|
اليوم كنت بنخطف ولا اتوهم
السلام عليكم ورحمة الله وبركاته والله اكتب وانا توني راجعه من المشوار طبعا الروضه حقت ولدي في لفه يعني يعني اروح واجي بسرعه بصراحه كنت انا اوديه وارجع الحمدالله لابسه خمار يعني موباين مني الا سواد بعدين الشمس وقت الظهر قويه قلت خلاص اشترك في الباص لاني منفصله عن ابوه واخواني كلهم مشغولين وهاذي اقرب روضه ابوه بيقول يدخل في باص مو فاضى له الحمدالله هو لحين في الباص الي حصل دقة عليا المعلمه حقته وقالت تعالي ولدك يبكي يقول ابغى ماما قلت لها عادى البيت في لفه لحين اجي الحمدالله رحة شفته و هديت الوضع وانا راجعه اشوف سياره مرت من قدامي ماشيه الا احس سياره تمشى وراي وبعدين وقفت قلت ممكن هاذي العماره حقته وطنشة قلت قربة من البيت خلاص سبحان الله وقت ماكنت امشى كان رجل سوداني يمشى في حاله الا السياره هاذيك قامة تقدمة ووقف جنب العماره الي انا ساكنه فيها الا انا وقفت عند باب العماره الا هو خرج من سيارته ويناظر وانا بسرعه افتح باب العماره يعني قلت في نفسي هذا لا يكون بيجي عند باب العماره ويخطفني دخلت وقفلت بقوه باب العماره والله مو باين مني شئ امشى بسرعه تقول هاذي تجري مو تمشى معقوله هذا كان بيغى يخطفني طيب انا رحة روضه يعني هم يشوفون عبايه سوده خلاص هاذي فاسده وربي رحة اشوف من الشباك قسم بالله قلت معد بروح الرضوه لو يموت بكى المشكله في اللفه ابغى اعرف هذا وش يبي والله صار فيا مثل الخوف صار عندي فكره امشى معاي سكينه والله وقاحه صرت اقول خرج من سيارته وش يبي هذا من بعيد يناظر ممكن كان يسحبني معقوله الدنيا صارت فوضه احس السوداني هذا لو مو فيه كان سوي شئ ولا انا اتوهم احس نفسيتي مره تعبانه حسبي الله عليه زي ما دخل الرعب في قلبي انشاء الله يشوف الموت قدامه |
طيب اين ولدك الآن ومين رح يجيبو
انتبهي على نفسك حصني نفسك قبل الخروج بآية الكرسي واقرئيهااااااا دايما كل الطريق معقول لهذه الدرجه عندكم الوحده ما تقدر تمشي بالشارع هذا وانتي حاطه خمار واسود احملي عصاااااااااااااا او زموووووور بيدك تحت العبايه بشكل اي شي مريب تضعي يدك على الزمور ويون قوي جداااااااا الجيران يسمعو وهم ينرعبووووووووووووووووووو ويهربووووووووووووو زمور يمكن برياالااااان وسكين ما في مانع بيد تزمي والثانيه تذبحي ااذا بدك مساعده ما في مااااااااااااانع |
اختي
انت غير متأكدة من نواياه، ليه تدعي عليه يشوف الموت قدامه ؟؟؟ خذي احتياطاتك المرة الجاية و خلي الجوال بيدك و لاتمشي لوحدك اذا الشارع فاضي |
اقتباس:
ولدي الباص تبع الروضه هو متكفل يجيه الصباح والظهر جيبه حتى باب العماره الداده معاه تتصل لما يوصل الباص عند البيت وانا انزل اخذه منها رحة الروضه هم اتصلوا عليا ولدي موراضي يدخل الفصل الروضه جدا قريب من بيت بس والله هذا جاب الرعب في قلبي شايف سواد يعني لو انا باين عليا متبرجه عادي بس والله خمار واصل للركب بس خلاص توبه خليه يبكي ولا يتكرر هذا الموقف لانه وصل فيه يوقف سيارته قرب العماره ويخرج منها قلت هذا مو ناقص الا يشدني من العبايه قلة ادب ووقاحه بصراحه معد فيه امان |
