زوجي المدمن
 

السلام عيكم ورحمه الله وبركااااااااااااااااااااته واسعد الله اوقاتكم بطاعته ..................... ارجو من كل من له خبره ومعرفه وقبل ذلك الحكمه الكافيه من اعضاء هذا المنتدى الاكثر من رائع افادتي حيث انها قد تقطعت بي السبل في حلها الا من سبيل الله ورحمته واليكم مشكلتي بأختصااااااااااااااااار .......... انا فتاه في ا25من عمري ومتزوجه ولدي طفلتان وولد ومصيبتي هي زوجي حيث انه مدمن كبتاجون حفظكم الله ووصلت به انه فصل من وظيفته واصبح عاطل ومدمن بنفس الوقت وبرغم انه تعاج الا ان اصحاب السوء لم يتركوه اعاني من ضربه لي حتى وانا حاااااااامل ونفاس اطفالي يعيشون رعب منه ا..يظل مستيقظ 3ايام وبعدها ينااام3ايام ويصحو وهوبمزاج عصبي يبحث عن اتفه الاسباب كي يمد يده ..يكسر الاثاث ..يكسر الابواب وكل تصرفاته تخلق لااطفالي جو من الخوف والرعب حتى انا اصبحت اخاف من كل شي اعامله كالجاريه لاارفض له طلبا اصبح يتكم بي كالدميه وانا اجاريه خوفا من ان افقد اطفالي وانا الان اعيش مع اهله سؤالي هو؟؟؟؟؟؟؟؟؟؟؟ كيف اتعامل معه بحيث اقلل من عدوانيته ؟؟ حقوق الانسان واعنف الاسري هل ستساعدني ؟ارجوكم تعبت من الصبر واصبحت حياتي مهدده معه ومحفوفه بالمخاطر

الله يعينك ياااارب
ويهديه ويغير ربي من حااله السيء للاحسن يااارب
اصبري وحااولي تنصحينه لماا تشوفينه رايق ومرتااح تكلمي معه
اكثري الاستغفااااار وباااذن الله ربي ييسر اموووورك ...............






تقبلي مروري .

وعليكم السلام ورحمة الله وبركاته

ما موقف اهله من وضعه هذا ؟ ألم يحاولوا ان يساعدوه ؟

اختي السبيل الوحيد لتقليل عدوانيته هو بعلاجه .. ما تقومين به من خلال معاملتك معه شئ جيد جدا لانسان في وضعه ولكنه سيكون مؤقت كما تفضلتي ولابد من العلاج .. وبما انه تعالج قبل ذلك فهذا شئ مطمئن الى انه يقبل العلاج ولا يرفضه فهناك حالات ترفض وبشدة الاعتراف بوضعها وترفض التوجه للعلاج ولكن حالته تدعو للتفائل لانه تعالج فيما سبق وبما انه انتكس وعاد فهذا يعني وجود خطأ حصل بعد علاجه وانتي اشرتي لهذا الخطأ وهو الصحبة السيئة .

الان ما يجب ان تقوموا به وبأسرع وقت هو علاجه ولا اعرف بأي بلد انتي لأن هناك مراكز ممتازة وتعمل بسرية لعلاج مختلف حالات الادمان بما فيها حالة زوجك ومن هم اكثر منه بكثير ولا ادري كيف تعالج سابقا وهل تم تنويمه او لا ولكن العلاجات المتوفرة في المراكز المتخصصة تشمل البرامج العلاجية والجوانب النفسية والاجتماعية والدينية والإرشادية بالإضافة إلى الجوانب الطبية. وهذا كله يتوقف فيما بعد على دور الاسرة فالدعم الأسري له دور كبير في الحفاظ على نتائج العلاج ولذلك لابد بعد علاجه من احتوائه وعلاج مشاكله وسد الثغرات التي تسبب بمرافقته لتلك الصحبة السيئة ولابد من تكاثف الاهل لمساعدته .

لا حول ولا قوة إلا بالله العلي العظيم

دخلت ادعي لك ان الله يفرج همك

الله يبعد عن زوجك اصحاب السوء ويهديه ويرده اليكم ردا جميلا

لاحول ولاقوة الا بالله....
هل كان يعاملك قبل ان يدمن كما ذكرتي ؟؟؟ يضربك وما شابه؟؟
وليس له الا العلاااااااااااااااااااااااج ... وتقوية صلته بالله عز وجل ... والدعاء له اختي ناجي الله بالليل وبالاسحار وداومي على الاستغفار والصلاة على النبي بعد الدعاء وان شاء الله سيتسجيب الله دعائك ...
وربي من عالي سماه يهديلك اياه ويرجعه لحال الصوااااااااب ...

