|
زوجي متواصل في تجريحي وسبي وشتمي
السلام عليكم
لا اجد مكانا افضفض فيه عما بدواخلي غير هذا المنتدى الرائع الذي اجد فيه آذان صاغية وقلوب تلامس مشاعري وجروحي سبق وطرحت مشكلتي ولكن لازالت قائمة فالبداية مواصفات زوجي كريم حنون بعض الوقت يهتم بولده أكثر عني يشاورني فكل شي عيوبه عصبي جدا -انطوائي جدا وبتوتي درجة اولى صار لزواجنا 4 سنوات وعندنا ولد انا موظفة واساعد بنصف راتبي للتوفير لبناء العمر مشاكلنا تبدأ كل يوم اروح دوامي قبله وطبعا هو يتأخر شوي وإذا قام وولدي وعى غبت بيرسلي"" روحتي تكدي لاهلك والتعب والشقا لامي وخواتي كأنهن شغالات عندك" شوفي حد من شغالاتك يجي مع زياد والله انا ما اقصر مع اهله دايما هدايا واطلعهم واعتبرهم اهلي وعلاقتنا زينة بس هو كذا يريد يحسسني بالتقصير "" للعلم كان عندنا شغاله بس ولدي كبر عمره اربع سنوات واحنا انتقلنا قريب من اهله فملحق فاقترح بنفسه نخليه عند اهله ولما يجينا مولود ثاني نجيب شغالة ثانية. دايما احاول اكون هادية معاه واخلق جو طبيعي بس هو لابسط سبب يثور على وخاصة اذا تعلق بولده بيسب وبيشتم ويقولي امك ما علمتك غير الدوارة يعني معقوله انا اكون سبب لكل طيحة او اهمال مني ما يحب اطلع واجد حتى مع اهلي ..للعلم اذا تعلق المشوار بامه وخواته يقولي روحي بس إذا لاهلي بيطلع ستين عله وبيرفض واجلس اقنعه ويمكن بع ما يوافق يجن إذا طلعت مكان وهو جالس فالبيت ويجلس يتصل ولدك يصيح يريدك ولدك يريد ينام مع العلم ان ولدي دايما عند اهله ويلعب معاهم امس كنت صايمة وتعبانة جدا صداع وقئ بعد الفطور للامانة شلني المستشفى وبعد ما رجعنا حاولت انام بس ما قدرت من ازعاجهم وجلس ولدي يتدلع ويصيح عشئ يريده وانا ما قدرت اعطيه وصرخت تعبانة قالي الحقيرة يوم ماقد الاولاد لاتجيبي اولاد وانتي فريسة ومثل الهايشة ومقصرة فكل شي وانا عايفنك...والله العظيم كنت تعبانة بس بعد كلامه انهرت يسبني وانا فمرضي حتى ما قادرة اشل نفسي للعلم ع كل مشكلة يسب ويقول انا لو رجال ما كنت تزوجتك وانا متلوم وانتي ما تنفعي زوجة... ازعل فترة كان بالاول يجي يراضيني ويقولي ما اقدر اعيش بدونك بس بعدها صارت تمر اسابيع ما يجي وانا لا اكل ولا نوم كله هم فهم ... والله دايما احاول افاجئه بهاديا واجواء رومانسية يتفاعل صح بس لاتفه سبب يثور ويغلط ويسب ويعيد نفس الموال انا تعبت تعبت والله ما يمضي اسبوع الا في سب وشتم لاتفه الاسباب والله ما يقدر تعبي وجهدي ابد ولاظروف شغلي ولا حتى ظروف اهلي فحال صار عندهم ظرف واحتاجوني ويقولي انا جايبنك بفلوسي واقدر اجيب عشر بدالك وبتسمعي كلامي غصبا عنك \اريد حل ارجوكم مشورتكم |
معقولة 30 زيارة ولا أحد رد او علق ع مشكلتي
|
الله يعينك يا اختي
حبيت اسألك هو معارض وضيفتك؟ كنت موظفة قبل الزواج أو توظفتي بعد الزواج؟ هل سبق وأن جلستي معه لحديث هادئ حول الموضوع؟ يعني بصراحة مو من حقه يسبك ويشتمك، يعني المفروض ما تسمحين ليه بهذا الشي. هل زوجك متدين؟ محافظ على صلاته؟ |
اقطعي عنو المصروف
وقولي له وقت تهين ما في مساعده واقطعي عنه وشدي شويه لحين يتوقف اكثثري من حسبي الله ونعمى الوكيل |
بعض الرجال هداهم الله يثور على أتفه الأسباب لابد من الصبر ولابد لك من الصبر عليه فالشيطان يحاول أن يجد له منزل
