|
تقدملي شخص رائع لكنه متزوج ومتخوفه جداً من المشاكل !
السلام عليكم ورحمة الله وبركاته اخواني ،،اخواتي أنا في حيرة من امري وبحاجة لمشورتكم انا امرأة مطلقة من اكثر من 7 سنوات ،عمري تقريبا 26 سنه و لديَ بنت انتقلت حضانتها الى والدها قبل مدة وتأتيني زيارة من وقت لاخر.. موظفة والآن تفرغت لدراسة الماجستير وبعده الدكتوارة بإذن الله.. طوال هذالـ7 سنوات من بعد طلاقي ماتقدملي احد بشكل رسمي،، تحصل انه في ناس يتصلوا لكن خطبة رسمي وشوفة شرعية وهكذا ماقد حصل.. الآن تقدملي شخص عمره 30 سنة تعليمه عالي وموظف في منصب كبيررر ومن عائلة كبيررة ومعروفة..الى هنا تمام.. عيبه انه متزوج ولديه طفل.. لما استفسرت عن سبب رغبته في التعدد قال انه تزوج في عمر صغير بنت عمه وهم نظامهم في العائلة البنت لولد عمها بالغصب.. الصراحة لا اخفيكم الرجل مواصفاته رائعة جدا جدا..ولايمكن احلم بأفضل من كذا ..لكن انا عندي تخوف شدييييييد من المشاكل خصوصا ان زوجته قريبته واكيد كل العائلة بتكون بصفها ...انا بالمررة مافيني حيل للمشاكل خصوصا اني تعذبت كثيير في زواجي الأول سواء من زوجي السابق او اهله ...ابغى احس بالامان والاستقرار... شوروا عليً لاني بجد محتارة |
أختي ....:::أولاً,,, ليس المهم منصبه المهم هل هذا الشخص فعلاً يريد الزواج لأجل السعاده والهدوء والإستقرار وطالما وقد تزوج إبنة عمه بالغصب فأظن انه لم يشعر بالزواج من قبل فأظن أنك ستنجحين معه إن شاء الله
ثانياً,,,لازم تعرفي علاقته مع اهله فإذا كانو فارضين عليه كل شيء فمارح تنجحو وإذا كانت كل حياته هو اللي بيديرها فبإذن الله ستكون حياتكم سعيده الشيء الذي أريد أن أقوله هل قد حدثت علاقه متبادله بينكما تشير على إعجابه فيك وحبه لك ونصيحه أختي .... انا لا ألومك لأنك مطلقه فأنا لا اعرف سبب الطلاق لكن أتمنى أن تكوني خير زوجه لهذا الذي تقدم لكي وأحفظي حقوقه كي يحفظ حقوقك(وأولاً وأخيراً لا تنسي صلاة الإستخاره) |
ياعمري بنت عمه طيب وش ذنبها ياحرق قلبها بضره اذا اهو مغصوب*
ياربي وش خلو للبنات اذا العيال ينغصبون اجل البنت ؟؟؟؟!!! اختي الله يدلك بس عموما مو شرط اي انسان فيه صفات حلوه يكون شخص رائع وزوج صالح مدري اشوفه صغير علي التعدد وبيتين وبصراحه اي موضوع فيه تعدد بصير فيه حرق قلب انسانه وعذابها عشان كذا مااشجع عليه واضافه بنت عمه تخوف شوي الكل في صفها حتي ابوه وامه وفي الاخر ماراح يفضلك علي اهله* الله يكتب لك الي فيه خير* |
فإن شريعة الله عز وجل تبيح للرجل أن يتزوج مثنى وثلاث ورباع، شريطة أن يقيم العدل، وأن يقدر على الإنفاق والبذل، وأن لا يدخل التجربة بدافع التحدي وإلحاق الضرر والأذى، والظلم ظلمات يوم القيامة،
إذا وجدته صاحب دين وخلق ولديه القدرة المالية على الإنفاق عليك وعلى زوجته الاولي و رجلاً فعلاً منصفا عادلا يستطيع أن يقيم بينك وبين زوجته الأولى الإنصاف والعدل وأن يعطيك حقك كزوجة كاملة، لما لا فكري في الامر استخيري واستشيري وعليك بالدعاء والإلحاح على الله تعالى أن يمنَّ عليك بزوج صالح، والله يكتب لك مافيه الخير |
