|
قلت له انه طاح من عيني و طلع و لا رجع ..(حلت المشكله الرد71)
بداية أنا و زوجي متفقين انه اي شي بنظرة ممنوع ،، يكون ممنوع علينا كلنا
يعني مو يمنعني من شي و يروح هو يسويه ... مع ان فيه أشياء ما نعها عليه تحديدا و ماقلت شي ،، مثل ملابس معينه ،، عبايات معينه Tv ماعندنا الا القناة السعودية بس ،، و المجد و مخلص الاشتراك بعد ، صح انه بيجدد الاشتراك لكن أنا قلت لا ما أبغاها لانها ممله .. جوال ما عندي .. ماشين بحياتنا و راضين ،، الى بيوم قلت له ابغي آي فون . قال : لا .. ناقشته انه مو معقول أعيش كذا حتي جوال مو عندي و أنا صابرة و ساكتة ، بعد محاولات اقتنع .. راح جاب لي جوال ، صح انه افضل من جواله ، لكن أنا قلت يا اي فون يا بلاش رفض ، رفض قاااااطع .. رضيت أنا و استسلمت للأمر الواقع .. لكن قبل فترة جاب لنفسه اي فون !!! أنا انقهرررررت ، و ناقشته انه ما يصير كذا و ذكرته با تفاقنا انه الممنوع علينا كلنا أنا و هو .. قلت له يا تجيب لي زيك ،، يا أنا أجيب لنفسي ، قال لا لو تجيبي زيه أنا مو راضي عليك طال النقاش .. و كل ما شفت معاه الفون انقهررررر فقلت له انت مو واثق فيني ،، أنا بعد مو واثقة فيك ،، و ما ابغي معك هذا الجهاز .. قالي ببرود فتشيه كل يوم وانا ماراح أزعل ..! قلت له انت تحط قانون و تخالفه ،، و تحرم عليه و تبيح لنفسك و الله بعد هالموضوع انك طحت من عيني .. عصب و قال انت مغرورة و زي الاطفال لازم إداريك ،، كل شي تبغي زيه .. و قال كلام كثير و طلع من قبل امس و لا رجع .. أدق عليه ما يرد ،، كلمت اخوه قال انه ببيت ابوه جالس يعني تا ركني يومين و لا سال عنا أنا و بنته و جالس عند أبوه ...! أنا ما كلمته و كنت بروح بيت اهلي بما انه هو عند أبوه .. لكن تراجعت و قلت اشوف أخرتها معه .. تعتقدون الموضوع يستأهل ردة فعله ،، و هل تصرفي صحيح .. |
بس دخلت ادعي لك الله يصلح مابينك وبين زوجك ويوفقكما يارب
|
الله يكون بعووونك
طيب جربي تروحين له في بيت ابوه وتتناقشون |
أختي ورد ساهر
الموضوع بسيط جداً... ولكن تفاعلك بزياده شوي وهو مثلك تماماً .. ليس هناك من داعٍ لخروج بالأيام.. أغلب المشاكل الزوجية تبدأ من أشياء تافهة ثم تكبر.. الآن نصيحتي لك بأن تطيبي خاطره وترسلي له رسائل بأسلوبك وتبيني فيها فقدك له وشوقك حتى يعود والباقي يهون وسهل جداً تحقيقه.. |
اقتباس:
|
اقتباس:
لو يبغاني يرجع من نفسه مو اروح ادوره .. و هو ما يبغي نقاش عشان كذا طلع .. |
اتوقع انه حابب يعرف ايش هي ميزات و عيوب الجهاز بنفسه و بعد مايجربه،
ثم يقرر اذا ياخد لك واحد و لا لأ ؟؟؟ |
انتظري بعد يوم و بيرجع,,لأن تصرفه طفولي..و اتفاقكم هو اللي أخلى به
لو وجدت أنك زودتيها بالتأنيب و رفعت صوتك , أرسلي رسالة اعتذار على طريقة نقاشك فقط و أنك حز بنفسك اللي سواه و انك مسؤولة منه ,فكيف يهون عليه تركك الله ييسر أمركم |
العقد الفريد :
هو اللي بدا الغلط ،، و بعدها أخذ حقه ما قصر بالكلام .. و اصلا قالي روحي بيت اهلك دام ماهم حارمينك من شي ..! فعلا اهلي كل شي ابغاه عندي ، و كم مرة إخواني بيجيبولي قنوات و جوال لكن أنا كنت اقول لا . زوجي مو راضي ..! حتي ببيت اهلي لما اروح عندهم و الله احسها إجازة من الأنظمة و القوانين اللي زوجي حاطها .. الان زعل على كلمات بسيطة .. المفروض أنا اللي أزعل مو هو ..! و لو ارسل له بيحسب ان معاه حق واني غلطانه .. |
روح الطير : لا اختي مو هذا تفكيره ...
