|
استشارة عن زواج النت ؟؟؟
يااخوان عندي استفسار واتمنى تجاوبوني وتدلوني انا تعرفت على شاب عن طريق الفيس كصداقة بس مافية حب يعنى ماحبيتة ولا هو حبني اعتبرة كاخو لي وبعدين تفاجائت يقول يبي يخطبني واللة مااعرف شي عنة بس هو من قبيلتنا عمرة 28 عازب يتيم ابوة متوفي هو ساكن بالدمام هو وراني صورتة بالكام شكلة جيد بس شوي سمين بس مو مهم عندي الجسم المهم يبي يخطبني وقالي كم مهركم قلتلة 40000 قال موافق واشترطت علية يسكن في نفس الحي الي يسكنون اهلي قال موافق اهم شي تكوني مرتاحة واشترطت كمان اكمل دراستي واتوظف قال موافق على شرطك اهم شي تكوني مرتاحة هو متجنس سعودي المهم قالي انا ابغاك وبكلم امي واخواتي عشان نجي عندكم واخطبك من عند اهلك انا مرتبكة ونفس الوقت خايفة انة يكذب علي وبعد القصص الي اسمعها اتعقدت المهم قلتلة بشوف
وش تنصحوني اوافق علية ولا ارفضة لانة من النت طيب لو وافقت علية كيف اكلم ابوي لو عرف اني اكلمة بالنت بيرميني من العمارة وبيخليني عبرة للناس :24: سوري بس ابوي متشدد وهل ينجح زواج النت جاوبو علي :29: |
http://www.66n.com/forums/showthread.php?t=226414
هذا الموضوع يفيدك بإختصار لا ثم لا ثم لا لكن لايمنع من الاستخارة الله يوفقك نصيحة ابتعدي عن هذا الزواج لأن مابني على باطل فهو باطل اطلبي من الله الخير لك واستخيري كثيرا ماقرأت عن زواج النت بفشله بسب مايتبعه من امور منها الكذب وشك ووجع راس والصبر على نار العنوسة والطلاق افضل من الخوض في مثل هذه الامور اصبري واسجدي واطلبي ربي يعجل رزقك لاتدخلين في دوامة الله يغنيك عنها إذا الزواج عن طريق موقع الزواج الا مارحم ربي فاشل وكذابين مابالك عن طريق فيس او مسن او موقع اكيد من باب اولى معليه صدمة وخذلان لولا اني اريد لك الخير لمانصحتك مااريد دموعك تزيد اقطعي علاقتك به وتذكري ربك وان ماتعملينه حرام وخافي لايوثق الشيطان حبه في قلبك والله لو درى والدك راح تصير علوم وراح يضيقون عليك اكثر ولا تخلين ثقة اهلك فيك تروح هدر وفقك الله وابعد عنك كل سوء |
ما حصل بينكما لا يخلو من الخطأ، وتصحيح كل ذلك يكون بالتوبة النصوح، ولا مانع من أن يطرق باب أهلك، مع ضرورة أن تكتموا ما حصل عن الناس بعد أن تتوبوا لرب الناس
انا لا اؤيد فكره الزواج من الانترنت لأنه لا يعطي إلا جزءا يسيرا من الحقيقة، ولأن الكلام الجميل العذب يجيده كثير من الشباب، ولكن ما أكثر الذئاب، كما أن المعرفة عن طريق الإنترنت تدل على إعاقة اجتماعية وأن التعارف عن طريق الهاتف أو الإنترنت لا يجوز شرعاً واخيرا اختي احب اقولك أن الإسلام كرم الفتاة المسلمة فجعلها مطلوبة عزيزة لا طالبة ذليلة، بحيث لا يستطيع الرجال الوصول إلى الفتاة المسلمة إلا بطرق الباب |
اهلين اختي
اول شي اختي من الفيسبوك مانصحك ابدا وارفضي الموضوع واقطعي علاقتك معه نصيحتي وهي وحدة من الثنتين يانه بيستدرجك شوي شوي ويعيشك جو انك خطيبته لين يتقدم رسمي لين يتمادى بالعلاقة اكثر مقابلات وصور وانتي فاهمة الباقي وبعدين يقع الفاس بالراس ..,, او انه صادق بس نزوة جاته وتفكير شهواني وشكله انطوائي ويبي شريكة حياتة باية وسيلة كانت بس مجرد مايتقدم ويبدء الجديد راح يفكر منجديد وممكن يفسخ الخطبة او يعيشك بعذاب ..؟ دامه مقتدر عالزواج ليه مادور له عروسة بدل الفيسبوك ... وهو ادرى منك بمصايب الفيسبوك وان كان جاد مانصح بها العلاقة بما انك عنده تاكدي معه غيرك كثيرين :: واذا تبين بالحلال كيف تبين ربي يسخرلك عيال الحلال وانتي عالفيسبوك وصداقات مع شباب ..‘‘ والله يوفقك ويسعدك تحياتي |
نصييييحه لا تواااافقي عليه ابد زوااااج النت فاشل ميه بالميه وشي أكيد بيكوووون شاااك في كل وقت زي ماتعرفتي عليه بيقووولك أكيد باي يوووم بتتعرفي ع غيري ودارون ابوووك بيومين من العماااااره عشان شاب من النت لاتخسري ابوووك أغلا ماااعندك عشان شاب تعرفتي عليه عن طريق النت لااااااتوااافقي ونصيبك بيجي بإذن الله اتمنا وتقبلي نصيحتي لك......
