ضيف جديد بمعاناه قديمه
 

السلام عليكم ورحمة الله وبركاته
بصراحه المنتدى اعجبني وخاصة انه بيهتم بالحياه الزوجيه ..وعشان كيذا انا لي الفخر في الانظمام اليكم ونقل ما اريد ان اعرفه واتعلمه منكم ومن الاخوه الاعظاء الي لديهم الخبره..
جانب من معاناتي:
بالبدايه انا انسان عاشق بمعنى الكلمه ..فانا احب بنت عمي حب ليس له حدود وليس له نهايه.. انا اموت بشي اسمه(......) بنت عمي والله الذي لا اله الا هو اني صرت اهذي هذيان بحبها ..حتى في الصلاه والله العظيم اني مدري عن نفسي الا والامام مسلم ايش قرا ايش قال ماااااااااادري.. وماخفي اعظم..ياخوان انا خلاص تعبت تعبت مع العلم انها هي بنت عمي عسى الله يحفظها لي ويخليها تحبني وتموت فيني ودائما نختلف مين الي يحب الثاني اكثر بس نتفق اني اكثر وهي اكثر ..حبنا هذا ترى من زمان من يوم حنا باعمار 9سنوات والله اني ماكنت العب غير معها وماتلعب غير معي والحب ولله الحمد في نمو حتى اليوم وللابد انشاءالله ..والان صادفتنا مشكله اننا كبرنا ومانقدر نشوف بعضنا وياليتنا ماكبرنا ..لكن رغم ذلك والله العظيم ان التواصل موجود رغم كل الصعوبات الي نواجها ..سواءً كانت بالتلفون او بالرسايل الورقيه عن طريق الاطفال ونادراً تكون هنا مقابله لصعوبتها..ورغم ذلك كلمت عمي وهي كمان كلمته على الملكه لكن عمي رفض بحجة ان ماعندي وظيفه ...وشوفوا كيف تضحيتها ..قالت لبوها انا ما ابغى مهر ولا شي انا ابي ارتاح ابي اريح بالي والمهر خله كله مؤجل مهي مشكله الين الله يرزقه..وعمي انسان طيب وحبوب لكن خوفه على بنته هو الي يخليه يرفض الملكه الان وهذا من حقه طبعا لكن والله لو يدري انها راح تطلع من حظن دافىء وامن الى حظن ادفى واامن كان ميخاف لكن ايش يدريه عن الاحاسيس الداخليه الي فيني وفيها ...وعمي على فكره تراه يحبني ..والان انا حديث التخرج من الجامعه ...والى الان انا واياها نعاني من لهيب الشوق الي في قلوبنا مع العلم انا مخطوبين من قبل 5 سنوات ...وكما اشرت في البدايه هذا جانب من معاناتي ..وقد نقلت المعاناه باختصار شديد..

استغفر الله العظيم اللهم ارزقني

الله يديم المحبه والحب العفيف بينكم .......... لكن حاول تسعى للشغل العمل مايجي الا بالسعي صلي على النبي عليه الصلاة والسلام بعد الفجر 11 مره وقول ياربي ياكريم يالطيف 100 مره بعدين الصلاة على النبي 11 مره داوم على هالذكر وربي بيوفقك ان شاءلله وتلاقي وظيفه .......

الحب يا اخي هو اجمل شيء بالدنيا خصوصا ان كان مع الاخلاص و اللي بيضفي عليه نغم و نمط خاص رائع بخلي الانسان بنسى اي شيء حتى ان همه الاكبر هو ابراز هالحب الكامن و الرائع , انا من ناحيتي مررت بمثل تجربتك و لا زلت فيها حيث لا اواجه كافة التحديات في سبيل الحب الحقيقي لا الانسان ان احب افلح حاول ان تصلح احوالك المادية و ان تكون كفئا في كل الاشياء اري عمك نجاحك , اسعى للنجاح لتزيد من حب محبوبتك لك , فانها انما تريدك لزاتك لزا عليك ان تطورها و ان تمنحها مقابلة الثقة و التضحية التي منحتك ايها حب اكبر من الزي تحبه بكثير اعشقها حتى الموت او كما يعبرون بالرياضيات خلي حبك يجاوز الانهاية بعملك و جدك و ارجوا لك حياهة هادئ و رائعة ملئ بالحب و الحنان بينكما و ادعو الله لك بالخير الوفير و الباركة برزقك , و اكرركلامي الحب هو الشيء الوحيد في الانسان الزي يستحق ان يضحي بكل شي لاجله , انا عندما ما فقدت محبوبتي بحت عنها في كل الاماكن و الحمد لله و بعونه و جدتها .