لانه يرفض اذا قلت له أجيب واحد زيه ..! المسداني : معك حق هو اللي اخل الاتفاق .. أنا قلتها بزعل و طلعت عنه بعدها و لا كملت نقاش ،، هو عصب و قال اللي عنده و طلع .. |
تعوذي من إبليس وشره فهو يدفعك..
إلى توتير حياتك الزوجية في أمر لا يستحق.. لاتخسري حياتك لاجل شئ تافه.. |
بما أني من المعارضين لحصول الزوجة للآيفون و أخوه البلاك بيري سأسألك سؤال ماهي حاجتك الفعليه للآيفون |
سيلا / هو اللي طلع مو أنا ..
و هو اللي زعل لانه عارف انه غلطان و لا يبغي نقاش .. ... نهار التجديد / طيب ايش حاجة الزوج بالاي فون ..؟!! أنا رضيت بالأمر الواقع ،، لكن اللي يقهر ليش يخالف كلامه ليش علينا حرام و عليكم مباح ..؟!! |
أختي الفاضلة أنا لم أسأل زوجك أنا سألتك و لم تُجيبي على سؤالي ممكن تُجيبي على السؤال |
معليه باجاوب نهار التجديد ..
و اغششها :D الايفون ( أداة ).. انوجدت لتسريع و تسهيل الخدمات .. تدري انه اخواتي كلهم عندهم ايفون و حريم اخواني كمان و اخواني الاولاد ماعندهم الايفون لعدم حاجتهم له ؟؟؟ غريب تفكيركم بالمرأة .. و انا بارد دحين من الايفون و باعطيكم كم وحدة من الميزات، مريحة للحامل بدلا من الجلوس امام اللاب توب لتصفح النت.. مرة اخوي كان بالمطار و دق علي و قالي اشوف له اقرب حجز و الايفون كان بيدي و بسرعة حجزت له، من غير مااحتاج اروح اوصل شاحن اللاب توب و أستنى شاشة البداية و الاتصال بالنت وغيره و أوفر عشان الاتصالات الدولية و محادثة الأقارب و الزميلات ببرامج كثيرة مثل الفايبر و الاسكايبي.. |
أجيب على سوالك / أنا بما أني مطيعة لأبعد حد ،، و اقتنع بالمنطق مو باللف و الدوران
رضيت من البداية ان ما يكون عندي جوال نهائيا .. و مع الوقت احتجت له ،، يعني مو معقول اكون عند صديقاتي ما عندي و عند اهلي برضوا ما عندي ..! حسيت أني متخلفة عن الركب ..! فأ قنعت زوجي و شكيت له حالـــي ، فرق لي وافق لكن أنا خاطري بالاي فون ،، يأخي حتي البزوره معهم ..! أمي معها .! لكن الاخ مو راضي .. رضيت على مضض .. يجي يكسر بخاطري اكثثثر و يشتري لنفسه ،. لا عاد هنا و ما تحمل صراحة ظلم و الله ...! حسسني أني أنا بس اللي راح يضرني الاي فون .. أتمني فهمت عليه .. |
فكرة أنه اما يصير معنا جميع ولا مايصير ما أشوف أنها جيدة بالحياة، أعتقد انكم تحتاجون إلى مصارحة وأعادة تشكيل للمواقف والحياة، من المفترض أنه على الطرفين التنازل وأحيانا التفاهم والصبر والتغاضي والحياة تسير بهذا الشكل
|
هو اللي رايح لبيت اهله وزعلان :d
انقلبت الموازين.. والله المستعان .. اجل اشتري له ايبود رضاوه ... عليك بالصبر والمسايس والحوااااار ثم الحواااار.. وحاولي بقدر المستطاع عدم استفزازه .. تناقشي معه فقط .. عن اسباب عدم ثقته بك وإستخدام الايفون ومخاوفه .. ومره بعد مره سيقتنع بوجهة نظرك .. انتم لسه في اول مرحله من زواجكم .. اربع سنوات .. تحتاجين لتقربي وجهات نظركم .. وخلق توافق مرضي لكليكما .. واغلب الشباب وفي بداية حياتهم هذا تفكيرهم :: بزعم خوفه على زوجته وغيرته عليها .. |