استخيري اختاه كثيرا
كتب الله لك مافيه الخير وإذا كتب لك الله الزواج منه فأنتي لم تقومي بعمل محرم لكن انت بعدك صغيرة اطلبي الله الشاب حتى لو مطلقة ايضا الله قادر عزيزتي [U]الرزق بيده لابيد غيره [/U] |
استخيري الله و اسألوا عنه جيدا و ادا استطعت ضعي شروط قبل العقد لضمان عدم الاذا من اقاربه ليس بغض لهم بل تفاديا للمشاكل كما ارى ان التكافؤ الثقافي بين الزوجين شئ طيب لكن يجب ان تكوني على بينة من موقفه من عملك و دراستك فهناك من يريد مرأة مستوى عالي لكن يحبد جلوسها بالبيت
الله يكتب الي فيه خير الدنيا و الدين و عاقبة الامور و يرزقك و جميع بنات و اولاد المسلمين الزواج الكريم المحترم |
أول شي مو مشكله تتزوجي متزوج
الأهم من كذا\\ الأهل يسألو ليش يتزوج ثانيه يعني لاتستعجلي وتكرري نفس الغلط |
اقتباس:
|
ناقشيه بالموضوع هذا وتخوفك وحاولي تسمعي لوجهة نظره وللحلول المحتملة في حال وقوع أي مشكلة، بالتوفيق أختي.
|
اختي الكريمه انا اقبل ان زوجي يتزوج بأخرى .. لاني الحمد لله عارفه ان ده شرع الله وحقه
وباذن الله ماراح تكون في مشاكل .. لكني بصراحه لا افضل ان اكون زوجه تانيه لاننا لا نعرف ماذا سيكون شعور الزوجه الاولي وكما نعلم فأغلب الزوجات لا يرضين بزواج اخر لأزواجهم ((لكن كل هذه اراء فقط ووجهات نظر)) فأنظري انتي ماذا تريدين واستخيري الله وتوكلي عليه فلن يكتب لنا الله ابدا الا الخير (( انا عند ظن عبدي بي)) فظني بالله خيرا وربنا يكتبلك الخير ويرضيك في الدنيا والاخره |
الله يوفقك يبدو انه مناسب جدا
ومسالة ان زوجته الاولى ينحرق قلبها هذا اكيد مافيه كلام ولو افترضنا انه قال بيتزوجك انت فقط واذا لم توافقي فلن يتزوج غيرك هنا نقول لك لاتتزوجيه حتى لاينحرق قلبها لكن هو متزوج ثانيه منك واللا من غيرك ,,, مسالة انك زوجه ثانية البيئات تختلف في بيئتي مثلا الزوجه الثانية دائما هي المدللــه والاولى هي اللي تتعب اضافة الى ان الزوجة الاولى تكون في كثير من الاحيان صديقة للزوجه الثانيه - شكليا - اتوقع ان سنها قريب من سنك اضافة لكونك مطلقه كل هذا سيجعل شعورها نحوك ايجابي تحتاجين ان تعرفي شخصيته وقوتها واخلاقه ,,,,,,, |
انتي شوفي ظروفك ووضعك وابني على اساها قراقرك
شوفي وش احتياجك وش فرص زواجك , وش بيقدملك هالزوج , هل فيه بديل لو رفضتيه وهكذا عني ما افضل تاخذين متزوج مو عشان زوجته لا عشانك انتي بتعيشين بنصف رجل ونصف قلب لكن اذا كانت الظروف والقسمة والنصيب فرضت عليك هالشيء وش المانع , يمكن تكون سعادتك مع هالرجل بالنسبة للمشاكل وكذا انتي اشرطي اشياء تضمن عدم دخولك بالمشاكل واكتبيها بالعقد مثلا 1- بيت خاص , بنتك تسكن معك وبعد الزواج احرصي تكونين رسمية مع زوجته جداًًًً , وانه يعدل بينكم تماماً |
