|
يهمني رأيكم تقدم لي متزوج ومحتاره بين الموافقه والرفض
السلام عليكم ورحمة الله وبركاته
الحقيقه انا محتااره مابين الموافقه وبين الرفض خصوصا انو المتقدم لي متزوج اولا انا تعديت العمر 28 سنه والحقيقه طول هالسنه ماطق بابنا اي خطيب وبصراحه الفرااغ والروتين ذبحني خصوصا اني متخرجه من 4 سنوات ولليومكم لا وظيفه ولا شي والحين تقدم لي شخص متزوج وعلى حسب كلامه ان زوجته رااضيه وووعدني انه يعدل بيناا وسالته عن الاسباب الي حدته ع فكرة الزواج من الثانيه قالي هذي رغبه فيني من تزوجت من زوجتي الاولى وهي محترمه رغبتي وعلى فكره هو يمدح زوجته الاولى ويقول انها ماهي مقصره فيه بس هو عنده رغبه بالزواج من الثانيه وانا الحين محتاره ودي اوافق واخاف اني اظلم زوجته ودي ارفض واخاف تكون اخر فرصه لي بالزاوج واتمنى انكم تساعدني لان لي 3 شهور خاطبني والتفكير ذبحني |
كلمي زوجته :: وخذي منها العلم ...
|
هل لديه قدرة مالية على فتح بيتين؟؟
وهل باستطاعتك التكيف مع نصف رجل؟ السؤال الأخير والمهم .. هل استخرتي ؟؟ |
اشكركم ع حسن اهتمامكم بموضوعي
شقرديه نعم فكرت اني اكلم زوجته واشوف رايها بس لسى ماجاء الوقت المناسب قلت استخير واخذ ارائكم بالموضوع اخي العقد الفريد على حسب كلامه انه عند الاستطاعه ع فتح بيتين وووعدني انه راح يعدل بينا وعلى فكره عنده عماره ملك الحمد الله استخرت اكثر من مره واحس براحه لكن يوم اوصل لهالنقطه اقتباس:
|
بما انه مدح بزوجته معناته ان شاءلله فيه الخير
يمكن زوجته مو قايمه بواجباته الزوجيه كامله وهينا يحقله الزواج لان الشرع حلل له طبعا استخيري واستخيري و استخيري واحس انه رحل فيه الخير |
نصيحه لاتوافقين وش يجبرك توافقين علي متزوج
وبعدين قالك مو مقصره يعني كلها شهوه وينتهي الأمر وعلي فكره كثير رجال خاصه المرتاحين مع زوجاتهم يتزوجون ثانيه يندمون والطلاق علي الثانيه عزيزتي بصراحه عانس أفضل بألف مره من مطلقه ومعذره لأخواتي لكن أختي صدق الطلاق شي يقهر يعني خذ مني إلي يبي وطلقني خاصه معدد قهره اكثر شوفي هالوقت إلي يقدر علي التعداد نادر جدا وبعدين أنتي مادخلتي الثلاثين توك أصبري لو حدك الظروف في الثلاثين خلاص وافقي علي معدد والشكو علي الله لكن في هالعمر توافقين لا صعب وإضافه لكذا أختي أهتمي بنفسك وحاولي في المناسبات تطلعين وكذا بنات كثير تكون في البيت 24 ساعه ولاتشوف أحد أو تكون مقصره في نفسها وهذا عامل كبير بعد دعاء الله وتوفيقه اختي أدعي ربي يرزقك وأفعلي السبب أطلعي مناسبات روحي لدار تحفيظ القران لو عندكم جيران حاولي تطلعين لهم وبعدين شكلك شكلك أهتمييييييييي قدر ماتقدرين فيه الله يفتح لك أبواب رزقه وبنات المسلمين |
مافيها شي
وكمان عمرك مو صغير لحقي نفسسك |
أختي عليك أن لا تقدمي على هذا الزواج حتى تعرفي مالك وما عليك
إقرأي وابحثي أكثر في هذا الموضوع واسألي مجربات وبعدها ... تستطيعين الحكم عى نفسك أسأل الله لك التوفيق |
توك صغيرة انا اكبر منك بثلاث سنوات واحس نفسى مستحيل افكر متزوج ؟؟
انصحك اصبرى شوية لان المتزوج المفروض ياخد مطلقة او ارملة اما انت شابة ومالزالت فى عز شباباك |
بصراحة ما عندي رد ...