طيب أختي أنت محجبة هل زوجك ملزم بلبس الحجاب وفقاً لمنطقك زوجك قال لك جوالي تحت أمرك و لك حق استخدامه متى شئت بمعنى أنه واثق من حسن استخدامه صدقيني هو يثق بك و لو كان يشك فيك أو في أخلاقك ما أجلسك في بيته دقيقة و لكن لا يثق في أي رجل آخر ستقولين أنك قادرة على رد أي رجل أو تجاهله لكن بالنسبة لزوجك الأمر مختلف فهناك رجال مستوى الغيرة لديه أعلى من غيره و نسبة الحماية لديه أعلى من غيره و كون أي رجل يتواصل مع زوجته حتى لو صدته زوجته و لم تتجاوب معه يشعر بالمرارة و القهر و يشعر أنه تم التعدي على حرمة بيته الآيفون ايجابي لمن هو بحاجة له و سلبي لمن يستخدمه للحاق بالركب و شغل أوقات الفراغ و أؤكد لك أن من يتعامل مع الآيفون بدون حاجة فعلية له لا بد أن يقع في عدة حفر أولاً محرمات كصور و مقاطع خليعة ثانياً علاقات محرمة و أنا لدي قناعة ليس لأن فلان فعل فعلي أن أفعل و علينا دائماً أن لا نضع أنفسنا في مواقع الفتن و نقول قادرين على دفع الفتن لأن من استشرف للفتن استشرفته أنا لا أعرف ماهي طبيعة عمل زوجك و ماهي حاجته للآيفون و لكني عرفت ماهي حاجتك للآيفون و لا أرى أنها حاجة ملحة لتزعزعي استقرار بيتك فالحاق بالركب ليس حاجة ملحة و اللحاق بالركب بدون حاجة لهم يجعلنا نضيع طريقنا الأصلي و أعتقد أن لك تجربة سابقة للحصول على جوال و قد كان حلم بعيد المنال و بعض الأشياء يكون الوقت كفيل بحصولنا عليها صدقيني حصولك على الآيفون ليس أهم من استقرار بيتك و سعادة أسرتك بالتوفيق * |
روح الطير بما أن زوجك سامح لك و أعتقد يكفيك رأيه إذن لست من ضمن الفئة المستهدفة بحواري وفقك الله |
عزيزتي ورد ساهر مقدره سبب ضيقتك وغضبك من زوجك
لكن عزيزتي عندما ننظر للموضوع بشكل عام وبنظره جاده نرى أنها لايستحق أن تهدمي حياتك أو أن يشوبها التوتر بسببه وأنصحك نصيحه ان لاتعاندي وتكبري الموضوع وأن تراعي اسباب رفضه وصدقيني ليست قلة ثقه فيك ولكنه من حرصه عليك ولأنه من المؤكد قد سمع أشياء لاتسر حدثت من وراء هذا الجهاز فهو يحاول حماية حياتكم من هذه المساوىء فالأفضل لك أن تنسي هذا الموضوع مادام هو غير راغب في ذلك محدثتك تتكلم من واقع تجربه كنت أرغب بجهاز من هذه الأجهزه وكان زوجي رافض ذلك مع رغبتي الشديده به ولنفس اسبابك :) تجاهلت هذه الرغبه لأني لاأود أقتناء شي وهو غير راضي لأني لن ارتاح وسيجلب لي بالتأكيد لمشاكل أنا في غنى عنها مع أنه لم يمنعني لكنه أظهر لي ضيقه من ذلك فنسيت هذا الموضوع وبعدها بسنه أشترى له جهاز وفيه مساوء كمساوء الجهاز الذي كان يرفضه أن لم تكن أكثر لاأخفيك ضيقي وغضبي حينها لكني لم اقول شي كنت أمزح معه بعض الأحيان في خصوص هذا الموضوع وكان يسكت واحياناً يدافع عن الجهاز الذي اشتراه بأنه ليس كالذي كنت أرغبه مع انه لو استخدم في الجانب السيء نجده اسوء منه :( وكنت اعرف انه بعد أن يجرب الجهاز ويتعرف اكثر على مساوءه وعيوبه سيلين فعلاً وبعدها بكم شهر اشترى لي الجهاز الذي كنت أرغب به بدون اي مشاكل وبقناعه تامه :) فأنسي الموضوع ولاتأخذيه بعناد والأيام كفيله بتحقيق رغبتك :)أو نسيانه الأهم من ذلك هو عدم تنغيص حياتنا لأسباب لاتستدعي ذلك تعاملي مع الموضوع بذكاء :) |