عزيزتي .. الله يختارلك الخير تبغي نصيحتي .. انتِ لسة صغيرة وكتير بنات في سنك لسة مااتزوجوا ليه تبني سعادتك على تعاسة شخص تاني.. ومشاكل متوقعه بينك وبين أهله وزوجته.. ماشاء الله عليكِ كلمتي دراساتك العليا.. ووارد جداً يجيكي عريس ماسبقله الزواج أو منفصل.. الله لايحرمك من بنتك.. استخيري |
اقتباس:
اقتباس:
مشكورة اختي على مشاركتك اقتباس:
لكن كيف اعرف اذا هو راح يعدل او لأ؟! مشكور اخوي على مشاركتك اقتباس:
صحيح يا اختي الله قادر على كل شئ مشكورة على مشاركتك اقتباس:
مشكورة اختي على مشاركتك اقتباس:
مشكور/ة على المشاركة اقتباس:
اقتباس:
مشكور اخوي على المشاركة اقتباس:
وان شاء الله زوجك مايشوف غيرك لاخر العمر مشكورة على المشاركة |
اقتباس:
مشكورة على ردك اقتباس:
اكيد الاستقرار والشعور بالامان والاحتواء والتفهم وطبعا انجاب الاولاد هذا ماتريده المرأة من الزواج بالنسبة لبنتي فهي في حضانة والدها . مشكور/ة على ردك اقتباس:
بس اكيد اختي مايخفى عليكي المطلقة وضعها يختلف عن البنت العزباء وفرصها اقل بكثير مهما كانت صغيرة و جميلة ومتعلمة ومتدينة مشكورة على ردك ودعواتك |
حياكِ أختي ..
- رائع جداً .. عمركِ 26 وهو 30 - صفاته كما ذكرتِ رائعه وهذا مطمع به . - فُرص زواجكِ كما تتوقعين ضعيفه مستقبلا والعلم عند الله .. هذه ثلاث أمور تعجل بالموافقة منه . اسئلوا عنه أكثر فأكثر .. فإن كان مناسباً فتوكلي على الله ووافقي فالعمر واحد والفرصة التي تأتي مرة واحدة قد لاتأتي مرة أخرى اقول " قد " . أسأل الله لكِ التوفيق |
اقتباس:
الله لايجعلني في هالموقف لكن لو لاسمح الله وربي إن شاءالله يرحمني من هالشي من كل الأمثله ويبعد عني وعن خواتي ماراح أوافق أكون زوجه ثانيه أبدا أبدا ولو كانت الظروف كلها ضدي بوافق لكن ماراح أخذه من زوجته أهي الأولي وأهي صاحبه الدار وانا من خرب عليها حياتها ولو زوجي تزوج إن شاءالله أني ماراح اضر زوجته بكلمه وخلاص أهي زوجته مثلي لكن زوجي إلي بيني وبينه راح ينتهي لكن بنت الناس ماعلي منه ومالها إلا كل إحترام وتقدير أما أظلم بنت الناس عشان أشوف عقابي عند ربي الله مستعان وش الدنيا عشان أبيع الاخره وأظلم وفي الاخر بروح لقبري والبيئه إلي فرحان فيها وكلها ظلمه والظلم علي زوجاتهم بدل ماتجلس تضرب فيهم المثل رح أنصح فيهم والأولي مالها إلا التعب الله المستعان أعتقد أنك من البيئات إلي عندهم المرأة ولاشي وحاطين قوتهم علي حريمهم الله يعينهم |
اقتباس:
لكن في المقابل مطلقات أهي إلي تتخطب والناس تجيهم كلامك غلط مليون في الميه والرزق بيد الله ولاتتسرعين عشان فرص زواجك وأدعي وصدقيني ربي كريم قريب وسبحانه إذا أعطا أدهش وبدل ماتكونين مطلقه مره وحده تكونين ثنتين بتكلم بكل صراحه الرجال إلي في مثل وضع إلي خطبك في الغالب يدور المطلقه لأنه ماراح يخسر عليها كثير ولو تشوفين ياكثر المطلقات إلي تطلق مره ثانيه بسبب التسرع في الإختيار وفرص زواجي قلت والخوف وعزيزتي أكثر مايضيع البنات خوفهم علي مستقبلهم وفرص زواجهم وتوافق علي كل من هب ودب بعدين تندم وتعض أصابعها ندم كأنها بتموت ماخذت رزقها عزيزتي مو معنا كلامي ماتوافقين لكن انتي شوفي الموضوع من كل جوانبه وهل امه وأهله جو يخطبونك أو هو لحاله إذا ماجو أختي نصيحه لاتوافقين ورزقك بيد إلي خلقك والحمدالله يكفي مستواك العلمي لكن إذا هم خطبوك وكلمو أهلك إستخيري وادعي في كل صلاه إن الله يكتب لك إلي فيه خير وبركه إضافه لكذا لو وافقتي خافي الله في زوجته وحطي في بالك إنه مو لك لحالك وفيه من يشاركك فيه ولاتخربين علي الحرمه بيتها ولاتسعين لطلاقها والرجال صغير في السن يعني متسرع مو مثل رجال كبير وعنده خبره في الحياه وأحكامه تكون أكثر عقلانيه من رجل صغير في السن حطي هالشي في بالك وفكري فيه يعني ممكن في أي وقت يحس بالندم يطلق ماعنده مشكله إلا إذا رجال علي قولتهم ماسك عظام راسه وباله طويل علي مشاكل الحريم وألحين نسبه كبيره من الرجال ماعنده هالتعامل ممكن رجال أول الحرمه تصارخ لين بكره تطق براسها الجدار وهو مايحس لكن ألحين تغير الوضع وأختي إستخيري ووكلي أمرك الله وأيام من أفضل أيام السنه أكثري من الدعاء ولو تصومين وإذا فيه خير ربي راح ييسره وإذا شر راح يصرفه ربي عنك ويصرفك عنه أذكر وحده من خواتي وكانت في عمر قريب من عمرك لم يسبق لها الزواج جاها خاطب وكان الرجل مميز جدا جدا جدا المهم في وقت الشوفه الرجال ماجاء وكانت أختي تستخير البيت كله حزن مع أني في نفسي و كنت صغيره في العمر لكن أقول الحمدالله أنه ماجاء يشوفها وفرحت سبحان الله تزوجت زوجها وألحين كلنا نقول الحمدالله انه ماجاء وكل اهلي لين تذكرو ذاك الرجال يقولون الحمدالله ربي رحمنا ولاتسرعنا زوجناه بسبب عمر البنت وأنه مميز وأهي في هالعمر أهم شي الوحده تدعي دايم في كل سجده وتقوي أملها في ربها ولاتتسرع عشان لقب زوجه وحطي في بالك مو كل متزوجه تكون زوجه صح وفيه بنات كثيررر في عمرك ماتزوجو وفيه بنات أصغر منك وقبلو بالعدد ويبقي كل شي مكتوب عند ربي لكن مثل ماقلت الوحده تدعي الله في كل أمور الحياه مو زوج والإنسان عموما تحت رحمه الله والعطاء هو عطاء ربي ومانملك من أمرنا شي أسفه علي حتسي الكثير :d الله يوفقك ويكتب لك إلي فيه خير وبركه |
اقتباس:
الكلام اللي ذكرته يخص حالتي انا لما سألني عن فرصي بالزواج اقتباس:
اقتباس:
اقتباس:
انا مستحيل اصلا ارضاها على نفسي اتزوج بالسر اقتباس:
انا ذقت الظلم في تجربتي الاولى ومستحيل ارضى بالظلم لأي أحد اقتباس:
العمر ماله علاقة بالنضج والحياة مليئة بالنماذج اللي تدعم هالكلام اقتباس:
الله يوفق اختك ويسعدها اقتباس:
اقتباس:
بالعكس منورة موضوعي والله ..انا مانزلت موضوع بالمنتدى الا عشان اسمع لوجهات النظر المختلفة |
ماشاءالله تبارك الله