يصعب علي أقول أرفضي .. والقبول أيضا صعب ... الله يعينك ... استخيري والله يكتب لك الخير لو بمكانك وعمرك .. مافكرت حتى تفكير بالموافقة ... وضعي ببالك الآن كثير بنات أعمارهم 30 أو قريب منها يآخذون شباب ... لم يسبق لهم الزواج الله يرزقنا واياك الأزواج الصالحين ... عاجلا غير آجلا |
استخيري حبيبتي والله يقدم يللي فيه الخير ياارب ..
بس انتي برضو حطي في بالك انو ماراح يكون لكي وووحدك وان شاءالله يساوي بينكم الله يجعلو عند حسن ظنك .. دمتي بوود=) |
طيب كم عمره وظيفته مؤهله العلمي
كم عدد اولاده وين ستسكنين هل تتوقعين ان يخطبك احد غيره ولو تتسائلين وش اللي رد الشباب عنك وانت صغيره ؟؟؟ وهل الشباب اللي بيخطبونك وانت بهالسن ماراح يلقون صغيرات يوافقون عليهم الحقي عمرك انا اعرف بنات تقدم لهم 5 و6 وما كانوا مناسبين ومع كذا اخذوا معددين لان ماجاهم شخص مناسب غير معدد يعني الموضوع له شقين الشق الاول هل تقبلين بمعدد؟؟؟ بعد الجواب على هذا السؤال ماهي شروطك في المعدد ؟؟؟ ان كان الجواب على السؤال الاول نعم فضعي شروطك فان انطبقت على الرجل فلاتترددي وتصير انت الثانيه افضل من تصير فوقك وحده مسالة انها شهوه وخرابيط يعني الاولى تزوجها ليش ؟ انا شاب واعرف ان اكبر سبب لزواج الشباب الشهوه النفسية (العاطفه) والجنسيه والرجل هنا امتلا منهن فلو ان المراه كانت فعلا ست بيت وتحسن معاملة زوجها وكان زوجها (رجل صالح) باذن الله ستدوم العشرة انا لي اختين اخذو معددين وحده تزوجته وعمرها 19 !! والاخرى وعمرها 29 وكلهم استطاعوا ان يستحوذوا على قلوب ازواجهم لدرجة ان ام 29 طلق الرجل زوجته الاولى لما وجد الراحه معها ونفسيته تغيرت لدرجه ان اقاربه صاروا يسالون البنت هذي عندها اخوات ؟؟؟ وش السبب؟؟ السبب انهن اخذن طبع الوالده في خدمة زوجها وطاعته فقدرن يكسبن قلوب ازواجهن كذلك انظري هل انت قنوعه ام متطلبه ؟؟؟ اخيرا استخيري وادعي ربك كثيرا واكثري السؤال عنه ونصف رجل خير من دون رجل يعني نصف رجل كما يسميه البعض يبقى انه سبب للولد وللعفاف وللانس وقطع الافكار القاتله متى ساتزوج ؟ هل اناغير مرغوبه ؟ ..... الخ |
اولا :اشكر كل من تفاعل ورد علي
والله يحقق لكم كل امانيكم ويسعدكم يارب مثل مااسعدتوني باهتمامكم ملامح قمر انا الحمد الله شكلي وجسمي مقبول وبشهادة الكل والحمد اجتماعيه واحب اتعرف واتوااصل مع صحباتي وقرايبي بالعكس انا اكثر وحده من خواتي اطلع واروح بس سبحان الله مالي حظ بهالدنياا وبعدين حز بخاطري تصدقين طول هالسنين ماقد تقدم لي اي احد الا واحد وكان مطلق والحمد الله اني ماوافقت لانه طلع مو كفوو تزوج بعد ماخطبني 3 مرات وكلهم نهايتهم الطلاق ع العموم الله يستر وومااخفيك اني بعد ماتخرجت نفسيتي تدمرت خصوصا مع الفراغ والروتين وصرت شبه انطوااااائيه |
اقتباس:
اقتباس:
اقتباس:
وطبعا بنفس العماره الي تسكن فيها زوجته اقتباس:
اقتباس:
اقتباس:
|
,,, الله ييسر أمرج يارب مع اني ما أحس انه زواج فاشل والله مادري الخوف الوحيد بس انه ما في أي سبب اللي يخليه يتزوج غير ( الرغبة ) استخيري وايد يالغالية والله يكتب لج اللي فيه الخير ويبعد عنج اذا فيه شر الله يحفظج ..~ |