اقتباس:
وهذه فكرت فيها من بداية المشكلة ... |
تقولي تفكيره طفولي
واللي لاحضت انكم اثنينكم طفوليين مشكلتكم حلوة وطفوليه والله يجعلها اكبر المصايب وبالنسبه للآيفون ما انصحك فيه رغم انه مطور والخ الخ الخ لكن بلاويه لاتعد ولاتحصى وكما يقال درء المفاسد مقدم على جلب المصالح وصدقيني زوجك يحبك ويخاف عليك ويغار عليك ..... ويدلع عاد اصبري و سايسي الوضع |
[QUOTE=لاحب بعد اليوم;2709429]تقولي تفكيره طفولي
واللي لاحضت انكم اثنينكم طفوليين مشكلتكم حلوة وطفوليه والله يجعلها اكبر المصايب وبالنسبه للآيفون ما انصحك فيه رغم انه مطور والخ الخ الخ لكن بلاويه لاتعد ولاتحصى وكما يقال درء المفاسد مقدم على جلب المصالح وصدقيني زوجك يحبك ويخاف عليك ويغار عليك ..... ويدلع عاد اصبري و سايسي الوضع[ مجرد سؤال بسيط:: تقولي مافي عندكم دش واذا فيه قناتيني او ثلاث والجوال ممنوع طيب كيف يكون عندك نت ولاب توب احس فيه تناقض؟؟؟ /QUOTE] |
اقتباس:
و رضينا رغم كل شي .. لكن أخذت مقلب والله ،، و بدا يخرب الاتفاق .. فعلا هو مو واثق أبدا ،، و تجاوز حدوده في الممنوعات علي .. أنا اللي رضيتها للأسف من البداية و الغلط مني أنا و اعترف بهذا الشي اعتقدت ان الحياة بتكون مثالية ،، و ان اقرب طريق للراحة هو الطاعة العميا تنازلت عن اشيا كثيرة ،، تلفزيون ،، اتصالات ،، و ملابس ، نظام حياتي بالكامل غيرته عشانه لدرجة أني عشت بشخصيته هو بأدق الامور ،، متجاهلة نفسي و رغبتي و شخصيتي و ذوقي .. و كنت اقول لكل المنتقدين لحياتي الزوجية ،، لا إحنا متفاهمين و ماشين سوا ..! لكن الان عرفت انه هو نفسه ماتحمل المعتقل اللي عيشنا فيه ،، و لا قدر يلتزم بالنظام اللي هو حطه .. فحرر نفسه منه ،، و بيلزمني فيه أنا ..! و مع اول غلط ،، تركني بالأيام و بدون ادني شعور بالمسؤلية .. ما شفع لي التزامي طول هالسنين ،، و لا طاعتي ،، و انكاري لذاتي .. بتصرفه خلاني افتقد كل الاشيا الممنوعة ،، لاول مرة احس بطعم الحرمان من جد .. اشكر مداخلتك اختي .. |
انا مو من النوع اللي احب الالكترونيات
زوجي جاب لكل واحد من اولادنا لاب توب و جوال مطور ...وانا عندي جوال عاااااااااااااااااااااااادي جدا ...لاني ما اهتم بهذه الاشياء ..اهم شي جهاز اكلم في للضرورة او ارسل رسالة لزوجي عشان طلبات البيت غير ذالك لا استخدم الجوال ...اما بالنسبة للاب توب ...انا اتنقل بين اجهزة ابنائي و جهاز زوجي الجهاز الفاضي استخدمة ... ولا يخطر على بالي ان اطلب لي جهاز شخصي .. ولا هو يفكر يشتري لي جهاز من نفسة لكن لما شفتة اخر مرة اشترى لابني الصغير لاب توب ..