حاول العثور على عمل و كد من اجلها اريها ردك على تضحيتها فكل هاشي يزيد من محبتكما

تزوجوا فقراء يغنيكم الله من فضله
 

اخى الكريم ابحث عن اقر ب الناس اليه ليزكر ه بتيسير الزواج وان كليكم انت وهى ابناؤه
وان هدفك هو حفظ كرامتها والترابط الاسرى
اللهم اعنه اكثر من الصلاة على خير البرية احمد صلى الله عليه وسلم
واعلم انها لاتستطيع اسعادك الااذا اراد الله ذلك

يا حظكم بهالحب المتبادل ... بارك الله فيكم وجمع بينكم بالحلال ... اخي العزيز حاول وثابر على تدوير العمل ولو بسيط ...لانك مثل ما ذكرت عمك يحبك ... وما راح يصعب عليك وتفاءل ... تصدق تأثرت بكلامك ووصفك ... وحسيت بالحزن عليكما بسبب البعد والفراق وكثرة الشوق ... تمنياتي الصاااااادقة والخالصة لكم بالزواج القريب ان شاء الله

الله يعينك ويفتحها بوجهك وتلقى وظيفه وتبشرنا بزواجك

اسأل الله أن يجمعكما على خير إن شاءالله وعليك اخي ان تسعى للبحث عن وظيفة وتقرب الى الله سبحانه بالدعاااء لتفريج همك
وتيسير أمرك وتذكر دائما إن مع العسر يسرا إن مع العسر يسرا , لا يغلب عسرا يسريين
واطلب من الله بقول سيدنا موسى : رب إني لما أنزلت إلي من خير فقير...
وقول سيدنا زكريا عليه السلام : ......رَبِّ هَبْ لِي مِن لَّدُنْكَ ذُرِّيَّةً طَيِّبَةً إِنَّكَ سَمِيعُ الدُّعَاء {38} سورة آل عمران

وأكثر من الاستغفار ولاحول ولا قوة إلا بالله
وأسأل الله أن يناولك ما أردت ويحقق لك ما تمنيت ويرزقك الزواج بابنة عمك في أقرب وقت والذريه الصالحه

اذا الحب دعى الى معصية الله من حديث ومكالمات ورسائل , فهو باطل ويحاسب على آثاره يوم القيامة , وما عليك الا الزواج ان كان حبك صادق قال تعالى (( الْأَخِلَّاءُ يَوْمَئِذٍ بَعْضُهُمْ لِبَعْضٍ عَدُوٌّ إِلَّا الْمُتَّقِينَ )) , ولا تفضل حبك وشهوتك على حب الله وطاعته , فمن أحبا شي غير الله عذبه الله به

شكراً للاخوه الاعضاء جميعهم على هذا التفاعل والردود السريعه التي تفاجأت بسرعتها وهذا من طيبكم وحبكم للخير :
اولاً: الى جميع الاخوان والاخوات الي قالوا لازم تبحث عن عمل ...والله العظيم اني قاعد ابحث عن عمل واسعى والرازق الله وانا راضي بكل شي لان كل شي من الله وانا ولله الحمد مقدم على على وظيفه عن طريق الديوان وأسأل الله عز وجل ان يرزقني ويوفقني ويعينني على الاخلاص بالعمل ..وانا مثل ماقلتلكم توي متخرج من الجامعه مالي اربع شهور ... وكنت اخذ اترام صيفيه من يوم مادخلت الكليه عشان اخلص بسرعه وهذا كله عشان اوصل لـ(.......)
ـ اختي Hiba والله ان حبها مسيطر علي سيطره مايعلم فيها غير الله عزوجل وهي كمان نفس الشي لدرجة انها مرات تدوخ عند اهلها من كثرة التفكير اما انا فتفكيري منشل تماماً لدرجة اني مرات اذا كنت جالس مع مجموعه او أي احد وكان يكلمني والله العضيم اني بس اطالع فيه وماني معه فالنهايه احرج نفسي اذا سألني ..ودايما بالي مشغول مشغول وانا والله ودي اعمل بنصيحتك يا اخت Hiba وهذا الشي طبعا ماراح ينقص من حبي لها لكن ما اقدر ما اقدر..