اقتباس:
والله مناسب لك الموضوع هذا يحتاج لتفكير عقلاني لاعاطفي وانا ماابغى اعطيك ثقة بنفسك واقول لا انتظري وبكرا مايجيك احد لاتقولين اعرف وحده جاها واحد مش متزوج واللا ارمل هذا نصيبها وانت ربما هذا نصيبك اعطيك مثال زملائي اللي من عمر 25 الى 29 اكثرهم ياخذون بنات من 17 الى 22 غالبا ومن 30 الى 35 مايتجاوز عمرها 26 وباقي الحسبه عليك ومعروف عندنا ان اي واحد يتجاوز 32 وهو ماتزوج اما ماضيه سيء 70 % منهم او عنده سبب قاهر 30% واالامر اليك وفيه جزئية انا لاحظتها المنتديات احيانا بعيده عن الواقع قريبه لي جميله ومتعلمه واهلها يرفعون الراس والله ماينقصها شيء ومع كذا قبلت بمعدد وضعه المادي عادي جدا -موظف شركه- وعمرها فقط 25 وعمره 36 لانها تبي تلحق عمرها ووش يضمنها يجيها شخص مناسب ,,, |
ماادري انا اشوف انه تصبرين افضل لك لانه مرتاح مع زوجته الاولى وعلى كلامه مو مقصره معه بشئ وربي ان شاءالله ماراح ينساك واترك عنك تفكير انه ماراح يتقدم لك احد في المستقبل فماتدرين و يمكن العزوبيه تكون اخير لك وصدقيني مو نهايه الحياه اذا ماتزوجت بالعكس بعضهم يتمنون انهم قاعدين في بيوت اهاليهم خاصه اذا مو مقصرين معهم بشئ حاولي تدخلين دورات او دور تحفيظ وانسي فكرة الزواج لحد ماربي يرزقك بابن الحلال اللي يسعدك وتسعديه
|
صراحة لا اعرف كيف تبنين سعادتك على تعاسة غيرك لو كنتي الزوجة الاولى ماذا سيكون موقفك ........... لكن لا الومك بعد ما قرأت رد الاخ ليش كذا ....... الله يعينك ويعينني ويصبرنا على مجتمعنا الوسخ الي عايشين فيه
|
اقتباس:
الحاله إلي أنتي فيها نعمه عند غيرك تعودي علي قيام الليل بري في أمك وأبوك وأهلك أنا في الإجازات بصراحه مايكون عندي وقت فراغ أحاول أشغل نفسي وبالعكس الحمدالله أحسن بالكثير ومن دعاء الله عطاه أدعي ربي يرزقك وبعدين أنتي مو في عمر تصيب أو تخيب وتتزوجين واحد متزوج راح تعانين من فراغ أول شي أنتي مو موظفه يعني المصروف عليه ورجال عنده بيتين إضافه حطي في بالك زوجته الأولي إلي ماراح ترتاح إلي بطلاقك والله أعرف ثنتين كلهم قريباتي تزوجو معددين النهايه كلهم تطلقو الاولي جلست سنتين وطلاق والثانيه كم شهر وكلهم أعرفهم مااقصرو مع أزواجهم لكن الرجال وش عليه يتزوجك اليوم يطلقك بكره حلل المهر وأشبع نفسه ووحده ثالثه تزوجت أهي الزوجه الثانيه وهالرجال شخصيه معروفه جدا جدا وشيخ علي فكره كم شهر إلا أهي مطلقه والكل يمدحه لكن زوجته الاولي ماخلته وبعدين خلي في بالك أنه يمدحها علي قولت جدتي أتبع مقفي لو تتبع محب لاتتوقعين أنه سهله عليه أو مالها غلاة في قلبه هاذي أم عياله و أي مشكله فوق راسك أختي ماتتزوج معدد إلا مطلقه أو أرمله البنت غلط في رايي تتزوج معدد لأنها راح تخسر أكثر زواجك من معدد كل شي محسوب عليك حتي الريال حتي الطلعه محسوبه عليك زوجته قريبه منك وش لك في الشقاء وإلي يقول لك مناسب صدقيني مايحس بالنار إلا رجل واطيها شوفي المنتدى وأقري قصص زوجات المعددين تعرفين وشلون عايشين والأخ إلي جالس يكتب لك إحصايئات ومدري إيش لين صار يقسم أرزاق العباد وبيده رزقهم خله يجي يحسب ولا مجال لذكر أمثله وإضافه نقطه أعلق عليها أختك وطلق زوجته الاولي هذا بحد ذاته شي كبير أنه طلقها بعد الوحده ماترضي الطلاق لأختها وعندها عيال وأفرق عائله مو أبني سعادتي علي تعاسه عائله بأكملها وهاذي زوجته أول فرحته أجي أنا أخرب بيتها وين بروح من دعوتها ومن حساب ربي الله يرزقك بالزوج الصالح |
