|
خطبيتي لاتبادلني المشاعر(حلت المشكله الرد 111)
بسم الله الرحمن الرحيم
صباحكم خير وسعاده ان كان صباحا ومساؤكم صحه وتفاؤل ان كان مساءً قصتي كالتالي قررت والدتي حماها الله وحرسها واطال عمرها ان تختار لي عروس وبعد بحث طويل وجدت ما تمنته لي و وافقت انا على ماوقع اختيار والدتي عليها اناس طيبين ومحافضين ومستورين الحال والفتاه متوسطه الجمال او اقل بقليل انا لا ابحث عن الجمال ولكن عن الدين والتربيه والاخلاق والنسب وكل هذا موجود في هذا البيت الطيب بالنسبه لمواصفاتي تشابه مواصفات من صاهرناهم الا انني ازيد قليلا عليهم من ناحية التعليم حيث ان تعليمي جامعي و زوجتي المستقبليه تعليم متوسط وتوقفت عن الدراسه لاسباب لا اعرفها ولكن هذا يناسبني بعد فترة الخطوبه حددت موعد للملكه و تمت الامور على خير بفضل رب العالمين وبعد الملكه احضرت لزوجتي بعض الهدايا من ضمنها جوال ليكون سبيل لتواصل لرسم حياتنا واحلامنا وطموحاتنا في البدايه كان حديثي معها نادر الحدوث ولدقائق معدوده جدا لاتتعدى الخمس وكانت في كل اتصال تريد انهاء الحديث بحجة انشغالها مر االشهر الاول والثاني والثالث ولا يدور بيننا اي حديث طويل .. كثيرة الانشغال .. لاترد على اتصالاتي ..ليس عندها وقت كافي لتتحدث معي في احد الايام طلبت منها ان تجعلني من ضمن اهتماماتها وجدولها اليومي فقالت ان جدولها مزدحم تنضيف غسيل كوي نوم فطلبت منها ان يكون جدولها كالتالي تنضيف غسيل كوي نوم انا بدوري لا ابخل عليها برسائل الحب والغرام والهيام والطموح والعشق والشوق وهي لاشي لاردة فعل تعجبت من جمود مشاعرها ولا اهتمامها وبرودها وعدم وجود ردة فعل .. زاجهتها فقالت مش لازم ارد عليك فقلت لها ع الاقل قولي احبك .. فتقول مش لازم اقول حاولت ان اتأقلم معها واصبر ربما تتغير مع الايام فقلت في نفسي سأبتعد قليلا عل وعسى ولمدة اسبوعين لم ابعث لها اي رساله ولم اجري اي اتصال وهي ايضا لاحس ولاخبر في احد الايام اتصلت بها الساعه الواحده ليلا وكان جوالها انتظار كررت اتصالي بها وكان انتظار اكثر من ساعه استغربت ... كان من المفترض ان تقطع الاتصال مع الطرف وترد علي الآخر لكنها لم تفعل وبعد ساعه ارسلت رساله تقول دق علي انا فاضيه فلما اتصلت عليها سالتها مع من كنتي تتكلمي .. اجابت اختي قلت لها هل اختك اهم مني ؟؟ قالت لا وبعد حدي لمدة عشر دقائق قالت البطاريه بتفصل وفعلا انقطع الخط وبعد 10دقائق اتصلت عليها واذا الخط انتظار... وبعدها قالت لي عن طريق رساله انها تتحدث مع اختها وطلبت مني التواصل معها عن طريق الرسائل في اليوم التالي حاولت الاتصال بها الساعه 12 ليلا وكان جوالها انتظار وبعثت لي رساله انها تتحدث مع اخوها زبدة الموضوع انها لاتبادلني المشاعر ولا الشوق ولا الحنين للمعلومه هي ليست جميله ابدا اقل من المتوسط وانا شاب وسيم توقعت ان وسامتي ستجذبها لكن لا اشعر بحبها لكن تعاملها معي قاسي ومتحجر افيدوني واعطوني رأيكم وماذا تفهمون من تصرفها عمرها 26 وانا 29 |