بينكما ليفسد العلاقه فعليك بالدعاء له بالهدايه وحاولي عندما تجديه مبسوط أن تناقشيه في موضوع الشتم والسب وإذا رأيتي منه أي تنرفز من الموضوع أسحبي نفسك لوقت ثاني وحاولي معه باللين والتودد كل يوم لعل الله أن يرده لرشده ...شااااب |
لا كنت متوظفة.قبل.زواجي به هو.يصلي ويصوم بس صلااه ما فيها خشوع الشتم والسب بشكل عام لكل الناس اهله نفس الطبيعة ولكن انا من بيئة مختلفة تماما لا نعرف مكان لهذي الكلمات البذيئة في حياتنا وبصراحة اخاف عولدي.يكبر ويشوق.قلة الاحترام بينا وللعلم ولدي.بدأ يتلفظ ببعض الفاظه
وهو ما معارض وظيفتي بس دايما يحسسني بالتقصير وخاصة امام ولدي والبيت وفالمقابل ينتظر اخر كل شهر. عشان ياخذ.نصيبه م راتبي وبعد يومين تحصله يعايرني ويسبني عاتفه الاسباب عن نفسي حاولت كثير معاه فالوقت اللي يكون في هادي ويعودني يتغير ويحفظ.لسانه ويقدر شغلي وتعبي عشانه بس بمجرد اتفف من شي او اتعب يرجع يغلط حياتنا تخلو من الاحترام بمعنى الكلمة.ولاحب.ولا مودة بينا احسه مستعد بكل بساطة.يطلقني حتى يقولي.رجعي مهري ومستعد.اطلقك.اي زواج هذا ما عنده اي استعداد للتغير يقولي.ياترضي تعيشي كذا يا بيت اهلك ينتظرك للعلم انا ما احب افشي مشاكلنا لاا حد واعتبر هالشي يخصنا وحدنا |
اقتباس:
لانه عارف انها ضعيفه ووهو الصح بالاول والاخير بمجتمع شرقي ذكوري بحت وراح يتهمها الكل بانها موضفه مهمله وتاركه زوجها ومهمله ولدها اختي انتي صح وتاكدي هناك من ينفش ريشه وينفخ براسه ويحسسه بانه مظلوووووم بعيشته معك جلسات الرجال هاليومين ماتفرق ابد عن جلسات الحريم من كثر مااسمع كلامهم طاح رجال كثير من عيني |
صار الوضع مقلوب ..
انتي اللي تعطيه مصروف ، و النفقة صايره عليك الحقي نفسك قبل يكثروا عيالك و اخلعيه احسن لك .. لانتي مستفيدة منه شي ،، الصرف عليك و فوق هذا إهانة اشتري راحتك و صحتك النفسية و البدنية .. وخليه يروح يجيب العشرة اللي يقول عليهم ..! الصبر على هذي الأشكال يزدها طغيان ، و للمعلومة اللي كذا تراهم جبنااااء واقل جهد ممكن يخوفهم .. لا تقولي اهلي واعذار ،، ما حد متضرر غيرك انتي .. فاكررها عليك انقذي نفسك .. |
السلام عليكم
الله يهديه ان شاء الله لكن سؤالي هو هل انتي من الموظفات اللاتي يقصرن في حقوق المنزل ( حق زوجك - حق ابنك - حق بيتك ) هل تعودين وتنامين وتهملين هذه الحقوق بحجة انك موظفه وتتعبين في العمل وليس لديك خادمة ؟؟ إن كان كذلك فهذا ربما يكون السبب الخلاف بينك وبين زوجك وانه غير راضي عن الوضع وبنفس الوقت لا يريد انقطاع التموين الشهري من راتبك فيسكت ويفتعل مشاكل اخرى من جهة اخرى تقولين اقتباس:
لكني بقول لك على شئ انا وزوجتي نسويه حالياً من ناحية الراتب اتفقنا لجمع مبلغ لشراء بيت العمر أنا اجمع في حساب خاص وهي تجمع في حساب خاص مافيه حساب مشترك - مافيه تعطيني الفلوس انا اجمعها لها وهذا كان قراري انا وبكل قناعه ما نعرف وش مقدر لنا رب العالمين يمكن مانستمر ونتطلق ويروح كل واحد فينا بحاله بنجلس نبحث انا كم اجمعت وهي كم جمعت ويمكن يطلع العدد صحيح ويمكن لا ويمكن يوافيني الأاجل واتوفى المال اللي جمعته هي من عرق جبينها هي أحق فيه من أي وريث وانا بس اتخيل لو زوجك قال لك روحي لأهلك انا ماعاد ابيك بيرجع لك فلوسك اللي تجمعينها معاه كل شهر ؟ ؟ او بيقول هذي بدال المهر اللي دفعته لك ؟؟ الله يهديه ان شاء الله ويوفقكم |
