|
زوجي حابسني بالبيت لاني رفضت ارجع له الرضوه
السلام عليكم ورحمه الله
تقبل الله طاعتكم بهذه الايام الفضيله واعادها الله عليكم بالصحه والعافيه احببت ان اشاركم اخر مشاكلي مع زوجي لعلي اجد الحلول المناسبه مع هالزوج لاني اجد في هالمنتدى تنوع فريد في الاراء اللي استفدت منها كثير بمشاكلي راح اعرض لكم مشكلتي الاخيره مع زوجي اللي حصل انه مره اخر الليل كلمني وسالني ايش سويت عشاء قلت له فطاير قالي ليش ماسويتو كبسه؟؟قلت احنا تغدينا كبسه ومايصير نتعشى كبسه وياليتك قلت لي من اول قام يصارخ ويطلب يكلم الشغاله ورفضت جلس يلعن ويسب اهلي قمت رديت عليه قالي خليني ارجع البيت رجع وضربني.....للتوضيح زوجي مو معترض على الاكل ولا شي لكنه يبحث له عن مشكله عشان يلعن ويمد يده وله اسبوعين وهو يدور سبب لللضرب ونا اتحاشاه واتجنبه وحاول ماضايقه بشي او اقصر معاه وكان يذكر موضوع الضرب على كل كبيره وصغيره واني انسانه ماتادب الا بالضرب واني اتعودت على الضرب؟؟وللمعلوميه زوجي ضربني اربع مرات ونا حامل واخرتها ونا في التاسع وماكان في اي سبب وسبب لي كدمات في جسمي وكنت ابغى اروح المستشفى واعمل لي تقرير لكنه منعني وحبسني من الخروج وهو انسان متعود على الضرب حتى انه دايما يجي ويحكي لي عن ضربه لعماله اهو عنده بزنس وعمال كثير ومتعود انه يضربهم..انا كنت كل ماضربني ازعل واعصب واطلبه يوديني بيت اهلي اجلس عند اهلي كم يوم ويجلس يرسل لي رسايل ويتاسف واسامحه وارجع معاه البيت ومن دون ماخبر اهلي المشكله لاني كنت ابغى الستر ومابغى المشاكل ..وهذا الشي خلاه يتماااادى معاي ولا يوقف الضرب ولا قدر اني كل مره اسامحه ولا اعلم احد هالمره صارت السابعه خلاص انفجرت طبعا اهو معاملته معاي كانه يتعامل مع عامل عنده بس هدفه يشفط مني فلوسي لاني موظفه ويكرفني ويهنيني ويستعبدني..ونا صراحه خلاص تعبت وماعاد اتحمل الاهانه والذل وكنت اقول انه خلاص يعتذر مني وهذا يكفي لكن مع تكرار الضرب اكتشفت انه مايكفي الاعتذار واني لازم اعاقبه رحت لاهلي وقلت له ماراح ارجع لك الا برضوه او اني خلاص اخبر اهلي وهم يحلون مشاكلي معاك..بعد فتره وافق وعطاني الرضوه لما رجعت قالي رجعيلي الرضوه انتي انسانه ماتقدرين ليش؟؟لانه وداني ثلاث ايام وراء بعض مطعم ولا قدرت هالشي ورجعت له الرضوه؟؟كان الرضوه فخ لي بس يبغاني ارجع وياخذها قلت له لا حبيبي الرضوه لي انت ضربتني وهذي رضوتي لانك ضربتني لو ماضربتني ماطلبتها منك قالي انتي انسانه استغلاليه وتحبين الفلوس وشكلك ماتبغين الحياه الهاديه وماتدورين الا للفلوس والمشاكل؟؟قلت له انت سبع مرات ضربتني ولا طلبت منك شي ولا علمت احد ولا اخذتها عليك ادله وعاملتك بحس الظن لكن مافاد فيك والان لازم تعرف انك كل ماضربتني لازم ترضيني او كل واحد يروح لحاله انا ماني جاريه عندك تضربني واسكت...المهم توعدني انه ماراح يخليني اطلع مكان وراح يحرمني من كل شي ويحبسني؟؟؟