كم صارلكم مملكين ؟
ما سبب اتصالها بأخوها وأختها ليلا وليس خلال النهار ؟؟ بكل الأحوال لا أنصحك بإتمام الزواج بدون قناعة كاملة بها كزوجة محبة لك وتحترمك . من رأيي تكرر اتصالك بها بهذا الوقت كل ليلة وبعدها نشوف |
4شهور عجاف
ما عندي اجابه لأسئلتك لأني ابحث عن اجابه ولا استطيع ان اسألها ليه تكلمي اختك او اخوك الليل والسبب : لا اريد ان اسأل من منطلق الشك مع ان الأمر يدعو لشك لكني استعيذ بالسميع العليم من الشيطان الرجيم |
اقتباس:
ما دام مملكين تقدر تزورها .. صح ؟؟ كيف زياراتك لها ؟؟ كم مرة بالأسبوع وكيف تكون الجلسة ؟ |
اييييييييييه حطيت يدك ع الجرح وقلبت المواجع
لاني في الشرق وهي في الغرب فالزياره ماتعدت واحده ولها قصه هالزياره قبل ما ازور اتصلت عليها لابشرها باني جاي ماردت كالعاده بعثت رساله باني رح اجي قالت حيك الله البيت بيتك ولاني ابغى اي شي عشان افتح موضوع معها عشان نتكلم سالتها وش اجيب لك معي وانا جاي قالت اي شي قلت ما اعرف شي في سوالفكم يا النسوان فلو تقولي لي وتختصري المسافات تسوي معروف:25: البنت مطنشه:14: المهم رحت جلست مع ابوها وامها وشفتها صافحتها دار حوار بسيط بحكم ان امها جالسه معنا كيفك شلونك عسك طيبه مااشاء الله احلويتي اعطيتها الهدايا بس بسسسس ماصار شي خطير ولا معجزة حسيت اني تعبت نفسي ع الفاضي |
الله ييسر لك طيب فااتحها في المووضووع وقوولها..
انا اخااف انك بعدين تمل منها وتتركها وان شااء الله ماايحصل هالشي... ولااااظن انها بتكلم احد غريب من رقم انت اعطيتها ايااه صح... الله ييسخر قلبهااا لك وتعوووضك عن اللي تبيه منهاااا يااارب.. والله يريح ضميرك... طيب اذا قلت لهاا كلاام حلوو وانت تكلمها كيف تكوون ردة فعلهااا؟؟؟ طيب انت ماافكرت يمكن تكوون البنت خجوووووله؟؟؟ |
لاحب بعد اليوم
من رايي انك اولاً غير نك نيمك الى نك نيم يبعث روح التفائل والامل والحب وماياثر على نفسيتك ونفسية القارىء:d ثانياً احس من خلال كلامك انها مغصوبه عليك بذلك تحاول تصرفك بأي طريقه طيب جرب تطنشيها ولا تهتم بها ولا تعطيها شي يمكن تحس بقيمتك شوي لانك ماعطيها اهتمام زايد عن لوزم يعني بدون ماتقول تاخذ منك :( .. |
اقتباس:
تقول :ايوة وبعدين ايوااااا وبعدين مافي ردة فعل آخر مرة قلت لها احبك قالت بروح اسوي عشا ملوخيه:29: وبالنسبه لخجوله ....... ما اعرف:11: مطنشه مش خجوله |
اقتباس:
انا احسهااا خجووووله مدري لييييييييش دامك قلت لها احبك وقالت برووح اسووي عشاء ملووخيه:) يمكن استحت احسااسي كذا.... الله ييسر لك من رب العاالمين كل اللي تتمناااه من زووجتك... |
اقتباس:
وبالنسبه لاحساسك بانها تصرفتي نفس احساسي بالزبط واكثر من مره سالتها وناشدتها بالله اذا انها ماتبغاني او مغصوبه تقول لي قالت محد يقدر يغصبني وانا استخرت وارتحت لك اتطمن وانبسط وفي اليوم الثاني تطنش ولا تعطيني وجه ولا تسال ولا تطمن ولااااااااااااااااااا مرة اتصلت ولااااااامره سألت كله انا اركض وراها واسال واتطمن واشتاق وهي محد حولك تخيلي امس كنت مداوم 12 ساعه واشتقت لها ولصوتها وبعثت لها مسج قلت ابغى اكلمك اذا سمحتي ردت بعد ساعه تتاسف لانها كانت مشغوله وسالتني عن حالي رديت وقلت اني طفشااااااااااان ودي اسمع صوتك ومن جد كنت طفشان ومكتئب ماردت علي أتصلت عليها ردت وهي نايمه قلت لها بدري حد ينام الساعه 12.... ابغى انكت:26: قالت لا مو بدري .. حسيتها بتكفخني:28: قلت طيب آسف خلاص كملي نومتك ياعمري.... وانا متحطم:24: طووط طوووط:27: وزاد طفشي طفش واما بالنسبه لتطنيش ليه اطنش؟؟؟؟ انا اخترتها عشان اطنش؟؟ ما احب هالأساليب الرجال مايطنش |
اقتباس:
بالتووفيق.. تقبل مرووري...... |
اقتباس:
اثقل يعني اطنش محب اثقل ع اللي احبهم |
اقتباس:
|
اقتباس:
ايووه طنش شووي... |
اقتباس:
|
يمكن احد قايلها اثقلي عليه اقول يمكن :d
|
اقتباس:
:29: |
اقتباس:
بدون ما اثقل |
يارب اليووم تتصل عليك وتقوولك مشتااااقه لك
جرب منت بخسراااان شي اذا ثقلت... ربي يهنيييييييييييييك.. |
اوكي بجرب اسبوع
وبعد اسبوع بقول لكم ومع اني متاكد مثل ماني متأكد ان عيوني في راسي انها مابتتصل ابد |
طيب اذا ماردت وش اسوي
اطنش اسبوع بعد ولا شهر |
اقتباس:
|
بحاول
|
اقتباس:
|
جربت تصارحها؟
اخاف ما ينفع معها التطنيش |
انا مع اختي جرعة تفاؤل في انه يمكن احد يقول لها طنشي واثقلي وانها تستشيراحد في كل مايحدث بينكم لكن جميع هذه الاسئله هي فقط من يملك اجابتها لذلك واجهها
|
أولا مبروك على الملكة ثانيا: ما أحسه ثقل ما أعرف ليش بتسوى هيك أنت ليش ماتكلمها إذا محرج من هاد الشئ ممكن تسألها أنت شو بتمثل لها يعنى لو انت غبت عنها شو أحساسها أسالها وأحرجها هيا بتحبك ولا هى أى زواجة والسلام مثل ما يقولو الله يهديها لك |
ما دام انها مو خجولة كثير وتقول اللي عندها وما دام قالت لك بانها مو مغصوبة وانك عجبتها معناها ما عندها أحد تكلمه وفعلا كانت تكلم أختها واخوها
لكن اكيد انها تثقل سواء أحد نصحها أو انها قررت من نفسها ولانكم لسه ما صار بينكم مشاعر قوية فما راح ينفع معها انك تطنش .. الشباب مشاعرهم تتكون بسرعة ولأسباب غير عن البنات البنت تتكون مشاعرها وتحب بسبب المواقف .. يعني احبه لانه كريم معي .. لانه شهم .. لاني حبيت فيه يوم ما وقف مع أهله مثلا أو مع أخوي .. يوم ما دافع عني ... وهكذا وبما انك ما تزورها فما راح يصير شيء من هذا النظرة لها دور كبير .. والصوت المباشر ... كرر زياراتك .. أكيد أول زيارة بتكون شوي جافه لأنها ما تعودت عليك .. لكن تكرار الزيارات بيخلي الألفة تزيد ومن بعدها المحبة ... تحتاج أنك تربي حبك بقلبها .. لما تزورهم اطلب من أمها تترككم شوي وحدكم ... خلي الباب مفتوح حتى يتطمنوا لكن تحتاج انك تقعد مع زوجتك براحتكم شوي .. قول لها أبي أقعد مع زوجتي شوي في موضوعين بشوف لك رابطهم وانت اقرأهم وان شاء الله فيهم فائدة |