اقتباس:
انسان ماشى بسيارته وراي وكل شوي يوقف في زوايه وش يدل من نوايا والله على طول قلت هذا شكله يبغى يخطف وحده من الصباح انا ما اخرج لو حدي بس الروضه جدا قريبه ولا عندي احد يودني حتى لو قومة اخوي بيقولي انا وراي دوام الروضه في لفه وش الدلع حقتك الحمدالله الجوال معاي بس والله تمنيت معاي شئ خفة يقرب لاني من تخت الغطوه والله شايفته جنب سيارته جنب العماره حقنا وخرج بالله هذاصاحي احس تعقدت من خرجة الصباح اول مره يصير معاي موقف كذا الوحده تمشى با دبها تحصل ناس مثل كذا معاي مغص من هذا الموقف حسبي الله عليه الشارع فيه الحراس حقون العماره ينظفون السيارات والحجه حقت العلب يعني مو معدوم في حركه ولا استحى |
اعلمِ احد اخوانك ؟
يكفي ان يخرج في وقت يكون هو يترقب من بعيد - إذا لاحظت انه يقف كل صباح في مكان معين - ويعطيه نظرة وكم سؤال عن سبب وجوده ويخبره ان يختفي من هنا ولايريد رؤيته وبهذا يكون ان ارسل له رسالة مفادها ان ورائك ناس ، ولست بالصيد اليسير لاتتهاوني بالأمر ، وحتى اخبار اخيك بالأمر لن يجلب المتاعب ابداً ما لم يسثار الأخ ويفقد اعصابة وفي كل الحالات اخبارهم خير من الوقوف مكتوفة الأيدي خوفاً على مشاعر ذلك التافه . |
اقتباس:
اول مره يصير معي موقف مثل كذا مدري هذا من وين طلع اصلا ما خرجة الا عشان الاتصال وهو جدا قريب الروضه وكلمة امي قالت روحي شوفى ولدك وتعالي لو مو قريب ما كنت خرجة اصلا من وين اعرفه ولا يعرفني حتى بيجي جنب العماره مره ثانيه هذا باين عليه ولد حرام يبغى وحده من الصباح حسبي الله عليه انشاء الله ما يتكرر لاني ما اخرج الصباح الا في الضروره جدا وما اخرج الا مع امي والله معد فيه امان |
اولاً الحمد الله ع سلامتك اخذي حذرك هالمره لا تطلعي لوحدك في اوقات المدارس والاعمال لانه تكون هالاوقات غفله وشوارع فاضيه مافيها اي رجل.. اذ ماعندك احد يودك الى الروضه روضة مجبوره تتكفل تجيبه لك ومايحتاج يدوم هذا اليوم تقول امي ذا حصل شي مو زين وعاد على خير علشان ناخذ الحذر هالمره سلامه غيريت المره ندامه حفظك الله من كل مكروه .. ووفقك الله لكل خير.. |
اقتباس:
ما خرجة الا عشان الاتصال مو راضي يدخل الفصل اسبوع ولا كلموني الا اليوم والروضه قريبه في لفه بس هذا من وين طلع مدري شفت الرعب اليوم معد بخرج خليه يبكي كل ما اتفكر الموقف جيني ضيق |
الحمدلله على سلامتك
ومره ثانيه اذا طلبوا منك تجي لاتروحي اطلبي منهم انك تكلمي طفلك وكلميه انتي وهديه وخلاص ماله داعلى الخروج بلحالك |
اقتباس:
قلت لها هاتي اكلمه قالت ممنوع الحمدالله توبه معد بخرج بس الواحد يكون مضر ولا يحصل من يوديه يارب رحمتك |
ياليتني ابنك او اخوك او حتى ولد اختك
والله مااتركك تروحين لحالك وعلى رجلينك بعد :( انتبهي لنفسك |