|
ياختي عليكِ :) ما شاء الله صارت النظرة الشرعة واتفقتوا عالمهر والبيت والدراسة ، باقي الدخلة بس ؟ ما بقيتي شيء للرجال الله يصلحك، أجل يتفاهموا معاه على ايش :) دامك عارفه ابوك بيرميك من العمارة ليه كلمتيه وخنتي ثقة أهلك فيكِ ؟؟ يفيدوكِ الاخوان ان شاء الله بسؤالك .. الله يستر عليكِ .. |
اقتباس:
وبعدين ماتكلمنا عن امور جنسية او غزل وربي على مااقول شهيد كلة اسالة عايدية وبعدين اي خيانة كلمتة بالفيس كتابة وابوي تعرفين الرجال تقليديين طبيعي بيغضب لو عرف وش فيكم متعقدين !!!!!!!!!! |
نعم نحن معقدون كما قلت لأم عمر...
إن كنتِ صادقة وهو صادق فقومي بإعطائه رقم جوال أخيك الأكبر، ويتصل عليه، ويتعرف عليه، ويأتي لخطبتك عن طريق مجلس الرجال. |
:* إذا والدك محتاج مساعدة في رميكَ من فوق العمارة نحن بالخدمة:d :* الله يهدي بناتنا مستحيل يتعلمون ويموتون في أنهم يكونوا ضحايا إبتزاز :* |
[SIZE="4"]وش تنصحوني اوافق علية ولا ارفضة لانة من النت
طيب لو وافقت علية كيف اكلم ابوي لو عرف اني اكلمة بالنت بيرميني من العمارة وبيخليني عبرة للناس سوري بس ابوي متشدد وهل ينجح زواج النت جاوبو علي يأخية شيء بدايته خطأ اكيد نهايتة ستكون مؤلمة انتي قلتي انها من النت هل صدقتي ان الصورة صورته ؟ هل صدقتي انه سيأتي ليخطبك ؟ قلتي انه ينتمي لقبيلتكم وعمره 28 فأكيد انه رجل لايحب ابدا الارتباط بفتاة عرفها عن طريق النت وردت عليه عمره كبير وهذه المصيبه بل داهية احذري منه ويمكن ايضا متزوج وكل كلامه كذب في كذب الاعضاء كلهم ردودهم كانت قاسية لانهم يريدون مصلحتك فأتنبهي لنفسك واتركيه (( ومن ترك شيئآ لله عوضه الله خيرا منه ))[/SIZE] |
اختي كما قال لك الاخوان
نصيحة ابتعدي عن هذا الزواج ( زواج النت) فاشل فاشل فاشل فاشل فاشل واتمنى لك التوفيق والسداد رزقك الله زوجاً صالحاً |
يااخوان انتم فاهميييييييييييييييييين القصة غلط الولد قالي عطيني رقم ابوك او امك عشان اخطبك وانا محتارة بهالمسالة اعطية رقمهم او مااعطية رقمهم وابي طريقة عشان اعطيهم رقمهم ماقلت بطلع معاة فندق او يبتزني بصور او قلتلكم افتحلة كام ووووووومدري اية
|
ياختي دموع
علاقات الفيسبوك جدا فاشلة وربي لاتندمي على قد شعر راسك .. وعقلك براسك وتعرفي خلاصك وخلاص ياختي دامك مقتنعة بها التجربة من بعد مانصحناك انتي بكيفك وياخوفي تعطيه رقم البيت ويمسك عليك شي,, المهم اعطيه رقم البيت وخلي امه تتصل عليكم تتفاهم مع امك تحدد لكم زيارة عائلية يشوفوك اهلك وكذا بس عاد عليه هو يقنع اهله يتصلو عليكم وماظن بيواجه مشكلة الموضوع جدا سهل قوليله بعطيك رقم البيت وتخلي اهلك يكلمو اهلي ويحدوو موعد للزيارة بس فيسبوك جدا سمعته سيئة وحطي ببالك ان له صداقات مع غيرك واذا ماعندك مشكلة من هالناحية الله يوفقك اعطيه رقم بيتكم وخلاص بس الله يستر من المستقبل ترا مالجأ للنت الا الي يعاني من فراغ يعني الله يعينك تحملي عيوبه بالمستقبل والله يكتبلك الخير ان كان خيرا لك يجعله من نصيبك وان كان شرا لك يبعد عنك بس من رايي (( وافق شن طبقه)) يعني اثنينكم اصحاب علاقات وصداقات والله يهنيكم ببعض تحياتي |
يعني انتي تسمحي لتفسك وراضية تتزوجي بالطريقة هذي
اصلا لو هو رجل بمعنى الكلمة مارضي لنفسه يكون زواجه بالفعل هذا اما انه فعلا يعاني من فراغ او انه يطقطق عليك طيب لو عرف والدك او احد من وين جاب الرقم وش رايك؟؟ احذري .. تفعلين امر تندمي عليه ولاتعرفين ماهي نتائجه ::: |
الله يهديك ويسترنا واياك وبنات المسلمين بستره ..