اقتباس:
إذا استخرتي وارتحتي إلى القبول .. فرأيي المتواضع أن ترفضي الشقة بجوار الزوجة الأولى أقلها للسنة الأولى ، لتعرفي هل تكيفتم جيدًا ، وهل هي حقيقة موافقة أو لا .. أعتقد السكن بجوار الأولى يكون فيه رقابة شديدة عليكِ لا تستطيعين الخروج إلا وأنتِ مراقبة ولا تستطيعين العودة متأخرة مع زوجكِ إلا والأعين ترقبكم ... بالنسبة لمن تقول لكِ تبنين سعادتكِ على تعاسة الأولى أنتِ لم تذهبي للرجل ، هو من قرر الزواج وأتاكِ طالبًا وإن لم توافقي فستوافق عليه أخرى .. لا يعني كلامي أنه يجب عليكِ الموافقه .. لا .. لكن لا تجعلي هذا السبب سببًا لرفضكِ ... وفقكِ الله ~ |
حسب ماذكرتي الرجل مافيه شي يجعلك ترفضينه
نصيحة مادام اخلاقه ودينه زينة لاترفضينه (لأنه العمر يمر وماتفيد الحسوف). المعدد ماهو شبح تخوفون البنات منه ,العنوسة ونظرت المجتمع هو الشبح المخيف الي مايرحم .. استخيري واتكالي على الله ,,أسال الله العظيم أن ييسر امرك ويكتب لك الخيرة .. |
اقتباس:
لا التعدد شبح مخيف ولا العنوسة شبح مخيف المسألة نصيب وقضاء وقدر اش تفعل الفتاة اللي ما جاها الكفؤ ؟ تشحد أمام المساجد عريس ؟!! ولا ترضى بكل من هبّ ودبّ لا تصير "عانس" المفترض أنا نحنا الاناث نفهم بعض أكثر ونصحح مفاهيم المجتمع العوجاء ولا نعين المجتمع على أخواتنا .. والله إن الفتاة تبقى في بيت أهلها معززة مكرمة وإن كانت في نظر البعض "عانس" ولا تآخذ لها رجل ما يسوى "التالية من الغنم" عشان نظرات المجتمع وبعدها اصبري لا تطلقين اش بيقول عنك المجتمع بلا مجتمع بلا قرف .. اعملي اللي انتِ مرتاحة له واللي واثقه أنه صح ولا تفكري في المستقبل اش يقولوا أو اش يصير المستقبل الله أعلم به ، والله إن أحب عبدًا ابتلاه سواء بزواج أو عدمه ~ :: |
اقتباس:
يالغالية ركزي بماقلت جيداً أنا قلت إذا اخلاقه ودينه حسنة ,توافق ماقلت كل من هب ودب على قولتك. ماقصدته أنه ماترفض الرجل بس على شان عيبه أنه معدد .. |
اقتباس:
حبيبتي أنا فاهمة وعارفة اش قلتي انتِ قلتي التعدد ليس شبح إنما العنوسة والمجتمع شبح وانا حينما علقت لا أقصد الأخت صاحبة الموضوع بعينها ولو عدتِ لتعقيبي الأول على الموضوع لوجدتيني قلت أن سبب رفضك أنه معدد ليس سببًا .. لكن فكرة أن العنوسة قاتلة والشعور بالشفقة على أخواتنا المتأخرات هذا ما أرفضه .. كم من فتاة متأخرة أسعد من أخرى متزوجة .. ونحن في آخر الزمان وأعداد الفتيات يفوق أعداد الشباب فمن الطبيعي أن يكون هناك متأخرات ولا تنسي حديث الرسول عن آخر الزمان أن الرجل يقابله خمسين امرأة .. بمعنى لو أن كل رجل عدّد فسيستمر تأخر الفتيات عن الزواج والتعدد ليس حلاً كافيًا لحل هذه المُشكلة بل الحل أن تُربّى الفتاة على أنها خُلقت لعبادة الله وليس للزواج ، إن حصل الزواج فلتُطِع زوجها وتُحسِن تبعلها له طاعة لربها قبل أن تكون خضوعًا لزوجها .. وإن تأخر الزواج فليست نهاية الدنيا تستطيع أن تتقدم بحياتها وتنجح في دنياها قبل أخراها بإذن الله ~ :: |