مع العلم انه اصلا حارمني من كل الطلعات والروحات ماعدا الروحه لاهلي لانه يوم جاء يخطبني قال لاهلي انا بخليها تروح وتجيكم دايما وهذا السبب من ضمن الاسباب اللي خلاتني اوافق عليه والان حتى الطلعه لاهلي مايخليني وصار مايجلس معانا ولا ياكل معانا وهالشي الحمددلله مو مضايقني بلعكس افتكيت من صراخه وكلامه القذر واستفزازته لكن الان حابسني انا وولدي بالبيت لحالنا ايش الحل معلومات عن زوجي زوجي لايصلي يدخن بخيل ويعبد الفلوس عباده لاينفق علي ولا على ولده ماعداء الحليب والحفايظ ينظر للمراه على انها جاريه شراها بفلوسه عندي منه ولد...داخل الحياه الزوجيه على انها حرب ولازم ينتصر ولازم يكبلني بالعيال عشان اضعف واتنازل له عن حقوقي وووووو اخر الكلام مالحل معاه دلوني على الحل الله يحرم جلودكم عن النار |
أسأل الله له الهداية، وأن يعافينا مما ابتلاه به، والله أن القلب ليتفطر لمثل هذا الوضع، ليس لدي حلول، ولكن دخلت لأدعي له بأن يهديه الله، لعل بعض الأخوان والأخوات من لهم دراية وعلم في مثل هذا الوضع يفيدك ويرشدك أكثر مني .
|
وش مصبرك عليه
اذا حق ربه مضيعه وضرب وسب تنتظرين لين يصير عندك عشر اطفال ووقتها تطلبين الطلاق من الان احسمي حياتك واخرجي باقل الخساير وعدد اقل من الضحايا ان لي نفسك عليك حق انت موظفة وشايله عمرك من الان احسمي حياتك مع هذا الرجل |
اذهبي لبيت اهلك
فانتي لست دابه وما ترجعي الا بشروط تعجيزيه عليه ما يقدر يمد ايدو شروط عند محامي هذه واحد حرام يتزوج طيب ليه ما تشتري له هيدي للي بيضربوها تبعت الكيك بوكسن |
اول شي تسوينه انك تحصلين تقرير من المستشفى انه يضربك دليل عليه عشان ما يستقوي عليك وبعدها استخيري لكن الحين ما عندك اي دليل ضده لو طلعتي او صار اي شي ممكن ياخذ ولدك منك |
حسستيني انه غرانديزر !
وش ذا يضرب عماله ويضربك وبكره يضرب ولدك ماعندك اهل يوقفونه عند حده ,, مو عيشه هذي |
أسأل الله لك الفرج
لي صديقه مثلك تماماً لم تخبر اهلها عن ضربه لها إلى ان بلغ السيل السبا وطفح الكيل وخلعت زوجها وهي تحتضن طفل رضيع اذا فقد الاحترام فقدت الكرامه وكل احساس جميل يجب عليك اولا اخبار اهلك لأنه لايوجد شيء يخيفه الا اهلك والقانون ! اعلمي وثقي وتأكدي انك وإن اطلتي السكوت ستكوني ملامه من اهلك لأنك ستخبرينهم عاجلا او آجلا ! هل جربتي معه الطيب ! ولم يجدي ! بعض الرجال الذين يتصفون بالعناد تذيب عنادهم كلمه رقيقه ووجه مبتسم ابحثي عن نقاط ضعفه واعزفي على هذا الوتر في الحالتين اخبري اهلك العقلاء منهم فقط ماذا تنتظرين ؟ ان تنشأ عقد في نفس طفلك ! من هذا الجو المتوتر ! ان تصابا بعاهات ! لاتظلمي نفسك لااااااا تظلميها ان لنفسك وصغيرك عليك حق ان لنفسك عليك حق ان لنفسك عليك حق |
اقتباس:
أختي ياليت تشوفين لك فتوى وحل لصلاة بعدين دوري حل للباقي |
اهم شي الصلاه انصحيه او خلي احد يتكلم معه بهالموضوع
اذا مايخاف الله ماراح يخاف عليك ولا على ولدك وعلى الرضوه لاترجعينها له من حقك هذي ويمكن يكون له درس مايضربك لان اذا رجعتيها بيقول عادي برجع اضربها وراضيها واخذ الرضوه تمسكي برايك ربي يسهل لك امورك يارب |
ولسا بتستشيرين ...