ويحفظك بحفظه .. |
:* صراحة خفت عليكِ بعد آخر رد لكِ أختي لاتعطي هالشاب أي رقم سواء ثابت أو جوال أحذريه ثم أحذريه ثم أحذريه والله يا أختي لو عطيتيه أي رقم راح تندمي طول حياتك ياعمري ياكثر البنات إلي تدمرت حياتهم عشان رقم وعشان ثقة صرفت في غير مكانها أختي خليكِ مع الله وفي ظله صدقيني هالمعاصي تغضب ربي ولاتتوقعي التوفيق وأنتِ تغضبينه لكِ نصيب راح يجيكِ لحد عندك فليش تستعجلي وتوقعي نفسك في المهالك. .؟! لاتفضحي نفسك وعائلتك وأبعدي عن هالطريق المظلم لأن نهايته مأساة :: الله يحفظك ويصرفه عنك ويهديك للصراط المستقيم :: |
س: هل عادي عندك غدا أنه يكلم حريم بالنت ؟
س : هل عادي عنده أنك تكلمين رجال عبر النت ؟ |
أختي ابتعدي عن مثل هذه الزواجات الفاشلة، وانتظري الزوج الحقيقي، وابتعدي عن مخالطة الشباب فهذا اتقى لك وحافظي على كرامتك لأنه الذي سيخطبك مستقبلاً سيظن أن لاعلاقات لكِ
|
اعطيه رقم ابوك وشوفي كيف يهددك و يبتزك
|
شووووووووووفي بقووولك شي لاااحظي اغلب كلااااام الشبااااااب عنك ايش يقووولون خصووصا هتلر وحتى البااقين واذا لاحظتي صدقيني بتبطلي الزوااجه هذي لانها غلط في غلط ورا يجي وووم يهينك عشاان كذا قلت لك شووفي رد الشبااب لك وترى رد الشاب اللي تعرفتي عليه زي ردهم<<اتمنى تكبري عقلك ترى علااقاات الفيسبوك كلهاااا مصخخخخخخخخره من جد انتبهي لنفسك لاحد يلعب عليييييك ماافيه احد يتعرف على وحده ويقوول بخطبها كثير بنات تزوجوا عن طرريق النت وانهااانوا بس لعبووا فيهم,,,,اتمنى لك زوج غير هذا يجي يخطبك ويتزووجك من غير تعااارف وحركاات ماالها داااعي,,,:(
|
والله يااختي لاتدمرين حياتك شتسوين في الفيسبوك السخيف انصحك ماتدخليه او على الاقل ماتقبلي اي اضافة غير صديقاتك والله مدري بشنو عاجب الناس هالفيس بطيخ!!!
الله يهديك ويصلح حالك اتمنى انك تحذفيه وماتتهوري |
بعدين انتي كل يوم لك سالفه !
