانا رفضت ؟؟؟
مرحبا اعضائنا الحلوين //
اس ع الغيبه بس غيابي لدراستي وانتم بقلبي .. حاب اناقشكم بمضوع بسيط .. وهو انتم عارفين اني خطبت ولله الحمد .. وبيني وبين خطيبتي رسايل فقط .. المهم اخوات خطيبتي زعلانات ليش نتراسل .. خطيبتي قالت لهم مالكم خص .. وقالت لهم لو ابي اكلمه مو خايفه منهم .. من يومين ارسلت لي خطيبتي ( حياتي اتصل) وبعدها بدقيقه ارسلت ( اسفه وصلتك بالغلط ) ارسلت لها مين حياتك غيري انا انلحس عقلي بس للعلم البنت متربيه تربيه حسنه قصدي الرساله لأخوانها او لي فزعلت البنت ... المهم جلست ساعه اراضيها .. المهم كلمتها وتراضينا .. المهم خايفه قلت لها طيب انا بقوال لخالتي عشان ما احد يتكلم عليك .. قالت لا قلت طيب ليش ,, قالت انا وربي مو عارفه هالشي اللي اسويه صح او خطأ قلت لها يا بنت الحلال انا خطيبك .. قالت انا عارفه بس اللي خلاني اتصل بنت عمي جالسه تكلم خطيبها .. فأنا من حقي اني اكلمك بس اهلي واخواني راضين .. طبعا بنت عمها مملكه وهي بس خاطبه ... فأنا قلت لها احسن حل نوقف مكالمات الين ما نملك .. فقالت احسن شي لأني انا ساكنه عندهم واي وحده منهم ترد ع جوالي ةاخاف ترد عليك تصير مشكله .. خطيبتي خاطرها انا نسول بس انا وقفت حرص عليها لا احد يجرحها بكلمه من اهلها او اللي عندها /// هل قراري صحيح ان اخطيت لا تبخلوا على وربي حاس نفسي مشوش .. او ايش اسوي . اسف ع الأطاله |
م م م م م
عنا عادي بالغربه وزيارت انما انتو ما اقدر اعطيك قرار انما دخلت اسلم عليك فقط لان لك زمن ما دخلت |
قرارك فوق الصح بعد مالك حق تكلمها شرعًا و عرفًا : ) ولاحقين إن شاء الله عقب الملكة .. موفقين بإذن الله |
أول شيء ألف ألف مبروك والله يوفقكم ثانيا قرارك 100% وتأكد انك إن شاء الله ماراح تندم على هالخطوه ولاكن أنت
خليتها من شان ماحد يغلط عليها وخفت على شعورها ولم تخف من الله أخي أجعل الله نصب عينيك في كل شيء وثق تماما أني مؤيد لقرارك هذا إن شاء الله بكره تملكو وتتزوجو وتفرحنا معاك دووم يارب .....شااااب |
بس السؤال الاهم لاتصير مغفل
منهو حياتي هذا ؟؟ |
,,, انت صح ياخوي الله يسعدكم |
قرارك صحيح وما غلطت أخوي اصبروا لي بعد الملكة، ولاحقين ع المكالمات .. وإذا على بنت عمتها فوضعها جداً مختلف عنها انتوا مجرد خطوبة يعني ما يربط بينكم شيء شرعي ورسمي بنت عمتها تكلم زوجها شرعاً .. إذا تقدر وظروفك تسمح استعجل واعقد عليها، وبعدها كلموا على كيف كيفكم محد بقول لكم شيء ولا يحق لأحد يتكلم عليكم والله يوفقكم ويتتم زواجكم على خيـر |
اقتباس:
قل يخير يا خوي!! ما أتخيل وحدة بالدنيا مسلمة أولا ثم مخطوبة و تحب خطيبها تكلم أحد غيره !! أو يخطر بقلبها أحد غيره مستحيل إلي فهمته إنها له ثم استحت و قالت بالغلط و يوم اتصل بين الموضوع و إلا !! |
اقتباس:
الا مارحم ربي وبنسبه لصاحبنا انتبه ثم انتبه تتوهق تأكد انها كانت الكلمه هذي تقصدك فيها انت ولا احد ثاني او ربما ربي اراد ان يكشف سرها امامك والدليل انها سوت نفسها بريئه قدامك وقامت تتصنع الزعل عشان ماتشك فيها هذا والله اعلم |
مبروك أخوى
إذا ما بدك حدا يكلمها استعجل واتزوج الله الموفق |
اقتباس:
|
ألحين أختك يا أخ طلال إذا خطبها أحد بتتركونها كذا تكلم أو ترسل بدون عقد شرعي وحتى لو كان هالخطيب ثقة وأخلاق وكل شي؟؟!!