يعني تنتظرين الين يصير عندك درزن عيال وتهجين وتطلبين الطلاق... ابغى افهم انتي ليش ماقلتي لاهلك في المره السابعه لما ضربك خايفه من شنو بالضبط؟؟يطلقك الي مثله فراقه عيد...لكن الظاعر انه عاجبك الوضع الي انتي فيه...ولا ماكان سمحتي له يهينك ويذلك..وفوق هذا مايصلي .. استغفر الله يارب لاتبتلينا.. |
كل ما أنت فيه هو بسبب سكوتك وهذا جعله يضربك على أتفه سبب ويتمادى في ضربك خاصة أنه لا يصلي هداه الله
*فيجب عليك أن تخبري أهلك حتى يوقفوه عند حده |
:* الغريب في الأمر أنك إنسانة ربي معطيك وظيفة وعندك أهل يستقبلونك ببيتهم يعني وش مصبرك على الضرب المستمر والذل والإهانة وعلى واحد مايصلي وكل مواضيعك عنه تشيب الراس من صفاته المخيفة عافانا الله مما أبتلاه يا أنك تبالغين جداً في وصفه وفيه صفات جيدة أنتِ تعرفيها عنه ومصبرتك يا أنك مرتاحة على الوضع هذا ولاتقولي خايفة على ولدك ولدك معيشته مع أب مايصلي ويضربك ليل نهار ومتوحش هذه تدمير لنفسيته وقضاء على طفولته الطفل محتاج لقدوة صالحة في حياته محتاج لأب يرعاه ويكون مثال له وإذا الأب بالمواصفات والشخصية التي ذكرتي فحياة الطفل بعيد عن هذا الجو أفضل له مئات المرات :* لكن فيه نقطة أشرتي إليها جعلتني أستشف أنه محب لابنه وحنون عليه وكونه يشتري حليب ابنه وحفاظاته فهذا شيء طيب لأن الأباء السيئين لايفعلون ذلك :* |
اقتباس:
كنت أقرئ ردود الأعضاء ولم أجد أحد تطرق لطامة الكبرى إلا أختنا ملامح قمر جزاها الله ألف خير نعم إذا كان تارك لصلاة فهو كافر ولابد من سؤال أحد كبار هيئة العلماء فأنا لاأريد أن أتخبط في الفتاوى إما أن يصلح من حاله أو أن تخلعي منه وبالنسبه للمرأه ليست بجاريه فقط كرمها الأسلام فهي درة مصونه ولابد من تدخل الأهل في الموضوع أسئل الله أن يهديه وأن يسعدكم في حياتكم .....شااااب |
السلام عليكم
أسأل الله الهداية لزوجك لكن اذا زوجك منعم الله عليه وماديته زينه فهو راح يستمر بالضرب لأنك أوضحتي له على حسب كلامك انك راح ترضين بالضرب مقابل الرضاوهـ اقتباس:
للأسف عقابك له بهذه الطريقة خطأ أنتي الآن اوجدتي له مخرج في كل مره يضربك سيعطيك رضاوه وترجعين عاادي اقتباس:
|
الله يصبـــرك ويفرجها عليكي ويعوضك خير كثرو اشباه الرجال الله المستعان |
لاتسكتين
انتبهي كلمي اهلك يجون ياخذونك ولاترجعين الابجلسه رجااااال ابوك واخوانك خليه يعض الارض |
فعلا سكوتي عن ضربه كذا مره اهو اللي خلاه يتمادى ويشوف انه عادي يضرب حتى انه يشوف الرضوه مو من حقي ومو لازم لانه مو نادم على اللي سواه وراح يكرر هالشي لدرجه انه يقولي انتي بتتعودي عليها؟؟؟طيب لاتمد يدك عشان ماتعود عليها.زوجي مادي جدا والفلوس تهمه كثير عشان كذا طلبته الرضوه واصريت عليها لانه اذا ماردعته الفلوس مافي شي ثاني راح يردعه لادين ولا خلق ولا اهل ولا شي