اشكركم اخواااااااااااتي واخواني لتفاعلكم معي لانه يعني لي الكثييييييييييييييييييير .................. زوجي فيه بوادر الخير لكن اصحاب السوء ؟؟يعني الاحظه يحافظ على صلاته واحيانا اشوفه يذكر الله لكن انا ما عاد عرفته وعيه من عدم وعيه بتصرفاته اخر مره ضربني وانا حامل (الضرب المبرح)برمضان لدرجه ماعاد قدرت امشي بعد ماتدخل ابوه وتهاوش معاه وتضارب ويا اخوه لانه حاول يمد يده على ابوه رجع يتأسف ويحط على اثار الضرب اللي بجسمي فازليييييييييييين ويبوس بناته وهم نايمات من الخوف ناموا واليوم الثاني رجع يهاوش ويصك الابواب ولاكأنه تحسف البارح احيانا يقول بأرجع لوظيفتي واعوظكم اذا نام وصحى ياااااااااااويلتاه صرت اخاف اذا صحينا من النوم طبعا قعدت عند اهلي 9 شهور وجاء عند ابوي واشترط ابوي انه يحيب معاه رجال يشهدون انه لويمد يده مره ثانيه على بنتي يطلقها خلاص اذا مو عاجبته لايطقها ويضربها يردها لي معززه مكرمه ويادار مادخلك شر ورجعت معاه والكل ينصحني لاتخلين عيالك وقلت برجع له والله ياناس من اول اسبوع ضربني ما ادري وش يبي يثبت لنفسه ومرت سنه وانا اتحمل انواااااع العذاب النفسي والجسدي وتجي ليله ...........ويكسر الصحن والكاسه حقت الشاي بوجهي وقلت له بس وش فيك انت ؟؟ الا ويطيح فيني ضرب ويدق ع ابوي الساعه12 بالليل ويقول له تعال خذ بنتك تراني مكسرها عاد ابوي جن جنونه وجاء ياخذني وقعدت عنده كماان سنه بدون مصروف وانتوا عارفين ولا يخفى عليكم............للقصه بقيه عسى السميع البصير يفرجها

اختي عذاب الورد وين اروح ؟؟؟ عند زوجه ابوي الظااااااالمه وابوي اللي رافض يستقبل عيالي معي رغم اني عرضت عليه اعطيه ايجار بس الظالمه عيت تقول وش ذنبي اتحمل عيال الناس وانا موتي ولا اترك عيالي لان مالهم الا الله ثم انا لو ان ابوهم صاحي كان والله لأهج بعمري لاكن

نورةاشهد بالله ان كلامك عين الصواب ولله الحمد اذا تحصنت واستعذت الله من شره ولزمت الاستغفار يخف ويلين قلبه علينا يا احد يا صمد ياقوي ياعزيز سخر لي قلب من احوجتني اليه وارحم ضعفي وقلت حيلتي وارحمني فأنت ارحم بي مني لاولادي اللهم صل وسلم على نبيك محمد... انا حاطه ببالي لو اعتدى علي مره ثانيه بعرض مشكلتي على العنف الاسري بس اخاف ما استفيد وازيد حقده علي وافتح على نفسي باب اللي عندهم خبره من هاالنهحيه او يعرف احد بهالمجال لا يبخل علي جزاكم الله عني كل خير

أعآنكِ الله يآ غآلية ..
 

اشكرك اختي غفران وانا بالسعوديه .....والله كلامك خوفني اكثر المشكله كيف اخليه ياخذ هالادويه الدكتور وصف له بروزاك لما زار مستشفى الامل ولا اكلها الا مره وصرت احطها له بالعصير واذا مافيه عصير احطها باللبن وصار يحس بطعمها ويقول طعم هاللبن مو زين وما عاد يشربه ..

البارح ................جاي للبيت [COLOR=#990000]سكرااااااااااااااان[/COLOR]فجأه وهو يناديني ويترنح ع بالي دايخ وخفت عليه وقمت ابكي واصيح وشفيكوشفييييك قام ويبكي مثل الطفل ويقول انا تعبت من هالعيشه ابي امووت ويبكي ويرح عند السجاده ويستقبل القبله ويقعد يدعي ربي يارب اصلح لي حالي يارب انا تعبت وظلمت هالانسانه معي هالانسانه صبرت يارب وانا مااستاهلها ويرجع يقول انا ليه صرت كذا وانا محمد ليه صرت عاق ليه يارب قدرني اصلح اخطائي واعوض زوجتي وعيالي الكلام هذا كله صار ههو يكب ع نفسه الماي .....حوفنننننننني والحمد الله ربي انزل نوم العوافي ع بناتي وما شافوا شي وبعد جهد جهيد نام ورحت وتوضيت وصليت وقريت قران ودعيت السميع العليم انها خااااااااااااتمه معاصيه....الله يطمن قلبي ..يارب اني استودعتك نسي واطفالي ادعوله بالهدايه ويرده رد جميل انه على كل شئ قدير