اقتباس:
يعني الرزق فقط بالاعزب المعدد ماهو رزق اصلا وش مقعد بعض البنات الا سالفة ابي وابي واخرتها تاخذ مو معدد وبس الا شايب ووقتها روحي انفعيها واما مسالة تبني سعادتها على تعاسة غيرها لاتنسين ان زوجات النبي بنن سعادتهن مع شخص - محمد صلى الله عليه وسلم- لديه زوجات ومع ذلك ماقالن نبني سعادتنا على تعاسة غيرنا ولاتقولين النبي كان عادل العدل مايقتل الغيره ,,, |
:* بصراحة لا أنصحك بالمعدد لأننا في زمن ندر فيه المعددين الذين يخافون الله وأخشى عليكِ أن تقعي في يد من يتمتع بك أياماً ثم بعد أن تذهب السكرة وتأتي الفكرة يتخلص منك إرضاء لأم العيال أرى أن تنتظري حتى 30 لأن سن 28 ليس بالأمر العظيم فربما يرزقك الله برجل يستحقك ويفرح قلبك :* أسأل الله في هذه الليلة أن يرزقك بالرجل الصالح الذي يسعدك :* |
اقتباس:
لكن علي كلامك طيب من يعوضها إذا في كانت في أعداد المطلقات والمعدد حتي المرأة إلي في السن الأربعين يجيها معدد مو مربح أبدا أحنا نقول المفترض المعدد يتزوج أرمله أو مطلقه الرسول اللهم صلي وسلم عليه لم يتزوج بكر إلا عائشه رضي الله عنها لكن الحاصل المعددين يدورون الزوجه البكر وينسون انها من حقها أن تفرح بشاب لم يسبق له الزواج وتكون أول فرحته وهو أول فرحتها إضافه لكذا الي نشوفه كثير جدا من المعددين يتزوج ويطلق عنده البديل وأخذها يجرب حظه خاصه إلي مرتاح مع زوجته لو كان الرجال المتقدم قال أنا مو مرتاح معها فهالحاله ممكن توافق لكن الرجال يقول مرتاح ومتزوج عشان شي في راسه وبعدين ينطحن الحب إلي في راسه والضعيفه تروح بيت اهلها ومعها ورقتها وبعدها يقولون أنتي شايب نعمه لو تزوجك مايمسك حريمه إلا رجال في الخمسين وفوق لأنه وببساطه امر الطلاق عندهم مو سهل مثل شباب هاليومين أتزوج وأطلق بكره لو معه قدره ماديه أو يحلل المهر وبعدين بسلامتها أختي والله أنا مابيني وبينك شي أو مع حرمته لكن بصراحه نصيحه لك أدعي ربي يرزقك الزوج الصالح وشاب أفضل لك من معدد بكثير أنتي أول فرحته وهو أول فرحتك ولا عنده إلا انتي مو واحد يحاسبون عليك في كل شي وإستغفري وأكثري حسبنا سيؤتينا الله من فضله إنا إلي الله راغبون واسأل الله العظيم رب العرش العظيم الذي لايعجزه شي في الأرض ولا في السماء أنه يرزقك الزوج الصالح الذي يقر عينك به وييسر أمورك ويفتح لك أبواب رزقه انه علي كل شي قدير أمين يارب العالمين |
الاخ ليش كذا
اتعجب من البعض عندما يتحدث عن التعدد يأتي بسيرة زواج النبي عليه الصلاة والسلام !!!! يا اخي لا انتم الرجال اليوم مثل النبي عليه الصلاة والسلام .. ولا النساء اليوم مثل امهات المؤمنين رضي الله عنهن .. |
| الساعة الآن 11:14 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©