انا جربت معاه طريقه اني اسكت ولا اطلب منه شي ولا اعلم احد المره هاذي خذيت منه رضوة اذا كررها خلاص راح ادخل اهلي واطلب الطلاق...انا حبيت فقط اعطيه فرص لكنه ماراح يتغير ابدا بخصوص الصلاه زوجي مايصلي ابدا واذذا صلى صلى الجمعه فقط لكن كيف اثبت للناس انه مايصلي اما ان زوجي حنون لانه يشتري لولده حليب ترا مايشتري حليب الا بعد تحقيق ليش حليبه خلص بسرعه؟؟ونه توه شراء ليش يخلص..واذا طلبته يشتري للولد ملابس يقولي خليه عريان مالك شغل فيه |
الله يعينك عليه، أنتي إذا انتي ببيت أهلك، لاترجعين إلا بشروط، صراحة مافهمت الرضوة أيش هي؟ يمكن تقصدين مثلاً فلوس أو حاجة يعطيك إياها علشان ترضين، لكن ياختي مسألة انه يعطيك ليس بالضرورة أن تنحل المشكلة، أنتي بحاجة لأن يتغير انسان وليس بحاجة إلى شي مادي، وجهة نظري أنك ماترجعين إلا أنك كاتبة شروطك وهي أنه مايمد يده عليه وأن يصلي الصلاة ويعطيكِ نفقتك .
اقتباس:
|
اسال الله ان لايدع لك هما الا فرجه ولاكربة الاكشفها ولاحاجة هي له رضى ولك فيه صلاح الا قضاها لك
اللهم اميييين اختي الغاليه استفتي احد العلماء في وضع زوجك مع الصلاه وهل تحلين له ويحل لك لانه لايصلي الله يهديه وجميع المسلمين هده ايام فضيله وفرصه للدعاء الله يعفو عنا قولو امييين |
ملزوم يصرف عالولد هو معتمد عليك لانك موظفه عارف اذا ماعطاك انتي راح تشترين له
اثبات انه مايصلي المسجد شاهد له ..ربي يسهل لك امورك يارب بالخير لك |
معليش والله يا اختي وش تنتظرين من انسان زي كذا
اطلعي باسرع وقت ورحوحي لاهلك هذا انسان ماعليه حسوفه اولها ما يصلي هذا كافر ما يجوز اساسا تعيشين معاه وفووق هذا كله يضرب ويسب لا والله مايبغى لها استشاره يالغاليه واحمدي ربك انك موظفه اتركيه هو استغلالي والله يعوضك خير يارب من ترك شئ لله عوضه الله خير منه واحتسبي كيف بيربي ولده وهو ما يصلي هذا ما يخاف ربه الله يفرج عنك.. |
اذا ميصلي وحاولتي فيه كم مره اخلعيه والله بيعوضك خير انشالله
|
اللي هذا وصفه ,, فراقه عيد !!
أعانك الله |
ماهو حكم العيش مع زوج لايصلي ؟
إذا عرفتي الإجابة تعرفين كيف تتصرفين معاه وبسهولة |
دامه ما يصلي
فرقاه ما يبي لها صلاة استخاره ويضربك وبعد ردي لي الرضوه الله يرحم والديك العمر واحد ما بينعاد لاتقضينه كله بنكد وحياه تقرف لا تقولين لي نظرة مجتمع ولا كلام فاضي المجتمع ما نفعك لما انضربتي ولا سوا شي لما تعذبتي وبكيتي فكي نفسك وريحي عمرك من القلق |
| الساعة الآن 04:14 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©