اولا ..حمدلله على سلامتك
ثانيا..احرصي على اذكار الصباح والمساء واحرصي دايم على قول اللهم اني استودعتك نفسي وديني وامانتي الله الذي لاتضيع ودائعة واستودعي ولدك وكل من يعز عليك ثالثا..خوذيها قاعدة الصباح لاتطلعين لحالك غالب الوقت هذا يكون الشوارع فاضية والي مايخافون من الله واجد فحرصي على نفسك ولاتطلعين بالوقت هذا الا مع اخوك واذا اخوك رفض لاتطلعين ياختي الدنيا تخوف ماعاد مثل اول امان الله يستر عليك ويحفظك ويحفظنا وجميع المسلمين... |
اقول لك ولجميع الصبايا
الريحه الخاصه لتحت الابط خليها بيدك وقت تخرجي اضراري واي حركه من احد رشي بوجهه فورااااااااا يعني تمسكي القنينه وجاهزه ويدك تحت العبايه فاهمين يا بنات هنا الشرظه تستعمل الحر يقولون عنه كابسيكن رش وقت ترشو عليه اول شي رح يمسك عيونو من الضرر وثاني شي افضلي ترشي رح يحس باختناق ويتلهى لنفسه تكوني انتي هربتي ودخلتي بيتك واو دكان او مبنى قريب او تتصلي باحد اخوتك فاااااااااااااهمين صبايا بهكذا موقف ما رح حد يتصرف غيركم وتنقذو انفسكم تعلمو طريقة الدفاع عن النفس انما ظريقة الرش اسرع وحده ومن ثم الزمووووووووووور يكون سكين معكم زيادة بركه ضربه بكرشو ما تقولو نخاف وووووو وقت الجد ما حدا رح ينقذكم الا نفسكم وتصرفكم كونو قد الموقف احملو سلاحكم الابيض معكم |
ليه اخي
بتعرف هنا على التلفزيون يطلبون من كل من يمارس رياضة المشي يكون معه عصا او كلب او شي يدافع عن نفسو فيه وما ضروري سكين يتعرض وقتها للمحاكمه تعال شوفهم بيمشو رجال ونساء بالحدائق اللي مخصصتها الدوله لرياضة المشي قرب البيوت وتكون لمسافات طويله اخي طيب رح اسألك لا سمح الله الرجل وشدها من العبايه كيف تتصرف بنفس اللحظه بوقت حدوث الحدث وهي ثواني انتي اخبرني كيف تتصرف اعطين حل تشوف ومن ثم طريقة اخرى تشل حركته بس يمكن يموت الا وهي تمسكه من ........ وفورا يوقع ارضاااااااااااااااااااا ولا يقدر يتحرك هذه تعلمتها وكان عمري 11 سنه سمعت امرأه عجوز تتكلم مع جدتي عن جندي فرنسي وقت كان لبنان محتل من فرنسا كانو بالضيعه وهي منظقه مسيحيه والمرأه مسيحيه ايضااا اخبرت جدتي انه كان يخلعها ملابسها وما ان خلع ملابسه ومسكته من المنظقه .... واتنق ومات ودفنوه اخوتها وعلم الظابط بان هناك امرأه اعتدي عليها واحضرها واحضر جنوده وسألها :اي واحد منهم وكانت تقول ولا احد منهم وفضلت سنين مرعوبه اتكلم لك عن عجائز ماتو من عسشرون عاما والقصه لها حوالي 35 سنه ولكن مازالت في ذاكرتي اخي انت انصحنا كيف نتصرف وقت الحدث نستسلم ندخل للسياره وووووو والله ارشو بعيونو واحرقهم وخلي السياره تفوت باقرب حيط |
حفظكِ الله ورعاكِ أيتها الأخت العزيزه