طبعا هو قبل ذا كله استفرغ ويقول حلقي جاااااف ابي مويه وهذا اللي اكد لي انه سكران حسبي الله ونعم الوكيل

أم بروك عسى ربي يفرج همك عاجلا غير اجلا
اكثري من الدعاء و الاستغفار و حنا بأيام فضيله ألحي فيها بالدعاء
أدعي بين الاذان والاقامة و أخر ساعه بيوم الجمعه وبالثلث الأخير من الليل وبكرة عرفة أدعي و ألحي و ان شاء لله ربي ماراح يردك خايبة ..

الله يفرج عنك ياوخيتي ادعي لك الله في ليلة عرفة ان الله يهديه ويرده لك ردا جميلا ويعوضك عن كل مافات
وانصحك بدعاء التعاري من الليل والله انه دعاء عجيب واستمري بالدعاء ترى الدعاء فرج للمسلم
وبقولك شي لو احد قالك الملك عبدالله فاتح بابه ويقول قولوا لام بروكي تطلب والبي لها اسالك بالله ماتروحين له لو زحف
فما بالك بملك الملوك ينزل كل ليلة ويقول هل من سأل فاعطيه هل من داعي فاستجيب له

البارح بعد ما جبت له العشاء وجهزت له كل وسائل الراحه والكلمه الحلوه قام يهاوش البزارين وعلى العشاء ماهناهم اكلهم الصغيره عمرها 3 سنوات وتعرفون الاطفال يوم ياكلون ينثرون الاكل على انفسهم وقام يصارخ عليها بقوه وخافت وبكت شئ طبيعي وعشان بكت شالها بملابسها ويضربها بشك هستيري لدرجه شفايفها صارت سودا وربي لو شفتو منظرها حتى اختها انجنت وقامت تبكي عاد انا قلت خلاص حرام عليك وليتني ماقلت قام يرمي الاكل ويكبكب اخذني مع شعري والله ما فك يدينذ من شعري الا وطعم دم بفمي اول مره احس هلاحساس وشعري نصه بالأرض وه1ا كله قدام بناتي ويهدد اني ا ضربتك مره ثانيه ولاايطلع صوتك تراني عارف اني بضربك مره ثانيه (اسعفوني بطريقه ماعاديمد يده مره ثانيه )انا خلاص تعبت تعبت جسمي ونفسيتي ما عاد تتحمل اللي يعرف احد بالعنف الاسري ابي اعرف بيفيدوني؟؟؟؟ استنى ردودكم لي

أم بروك بعد اللي سواه و للحين جالسه عنده ؟
تنتظرين يذبح أحد فيكم .. أنا ما أحرضك عليه بس هذا ما يحس بنفسه مدمن و المدمن تصرفاته تخوف
روحي لأهلك و أنقذي نفسك

طيب انتي تقولين انقذي نفسك وعيالي ؟؟؟؟؟؟؟؟؟؟؟ابوي وزوجته مو راضين بعيالي يقول انتي حياك والبيت بيتك اما عياله ياخذهم وانا موتي ولا اخليهم مع هالمجنون مارح اسامح نفسي لو صار لهم شئ ولا ابي الحياه الحلوه على حساب سعادتهم وش ذنبهم اطفال يتحملون غلطه ابوهم ورح يرميهم على امه وابوه وهم كبار سن كيف يهتمون فيهم .................... الفكره مستحييييييييييييييييله الحين افكر اتفق مع ابوي ادفع له فلوس كأجار مقابل يخليهم معي وبشوف عسى الله يهديه ويلين قلبه علينا هو وزوجته القاسيه

ابحثي وكلمي وشوفي العنف الأسري

توظفي لو بألف واطلعي انتي وعيالك واسكني لو بغرفة جنب ابوك

استشيري شيخ وقوليله وش الحل ؟ يمكن يقترح لك شي يفيدك

اسألي اللي مرو قبلك بنفس التجربه ولو تقدري اسألي القاضي حتى تعرفي اللي لك واللي عليك

اتوقع انه لو ثبت انه مدمن ومتعاطي تصير الولاية لك

الله يوفقك