وبعد كم يوم اشترى لبناتي كل واحده منهم جهاز جوال جالكسي كأني كنت نائمة و صحيت ...قلت له ...وهذه العبدة الفقيرة لله ... ما لها شي ؟؟؟؟ انا صحيح ما احب هذه الاحهزة ...ولكن انا ابغي تعطيني قيمة كل جهاز تشترية لاولادنا ...وانامصرة على موقفي بناتي و اولادي ايدوني ...قالوا لي معك حق .. مو معقول يجيب للكل وانت ما تطلبي لنفسك شي فالرجال ما قصر ... عطاني اكثر من قيمة الجهاز انت خليك ذكية ...كل ما اشترى شي ..شاركية فيه وخذي قيمتة ايضا نقدي .... لازم تجلسوا و تتفاهموا على هذا القانون اللي حاطينه لانفسكم... قانونكم غير عملي بالمرة هذا انت تشوفي دول عظمى تغير قوانين ودساتير ..يعني مو صعب تغيروا هذا القانون |
نهار التجديد : اخوي لا تخلط الامور ،، الحجاب و الامور التعبدية ما فيها خلاف
لكن الامور المباحة في اصلها وامور الحياة بشكل عام ،، هي القضية .. زوجي عمله مدرس ،، هل يحتاج المدرس للايفون ..؟! و مدرس اجتماعيات بعد ،. يعني نهائيا ما فيه حاجة له و جواله اللي جابه لي من اول ما جاب الايفون لنفسه ،، رجعته له و قلت ما ابغاه ، و لا ابغي جوال نهائيا و غير معقول ان نحكم على كل مستخدمي الايفون بالسوء ،، وان كلهم لهم علاقات و مقاطع مخله سوا كان استخدامهم لحاجة او غير حاجة .. اشكر لك مداخلتك جزاك الله خير .. |
احب زوجي : شكرًا لك ..
لا حب بعد اليوم : عجبني معرفك مرررة ^_^ اللاب توب لزوجي ، واذا بغاه ياخذه مني .! وليه مو مصدقة ان ما عندي قنوات والله العظيم الذي لا اله الا هو ، ماعندي الا السعودية الاولي بس و المجد معطل حاليا .. ! فيفا : شكرًا لك . ----- توضيح : كل المداخلين اللي قالوا الموضوع ما يستأهل تخربي بيتك أنا معكم بكلامكم ،، و أنا لو ترجعوا لموضوعي قلت ان زوجي هو اللي زعل و طلع مو أنا و رفض النقاش ... و هذا التصرف لو كان بسيط ،، لكنه هو القشة التي قصمت ظهر البعير . اكرر شكري للجميع .. |
اهلا ورد
بعطيك معرفي ككم تدفعين وحتى اسمك المستعار جميل لأقترانه بساهر اللي قاطع ظهورنا مخالفات يخرب بيته وانا مش بنت عموما روقي وهدي اعصابك وهروب زوجك احسه دلع مع شوية انكسار جربي تتصلي عليه وشوفي كيف بيجيك طيران الموضوع محتاج شوية تنازلات .... وفقك الله |
رايح بيت ابوه ؟؟؟؟
المفروض ابوه يطرده الله يهديه التوتر اللي صار طبيعي لكن تصرفه غير طبيعي >> تصرف مراهق لكن بما انك زوجه رسالة اعتذار بسيطه وينتهي الموضوع .. |
اختي اعتقد ما يسوى تسوين مشكله عشان آيفون
وبالعكس شي حلو انه يعينك على الطاعه بأنه رفض انه يدخل دش وقنوات في المنزل ليه ما تسخرين هالشي في طاعة ربك ليه ما تكتفين بجوال نوكيا مثلاً والواضح انه لديك انترنت ولاب توب طيب حلو لاتكونين طماعه ما فيها شي لو كان الآيفون مشترك بينكم تاخذينه وتلعبين فيه |
وينك ياورد ساهر ؟
تحمست مع مشكلتك ورحتي وخليتينا !!؟ اش المستجدات بوضعك ؟ رجع زوجك ولا لا ؟ طمنيناااا |
كل الي قالول لك انك الموضوع مايستاهل ...لانهم ماجربوا الحرمان ..