يا طلال فووووووووووووووق وصحصح بليز أشوفك تهدم حياتك مع خطيبتك وما تبنيها شي بدايته غضب الله شلون تأمن مكر الله وفلحظه ما يخرب عليك كل شي جزاء عصيانك انت وهي له سبحانه نعوذ بالله من شرور أنفسنا وسيئات أعمالنا |
اقتباس:
|
اقتباس:
|
اقتباس:
|
اقتباس:
شاكر مرورمك؟؟؟؟ |
اقتباس:
اولاً اصابع ايديك مو سوا واخوي انا متأكد مليون بالميه انه انا المقصود بهالرساله لأن خطيبتي صارت وياها مشكله مع اختها فحبت تكلمني .. وبعدين البنت انا اعرف ترباتها زين وتكون بنت خالتي لزم ... وهي ما زعلت الى عشان ما تبي احد يمس كرامتها ,, تحياتي لمرورك.. |
اقتباس:
|
اقتباس:
جزاك الله خير وكلامك عين الصواب .. تحياتي لك... |
الله يسعدكم يارب
نصيحه لاتكلمها إلا بعد ما تملك عليها حتى لو رسايل ليش يا أخي انتظر إذا تملكت كلمها والله يسعدكم يارب |
اقتباس:
بس اخوي اغلب الرسايل تكون عن دراستها فقط... |
اذا مكالمتك لها تسبب لها مشاكل ...... وقف
وانتظر لما تملك عليها وكلمها 24 سااااعه |
اخي اذا انتم من عائلة وحدة
و مافي مشاكل الحمدلله وانت و اياها مرتاحين لبعض .. يعني كل شي على احسنه ماشاء الله ليش ما تملك عليها و تخلصوا ؟؟؟؟ |
المكالمات بين المخطوبين للتفاهم وبحدود الشرع مافيها شئ شرعا
مو أحسن من أنه يملك وبعدين مايكون فيه تفاهم وبعدها طلاق لكن إذا سواليف وتضيع وقت ماله داعي الا بعد العقد وهنا الرابط http://www.66n.com/forums/showthread.php?t=72374 |
:* بصراحة أمرك عجيب وش المانع من الملكة الآن أول مرة أشوف واحد يحب خطيبته ومايسعى أنه يرتبط فيها رسمي ويخلي أموره معها كلها في السليم الملكة ماراح تعرقل أمورك بس الغريب أنك أنت مو حاب تتملك وعندك ألف عذر وعذر والله أعرف ناس يذبح نفسه بس يملك ويحجز البنت إلي عينه عليها أولاً حتى ما يربطها معه على الفاضي ويوقف نصيبها سنوات وممكن يهون وثانياً لأنه حاب يتواصل معها بالحلال حتى تتيسر أمورهم ويتزوجوا :* طلال ملك على البنت إذا راغب فيها صدق ولاتجلس تتعذر إلي يحب شخص فعلاً يحرص عليه جداً ويحافظ على سمعته ومستقبله مو يعلقه على الفاضي :* |
بعد الملكه أخوي
أي شي فيه غضب الله أبعدو عنه ماتبني فرح ولا سعاده بشي يغصب الحي القيوم قرارك صح وبالعكس يبيض وجهك عند إنسباك ولو تعجلون الملكه عشان تاخذون راحتكم الله يوفقكم ويتمم لكم علي خير |
شرعا يجوز انها تكلمه ..
بس دام اصلا انتو راغبين بعض ماتحتاجون مكالمه قبل عقد حتى تشوفون مدى تناسبكم .. اذا تنتقل للنقطه الثانيه اللي هي الملكه .. يااخوي ترى فترة الخطوبه جميله جدا .. لاتحرم نفسك ولا تحرمها .. الا ااذا من طبعكم التمليك قبل العرس بوقت بسيط .. عموما بالتوفيق .. |
قرارك سليم جداً
وألف مبرووووووووووووووووووووووووك وأحسن بعد الملكة تصير حلالك وما تخافون من احد تكلمها براحتك واللي يقول شئ حط اصبعك في عينه ألتزم بالشرع وربي يوفقك ان شاء الله وتعيشون احلى حياة وربي يحفظك من كل مكروه تحية طيبة |
اقتباس:
|
اقتباس:
بصراحه اهلي واهلها رافضين املك غير اخلص دراستي |
اقتباس:
شاكر مرورك .. وعن جد كلامك عين الصواب تحياتي لك .. وعن جد الرابط افادني كثير.. |
اقتباس:
وربي خاطري املك بس المشكله اهلي واهلها رافضين غير اخلص دراستي |
اقتباس:
كلامك صحيح وان شاء الله نعجل بالملكه حياي لمرورك |
اقتباس:
|
اقتباس:
|
غلط تكلمها وغلط تراسلها دام اللي بينك وبينها خطبه اصبر لين تملك وكلمهه علي راحتك ترا مثل هالامور الشيطان حريص ان يوقع بينكما خلافات و مشاكل وهذه بدايتها
والامر راجع لك واساسا مايجوووووز شرعا |
| الساعة الآن 10:44 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©