|
كيف أتصرف في الشوفة الشرعية ووش أقول؟
السلام عليكم صباح الورد .. للأعضاء جميعاً أقدمت على خطبة فتاة من عائلة غير عائلتنا .. في وسط بيئة لا تعرف إلا زواج الأقارب والفتاة جميلة كما وصفتها لي الوالدة وعماتي .. ومتعلّمة .. حاصلة على شهادة الماجستير ( ما شاء الله لا قوة إلا بالله ) وكأن فيه موافقة مبدئية من أهلها .. وأقدمنا على إجراء فحوصات الزواج وبإذن الله إذا طلعت الفحوصات سليمة .. والطرفين متوافقين راح ندخل مرحلة " الشوفة الشرعية " .. واحتمال كبير تكون الأسبوع الجاي إن شاء الله بصراحة أنا محتار بهالشوفة .. كيف أقابل البنت؟ أخاف تدخل علي بالمجلس وتطلع .. وأنا ما شفتها زين :d وما فيه أمل بعدين .. أشوفها مرة ثانية .. أصلاً ما لي وجه أطلب هالشي :25: أحس لحظتها بأكون مرتبك .. وخجول .. رغم إني إنسان اجتماعي .. وجريء إلى حد ٍ ما لكن ما تعودت على مقابلة الجنس الناعم .. والتحدث معه مباشرة والشي الأهم .. البنت إذا قعدت معي كيف أبدأ بالحكي معها؟ ووش أقول لها؟:29: وش المواضيع المناسبة اللي ممكن أحكي فيها؟ خصوصاً مثل ما أنتم عارفين .. الشوفة الشرعية يمكن ما تستمر حتى 5 دقايق! أسعفووني .. يا أهل التجارب والخبرة شكلي بأجيب العيد .. قبل يومه :d |
الله يوفقكم ويزرع المحبة في قلوبكم :14:
المهم لاتضيع ولا ثانية انظر اليها جيدا من جميع النواحي واسألهاا عن تخصصها وعن جامعتها وسواء دخلت عليها او دخلت عليك الامر سواء |
عرفها بنفسك و وظيفتك و السكن من باب فتح حوار اسألها عن طموحها تبي تكمل مشوارها التعليمي ولا لا
وبعد كذا الكلام يجر بعضه و موفقين مقدما |
اقتباس:
الله يجزاك خير على دعائك بس بالنسبة لكلامك " انظر اليها جيدا من جميع النواحي " البنت ما تتضايق في الشوفة الشرعية من رجل قدّامها يطالع وجهها ونظرتها وجسمها وشكلها بشكل ملفت؟ |
اقتباس:
هذا من حقوقك من النظره الشرعية وحتى لو استحت اجل لماذا هذه النظره :d |
مبارك عليك الخطبة وياربي يوفقك ويسعدك
انا شخصيا مع اني متزوج لكني شفت زوجتي ليلة الدخلة اتمنى بقية الاعضاء يفيدونك ممن مر بهذه التجربة |
اتم الله عليك..
ووفقك للحلال يحق لك وقت الشوفه تكلمها ومعاها محرم اشياء رسميه.... بس الافضل تسلم و شخبارك تكفي.. و عساها تقدر ترد عليك ما يحتاج تربكها زياده لا تكثر الكلام اذا عندك اشياء مهمه هذي كلم فيها ابوها او اخوها الكبير او عن طريق امك لأمها والتوفيق |
اقتباس:
الله يوفقك شكراً لمشاركتك الجميلة |
هههههههههههه قل لها عن طموحاتك وين حنا
يبدو لي ان الاخ سعودي يعني هو يقول مو قادر يجمع كلمتين لانه اول مره يحكي مع اجنبيه عنه شفي الغالي اول شي نتكلم عنك اهتك بلبسك بس بشكل مو لفت وجدع الزبيريات اللي جاخ بهن عند اخوياك بالاستراحه والبس جزمات مسالة العطر مش مهمه لانها ماراح تشم شيء ,,, اقرا سورة الشرح وحاول انك اول ماتوصل بيتهم تشوفها لانك لو انتظرت بالمجلس ممكن تتوتر اكثر قبل تشوفها حط ببالك اشياء اساسيه وحاول تنتبه لها مثل درجة اللون ,,, الشعر ,,, الطول ,,, السمنه والنحف ,,, حجم الاعضاء مثلا اليدين الاصابع الاظفار!! الصدر ,,, الخ لازم تتكلم معاها حتى تسمع صوتها وبنفس الوقت تشوف تعابير وجهها واسالها اسئله لمجرد ان الجو مايصير كئيب ومحرج يعني انت وش شعورك لو انها هي اللي تشوفك ودخلت عليك وقعدت تناظر فيك اول شيء قل لها هلا فلانه حلو تقول اسمها اسالها كيف حالك مره وحده مو تبتل بس مره وحده اسالها عن تخصصها وهل تبي تتوظف ولاتنتظر اجوبة بل الامسالة مجرد تلطيف جو يعني السؤال اللي ماتجاوب عليه على طول ابدا باللي بعده البنت عادة تناظر الارض لذلك تقدر تناظر فيها بدون مشاكل وانصحك لاتفوت ثانية من