توكلي على الله وتزوجيه اختي الحبيبة انا تزوجت رجل متزوج وكنت اسأل الله المعونه والسداد قبل الزواج بأن يجعلني مباركة اينما كنت ويوفقني لكل خير والحمدلله علاقتي بزوجي وبزوجته ممتازة وبيننا احترام متبادل واقدرها جداااا ووالله ثم والله اني اعين زوجي على العدل ولا اسمح له يزيدني بشيء لان بعض الرجال حينما يتزوج قد يميل قليلا نظرا لأن العلاقة جديدة والمشاعر قد تكون اكثر حرارة لكني كنت اعمل حساب ليوم غد وان ما اقدمه اليوم سأجنيه غدا بإذن الله وهذا ما يحدث لي اسأل الله لي وللجميع الثبات على الحق ان قررتي الزواج اخبرينا لأني سأكون معك خطوة بخطوة ببعض المواقف التي قد تمر عليك ومثل ما يقال (اسأل مجرب) بخصوص الاخت التي تقول تحرقي قلب زوجته اقول اذا ما تزوج صاحبة الموضوع سيتزوج غيرها هذا اولا ثانيا عجيب امر بعض النساء من الزوجة الثانية وكأنها جانيه علما بأنها تُطلب وتخطب من بيت ابيها معززة مكرمة ثالثا والله يا ناس ان اسهل ما قد يحدث من الزوج هو الزواج بأمرأة ثانية على سنة الله ورسوله والحمدلله على ما حلل الله ولا ننسى ان من الازواج السكير والنكير ومن يخالط النساء بالحرام وغيرها من ظلم الرجال والكلام يطول .. |
بعد الاستخارة والاستشارة
تم الرفـــــــــــض اشكر جميع من شارك في موضوعي جزاكم الله خيرا |
اقتباس:
|
وعليكم السلام ورحمة الله وبركاته إذا قدّر الله سبحانه وكتب لكِ بالزواج من هذا الرجل .. فاجعلي علاقتك مع اهله قائمة على الود والإحترام .. واكسبي قلوبهم بطيبة التعامل وسترين الخير بإذن الله تعالى .. وأولاً وأخيراً .. الإستخارة هي من ستحدد مصيرك .. استخري وأكثري الدعاء والإستغفار .. وفقكِ ربي ويسر أمرك . |
اقتباس:
عفواً لم أرى هذا الرد .. الحمد لله على كل حال .. لعله خيراً لك .. الله سبحانه كــريم وسيعوضكِ خيراً منـه إن شاء الله .. دعواتي لكِ أختي الكريمة () |
وبصراحه اي موضوع فيه تعدد بصير فيه حرق قلب انسانه وعذابها عشان كذا مااشجع علية
لاتدفعنا العاطفه التفكير بقلولبنا وننسى عقلنا لو الرجل عددوا لما كثرت الفتن والمصايب اعوذ بالله والمشكلة صاروا الحريم تفضل ان يقيم زوجها على علاقة مع اخري شرط ان لايتزوجها استفغر الله واتوب الية اختى استخيري كثير والله يقدم لك اللي فية الخير تحياااتي |
اقتباس:
لان البنت اذا كانت مقتنعة وموافقة مية بالمية تندفع للموضوع لكن انت غير مقتنعة ونزلتي الموضوع علشان تسمعي صوت عالي يؤيد رفضك الداخلي لانه ولا عضوة" راح تقولك خذ متزوج ........ شيء اخر متوقع وهو .......... راح تندمي جدا على رفضك ........ اسفة يا غالية اني اقولك هذا .......... لكن هذه طبيعة النفس البشرية ....... دعواتي لك بالسعادة والتوفيق ....... |
الله يرزقك من يخاف الله وافضل من المرفوض
|
وأنا عندي الحالة نفسها! شكراً على المعلومات والنصائح!
|
| الساعة الآن 06:25 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©