مره تطلقتي و مره تعلقتي بولد خالك اللي عمره 16 و الحين علاقه فيسبوكيه !!؟ ماعرفنالك ,, !!! |
اقتباس:
شوفي الردود وانتِ تعرفي إذا أبوكِ تقليدي ، ولا انتِ شاطحة .. الردود من الجنسين أنكرت فعلتكِ .. والكلام إذا كان كتابة ما يفرق كثير عن المسموع ممكن بكرة تجي وقولي لنا كلمته بالجوال بس كلامنا عادي مو عن أمور ..... !!! احذفي الشباب من صفحتك وريحي بالك واحفظي ثقة أهلك فيكِ وما دامكِ تعرفي أن الأمر يُغضب والدكِ فالأولى بكِ تجنبه .. الله يستر عليك وعلى بنات المسلمين .. |
نصحيه اختى احتمال كبير بمجرد تعطيه رقم جوال ابوكي او اخوكي بكل بسا طه يبدء الابتزاز تخضعي لطلباته ولا يرويهم محادثك معاه انا بصراحه ما اعرف الفيس بوك هذا بس لو فيه امكانيه حفظ المحادثه بوريهم لو ما لبيتي رغباته علاقه مثل هاذي كلها كذب وخداع الله يسخر لك الحلال ويبعد عنك الحرام
|
حبيبتي شوفي الكل حكم من وجهت نظره والكل يعرفها عن زواج التعارف مجتمعنا مايقبل
ثاني شي ممكن هالرجال صادق وممكن يكذب لاتسوي شي ممكن تندمين عليه في يوم من الايام صدقيني نصيحه من أختك خلي هالشاب وأدعي الله بالزوج الصالح ولو تزوجتيه تخلي يوم من الأيام يدري أبوك وأخوانك أنكم علي علاقهم قبل زواجكم صدقيني بيكون شكلك سخيف جدا علي قولتهم أبعد عن الشر وغني له |
لا تتهوري أختى
ان ارادك فعلا يتقدم للبيت طالما عرف عنوان بيتك لماذا لم يتقدم؟ لاتعطيه لا ارقام ولاغيراته عنوان اليت معاه خلاص يبقى يرسل والدته و انتهى بالتوفيق |
حبيبتي اعطيه رقم ابوك وخليه يقوله انه جاي من طرف واحد فاعل خير ومايبغى يقول اسمه
اذا اصر ابوك انه يعرف من هالادمي خليه يقوله ان انت اسأل عني وكذا واذا اعجبتك اخلاقي وسمعتي نتفاهم في الامور الثانيه اهم شي خليه يبعدك عن السالفه واصري عليه وماعليك من اللي يقول عن زواج النت وخرابيطه اذا الشخص غلط وحاب يصلح غلطه بالحلال فالله يكون عون له في سعيه للخير مو للشر اعرف بنات متزوجين عن طريق النت سبحان الله جات صدفه وربي يسرها لهم الطريقه التقليديه او اي طريقه اخرى كلها نفس الشي نهايتها زواج ولكن الوسيله تختلف والتوفيق من الله استخيري الله واكثري من قول اللهم استر عوراتي وآمن روعاتي والله يسر امورك كلها |
ياختي الزواج الي كيذا نادر يستمر
انا عن نفسي راح اسك فيه انه تكلم واحد غيري والشك راح يكبر بينكم واذا كان عمرك صغير يجيك رزقك ومن ابوكي احسن مو من طرفك وبعدين شاب ماتعرفيه والغريب يوافق على شرط السكن في الحي لاكن استخيري وانتي تقولي ماحبيته يعني لالالا تستعجلي مستقبل مو لعب اطفال وراكي اطفال وتكوين اسره والله يكتبلك الي فيه خير يارب |
الي عجبني و ضحكني في موضوعك هو انك اعطيته رقم مهرك كانك تباع و الله مسخرة يا اختي حطيت من قدرك لهذه الدرجة سامحني على اسلوبي معك لان اسلوبك استفزني جعلتي من نفسك قطعة اثاث
اما موضوع الزواج عن طريق النت لا اقول فاشل او ناجح لان ليس هناك قاعدة ثابتة في الموضوع لان كل واحد و عقليته و هناك الصالح و الطالح يقدر يكون الزواج تقليدي او عائلي و ما ينجح اهم شئ لا ترخص نفسك و تسبق الامور ادا كنت تريد ان تعرف نواياه شوف اي احد من عائلتك ترتاحين اليها او اليه و تعطيه رقمها على اساس انها او انه امك او ابيك و شوفي كيف سيتصرف اما ان تعطيه رقم مباشرة فلا انصحك اعميلي الي انا قلت لك و كل شئ سيتضح |
اقتباس:
فهذه لفتاة لعووووووب رحمك الله يا اخيه اعقلي وحطي الرحمن بصدرك وان كنت ولد وجالس يستهبل فاعلم انه المتتدى فتح للاستفاده من الاراى لاننا بحاجه الي النصح والارشاد فاصبح النت موجها ومعلما بينما مازال البعض في رجعيه بسبب الاستهبال |
| الساعة الآن 12:33 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©