ربما يكون إحساسك صحيح وربما لا ، أحياناً الشخص وحتى الرجل يعتقد بأنه مراقب أو شيء من هذا القبيل ، وطبعاً المرأه لابد أنها تخاف من اي حركه غريبه وهي تمشي لوحدها لأننا للأسف يوجد لدينا في مجتمعنا الكثير من هذه الأشكال التي لا تخاف الله ولا تخشاه ، قبل خروجكِ من البيت قولي (بسم الله وتوكلت على الله ولاحول ولاقوة إلا بالله) لاتنسي أذكار الصباح والمساء يومياً وابحثي عنها إن كنتي جاهله بها , ادعي الله سبحانه وتعالى بأن يحفظك من كل شر وكل سوء انتي وذريتك ، حاولي قدر المستطاع أن يكون أخوكِ أو أحد محارمك يأتي إليك بشكل متكرر يومياً أو أكثر من مره في اليوم ليكون للمنزل هيبه ويحس الناس بوجود رجال عندكِ ولكِ ظهر ولستِ وحيده . وفقكِ الله وحفظكٍ ورعاكٍ من كل شر ومن كل سوء ومن كل مكر ماكر أو خبث خبيث |
اقتباس:
انا اسمع بحالات خطف ولا كنت اصدق اقول اكيد الوحده تروح لهذا الشئ برجلها بس خطف من قدام البيت للاسف تصير بعد هذا الموقف قلت نفسي كيف لو بنت ماشيه ولا ولد غايب من مدرسه مثلا ورايح الدكان بصراحه فيه ذئاب بشريه حتى الصباح ما يهمدون الله يهديهم ما يخافون الله انا عجتني حركة مزيل العرق بس الحمدالله انا ما اخرج لحالي بس الروضه الولد قدامهم يبكي اسبوع وهم ساكتين ورحت والله امشى بسرعه لانه قريب مدري انه في ناس تتصيد والله كل ما افتكر الموقف اقول حسبي الله على كل واحد يريد الفساد في الارض |
اقتباس:
الحمدالله حافظه الاذكار و الادعيه وما اخرج الا محصنه نفسي وعيالي والحمدالله عليا خمار مسترني بس اخوي عنده دوام قلت له قوم بيقولي قريب من البيت انا وراي دوام بس الي قاهرني لما وقفت عند باب العماره جنب سيارته ويخرج يراقب من هذا الموقف كنت افتح باب العماره واقول هذا شكله بقرب ويشد عباتي دخلت وقفلت الباب وربي بقوه من قهر حسبي الله عليه |
الله يستر عليك و على كل نساء و رجال المسلمين
بس حبيت اسأل بس من اي دولة انتوا صراحة انا عندي سفره لحضور مؤتمر بالسعودية لا تخوفوني و اخاف يكون اختلاف في موعد الرحلة مع الزملاء و المحارم كل واحد لاهي بحياته و السفره اجباريه لا حول و لا قوة الا بالله |
إيمان
لو كانت الأخت صاحبة المشكله من السعوديه فهي حاله شاذه من الحالات الشاذه كأي حاله في أي دوله الحمدلله ننعم بأمان وأمن لاتخافين أبداً لكن قبل أن تأتين التزمي بحجابك الكامل من عبائه على الرأس وواسعه ونقاب ساتر ولن يتعرض لك احداً بإذن الله تعالى |
اقتباس:
حبيبتي لا اخوفك ولا شئ في الخير وفيه الشر بس انا خرجة وقت الصباح على الساعه 8 وتعرفي الاحياء صباحا تكون فيها شئ من قلة حركه بس والله كنت اودي ولدي الساعه 7 ونص وارجع له 12 واشوف حريم كثير الي بيتها امام الروضه تودي طفلها وترجع بس انا في لفه والحمدالله لمدة اسبوعين ولا صار شئ وبعدين تعبت من شمس الظهر قلت خلاص اسجله في الباص وهاذي اول مره تصير معاي اطمني بس نصحيه لازم من محرم معاكي والله في ناس ما تخاف الله تشوف بس عباية سوده تحسب كل وحده ماشيه في شارع بنت حرام وهم للاسف ذئاب كلا يرى الناس بعين طبعه انا من السعوديه |
يغلق لإنتهاء المشكلة
|
| الساعة الآن 12:34 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©