ـ شكرا يا اخي ضاحي على هذه الدعوه وجزاك الله خير
ـ Amooorشكرا لك على هذا الكلام الحلو وبنت عمي احبها حب مايعلم فيه غير الله عز وجل
ـ ابو ابتهال شكرا لك عمي ماراح يصعب علي الزواج وما يحتاج مرسال يفهمه بالعكس عمي انسان طيب وحبوب لكن مشكلته الخوف وعدم اتخاذ القرار بسرعه وانا ياما صارحته اني احب بنتك واموت فيها لكن بطريقه غير مباشره وهي كذالك .

ــ وردة الربيع :شكرا على الاحساس الطيب هذا وعلى تاثركي بالكلام وعلى هذي الدعوه الحلوه(تمنياتي الصاااااادقة والخالصة لكم بالزواج القريب ان شاء الله)


ـ اخي جمر جزاك الله خير والله الواحد ميدري ويش يسوي لكن انشاء الله ان حبي لها حب عذري والمكالمات والرسايل والله ان معضمها بل اغلبيتها لابد انها تشتمل على تذكير بالدين واموره وبعدين انا ماني مقدم حبي لها على حب الله ورسوله مثل ماتقول فارجوك لاتتبلاني واخوي ابوخالد ترى الخشوع بالصلاه يعتبر مجاهده وانا قاعد اجاهد نفسي وانا عارف ان الشي هذا غلط لكن الواحد يسوي الي يقدر عليه والباقي على الله
من المواقف الغريبه بيني وبينها :
1- اثناء مانتكلم مع بعضنا بالتلفون (وطبعا الاتصال يكون فيه شوية صعوبه حتى تتصل بي عشان اخوانها وكيذا ومرات تمر خمسه الى سته ايام ومسمع صوتها وبالفتره هذي انا انجن مدري هي طيبه ولا مريضه ويسير بالي مشغول)فالمهم اثناء الحديث مرات يفاجأ كل واحد فينا الثاني بكلمة احبك فالموقف الجميل والغريب انه دايماً نتفاجأ انا نقولها مع بعض بنفس الوقت واللحظه واقول سبحان الله الله يكون بعونا يا(......)
2- وهذا الموقف قريب جدا …توه …الشاهد ..ان عمتي الي هي امها جابت بنت قبل فتره..وكانت هي حياتي تتبادل مع خواتها المرافقه مع العمه وصار يوم من الايام جبت امي واختي عشان يزورونها شي طبيعي ..وبعد مادخلو الغرفه جيت انا راجع رايح لغرفة الانتضار وحسيت احساس كبير انها موجوده وماانتهى الاحساس الا واسمع صوت مشي وراي الا هي (…..) حبيبتي ..وعشان الممرضات رايحات جايات وكمان الزوار انا سويت نفسي معرفها وهي كذلك اجادت الدور فمرت من جنبي رايحه للمرضه عشان تسالها سوال عابر عن اي شي فوقفت انا وانتضرتها ترجع ..وفعلا وهي جايه مقبله طالعت بسيب المستشفى ومافيه احد وكأن السيب والجدران والمستشفى صنع الفرصه لنا حتى نكلم بعض ونسلم على بعض فياسبحان الله …جيت مقبل وهي مقبله وخامستها وخامستني مع كلمة مشتاقلك وكملت ممشاي وكملت ممشاها والقلوب تنبض والعيون تدمع وبعدين راحت لمها عشان متحس بغيبتها وانا رحت لغرفة الانتضار وشوي الا امي واختي طلعوا وروحنا وانا في حاله يرثى لها..

بالله عليكم محد يواخذني لاني والله لوني لاقي قلب مفتوح من اهلي واخواني واقدر اتكلم معه عن الي احس به كان ماكتبت لابمنتدى ولا غيره لكن الله المستعان..


ولكم جزيل الشكر

السلام عليكم

اخي الكريم معاناتك وايد يعانونها.. أنا لي مخطوبه مده طويله والسبب الوظيفه بس الحمدلله تحدد وقت الملكه .. والله بدعاء كل شي ينحل ..أنا وخطيبي عانينا كثير بس جى الفرج والله يسهلك بس لا تنسى الدعاء والخشوع في الصلاة

الحمد لله على كل حال وربنا كريم انشاءالله والله يوفقني ويوفق كل واحد اراد ان يكمل نصف دينه ....
لكن عندي نصيحه لكل مقبل على الزواج ...وهو انه يحسن الاختيار ويختار الي يحبها لان الزواج يا اخوان ويا اخوات مهو يوم ويومين تراه عشره طويله والسلام عليكم ورحمة الله وبركاته

ادعولي تكفون بالدعوه الصالحه ولكم جزيل الشكر