اقتباس:
حاولي تقللين من متابعه البرامج شكلك تتاثرين بالاعلام بشكل كبير على فكرة اخوي شاب قال بعض يعني ياليت تحطين تحتها خطين وبالنسبه للذكوري بحت قولي لي بهالزمن اش خليتو لنا وبعدين بالله عليك من اي برنامج اخذتيها احسه من مضاوي الرشيد وجلسات النساء يعني مباح الحش واكل لحم بعض يعني اذا قلبت السالفه على مجالس الرجال صار يطيحون من العين يعني مو تتحسفين ان الذنوب بعد امتدت لمجالس الرجال واصبحت غيبه ونميمه ما اعمم على كل مجالس النساء بس وش الفرق اللي صارت مجالس الرجال اصبحت زي مجالس الحريم انا ما اشوف ان فيه فرق الا اذا كان فيه غيبه ونميمه هل هذا محمود في مجالس النساء يعني تحياتي |
كان الله بعونك عزيزتي .. ما عندي شي أقوله .. بس نصيحتي لا ترضي بالشتم والإهانـــة .. مثل ما قالت الأخت قطعي عنه المصروف وشوفي ردة فعله .. فعلا الرجال أحيانا أحسني ما أفهم طبايعهم .. الله المستعانَِ |
ارد عسؤال الاا فحال انفصلنا لا سمح الله انا متاكدة انه راح يرجع فلوسي وصعب جدا اقطع عنه المصروف انا اعتبر هذا بيتنا ولازم نوفرله احنا الاثنين بالعكس احس كذا الترابط يزيد واصلا حتى لو فكرت اقطعه بيقولي جلسي فالبيت دام ما مستفيد اي شي منك .للعلم سبق وخبرته لا يخليني بين خيارين وظيفتي او هو لاا قتله بختار وظفيتي لاا اعتبرها الامان لي وانت ما اثق فيك واحسك فاي لحظة ممكن ترميني وساعتها بكون خسرت كل شي
|
فيه رجال ما يحبوا يتحملوا مسؤولية شي بالبيت ويظن إنها مسؤولية الزوجة مع إن الزوجة تكون موظفة وتساعد في مصروف البيت بس هو نظرته كذا حتى في مسوؤلية الأبناء
فحاولي انك تقومي بواجبك علشان ما يتلفظ عليك بشي واصبري لين تجيبون الشغالة علشان تساعدك بس بالنسبة لسبه لا تسكتين علشان ما يتعود خذي منه موقف قوي الإحترام واجب بين الزوجين |
أنا وحدة أؤمن ان الحياة الزوجية لازم تكون قائمة على الاحترام قبل الحب ، وانتي في حياتك فاقدة الاحترام ومش متأكدة من الحب .
ويمكن زوجك شافك ساكته على سبه وتهزيئه ، فاعتقد ان متمسكة فيها وخايفة من الطلاق حال كثير من النساء تتحمل اي شيء حتى الضرب اهم شي ماترجع بيت اهلها ، وهذا الي خلا زوجك يتمادى في تعامله السيئ معك ، صدقيني اذا هو مااحترمك بكره يكبر ولدك ويقلد أبوه في عدم احترامك ومهابتك. اذا شفتيه تمادى في الغلط وقال تروحين بيت اهلك ، قولي بروح وخلك جادة معاه ، ان كان فعلا يحبك راح يتمسك بك وتتغير معاملته لك وان كان تخلى عنك بسهولة فما عليه حسوفة ، لانه راح يتخلى عنك في المستقبل عند اي مشكلة تحصل . على فكرة اختي مثل وضعك واسوء وتعلقها فيه من البداية وسكوتها على اهاناته خلته يتمادى اكثر، وحتى المساعدة الي تساعده يقول هذا واجب عليك ومازال حياتهم كئيبة ومشاكل 20 سنة ، بس اختي تحولت من الحب الى الكره . الله يفرج همك ياام زياد ويسخر لك زوج . |
أول شي
4 سنوات وما حصل تغيير لزوجك!!!!!!!!! يا أختي شوفي حل قبل لا تجيبين طفل ثاني يعني اجلسي معاه جلسة مصارحه ليش يتظايق منك والمصروف مو من حقه يآخذ منه شي إلا برضاك أنتي وعادي لو تساهمي في بيتك بشي من مصروفك يعني تفاهمي معه وإلا لاتساهمين في البيت من مصروفك فتره عشان يحس بقيمتك |
| الساعة الآن 09:19 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©