بعض البنات هذا أسلوبهم في الملكه يعني تسوي ثقل
شكل زوجتك من هالنوع الله يسخركم لبعض ويوفقكم وييسر لكم أموركم |
حبيبي الأمر يعود اليك أنت من سكت على نفسه , مثل هذا الأمر ليس فيه تأخير لأنك لو تزوجتها بدون ان يتضح الأمر
لديك فسيقع الفاس في الراس , صارحها واجعلها على المحك , هل انت تحبيني أم تكرهيني , كما فعل صديقي بالضبط ونجا بنفسه قبل الزواج وطلقها .. |
والله يالغالي وضعي قريب من وضعك
خطيبتي تستحي مره فكنت اعرف مشاعرها عن طريق امها مثلا كانت تقول لي يبين الارتياح والانبساط على وجهها لما ترسل لها رساله ولما تتصل تروح تدخل الغرفه تكلمك وهي مبسوطه مع اني لما اتكلم معها احس انها ماتهتم فيني بل كنت اخاف انها تكون مغصوبه ويوم بعد يوم بدت البنت تفكك وتسولف فانت سهل انك تعرف هل القضية مجرد حياء واللا سبب اخر الحياء واضح ,,, ممكن يكون السبب موقف منك مسوي حاجز او اعتقاد خاطئ لديها لذلك الافضل كما ذكرت لك تسال امها او اخواتها ثم تسالها بطريقة مباشرة بعد كذا قل لها انت تبيني والا تبين ننفصل وشف جوابها >> هذه في النهايه اذا طفشت من الموضوع |
اقتباس:
|
اقتباس:
والله اني طيب |
اقتباس:
كلمتها و واجهتها وعاتبتها وكان ردها ما اقدر مشغوله ابوي مايحب المكالمات اعذار ماتقنعني بس صابر سالتها تحبيني قالت ايوه اموت فيك بس تصرفاتها عكس اللي تقول لها يومين مابعثت مسج ولا اتصلت مطنشه بقووووووووووووه |
اقتباس:
سأخذ برأيك شكرن ع الدعم |
اقتباس:
|
اقتباس:
وقالت احبك وابغاك لكن في اليوم الثاني كلام الليل يمحوه النهار محد حولك يعني مافي امل تسأل مافي امل تطمن |
اقتباس:
|
بسم الله نبدأ،
أولا من رأي أن اسلوب التطنيش لن ينفع معها، فقد جربته من قبل ولم تحصل على نتيجة، ولكن لربما من الأفضل أن تصارحها ولكن بطريقة مختلفة، يعني تقول لها أنك ترغب حقا باستشعار شوقها وحبها، أنك تريد منها أن تشعرك بحبها لك وشوقها لسماع صوتك، وأن هذا الأمر يشعرك بالسعادة والراحة. وأنك تريد أن تعيش لحظات الحب الطاهر الجميلة في هذه الأيام، أي أنك بحاجة لاشباع عواطفك ومشاعرك من خلال تعبيراتها. كلمها باسلوب عاطفي لعلها تتأثر وتتجاوب معك. والله الموفق |
انا عرفت السبب......ابوووها هوو الي يمنعهااااااا<<غير كذا مااافيه...
لان الاب يغاار على بنته حتى لو انها متزوووجه... هذا مو ثقل ولا خجل هذا ابووها يمنعها والله يعينك تحمممممممل... لا تقوول كلاام مااله دااعس الا له دااعي داام قالت ابووها يمنعها وصرحت لك خلااص هذا هوو السبب لا تجلس تعااتب وتنااقش وتفتح موااضيع ويااها عن هذا الكلاام عشاان لا تمل وتطفش... |
| الساعة الآن 08:29 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©