وانا اكره الزوج الي يحرم زوجته من كل شي حلو بالحياه...زوجه تطبخله وتغسله وتكويله ليش يحرمها من اتفه شي.. وراح بيت ابوه طبعا معاه الايفون يتسلى فيه.. وانتي لانك عطيتيه وجهه من البدايه...المفروض من البدايه دام الشي الي مو محرم في القران والسنه يكون عندك وين عايشين انتوا ...حتى جوال حارمك ماكان معك..وصابره طيب كيف كنتي تتواصلين معه اذا احتجتي شي.. .انتي زوجته وام بنته اذا موواثق فيك ليش تزوجك من الاساس كلمي اهلك واهله وقولي انا بعيش مثلي مثل غيري ..وخذي الجوال الي تبين وحطي القناه الي تبين..هذا لو يروح يتزوج ثانيه بيدللها وبيجيب لها الي تبي.. وانتبهي تروحين له لبيت ابوه او تتصلي عليه هذا الي ناقص...لو رحتي له ترى بيحطك تحت المداس لانك اهنتي نفسك ورحتيله بينفش ريشه عليك و بيهينك |
وصاحب السوابق دايما هو الي يمنع زوجته ويحرمها من كل شي ظنا منه ان كل بنات العالم مثل بعض
|
بس اتركيه مصيره يرضى ويرجع-واذا رجع حسسيه بزعلك وقللي الكلام معه وبنفس الوقت قومي بكل واجباته -اجلسي كم يوم كذا واكيد بيحن ويسوي لك اللي تبين
|
أختي لا تعصبين مره : )
حاوريه كثيراً وقت الصفاء بينكم بكل قوانين ونظام بيتكم على أي أساس بناه وما هي إيجابياته وسلبياته ؟! ما هدفه ؟ هل يفرق بين المنع والمراقبة الذاتية ؟ وبما أنه سمح لك بمشاركة جهازه وقت ما يكون في البيت استعمليه كأنه لكِ : ) الأن ارسلي لزوجك واستفسري عن سبب غيابه وهل يستاهل ؟ الله يوفقكم ويسعدكم يارب ^ ^ |
انتم في بيت عادي والا في ثكنة عسكرية..؟؟ بصراحة احس الوضع مو عادي ابد.. ولكن اقول: انه عندما يفرض الرجل علاقته مع زوجته متمثلاً دور الوصاية وليس المشاركة في الحياة تبدأ حينها الادوار في الاختلال.. خليه الين يطيح اللي براسه ويرجع لك... عشان ايفون تنحاس حياتكم هذا وانتم متفقين..!!
|
صراحة الموضوع مايستاهل ابدا
انا قلت لاقدر الله خانك ولا خرج مع احد ولا شئ طلع عشان اي فون ....................... يااختي من البدايو ماكان عندك جوال نطيتي على الاي فون على طول طيب شوية شوية واحس الموضوع كبر وهو مايستاهل الله يعينكم الشيطان قاعد يشوف يشغله فلا تعطوه فرصة |
تعبت / ليه الغرور / المستقبل لنا / أنيسة الروح / مشكلتي زوجتي
صعبة المنال / تهاني ... شكراً لمداخلتكم ..! صعبة المنال : أنا حالياً عند اهلي ،، امس طلعت من بيتي لأني لا يمكن اجلس و انتظر الاخ يروق و يرجع .. ما بينا اي اتصال و لا يمكن برضوا اكمله او ارسل له .. و بشوف نهايتها معه .. شكراً لكم .. |
اقتباس:
لا تريدين المبادرة .. لكِ ذلك .... ولكن ترككِ بيتكِ ليس تصرفاً حكيماً. |
| الساعة الآن 05:08 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©