قبل تدخل حط عيننك بالباب وتابع نظرك فيها الى ان تخرج انا خطيبتي كانت لابسسه خمار بالشوفه ولما خرجت كانت مبينه شعرها على ظهرها ,,,, شعورك بعد الشوفه تلقاك متردد هذا عادي السبب انك الان تقول اهلك يقولو جميله لانهم يقارنوها بالبنات اللي حولهم بينما الرجل يقارن مباشرة بنانسي الداشره خخخخخ فمجرد انك تحسن ان شكلها مناسب توكل على الله واحد يقول شفتها ومااعجبتني وقال صعبه اتراجع ولما اهله شافوها قالو يالاعمى وشلون مانتبهت لكل هالجمال والشيطان يحاول يدخل لكن 5 دقايق ماتكفي انت حاول تمدد السوالف وترى السوالف تجي يعني لاتخاف لكن زي ماقلت لك لاتخليها جلسة اتفاقات وين نسكن ووين نسافر لا مجرد سواليف عاديه وونتمنى لكالتوفيق ... |
موفق ادعي الله ان ييسر هالمسألة لك
وش تسوووووووووووووووي ماشاء الله ليش كذا ماخلى لك عضوا الا وتشووفه :d ممكن تقووول ناظر فيه زين امكن انا مااعجبك ترى على شانك موب على شان اشوفك موب مسؤول لو بكرة قلتي لأخوانك ماشفته زين:d لااعرف حقيقة:25: |
لدينا النظرة الشرعية لا تتجاوز الخمس دقائق. ويكون حلقة الوصل بينهما ولي أمر الفتاة فهو من يتحدث أما هما لا.
حاول أن تعطي الفتاة فرصة النظر إليك.. فأنظر مثلا إلى والدها أو في الأرض. وفقكم الله،،، |
حبيبنا شكلك تبي ترقد عند اهل البنت
بصراحه من خلال بعض الشباب اللي سولفوا لنا عن رؤيتهم وكيف تمت واحد من الشباب يقول ما راح تطلع من بيتهم الا وثوبك منكب عليه عصير وواحد قبل فتره بسيطه راح يشوف البنت ويقول ما جلست شي دخلت وجلست وطلعت على طول الكلام هذا ولا نص دقيقه حتى بيروح ان شاء الله مره ثانيه يدقق ما امداه يشوفها. فلا تستحي هذا حق شرعي لك تشوفها مره ثانيه يمكن المره الاولي ترتبك ولا تدقق في النظره وبالنسبه للسوالف سلم عليها واسالها عن أخبارها وأخبار اهلها وشي يجر شي هذا ان ما عطتك مقفاها وانحاشت بالتوفيق |
قولهـا امي تسلم عليك .. ^_ بالتوفيـــــــــــــق <-- |
اقتباس:
بالنسبة للسوالف في مجتمعنا مو موجودة في الغالب، بس بالنسبة لي قلت لأخوها بسولف معها ههههه قال البنت مرتبكة وقايله ترى اذا سولف ما اقدر انطق ولا كلمة، المهم تمت الشوفة بدون سواليف، وصراحة ما ألوم البنت أول مرة تكشف لواحد غريب وتبغونها تتجاوب بالسواليف، بالنسبة لك إذا قدرت تسولف فبها ونعمة إذا ماقدرت فمثل ماوصوك الأخوة والأخوات |
حمااس النظررره
انتا شوفها تمام وكلمها وعادي هي بتكون مستحيه عشان كذا لازم تكون جري مووفق |
الله يتمم امورك على خير ياعريس
شوف حبيبي العادة بالنظرة الشرعية الهدف منها النظر ظاهريا الشعر , الفيس , الطول , الجسم ..كل هذا بخمس ثواني تلمحها وهي داخله عليك ويوم تجلس انظر لها شوي وشيل نظرك عنها لان هي بعد لها الحق تنظر لك لاتصير طماع ومن غير لاكلام ولاهم يحزنون ومن تجربتي الشخصية قبل سنة خطبت ورحت للنظرة الشرعية وماخذت على بعضها خمس دقايق قدمتلي العصير وجلست وبس مرة اقز فيها ومرة هي تقز كاني داخل حرب بيني وبين نفسي واقول لنفسي برفع بصري واشوفها اكثر يوم تشيل عينها وماتشيلها الا يوم انا انظر لها والعكس صحيح:) واخوها الكبير يلطف الجو وشافنا اثنينا ساكتين ويهرج معاي وقال ياااااااه ذكرتوني قبل 15 سنة :d وبس انتهت النظرة بدون مانهرج مع بعض المهم قزينا ببعض قز :22: والارتباك بيكون طبيعي والله لاتشيل هم اخوي |
مهما خططت الشوفه بتكون عفويه وفيها خجل كبير
لكن اذا حبيت تبدا بالكلام ناظر لها زين وتمعن بشكلها وخلها بعد تشوف ملامحك واسأل وش شهادتك حتى لو تعرف واسألها عن التخصص وش ناويه تسوي هل تتوظف او تكمل دراسه وووبس |
| الساعة الآن 01:20 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©